الحلقة ال17
احمد ومصطفي بيتكلموا مع بعض
احمد " خير يا مصطفي في ايه ؟؟ "
مصطفي " في مشكلة كبيرة اوي "
" ايه قلقتني ؟؟؟!!! "
" وليد ....."
" ماله ؟؟؟ ......."
"
خرج من السجن بكفالة "
" ايه ؟؟ ... ازاي يعني ؟؟ "
" بيقولوا ان الادلة مش كافية علي انه اللي قتل اميرة ولا انه اللي
ضربك لان دول كانوا بلطجية ومحدش شافه "
" طيب وبعدين ؟؟ ... ايه العمل دلوقتي ؟؟ "
" مش عارف انا خايف جداا من اللي ممكن يعمله "
" احنا لازم نتصرف .. ده اخيرا اميرة رجعت تتعامل عادي .. ومها كمان
ارتاحت بعد ما اتقبض عليه "
" الله اعلم ممكن يعمل ايه وخصوصا انه عرف ان مها واميرة هما اللي
قدموا بلاغ ضده .. مش هيسيبهم ف حالهم "
" انا كدة مش هقدر اسيب اميرة تنزل لوحدها ابداا.. ومش هقدر اقولها
عشان ماتقلقش اكتر "
" وانا هحاول اخلي مها تسافر يومين الامارات "
" فكرة كويسة نسافر كلنا اي مكان ... اهو نغير جو بردو "
" ااه ممكن .... خلاص انا هشوف ايه الي ممكن يتعمل وهقولك "
" طيب تمام"
---------------------------------
سارة واميرة بيتكلموا مع بعض
يدخل مازن من باب الشقة ومعاه مامته
اميرة قامت وقفت بسرعة ومستغربة الموقف
مازن " اهلا اميرة .. عاملة ايه ؟؟ "
اميرة " الحمدلله .. انتا عامل ايه ؟؟ "
" الحمدلله ... سارة حضري العشا عشان ماما تتعشي معانا "
بصت سارة لاميرة وهما الاتنين مستغربين
مازن " يالا يا سارة "
سارة " حاضر ... تعالي ساعديني يا اميرة ؟؟"
سلوي ( والدة مازن ) " تساعدك ايه ؟؟ ... وانتي بعد كدة هتعملي ايه
وانتي لوحدك ؟؟ "
اميرة وسارة بيبصوا لبعض وهما مش عارفين يردوا
سلوي " سيبي ااميرة هتكلم معاها شوية "
----------------------------
حسام وغادة ف المستشفي
حسام " غادة .. حبيبتي "
" نعم يا حسام ؟؟ "
" زعلانة مني ؟؟ .."
" مش وقته يا حسام ... المهم ان بنتنا كويسة "
" ااه االحمدلله ... بس انا مش عايزك تزعلي مني .. انا اسف "
" خلاص يا حسام مش زعلانة "
قرب حسام منها وباس راسها
-------------------------------------
ف بيت سارة
سلوي " ايه يا اميرة لسه مفيش حمل ؟؟ "
اميرة " افندم ؟؟!!! "
" يعني بقالك كتير متجوزة ... ايه هو في مشكلة "
" مشكلة ؟؟؟؟؟؟ ... والله يا طنط انا مش بفكر ف الخلفة دلوقتي "
اميرة بتتكلم وهي مش طايقاها
سلوي " لالالالا هو ايه اللي ما بتفكريش ف الخلف ؟؟ ... وجوزك راضي
بكدة ؟؟؟ "
" والله دي حاجة تخصني انا وهو ... وما اسمحش لحد يتدخل فيها "
مازن " في ايه يا اميرة .. ماما بتتكلم عادي "
امير " طيب ماشي .. وانا كمان بتكلم عادي ... عن اذنكوا انا لازم امشي
"
سلوي " ما انتي قاعد معانا .. خليكي اتعشي معانا .. لما نشوف اكل سارة
طعمه ايه ؟؟؟ "
اميرة " ربنا يخليكي يا طنط ... انا هدخل اسلم علي سارة "
--------------------------
دخلت اميرة المطبخ لسارة اللي كانت واقفة مش طايقة نفسها
اميرة " انا همشي يا سارة .. عايزة حاجة مني قبل ما امشي "
سارة " انتي هتسيبيني لوحدي معاها "
" بجد ربنا يكون ف عونك ... ايه ده ؟؟ ... دي ست مش طبيعية "
" ربنا يستر وماتقلبش بخناق "
" ربنا معاكي يا حبيبتي .. انا لازم امشي عشان احمد زمانه جاي
.."
" طيب استني مازن يوصلك "
" لا احمد هيعدي عليا "
" طيب يا حبيبتي .. مع السلامة "
وصلتها سارة لحد الباب وسلمت عليها
---------------------------------
احمد واميرة ف العربية
اميرة " ربنا يكون ف عونك يا سارة "
احمد " يا حبيبتي ... عادي مش ممكن يعني تتدخل ف كل حاجة ... وبعدين
ايه اللي يخلي سارة تسمع كلامها "
" انتا ما شفتش كانت بتتكلم ازاي ... وبعدين حتي كلامها معايا عصبني
اوي "
" كلام ايه ؟؟ "
" بتقولي ليه مش حامل لحد دلوقتي .. ولو في مشاكل ,.. ولو مش عارفة
ايه "
ابتسم احمد وهو شايف اميرة بتتكلم وهي متعصبة
بصتله اميرة لقيته مبتسم
اميرة " في ايه ؟؟ "
" شكلك حلو اووي وانتي متعصبة كدة ."
