حبة الفراولة #7

الحلقة السابعة

* * * * * * *

تذهب حسناء الى عملها و بمجرد ان تدخل الى الشركة يقابلها حسن الذى تبدو عليه آثار التعب و الارهاق و الغضب الشديد .. تفكر ان تذهب لتعرف ما به , و لكنها تتردد , و قبل ان تفكر حتى يأتى هو فى اتجاهها ...

حسن : ازيك يا حسناء عاملة ايه ؟؟

حسناء : تمام الحمدلله , انت عامل ايه ؟؟

حسن : مش كويس خالص زى ما انتى شايفة ..

حسناء : اه واضح عليك , مالك ؟؟ .. ايه اللى حصل ؟؟

حسن : طيب ممكن نتكلم بعدين , فترة الغدا نطلع ناكل سوا و نتكلم , تمام

حسناء : تمام .

و فى فترة اللغداء , ذهبت حسناء مع حسن الى مطعم قريب من الشركة , و جلسا يتحدثان .

حسناء : هاه بقي , مالك ؟

حسن : مشااكل مش بتخلص , كل يوم خناق و قرف , اتخنقت من كل حاجة

حسناء : ليه كدة بس ؟

حسن : هو انا انانى ؟؟!!

حسناء : انانى !!! , ايه الى بيخليك تقول كدة ؟؟

حسن : هالة امبارح اتخانقت معايا , و بتقول انى انانى , كل ده عشان حاجة تافهة جدا , انا مش لازم يعنى اقضى معاها الـ 24 ساعة عشان تتأكد انى بحبها . كل يوم خناق .. انت مش بتقعد معايا , احنا مش بنتكلم .. احنا ....

حسناء : بس بس ... اهدى شوية .. ممكن ؟؟ .. و بعدين انت متتعصب كدة ليه ؟؟ ,, مفيش حاجة بتتحل بالزعيق على فكرة

حسن : اعمل ايه يا حسناء , ما هى كلامها مستفز , يعنى ايه مش عايزانى انزل شغل بليل و كفاية عليا شغل الشركة

حسناء : ماشى ,, بس براحة بردو .. انت المفروض تتكلم معاها بهدوء عشان تعرفوا تحلوا مشاكلكوا , و موضوع الشغل ده اكيد هيبقي مؤقت لحد ما تتجوزوا صح ؟

حسن : لا طبعا , انا مش هسيب شغلى ابداا , انا مش عايز اوقف حياتى عشان تبقي هيا مرتاحة , المفروض انها كمان تدور على راحتى ولا ايه ؟

حسناء : عندك حق بس بردو مفيش حاجة بتيجى مرة واحدة , انت لازم توضح لها وجهة نظرك و رايك , تخليها هيا الى تطلب منك الى انت عايزه بنفسها .

حسن : انتى طيبة اوى يا حسناء , مفيش بنت هتطلب من الراجل اللى هو عايزه

حسناء : لا فى , لما بكلامك تحسسها ان الافضل انها تكون راضيةى عن اللى انت بتعمله و ساعتها هيا الى هتوقف جمبك عشان تحقق الى انت عايزه , و لا ايه ؟

حسن : لا ....

حسناء : انت مش بتقول انها بتحبك ؟

حسن : ااه .. ده ايه علاقته

حسناء : هتكلمك , الى بيحب بيشوف راحته ف راحه اللى بيحبه , و طالما انت وضحتلها انك مرتاح ف الشغل ده يبقي هيا كمان هترتاح عشانك .

حسن : مش بقولك طيبة اووى , انتى عايشة ف عالم تانى يا بنتى , اللى انتى بتقوليه ده ف الافلام وبس .

حسناء : انت حر , انت الى مش عارف تقنعها .

حسن : ما علينا , ممكن نغير كلام ف الموضوع ده عشان انا مش قادر بجد .

حسناء : تمام , براحتك . احنا اصلا خلاص هنرجع الشركة عشان وقت الغدا خلص

حسن : يالا بينا .

كانت المشاكل كثيرة جدا بين حسن و هالة آنذاك , هى لا تتفهم موقفه , و هو لا يحاول ان يشرح لها . و انا كنت المشتته بينهما , فقد اصبحت انا و حسن صديقين مقربين جدا , حتى اننى تعرفت على صديقه ماجد و اصبح ثلاثتهم اصدقاء مقربين جدا . 

حتى جاءت اللحظة التى قلبت كل شئ رأسا على عقب .. 

