الحلقة السادسة عشر
طارق وسيلا مع بعض
طارق " احنا سيبنا بعض "
سيلا " ايه ؟؟؟ ... ليه كدة ؟؟ .. "
" عادي يعني يا سيلا .. محصلش نصيب .. "
" من امتي الكلام ده ؟؟ "
" بعد ما سافرتي علي طول "
" وما قلتليش ليه من ساعتها ؟؟ "
" عادي يا سيلا .. ان مش متضايق .. اهم حاجة اتبسطي مع يوسف . وخدي بالك من نفسك "
" يوسف ده ليه معاملة تانية خالص "
" قصدك ايه ؟ ؟ "
" هتعرف قصدي ايه بعدين "
" لا يا سيلا .... هتعملي ايه ؟؟؟ ... اوعي تنتقمي يا سيلا "
طارق " احنا سيبنا بعض "
سيلا " ايه ؟؟؟ ... ليه كدة ؟؟ .. "
" عادي يعني يا سيلا .. محصلش نصيب .. "
" من امتي الكلام ده ؟؟ "
" بعد ما سافرتي علي طول "
" وما قلتليش ليه من ساعتها ؟؟ "
" عادي يا سيلا .. ان مش متضايق .. اهم حاجة اتبسطي مع يوسف . وخدي بالك من نفسك "
" يوسف ده ليه معاملة تانية خالص "
" قصدك ايه ؟ ؟ "
" هتعرف قصدي ايه بعدين "
" لا يا سيلا .... هتعملي ايه ؟؟؟ ... اوعي تنتقمي يا سيلا "
" مش هنتقم ما تقلقش .. ده مهما كان جوزي "
" انتي حبتيه يا سيلا ؟؟ "
تدخل داده فاطمة وتقولها ان يوسف عايزها
سيلا " نبقي نكمل كلامنا بعدين يا طارق "
طارق " طيب خدي بالك من نفسك "
" عيب . انا اخد بالي من عشرة زيك .. ماتقلقش عليا "
" طيب .. ما انا عارف انك بمية راجل .. بس بردو تاخدي بالك من نفسك .. وبلاش تهور .. وعشان خاطري عاملي يوسف حلو "
" ان شاء الله "
------------------------
تروح سيلا اوضة هشام
سيلا " بابا انا ماشية .. عايز مني حاجة قبل ما امشي ؟ "
هشام " لا يا حبيبتي .. خدي بالك من نفسك و من يوسف .. "
" حاضر يا بابا .. "
سوزان " سيلا .... لسة زعلانة مني ؟؟ "
سيلا " لا يا ماما .. مش هقدر افضل زعلانة منك طول عمري "
سوزان " ربنا يخليكي ليا يا حبيبتي "
--------------------------
تنزل سيلا تركب العربية مع يوسف
اول ما توصل الشقة تدخل الاوضة وتقفل الباب وراها
يوسف " سيلا ... "
سيلا " ......... "
" طيب افتحي هدخل الشنط بس ... "
---------------------------
تفتح سيلا الباب تاخد منه الشنطة
بتشيل الشنطة بالعافية ..
يوسف ياخد الشنطة منها ويحطها عالسرير
سيلا تروح تقف قدام المراية
-----------------------
سيلا " خلاص .. دخلت الشنط .. ممكن تطلع "
يوسف " طيب قوليلي اعمل ايه عشان تسامحيني ؟؟ "
" كفاية اللي عملته لحد دلوقتي "
" سيلا .. انا ماكنش ف ايدي اي حل تاني ... "
" مش عايزة اسمع مبررات منك .. الموضوع ده بالنسبالي منتهي "
" يعني ايه ؟؟ "
" يعني انا جيت معاك بس عشان بابا ... بس ماتفتكرش ان كل حاجة هتبقي طبيعية .. انا استحالة اسامحك "
" سيلا ما يبقاش قلبك قاسي اوي كدة ... والله انا عملت كدة عشان بحبك ؟ "
" تحبني ؟؟ ... انهي حب ده اللي يسمحلك انك تخدعني .. تبعتلي واحد يتقرب مني عشان احبه ... صح ؟؟.... بس انتا ما تعرفنيش .. انا مش سهلة اووي كدة "
" وهوا انا بعتلك حد غريب .. سيلا .. انا اللي كنت معاكي .. مش حد تاني .. فوقي بقي ...تفتكري كان ممكن اسيبك لوحدك عشان واحد غيري يبقي مكاني كدة .."
