الحلقة الثالثة
انهارت اميرة اكتر ف لعياط بعد ما افتكرت كل
اللي حصل
قعدت تفكر كتير
معقول انا وحشة اوي كدة ؟ معقول هو للدرجادي حاسس اني ظلماه ؟ بس انا
ماظلمتش حد !! هو اللي وافق علي كدة من
الاول ! طيب بس برضو ماكنش المفروض
اتعامل كدة انا برضو اللي وافقت اتجوزه .... انا اللي قلتله هنتعامل عادي وهنبقي
زي اي اتنين مخطوبين ...بس ازااي ؟؟؟ !!
وافتكرت اميرة شبكتها هي ووليد
-------------------------------------
وليد " ايه رايك يا حبيبتي ف الخاتم ده
؟ "
اميرة " حلو اوي يا روحي .. بس مش هيبقي
غالي اوي ده ؟ "
" يا حبيبتي مفيش حاجة تغلي عليكي ..انا
عايزك بس تكوني مبسوطة ... هو الواحد بيتجوز كام مرة ف حياته .. وبعدين هو انا
هجيب لاغلي منك ..ده انتي حبيبتي وروحي وكل حياتي "
" ياااااه ..كفااية بقي الكلام الحلو ده
قلبي هيوقف "
" سلامة قلبك يا قلبي "
--------------------------------
احمد ف اوضته متضايق اوي ومش قادر ينام ..
مسك التليفون بيحاول يتصل باميرة
" اكلمها دلوقتي .. لا ممكن تكون نايمة
... بس الساعة لسة 10 معقول تكون نامت ....بس انا مش هقدر انام وانا مزعلها كدة
... لا انا الاحسن اروح اصالحها "
----------------------
اميرة قامت من عالسرير فتحت اللاب توب وقالت
تقرا اي حاجة تشغلها
فجاه موبايلها رن ... لقت اسم احمد .. اترددت
ترد ولا لا
واخيرا ردت
اميرة " الو ... "
احمد " الو ... صحيتك ؟؟ "
" لا كنت صاحية "
" لسة زعلانة مني ؟؟ "
" احمد من فضلك مش وقت الكلام ده "
" عارف انك زعلان مني ...بس انا مقدرش
علي زعلك "
" احمد من فضلك .. ممكن اعرف عايز ايه
دلوقتي "
" عايز اشوفك "
" والله .. دلوقتي "
" ااه يا ريت ...... انا تحت البيت ..
ممكن تبوصيلي من البلكونة ؟؟ "
" احمد الساعة 11 ... من فضلك روح
دلوقتي "
" طيب عشان خاطري عايز اشوفك بس مش
هتكلم والله "
" احمد من فضلك انا عايزة انام ....
تصبح علي خير "
وقفلت اميرة قبل ما تديله فرصة انه يتكلم
اكتر
----------------------------
ف بيت احمد.. محمود وسامية وغادة وحسام
سامية " انا كنت واقفة ف مكاني مش قادر
اتكلم .. وعفاف واقفة عايزة تعرف بنتها مالها .. ايه اللي يخليها تنهار من كتر
العياط كدة "
محمود " يعني انتوا ماعرفتوش ايه اللي
حصل بينهم ؟ "
غادة " والله يا عمي هي اول ما وصلت جرت
علي اوضتها ومحدش لحق يكلمها .. وانا لما دخلتلها الاوضة ما اتكلمتش خااالص .. اول
ما نقولها ( طيب احمد زعلك ) تنهار اكتر ف العياط "
حسام " طيب هو احمد قال اي حاجة عن اللي
حصل ؟؟ "
سامية " لا ...قال مشكلة بسيطة بينا
وهما ههيحلوها سواا "
محمود " ربنا يستر ...دي الخطوبة بكرة
... هو ده يعني وقت خناقات "
----------------------------------
اميرة كانت صاحية بس مش قادرة تقوم من علي
السرير ...... دماغها هتنفجر من كتر التفكير
اميرة " وليد ... بس بقي . بلاش رخامة
"
وليد " رخم عشان بحبك ؟ "
" عايزة اذاكر مفيش وقت ع الامتحان
"
" طيب طيب هنذاكر خلاص "
" ايوة كدة "
" اميرة .... بحبك "
" ههههههههههههههههههه دي عاشر مرة تقول بحبك في ايه ؟؟ "
" ههههههههههههههههههه دي عاشر مرة تقول بحبك في ايه ؟؟ "
" انا بس عايز اقولك بحبك .. ومش عايزك
تزعلي مني مهما حصل وسامحيني لو ف يوم ضايقتك او زعلتك "
" في ايه يا وليد مالك بتقول كدة ليه
... انتا عارف اني مقدرش ازعل منك ابدااا ... حد يزعل من حبيبه بردو ؟! "
قامت اميرة من مكانها والدموع علي خدها
-----------------------------------
حسام " احمد .. احمد قوم عايز اتكلم
معاك "
احمد " في ايه يا حسام خير .."