حين يتدخل الحب فى الصداقة يتحول مجرى الامور من الثقة الى الخوف , ليس الخوف من اشخاص و لا عدم الثقة فى اشخاص . و لكنه خوف من مواقف شتى , عدم الثقة فى اللحظة , الخوف من الموقف الذى تقف فيه امام شخص تقدره و تكن له الاحترام و ترى فى عينيه الحب , و الاغرب من ذلك ان تكن له نفس الشعور .. الحب .. 

* * * * * * 

حسناء : و انا هقدر اعيش من غيرك , بس مش هقدر اعيش وانا حاسة بالذنب تجاه هالة , هيا ذنبها ايه ؟؟

حسن : هيا مالهاش ذنب , هيا لو بتحبنى بجد ربع الحب اللى انتى بتحبيهولى هتفهم , هتقدر وضعنا , هتعرف اننا ما ينفعش نعيش بعيد عن بعض تانى , كفاية انى كنت مستحمل كل ده عشانك انتى , عشان وعدتك ف يوم انى هحبها و اخلص لها , بس .. بس كان فى حاجة ف قلبي كل ما اقرب منها بتقولى مش هيا دى اللى انت بتحبها , مش هى دى اللى دقات قلبي بترقص وانا معاها . كان دايما فى حاجة ناقصة .. كل حاجة بتكمل معاكى انتى وبس , انا وانتى بنكمل بعض , و انا مش قادر اعيش خلاص بنصف قلب و نصف عقل , و نصف روح ...

حسناء : بس يا حسن , كفاية عشان خاطرى , ليه مصر كل مرة انك تمسك خنجر وتفضل تطعن ف قلبي , ليه مصر تعذبنى , ليه بتحرق قلبي و تدمع عيونى ؟؟

حسن : انا اسف , مش قصدى انى اجرحك , بس انا عايز ارتاح معاكى , انا وانتى عمرنا ما هنشوف الراحة غير ف حضن بعض ..

حسناء : ايه اللى انت بتقوله ده ؟؟ !! . انت متجوز .. هالة ما تستاهلش كل ده منك , مش ذنبها انها حبتك ..

حسن : تتجوزينى يا حسناء ؟؟!!

حسناء : .....................

حسن : تتجوزينى ؟؟!!

حسناء : اطلع براا 

حسن : حسنااء عشان خاطرى فكرى فينا لحظة 

حسناء : قولتلك اطلع برا حالا .. مش عايزة اشوفك تانى 

حسن : عشان خاطرى اسمعينى , عشان خاطرى ما تقتليناش تانى , بلاش عناد قلبي خلاص مش مستحمل .. 

حسناء : ابعد عنى بقي .. كفااية كدة .. كفاية ... 

تضع حسناء يدها على اذنيها و تصرخ بصوت عالى و الدموع تنهمر على وجهها , تحول وجهها للون الاحمر , و أمتلأت عيناها بالدموع , اخذت تصرخ حتى ضاع صوتها و شعرت انها ستفقد وعيها , تحركت من مكانها و خرجت من الغرفة حتى امسك حسن يدها و سحبها الى الغرفة مرة اخرى , و قف امامها فى صمت , ثم نظر اليها و الدموع تملأ عيناه ثم حرك رأسه قليلا و ضغط على يدها ..

حسن : خلاص .. انا اللى همشى , مش عايز اشوف دموعك . المهم عندى انك تكونى كويسة .. انا همشى و هسيبك دلوقتى , بس اهدى عشان خاطرى , وحياه كل لحظة حلوة بينا مش عايز اشوف الدموع تانى ف عنيكى 

يغادر حسن الغرفة , تجلس حسناء على طرف السرير و تنهار فى البكاء , تنظر مليا الى باب الحجرة و بعد لحظات يأتى اخاها احمد و وفاء زوجته , و بمجرد رؤيتها يجرى حسن فى اتجاهها , و يجلس بجوارها .. 

احمد : حسناء مالك؟؟ , انتى كويسة ؟؟

حسناء : حسناء انا كويسة , عايزة امشى من المستشفى حالا .. 

احمد : يا حبيبتى , و حشنى صوتك اووووى 

وفاء : حمدلله على سلامتك يا حسناء 

حسناء : الله يسلمك , وفاء من فضلك ساعدينى الم حاجتى من هنا , عايزة انام ف بيتنا النهاردة 

وفاء : حاضر يا حبيبتى , انتى استريحى وانا هلم كل حاجة .. 

