الحلقة 14
سارة واميرة بيتكلموا مع بعض
سارة " هو قلقان اوي كدة .. مش خلاص انتوا خلصتوا
من الزفت اللي اسمه وليد ده "
اميرة " ايوة خلصنا منه والحمدلله ...من بعد ما
اتقبض عليه واحنا الحمدلله رجعنا لحياتنا الطبيعية "
" طيب مها عاملة ايه دلوقتي ؟؟ "
" احسن كتير .. ارتاحت اوي بعد ما اتقبض علي وليد
.. تحسي انها اخدت حقها منه .. لما كلمتها قالتلي انها لما سمعت انه اتقبض عليه
حست ان اختها ارتاحت "
" الحمدلله انكون ارتاحتوا منه .... هتعزميها علي
الفرح ؟؟ "
" مش عارفة ... ده فرحك انتي يعني لو عايزة تعزميها
انا هكلمها "
" ااه يا ريت ... اهو تفرح شوية معانا "
" طيب كويس .. انا هكلمها ان شاء الله واعزمها
وهخلي احمد يكلم مصطفي "
"يالا نامي يومنا هيبقي طويل اوي بكرة "
" طيب تصبحي علي خير "
" رايحة فين ؟؟ "
" هكلم احمد اطمن عليه بس "
" ايوة يا عم الله يسهله "
" انتي الواحد مش المفروض يقول قدامك كلمة ابدا ..
نامي "
---------------------------
موبايل احمد بيرن
يشوف اسم اميرة يرد بسرعة
احمد " حبيبتي ,... وحشتيني اوي "
اميرة " ااااا............ عامل ايه ؟ "
" الحمدلله ... مكسوفة تقولي اني وحشتك ؟! "
" احمد بس بقي .. انا بتصل اطمن عليك .. واطمنت
خلاص .. يالا روح نام بقي "
" لا انا
ما صدقت انك اتصلتي اصلاا .. وحشتيني اوي .. مش عارف ازاي هعرف انام وانتي
بعيدة عني "
" يا سلام ؟!! .. دا يا دوبك ساعتين اللي غبت عنك
فيهم ... كفاية دلع بقي "
" دلع ؟؟!!! .. طيب ماشي انا بدلع بقي ... فيها ايه
لما اتدلع علي مراتي حبيبتي "
" بس بقي نسيتني الموضوع اللي كنت عايزة اقولهولك "
" موضوع ايه؟؟ "
" عايزاك تكلم مصطفي وتعزمه علي فرح سارة "
" حاضر هكلمه بكره ان شاء الله ... نازلين بكرة ؟؟
"
" ان شاء الله .. هننزل نروح الشقة الاول نشوف ايه
اللي ناقص .. وبعدين هشتري فستان "
" فستان... طيب محتاجة فلوس ؟؟ "
" لا... ربنا يخليك ... معايا كفاية "
" طيب "
" يالا روح نام .. تصبح علي خير "
" وانتي من اهله ... اميرة "
" نعم "
" انتي اتصلتي ليه ؟؟!! "
" روح نام يا احمد ... سلام "
" مع السلامة يا روح قلبي "
-------------------------------------
يوم الفرح .. سارة وغادة ومها واميرة مع بعض ف الكوافير
سارة " اميرة هو احمد قال انه هيجي بالعربية صح ؟؟
"
اميرة " ايوة .. ماتخافيش بقي انتي قلقانة علي كل
حاجة ليه كدة ؟! "
سارة " يعني لو مش هيلحق يظبطها ويزينها اقول لمازن
يجيب العربية وخلاص "
غادة " طيب عربية مازن .. مين هيسوق بقي ؟؟ "
اميرة " صح مين هيسوق؟؟ .. ولا اقولك خليه يجيب
العربية ويسوقها هو وانتي تعالي اركبي معانا احنا "
سارة " يا سلام ؟؟؟ "
مها " ماتقلقيش من حاجة بقي .. هو قال هيظبط
العربية انتي ايه اللي يخليكي قلقانة كدة ؟؟ ... وبعدين هي هتفرق معاكي العربية
متزينة ولا لأ ؟؟ "
سارة " صح يا مها عندك حق .. مش هتفرق العربية
المهم اللي هيبقي جنبي ف العربية "
اتكلمت سارة برومانسية وخلصت كلامها بتنهيده
كلهم ضحكوا وهما بيبصوا لبعض
----------------------------
احمد وحسام بيزينوا العربية
المكان كله ورد وزينه حلوة
احمد " ها ؟ ايه رأيك كدة ؟؟ "
حسام " حلوة .. بس انتا ايه اللي خلاك تقول انك
انتا اللي هتزفهم بعربيتك ؟؟.. ما ممكن اي حد من عند مازن يزفهم ؟؟ "
" اولا مازن مالهوش اخوات .. ثانيا لما انا اروح
بالعربية هتبقي اميرة جنبي ف العربية ."