" يا سلام .. يعني انا متعصبة وانتا بنتضحك "
" طيب خلاص خلاص ماتزعليش .. هاه وبعدين قالتلك ايه ؟؟ "
كان احمد بيتكلم وهو بيضحك
اميرة بصتله وضحكت هيا كمان
احمد " طيب والله الضحكة دي
عندي بالدنيا "
اميرة مكسوفة ووشها احمر
احمد " يا سلام عليكي وانتي مكسوفة كدة "
مسكت اميرة ايده وقربت منه وباسته ف خده
اميرة " ربنا يخليك ليا .. انتا بجد بتخليني اضحك وانسي كل اللي
مضايقني "
احمد " ويخليكي ليا يا حياتي "
---------------------------
احمد فرحان جدا .. فضل يلف بالعربية واميرة جمبه
ماسكين ف ايد بعض
احمد " زهقتي ؟؟ "
اميرة " لا مش زهقانة ... ايه اللي هيخليني ازهق "
" طيب تحبي نروح نتعشي في اي مكان "
" طيب ماشي "
----------------------------
مازن وسارة مع بعض بعد ما مامته مشيت
سارة دخلت الاوضة بسرعة من غير ما تبص لمازن
مازن راح وراها
مازن " مالك يا سارة ؟؟؟"
سارة " كل ده ومالك يا سارة ؟؟!!!! "
" ايه الي حصل لكل ده ؟؟؟؟ "
" انتا هتجنني ؟؟؟!! .."
" يا سلام كل ده عشان ماما جت تتعشا معانا ؟؟ "
" والله ؟؟ .. جت تتعشا بس ؟؟؟ ... ولا كانت بتتدخل ف حياتنا ؟؟
"
" تتدخل ايه ؟؟ .. هي عملتلك حاجة "
" لا خالص ... انتا شايف انها ما اتدخلتش ف حاجة .. ده كفاية كلامها
مع اميرة "
" اااه قولي كدة بقي ... اميرة ؟؟!!! ....هيا بقي اللي سخنتك علينا
"
" ايه اللي انتا بتقوله ده ؟؟ ... انتا مش كنت موجود وسمعت الكلام
اللي اتقال ولا ايه ؟؟ "
" انا تعبت بجد من الكلام ده .. انا مش ناقص شغل الستات ده .. تصبحي
علي خير "
سابها مازن ونام
--------------------------
مها ومصطفي جاهزين ورايحين الشغل
مها " حبيبي ممكن تسبقني انتا وانا هعمل كام مشوار كدة وابقي احصلك "
مصطفي " لا "
" لا ؟؟؟ ... في ايه يا مصطفي ؟؟ .. مالك مش علي بعضك ليه ؟؟ "
" مفيش حاجة .. بس بلاش تروحي حته النهاردة "
" ليه ؟؟ ... في ايه .. عايزة افهم انتا مش طبيعي خالص "
" مفيش حاجة .. بس مش عايزك تروحي حته لوحدك "
" اروح حته لوحدي ؟؟ ... :من امتي ده يا مصطفي "
قربت منه مها ومسكت ايده "
" مالك يا مصطفي "
" خايف عليكي يا حبيبتي ومش عايزك تبقي لوحدك ابداا "
" بس ايه الجديد يعني ؟؟ " ايه اللي حصل لكل ده ؟؟ "
" وليد خرج من الحبس "
" ايه ؟؟ ........ ازاي يعني ؟؟ "
" خرج بكفالة "
-----------------------
احمد صحي بدري .. اميرة نايمة ف حضنه
حاول يقوم عشان مايصحيهاش
اميرة حست بيه وقامت
اميرة " صباح الخير "
احمد " صباح الخير يا عمري "
" احضرلك الفطار ؟ "
" لا شوية كدة ...خليكي قاعدة معايا "
" حاضر .."
" مكملناش كلامنا المر اللي فاتت "
" كلام ايه ؟؟ "
" بتحبيني يا اميرة ؟؟؟ "
-------------------------------------------
حسام وغادة ف البيت وملك نايمة عالسرير
حسام " حبيبتي .. انا هنزل شوية "
غادة " رايح فين دلوقتي "
" هنزل الشركة شوية .. لازم اسلم ورق مهم اوي "
" طيب يا حبيبي .. هتاخر ؟؟ "
" لا مش هتاخر.. ساعتين كدة وهكون هنا ان شاء الله "
" طيب انا المفروض هروح للدكتور النهاردة عشان ملك "
" طيب نبقي نروح سوا ان شاء الله "
" لا خليك انتا .. انا هروح عشان ما نتاخرش ...لازم نعمل التحاليل
دلوقتي عشان نستلمهم قبل معاد الدكتور بليل "
" طيب حد هيروح معاكي ؟؟ "
" ااه يمكن اقابل اميرة "
" طيب خلاص ماشي "
-----------------------
اميرة واحمد بيتكلموا
" بتحبيني يا اميرة ؟؟؟ "
" اااااه "
" ااه ايه ؟؟ "
" احمد ............"
" مش عايزة تقوليها ليه عايز اسمعها منك ..."
" مش دلوقتي ... انا هجهز عشان اقابل غادة دلوقتي "
" طيب يا اميرة .. مش هضغط عليكي "
---------------------------
احمد وحسام ف الشغل
موبايل حسام بيرن
شاف رقم غادة .. رد بسرعة
حسام " الو .... "
غادة " الحقني ياااا حساااااااااااااام .... ...........
نتقابل الحلقة الجاية
مستنية ارائكوا
ليست هناك تعليقات:
إرسال تعليق