احمد : ممكن اعرف طيب بتعيطى ليه ؟؟ , بلاش تقطعى قلبي عليكى 

حسناء : انا كويسة يا احمد و الله , بس اتخنقت اووى من المستشفى 

احمد : طيب يا حبيبتى , المهم انك كويسة , انا هروح اقول للدكتور انك هتروحى معانا و هشوف الاجراءات ايه على ما انتى تجهزى . 

حسناء : ماشى .. 

يخرج احمد من الغرفة و تبدأ وفاء فى جمع متعلقات حسناء من الغرفة , و تخرج لها من الدولاب بنطلون جينز و بدى ابيض حتى تغير ملابسها , و تدخل حسناء الى الحمام حتى تغير ملابسها , و اثناء ذلك تجد وفاء و رقة ملقاه على الارض فتحملها و تفتحها وتجد بها كلام كثير من المؤكد يخص حسناء , تضعها فى حقيبة حسناء و تكمل جمع الاشياء . بعد ذلك يأتى احمد بصحبة الطبيب الذى اوصى حسناء بالراحة و عدم التعصب او البكاء . 

يغادرون المستشفى و بمجرد ان تاصل حسناء الى بيتها تدلف الى غرفتها و تلقى بجسدها الى السرير .. 

بعد لحظات تأتى وفاء لتقتحم صمتها ذلك . و تقف عند باب الغرفة طلب منها الاذن ان تدخل 

وفاء : ممكن ادخل ؟؟

حسناء : تعالى يا وفاء .. 

وفاء : بصى انا مش هطول عليكى و لا قصدى انى اتدخل ف حاجة و الله , بس طالما كل ده بسبب الحب يبقي انتى بتحبيه بجد , بلاش تعملى ف نفسك كدة و سيبى نفسك للاحساس ده , و الى عايزه ربنا هيكون 

حسناء : ايه .؟؟ .. حب ايه يا وفاء , انا مفيش حد ف حياتى 

تتحرك وفاء من مكانها و تفتح الحقيبة , و تخرج منها الورقة التى كانت على الارض ..

تفتح حسناء الورقة و تقرأها , و تبكى , فتربت وفاء على كتفها ..

وفاء : انا مكنش قصدى ان انا اقراها , وانا اصلا مش قريتها كلها , انا قريت اول سطرين و بس و بعدها قفلتها  و حطيتها ف شنطتك لما لقيت انها تخصك .

حسناء : انتى لقيتى الورقة دى فين ؟؟

وفاء : لقيتها واقعة عالارض وانا بلم الهدوم ..

حسناء : دى اكيد هالة اللى كتبتها .. انا عايزة انزل دلوقتى ..

وفاء : تنزلى تروحى فين دلوقتى , انتى لازم تستريحى يا حسناء , خليها بكرة وانا هوصلك للمكان اللى انتى عايزاه

حسناء : انا حاسة انى تعبانة اووى و بتخنق , كأن فى حاجة طابقة على نفسى

وفاء : لو مش عايزة تحكيلى بلاش , بس عايزة اقولك بلاش تظلمى نفسك , فكرى ف نفسك شوية يا حسناء عشان ترتاحى , اوعى تقاومى احساسك عشان ما تندميش بعد كدة

حسناء : انا هحكيلك كل حاجة , بس اوعدينى ان احمد ما يعرفش اى حاجة من اللى هقولهالك ..

وفاء : ما تقلقيش يا حسناء , عمره ما هيعرف

و تحمل حسناء الورقة و تمد يدها الى وفاء ...

حسناء : الاول اقرى الورقة دى ..

تحمل وفاء الورقة و تبدأ فى قرائتها ...

" خليك جمبها , انا همشى , بس لازم تعرف ......................... 

يتبع ................

حبة الفراولة #6

الحلقة السادسة

* * * * * *  *

بعد مضى نصف ساعة , تأتى الممرضة لتنقلها الى السرير , و لكنها بمجرد ان تلمسها ينتفض جسدها , و تتشبث اكثر بيده , فيشير حسن الى الممرضة بان تتركها هكذا . فتتركهما و تغادر .

تنظر هالة اليه و فى عيناها الدموع التى تحاول اخفائها , تحمل ورقة من شنطتها و تكتب بها شيئا و تقدمها الى حسن , و تغادر محاولة ان تمسك اعصابها .

بعد ساعة تقريبا ينقلها حسن الى السرير و يجلس بجوارها و هو ممسكا يدها , فطبع قبلة على يدها و أخذ ينظر لها و يتذكر ما حدث ..