" انتا مقتنع باللي انتا بتقوله ده ... انتا كنت اول واحد عايزة اكلمه واحكيله اللي حصل .. كان نفسي الوقت اللي كنت مخنوقة فيه وبعاتب نفسي الاقيك انتا جمبي وتطبطب عليا .. كان نفسي ارمي نفسي ف حضنك واقولك سامحني اني ما سمعتش كلامك وخليت واحد يقرب مني كدة ... كان نفسي تبقي انتا اللي جمبي لان مهما انا حطيت شروط لعلاقتنا ف الاخر كنت هرجعلك وابقي ليك طول ما انا عايشة ... بس يا خسارة انتا اللي ضيعت الامل ف اني اسامحك حتي "
" سيلا .... "
" بس .. مش عايز اسمع كدب تاني .. من فضلك اطلع برة ... تعبانة وعايزة انام "
" سيلا .. بس .. "
" اطلع برة ... "
-----------------------
يطلع يوسف برة الاوضة ويسيبها تستريح
سيلا بعد ما تقفل الباب ترمي نفسها عالسرير وتعيط
تحاول تتمالك اعصابها وتقوم تمسح دموعها
تقف قدام المراية
سيلا " لا . اوعي تعيطي يا سيلا .. اوعي تبينيله ضعفك .. انتي قوي وتقدري تقاومي الناس كلها ... اوعي تضعفي يا سيلا .. اوعي .. انتي اقوي من كدة .. "
--------------------------------
تمسح سيلا دموعها وتحاول تتصنع الابتسامة
تغير هدومها وتلبس فستان قصير
تطلع سيلا تتكلم ف التليفون ويوسف يكون ف اوضة تانية
يسمع صوتها يطلع يشوفها
سيلا " الو ..ممكن اكلم رانيا "
رانيا " ايوة انا رانيا .. مين معايا ؟ "
" انا سيلا ... "
" ااه ازيك يا سيلا عاملة ايه ؟؟ "
" الحمدلله .. انتي عاملة ايه ؟؟ "
" الحمدلله .. خير في حاجة ؟؟ "
" اه طبعا .. عايزة اتكلم معاكي شوية .. "
" تتكلميي ف ايه ؟ ... انا علاقتي بطارق خلاص انتهت ... "
" طيب ممكن تسمعيني الاول وبعدها تقرري "
" بس .. "
" معلش .. ممكن تيجي نتكلم شوية النهاردة .. ف شقتي ... "
" شقتك ؟؟ .. انهي ؟؟ "
" بيت جوزي ... سجلي العنوان "
" الف مبروك "
" الله يبارك فيكي ... معلش بقي ما عملناش فرح عشان كدة معزمناش حد "
" ولا يهمك .. عادي .. طيب ماشي انا هبقي اجيلك بليل "
" طيب ماشي هستناكي الساعة 7 "
" ان شاء الله "
--------------------------
يوسف يبصلها و يسالها في ايه
سيلا " مفيش حاجة .. في واحدة جاية النهاردة .. يا ريت تكون موجود "
رانيا " سيلا احنا المفروض ف شهر العسل ... "
" ايه !! مش كفاية الشهر ونص اللي كنت معايا فيهم ؟؟ "
" دي حاجة تانية ... "
" خلاص مش عايزها تيجي هنا هبقي انزل انا اقابلها برة "
" برة ازاي يعني .. سيلا اعقلي الكلام الاول .... "
" والله انا عارفة كويس اووي انا بقول ايه ... عالاقل مش بكدب ... "
شدها يوسف من ايدها وهيا ماشية
يوسف " سيلا خلاص .. ارحميني بقي .. بلاش تلعبي باعصابي كدة .."