" ايه اللي حصل امبارح مع اميرة "
" مفيش حاجة حصلت ... خناقة عادية
"
" بس هيا قالت غير كدة !! "
" هي قالت !!!! ... هي قالتلكوا ايه ؟؟
"
" مش مهم قالت ايه .. المهم انتا قول
اللي حصل "
" يا حسام والله انا ماكنش قصدي "
" مكنش قصدك !! .. انتا عملت ايه يا
احمد ؟؟ "
"معملتش حاجة ماتخليش دماغك تروح لبعيد
"
"امال ايه اللي حصل ؟ "
" انا وانا متعصب قلتلها انى مش ذنبي
انها تعاقبني علي جرج وليد ... "
" انتا اهبل يا بني ؟؟؟ ... انتا ازاي
تقولها حاجة زي دي ؟؟ "
"والله يا حسام ما كان قصدي .. انا بس
كنت متعصب اووي ومعرفش قلت كدة ازاي ؟؟ "
"طيب وهي قالت ايه ؟؟ .. "
" ما قلتش حاجة فضلت تعيط وبس لحد ما
وصلتها البيت "
" ربنا يستر والخطوبة ماتتفسخش "
"لا يا حسام ان شاء الله مش هيحصل حاجة
!! ..بس هي قالت ايه ؟؟ "
" هي ما قلتش حاجة ولا شفتها ولا كلمتها
اصلا "
"امال انتا قلت .................
"
" انا قلت كدة عشان تتكلم انتا "
"يا ابن ال............... "
"ايه انتا هتغلط ولا ايه ؟؟ ........قوم
قوم روح صلح اللي انتا عملته "
-----------------------------
اميرة ف اوضتها صاحية بس عاملة نفسها نايمة
عشان مش عايزة تواجه حد او مش عايزة تواجه حتي نفسها
احمد بيتصل بيها وهي مش بترد
-----------------------------
احمد بيتصل علي محمد ( والد اميرة ) .
الو .. ازيك يا عمي ؟ ... الحمدلله تمام ..
هي اميرة موجودة ؟؟ ...طيب ممكن اكلمها ...نايمة من امبارح !!....طيب هي كويسة
؟..طيب عمي بعد اذنك ممكن اجي اتكلم معاها ؟ ... ربنا يخليك يا عمي ..ماشي هكون
عندك بعد ساعة ان شاءالله ..مع السلامة
----------------------------
وصل احمد لبيت اميرة
محمد" ازيك يا احمد عامل ايه ؟"
احمد" الحمدلله يا عمي .."
تدخل اميرة ف اللحظة دي وتقف قدام احمد
"
محمد " طيب اسيبكوا انا عشان تتكلموا
براحتكوا "
احمد " ازيك يا اميرة عامل ايه ؟ "
اميرة " الحمدلله ..كويسة "
"قلقتيني عليكي ... ما كنتيش بتردي ليه
يااميرة ؟؟ "
"كنت نايمة "
"
طيب لسة زعلان مني ؟؟ "
"خلاص يا احمد ما حصلش حاجة لكل ده
"
"لا حصل يا اميرة .. وانا فعلا اسف
"
" اميرة خلاص يا احمد مفيش داعي تتاسف
.. انا كمان كنت بايخة معاك .. وانا اللي المفروض اعتذر "
" وانا مش زعلان منك ... المهم انتي ...
"
" وانا بقولك خلاص مش زعلانة "
"دي اهم حاجة عندي "
---------------------------
تاني يوم الخطوبة كانت اجمل خطوبة ف الدنيا
احمد واميرة قاعدين بعد الخطوبة ف كافيه ومعاهم سارة وخطيبها ( مازن )
وحسام وغادة
كل اتنين فيهم علي طرابيزة
احمد "ممكن بقي نتكلم "
اميرة " عايز تعرف ايه يا احمد ؟؟ "
"كل حاجة يا اميرة .. انتي امبارح قلتيلي اننا هنتكلم ف كل حاجة
بعد الخطوبة وهتحكيلي كل حاجة عن حياتك"
" طيب انتا قول عايز تعرف ايه وانا هجاوبك "
" عايز اسمع انتي هتقولي ايه ... وليه كرهتي الحب كدة ؟؟ "
" حاضر يا احمد .....هحكيلك كل حاجة من اول ما عرفت
وليد......انا قابلت وليد من حوالي 8 سنين .. و......"
نتقابل الحلقة الجاية ... ما تنساش تكتب رأيك ع البيدج ...