تتحرك يد حسناء , و تفتح عيناها , و بمجرد ان ترى حسن امامها تعتدل فى جلستها سريعا , و اخذت تلملم شعرها و ملابسها , و نظرت حولها فى نوع من الحيرة , حسن يجلس بجوارها !! , و يحمل يدها بين كفيه ؟!! كيف و متى ؟؟!! .. هى لا تتذكر سوى لقائها بـ هالة و صراخها به , ماذا حدث ؟!!

يلاحظ حسن تشتتها و اتساع عينيها فى نظرات ثاقبة حولها , يقترب منها حتى ينظر مباشرة فى عينيها .

حسن : اهدى يا روحى .. مفيش اى حاجة تستاهل انك تتعبى عشانها , انا اسف .. انا فعلا اسف .....

حسناء : انت ....

حسن : سيبينى اكمل كلامى , فى كلام كتير اوى كان المفروض يتقال من زمان اوى , و ده وقته .. 

حسناء : كلام ايه ؟؟؟ 

حسن : انا اسف , اسف على كل لحظة ضيعتها بعيد عنك , اسف على الجرح اللى سببتهولك كل يوم ف حياتك , اسف على الوعد اللى ما قدرتش اوفى بيه , بس انتى كمان ما وفتيش بوعدك ليا , حياك كلها وقفت عند نقطة و حياتى وقفت معاكى من غير ما احس بكدة .. 

أخذت حسناء تبكى و هى تستمع لكلمات حسن .. اقترب منها و طبع قبلة على جبينها .. 

ثم اخذ يمسح بيده الدموع من عينيها . 

حسن : مش عايز اشوف الدموع دى ف عينك تانى .. ممكن ؟

حسناء : الكلام ده مالهوش لازمة دلوقتى , انت لازم تمشى حالا . 

حسن : مش همشى , مش هبعد عنك تانى .. 

حسناء : انت اتجننت صح ؟؟ , انت متجوز , هالة صاحبتى ...

حسن : هالة مش صاحبتك , او ما كانتش صاحبتك , اول ما عرفتك , اول ما حبينا بعض , فاكرة ؟؟

حسناء : مش فاكرة حاجة , و مش عايزة افتكر حاجة 

حسن : انتى فاكرة كل حاجة , كل لحظة مرت علينا واحنا سوا , كل كلمة همستى بيها فى ودنى و احنا مع بعض , كل حاجة محفورة ف قلبك مش ف عقلك , انتى ممكن تكونى مش فاكراها زى ما تقولى , بس انا مش عايزاك تفتكرى اوقات ولا مواقف , انا عايزك تفتكرى الاحساس , اللى انا واثق انك فاكراه كويس جدا , زى ما انا فاكره .. 

حسناء : اطلع برا يا حسن, كفاية بقي .. كفااية ..

حسن : بحبك ومش هقدر اعيش من غيرك , حرام تعذبينا احنا الاتنين 

حسناء : و انا هقدر اعيش من غيرك , بس مش هقدر اعيش وانا حاسة بالذنب تجاه هالة , هيا ذنبها ايه ؟؟

حسن : هيا مالهاش ذنب , هيا لو بتحبنى بجد ربع الحب اللى انتى بتحبيهولى هتفهم , هتقدر وضعنا , هتعرف اننا ما ينفعش نعيش بعيد عن بعض تانى , كفاية انى كنت مستحمل كل ده عشانك انتى , عشان وعدتك ف يوم انى هحبها و اخلص لها , بس .. بس كان فى حاجة ف قلبي كل ما اقرب منها بتقولى مش هيا دى اللى انت بتحبها , مش هى دى اللى دقات قلبي بترقص وانا معاها . كان دايما فى حاجة ناقصة .. كل حاجة بتكمل معاكى انتى وبس , انا وانتى بنكمل بعض , و انا مش قادر اعيش خلاص بنصف قلب و نصف عقل , و نصف روح ... 

حسناء : بس يا حسن , كفاية عشان خاطرى , ليه مصر كل مرة انك تمسك خنجر وتفضل تطعن ف قلبي , ليه مصر تعذبنى , ليه بتحرق قلبي و تدمع عيونى ؟؟

حسن : انا اسف , مش قصدى انى اجرحك , بس انا عايز ارتاح معاكى , انا وانتى عمرنا ما هنشوف الراحة غير ف حضن بعض .. 

حسناء : ايه اللى انت بتقوله ده ؟؟ !! . انت متجوز .. هالة ما تستاهلش كل ده منك , مش ذنبها انها حبتك .. 

حسن : تتجوزينى يا حسناء ؟؟!! 

حسناء : ..................................

* * * * * * * * * * 

فى الحاضر ... 

حسناء تجلس على مائدة الافطار مع اخيها و زوجته و والدتها و حسناء الصغيرة . 