" انتا اللي بدأت اللعبة دي ... لو مش قد اللعب ما كنتش بدأته ... "
تزوقة سيلا و تبعد عنه
يشدها تاني ويحاول يبوسها
تزوقة جامد وتبعده عنها
سيلا " اوعي حتي تفكر اني ممكن اخليك تقرب مني ... واوعي تكرر اللي انتا عملته ده .. "
يتعصب يوسف ... يخرج ويرزع الباب وراه
------------------------
يجي يوسف وسيلا نايمة
يروح يقعد جمبها عالسرير
يمسك ايدها ويبوسها ...
يوسف " سيلا .. سامحيني عشان خاطري .. والله بحبك .. بحبك من اول ما شفتك ... حبيت نظرتك اللي كلها براءة .. حبيت طريقة كلامك ... حتي لما بتبقي زعلانة بيبقي شكلك حلو اووي ... بس مش عايز اشوفك زعلانة مني انا ... ليه بتعاقبيني انا لوحدي ... انا عارف اني غلطان بس سامحيني .... دي كانت الطريقة الوحيدة عشان اتجوزك .... انا عارف ان بتحبيني زي ما بحبك .. بلاش تعاندي قلبك .. سيبي احساسك هوا اللي يحكم عليا "
يقوم يوسف والدموع ف عنيه
-----------------------------
سيلا تقوم بعد ما تسمع صوت الباب بيتقفل
تبتسم وتبص علي ايدها ..
تقوم بسرعة تغير هدومها وتستني رانيا
---------------------------
رانيا توصل ...
رانيا " خير يا سيلا .. كنتي عايزة تقولي ايه ؟؟ "
سيلا " طارق ... "
" سيلا . انا علاقتي بطارق انتهت .. واي كلام ف الموضوع ده ملهوش اي لازمة "
" انتي سبتي طارق عشاني انا ... طارق بيحبك .. والمفروض بعد اللي عمله تقربي منه مش تسيبيه ... عارفة يعني واحد يخاف علي اهله ويحافظ علي علاقته بيهم .. يعني وانتي معاه هيخاف عليكي وهيصونك ..وانتي ف بيته عمره ما هيهينك ... عمره ما هيبيعك في يوم حتي لو ايه .. طارق مفيش زيه ...انتي محظوظة جداا لانه بيحبك "
" وطالما انتي معجبة بيه اووي كدة .. ما اتجوزتيهوش ليه ؟؟ "
" اتجوز مين ؟؟ ... طارق ده اخويا ... مفيش بينا غير علاقة الاخوة .... وبيتهيالي هوا قالك كدة .. والمفروض تقولي لنفسك الكلام ده .. انا وهوا مع بعض من زمان .. ايه اللي يخلينا ما نحبش بعض ونتجوز ؟؟ .. ما انا كنت قدامه .. ايه اللي خلاه يحبك انتي .. لو عايزني كنا اتجوزنا من زمان ... بلاش تخلي الغيرة واالشك يعميكي كدة "
" انتي عايزة ايه دلوقتي يا سيلا "
" عايزاكي ترجعي لطارق .. انا بحب طارق ولو في حاجة بينا ماكنتش كلمتك عشان ترجعيله .. وعلي فكرة هوا ما يعرفش اني كلمتك اصلا .."
" بس انا مش عايزة ارجعله .. كفاية انه وقت ما اختار اختارك انتي مش انا .. "
" كنتي عايزة ايه ؟؟ ... عايزاه يسيبني ويتخلي عني .. طارق ده اخويا الوحيد ... ولو اي حد حاول يفرق بينا ان مش هسكتله .. تصدقي انتي فعلا ما تستاهليش طيبة طارق وحنيته "
" صح .. لان طيبته وحنيته كلها ليكي انتي ... خليهولك "
" ايوة هخليهولي ... وانا هخليه يتجوز واحدة تقدره ... وتحبه زي ما هوا "
---------------------------
تمشي رانيا .. سيلا متعصبة
يوسف " للدرجادي بتحبيه ؟؟؟ ....... "
نتقابل الحلقة الجاية
مع تشويق اكتر
ليست هناك تعليقات:
إرسال تعليق