كلمات قليلة جدا تتناثر بينهم , ينتهون من الطعام و تتحرك حسناء لمساعدة وفاء على تنظيف المائدة , بعد ذلك يدلفان الى المطبخ لاعداد الشاى , و يتبادلان الحديث . 

وفاء : حسناء انا ... انا ...

حسناء : انتى ايه يا وفاء ؟؟ 

وفاء : انا اسفة ...

تقاطعها حسناء .. 

حسناء : اسفة على ايه ؟؟ ,,لو عايزة تعتذرى عن الموقف اللى حصل زمان فانا نسيته , و لو عايزة تعتذرى عن انك بتحاولى تبعدى حسناء الصغيرة عننا , ف ده من حقك دى بنتك و من حقك تخليها دايما ف حضنك , انا مش شايفة ان فى اى سبب للاعتذار اصلا , انا مش زعلانة منك ولا متضايقة عشان تتاسفى , انتى مرات اخويا يا وفاء يعنى زى اختى و الاخواتما ينفعش يزعلوا من بعض , انتى كلامك كان كله صح , انا فعلا سببت الاذى للناس اللى بحبهم , بس و الله ما كان قصدى , و دى حاجةانا عمرى ما هسامح نفسى عليها , يكفى انى هعيش بالذنب ده طول عمرى , ما بيتهياليش ان فى عقاب اقوى من كدة , صح ؟

وفاء : حسناء انا مش عارفة اقولك ,بس انتى مالكيش ذنب ف حاجة , انا ساعتها اتكلمت معاكى بصوت الزوجة و الام اللى خايفة على جوزها , كانت لحظة غضب مش اكتر , انتى انسانة طيبة جدا يا حسناء و عمرك ما تقدرى تأذى حد , و انا مش عارفة اصلا اشكرك ازاى ؟؟ , انا اللى اتهمتك زمان انك عايزة تبعدى جوزى عنى , بشكرك دلوقتى على كل مرة جوزى يبعد عن حضنى و انتى الى تكونى السبب ف انه يرجعلى تانى , بشكرك لانك بالرغم من المشاكلاللى بينا عمرك ما ف يوم حسستينى انك بتكرهينى او متضايقة منى , بالعكس دايما بتعاملينى على انى اختك , اسفة يا حسناء لان كان عندى قصر نظر , كنت بشوف الناس زى ما عينى عايزة تشوفهم و بس , و عمرى ما شوفتك من جوا . 

حسناء : خلاص يا وفاء بقي ما تكبريش الموضوع , انا مش متضايقة ولا زعلانة يا ستى , و بعدين يالا بقي نعملهمالشاى انا عايزة انزل اقعد عالبحر شوية . 

وفاء : ربنا يسعدك يا حسناء . 

حسناء : و يسعدك دايما . 

 * * * * * * * * *

تعود حسناء الى القاهرة بعد انقضاء اليوم فى الاسكندرية , تنام دون ان تدرى باى شئ حولها , و تستيقظ مبكرا لتذهب الى عملها .. 

حقيقة لا يمكن انكارها : المرأة قد تستيقظ دون منبه ان كانت تريد حقا الاستيقاظ , فقد يعمل عقلها بشكل تلقائى , كأن هناك آلات تنبيه بداخل عقلها تحثها على الاستيقاظ , و دائما ما تقوم فى الموعد المحدد , اما ان كانت لا تريد الاستيقاظ , كأن عقلها يفرز مادة مخدرة تجعلها تتجاهل كل شئ حولها حتى تانم , على عكس الرجل , الذى غالبا ما تكون تلك المادة المخدرة ممزوجه بدمه طوال الوقت , و ابدا لا يستيقظ باكرا . 

تذهب حسناء الى عملها و بمجرد ان تدخل الى الشركة يقابلها حسن الذى تبدو عليه آثار التعب و الارهاق و الغضب الشديد .. تفكر ان تذهب لتعرف ما به ,و لكنها تتردد , و قبل ان تفكر حتى يأتى هو فى اتجاهها ...

حسن : ازيك يا حسناء عاملة ايه ؟؟

حسناء : تمام الحمدلله , انت عامل ايه ؟؟

حسن : مش كويس خالص زى ما انتى شايفة .. 

حسناء : اه واضح عليك , مالك ؟؟ .. ايه اللى حصل ؟؟

حسن : ..............

يتبع .....

حبة الفراولة #5

الحلقة الخامسة

* * * * * * * *

يذهب ماجد الى هالة , و يتحدثان سويا .

هالة : حسن عامل ايه ؟

ماجد : زى ما هو , لسة مكتئب و حابس نفسه .

هالة : انا مش فاهمة ليه كل ده ؟

ماجد : انا هفهمك ليه , بس انا عايز اعرف انتى قولتى ايه لـ حسناء يخليها تبقي كدة ؟ , ليه ظلمتيها و ظلمتى حسن ؟

هالة : انا ما ظلمتش حد , بس ده جوزى , انا مش عارفة هو بيعمل كدة ليه و بيعاقبنى من غير ما يسمعنى .

ماجد : يمكن عشان حسناء بردو بتعاقبه من غير ما تفهمه , و ده طبعا لانها اصلا ما اتكلمتش

هالة : انتوا ليه بتحملونى انا الذنب ده ؟

ماجد : هالة .. انتى عارفة كويس حسناء تبقي ايه بالنسبالى ؟ , حسناء دى اختى اللى عمرى ما هسمح لاى حد انه يأذيها و حسن كمان اخويا و انا مش قادر اشوفهم هما الاتنين ف الحالة دى , انتى لازم تفهمى انى مش بحملك انتى الذنب , بس بردو انتى لازم تفهمى كل حاجة .. حسن و حسناء مش مجرد اتنين صحابى , احنا التلاتة صحاب من زمان اه , بس هما الاتنين بيحبوا بعض جدا , يمكن انا المفروض ما اقولكيش الكلام ده , بس انتى لازم تعرفى , لازم تعرفى ان الوضع الى حسن فيه دلوقتى لانه لسة بيحب حسناء , هو عمره ما خانك و الله , بس الحب اللى بينهم مش بأيد حد , انتى اكتر واحدة عارفة ان الحب مالوش وقت , و حبهم كان اكبر صدفة بجد ..

هالة : عمره ما خانى هاه !!؟؟ ... مفهوم الخيانة مختلف , يكفى انه خانى بمشاعره , يكفى انه راحلها باحساسه , مش لازم يعنى يخونى جسديا عشان يبقي اسمها خيانة ..

ماجد : عارف يا هالة , عارف ... بس صدقينى من يوم ما انتوا اتجوزتوا و هما ما اتكلموش مع بعض غير ف حدود الصداقة وبس , هما اتفقوا على كدة , و حسناء لو انانية بجد مكنتش وافقت بكدة , مفيش بنت بتسيب اللى بتحبه لواحدة تانية , و لا ايه ؟؟

هالة : ماجد , مالوش لازمة الكلام ده دلوقتى .

ماجد : لا ليه لازمة , انا مش عايز اللى حصل ده يخليكى تزعلى من حسن , لازم تعرفى ان ده مش بايده , هو شايف انه غلطان , احساسه بالذنب هو اللى مخليه ف الحالة دى , و انتى لازم تقدرى ده , و توقفى جمبه , لازم تصلحى الموضوع مع حسناء , انا مش هسألك انتى قولتلها ايه , بس اتمنى انك انتى اللى تصلحى الموضوع ده بنفسك , حسناء ما تستاهلش اى حاجة وحشة , و هى اللى كانت دايما بتوقف ف صفك لو فى اى حاجة ..

هالة : ماشى يا ماجد , انا هروحلها و احاول اتكلم معاها , هو حسن بيروحلها ؟

ماجد : و الله يا هالة هو راح بس هيا اعصابها تعبانة اوى , و مش عايزة تشوفه , كل ما تشوفه او يكلمها بتتشنج و تفضل تصرخ عشان يبعد عنها .

هالة : هي قالتله ايه السبب ؟

ماجد : مش بتتكلم اصلا , الدكتور قال ان الصدمة اللى هيا فيها منعتها من الكلام , و انها هتتكلم فى الوقت المناسب بس اعصابها ترتاح .

هالة : ليه كل ده ؟!! , عموما انا هروحلها و هتكلم معاها .

ماجد : انا واثق انك هتقدرى تحلى الموضوع ده , لان انتى الوحيدة اللى عارفة ده كله سببه ايه

هالة : تقريبا عارفة , خلاص لما اروحلها هكلمك .

ماجد : تمام , ماشى , هستأذن انا بقي , سلام

هالة : سلام .

تتصل هالة بحسن بعد ذلك مرارا و تكرار و لكنه لا يجيب .

و فى اليوم التالى تذهب الى حسناء و ترسل SMS قبل ان تذهب لتخبر حسن بذلك .

تجلس هالة مع حسناء , و لكن بدون كلام , فقط تلك النظرات المتبادلة بينهما , و بعد لحظات كسرت هالة حاجز الصمت و بدأت بالحديث ..

* * * * * * * * * *

ليله فى الاسكندرية كفيلة ان تغير مزاج اى شخص , يكفى هواء الاسكندرية المنعش , بالرغم من وجود عوادم السيارات فى هواء مصر كلها , الا انها تحمل طابع خاص ..

نوم عميق جدا , و استيقاظ مبكر , و سرحان ممزوج بتفكير عميق بكل ما مضى ,  لحظات تمر و ما زلت كما انا , نائمة على السرير هائمة التفكير , احساس غريب جدا ان تحن الى الماضى , ان تشعر بلمسة من النشوة الممزوجة بالبهجة , انها يد والدى , فقد اعتاد ان يوقظنى مبكرا هكذا , كنا نتسلل من البيت مبكرا دون اخى و امى , و نذهب لنتمشى على شواطئ الاسكندرية , آآه يا ابى فقد اشتقت اليك جدا , لم اعد اقوى على فراقك , فقد كنت انا السبب حقا فى موتك , ام انه القدر الذى شاء ان تموت انت , لاعيش انا ...

حسناء فى السيارة بجانب والدها , و فى المقعد الامامى احمد يجلس خلف مقود السيارة .

حسناء : و النبى يا بابا , خلينى اتعلم السواقة بقي .. عشان خاطرى

على : يا بنتى انا بخاف عليكى , بلاش تتعلمى السواقة و انا هوصلك لكل اللى انتى عايزاه ايه رايك بقي ؟؟

حسناء : يا بابا  انا مش عايزة يبقي عندى عربية بس عايزة اتعلم السواقة , هجرب بس ..

على : دماغك ناشفة كدة على طول ؟

حسناء : ما انت عارفنى بقي , طالعالك

على : طيب انا هعلمك السواقة , بس توعدينى انك ما تسوقيش العربية وانتى لوحدك ابدا

حسناء : حاضر , اوعدك  .

حسناء تجلس خلف المقود و بجانبها والدها , تسير ببطء مع توجيهات والدها , ثم بعد ساعة من التدريب تقرر ان تسوق بدون توجيهات والدها .

حسناء : خلاص يا بابا اتعلمت اهو , سيبنى بقي اسوق لوحدى و ما تقوليش على اى حاجة ماشى ؟

على : ماشى خلاص انا مش هغششك خالص , و رينى بقي هتسوقى ازاى .

حسناء : طيب .

تبدأ فى الضغط على دواسة البنزين و تسير ببطء على الطريق ثم تسرع السيارة تدريجيا , تنظر الى والدها و هى فى قمة السعادة انها تعلمت قيادة السيارة ..

حسناء : شوفت بقي يا بابا .؟

على : طيب بصى قدامك و خليكى دايما مركزة على الطريق

حسناء : طيب .... بابا ...

على : حاسبى يا حسنااااء ..

و سيارة مسرعة تظهر امامهما , فتفقد حسناء السيطرة على المقود و تتوتر , فجأة يدفعها والدها من السيارة لتصطدم سيارته بتلك السيارة امامه , تقع حسناء على الطريق , و يتوفى ابيها ...

احساسها بالذنب ظل ملتصقا بها منذ وفاه والدها , فدائما ما تتذكره قبل الاقدام على اى شئ , دائما تفكر ما اذا كان سيوافق على ما تفعله ام لا ؟ , ما زالت تحترمه و تقدره حتى فى غيابه , فهو لن يحاسبها الان على ما تفعله و لكنها ما زالت تضع ذلك فى اعتبارها .

* * * * * * * * *

حسناء و هالة يجلسان فى المستشفى , و بعد حديث كثير من جانب هالة , يقابله صمت و دموع من جانب حسناء , يدلف حسن الى الغرفة , ينظر الى هالة فى نظرة غضب و عتاب شديدة .

حسن : بتعملى ايه هنا يا هالة ؟

هالة : انا جيت اتطمن على حسناء , فيها ايه يعنى ؟

حسن : مش كفاية اللى حصل ف النادى , و اللى انتى مش عايزة تقوليه لحد دلوقتى ؟

ينظر حسن الى حسناء الراقدة على الفراش , و يرى الدموع فى عيناها , يذهب فى اتجاهها , فتتحرك من على السرير و تبتعد عنه سريعا , يقترب منها اكثر محاولا ان يمسح دموعها , فتصرخ به ..

حسناء  : ابعد عنى ... خليك بعيد ...

حسن : يااه ... وحشنى صوتك اوى , اتكلمى حتى لو هتزعقى فيا و تشتمينى عالاقل هسمع صوتك .

حسناء : أطلع برا , انا مش عايزة اشوفك , ليه عايز تحسسنى بالذنب دايما , هالة .. هالة خديه من هنا , انا مش عايزة اشوفه , هالة عشان خاطرى

هالة : اهدى يا حسناء .. اهدى .. مش انتى  بتحبيه ؟؟

حسناء : لاااااااا .. لالالا انا مش بحبه , انا مش بحب حد ...

يقترب منها حسن , و يحاول ان يضمها اليه , و لكنها تحاول ان تقاومه فتبدأ فى اصدار ضربات متتالية له ..

حسناء : ابعد عنى , انا مش بحبك , انا مش بحب حد , مش عايزة احب حد ... انت بتحب هالة , و هيا كمان بتحبك ,, ابعد عنى ...

ينجح حسن فى ان يضمها اليه , يأخذها فى حضنه و هى ما زالت تبكى و تصرخ " انا مش بحب حد " .. فأخذ يضمها اليه بقوة اكثر

و هنا تركت نفسها له , فضمته اليها و تشبثت به , وهى ما زالت تبكى و تصرخ ..

كانت كمن يشتكى منه و اليه , و من ستجد افضل من حبيبها لتشكو اليه ..

اخذت تبكى و تبكى , حتى ظر لها لها حسن و وضع أصبعه على فمه و هو يقول " هش " انه ذلك التعبير الذى تعودنا عليه بمعنى الصمت , كفى حديثا قد نندم عليه فيما بعد , كفى تجريحا للقلب الذى نعشقه , و قد ادى المعنى لانه امتزج بدموعه و عيناه الحمرواتين , فأخذت تبكى هى الاخرى و يرتعش جسدها و تكرر كلمة " مش بحب حد " حتى جلست الى الارض و هى متمسكه به , ظلا هكذا حتى نامت و هى تضع رأسها على قدمه .

بعد مضى نصف ساعة , تأتى الممرضة لتنقلها الى السرير , و لكنها بمجرد ان تلمسها ينتفض جسدها , و تتشبث اكثر بيده , فيشير حسن الى الممرضة بان تتركها هكذا . فتتركهما و تغادر .

تنظر هالة اليه و فى عيناها الدموع التى تحاول اخفائها , تحمل ورقة من شنطتها و تكتب بها شيئا و تقدمها الى حسن , و تغادر محاولة ان تمسك اعصابها .

بعد ساعة تقريبا ينقلها حسن الى السرير و يجلس بجوارها و هو ممسكا يدها , فطبع قبلة على يدها و أخذ ينظر لها و يتذكر ما حدث ..

- - - - - - - -

حسناء : عايزاك توعدنى بحاجة ..

حسن : ايه يا حبيبتى ؟؟

حسناء : عايزاك تحب هالة زى ما انا حبيتك , عايزاك تبقي مبسوط ف حياتك من غيرى , انا هكون مبسوطة ومرتاحة طول ما انا شايفاك سعيد ف حياتك , هالة كويسة اوى و بتحبك جدا , هيا بجد مالهاش ذنب ف اى حاجة , و بعدين هى خطيبتك و انت بتحبها و الا ما كنتش خطبتها صح ؟

حسن : انتى ازاى كدة ؟

حسناء : كدة ازاى ؟

حسن : انتى بتفكرى ف هالة و ما جبتيش سيرتك انتى ؟ , طيب و انتى ؟

حسناء : ما انا قولتلك انا هبقي مبسوطة طول ما انت مبسوط , اوعدنى بقي

حسن : هوعدك بس انتى كمان توعدينى

حسناء : اوعدك بايه ؟

حسن : اوعدينى انك تكملى حياتك عادى من غيرى , و تتجوزى و تحبى الشخص الى هتتجوزيه و انك عمرك ما هتوقفى حياتك ف يوم عشانى .

حسناء : ..........

حسن : اوعدينى !!

حسناء : آآ ... انا ....

حسن : خلاص يبقي ما تخلينيش اوعدك باى حاجة انا كمان ..

حسناء : حسن , اوعدك .

حسن : توعدينى بايه ؟

حسناء : اوعدك انى هكمل حياتى من غيرك , و انى هتجوز ف يوم من الايام , لما النصيب يجيلى .

حسن : و انا كمان اوعدك .

- - - - - - - - - -

تتحرك يد حسناء , و تفتح عيناها , و بمجرد ان ترى حسن امامها .....

يتبع ...

حنان محمد