" يا سلام يعني لو ما روحتش بالعربية اميرة مش
هتبقي جنبك ف العربية ؟ "
" لا .. عشان اميرة مش هتسيب سارة لوحدها حتي وهما
ف العربية "
" ااه طيب طيب .. كله عشان خاطر اميرة "
" ااه وبعدين كدة هحس اني من العيلة كدة ويقدروا
يعتمدوا عليا . وخصوصا ان عمي محمد معندوش ولاد .. وهو كدة يقدر يعتبرني ابنه
"
" ااه ..يا حظك يا اميرة ... اتجوزتي اخوكي "
" هههههههه بس وبدل اللي انتا بتعمله ده .. حسس
مراتك انك لسة بتحبها "
" يا سلام ؟؟ ... حد قالك اني بكرهها ؟؟ ....
وبعدين روح اانتا حسس مراتك انها متجوزة جديد .. ده حتي شهر العسل ما اتهنتش بيه
"
" ما انا بحاول اعوضها عن الايام اللي فاتت ....
ومحضرلها مفاجأة كمان بعد الفرح "
" مفاجأة ايه ؟؟ "
" لسة مش هقول دلوقتي لما اتأكد ان كل حاجة تمام
الاول "
" طيب ربنا يسعدك .. بس لو المفاجأة دي فيها بنات
انا معاك يا معلم "
" ههههههههههه .. والله لو مراتك سمعتك دلوقتي
هتقتلك "
---------------------
مصطفي " الو .. ايوة يا احمد .. ااه تمام .. لا كل
حاجة جاهزة .. ااه بعد الفرح علي طول ... ااه هو حسام جاي معانا ؟؟ ... ااه طيب
تمام عالعموم انا عملت حسابه احتياطي .. طيب تمام .. خلاص انا هحصلك .. سلام
"
---------------------
عند الكوافير .. احمد وحسام و مازن ومصطفي وناس كتير
واقفين
مها وغادة يطلعوا الاول و بعدها تطلع سارة .. واميرة
وراها ماسكة طرحة سارة
مازن يبتسم اوي لسارة ....احمد عينه ف عين اميرة
كلام كتير اوي بيتقال بين عينهم
ركبوا العربية .. اميرة قدام جنب احمد . وسارة ومازن ورا
--------------------------
احمد " ايه القمر ده "
اميرة اتكسفت وابتسمت ابتسامة خفيفة
احمد " معقول مراتي بالجمال ده كله .. لا لا انا
كدة اغير عليكي مني انا شخصيا "
اميرة " بس بقي مش وقت الكلام ده "
" طيب خلاص مش وقته .......
سكت احمد دقيقة ....
" دلوقتي وقته ؟؟ "
" بس بقي بجد .. سوق وانتا ساكت "
" حاضر حاضر .. بلاش التكشيرة دي .. اهو مش هتكلم
خالص "
---------------------------------
عفاف " هتوحشني اوي .. البيت هيبقي فاضي خالص من
غيركوا "
اميرة " يا ماما انتي بتعيطي ليه دلوقتي .. خلاص
بقي عشان سارة ماتزعلش "
" دي دموع الفرحة يا اميرة ... الحمدلله اني عشت
وشفت اليوم اللي بناتي الاتنين كل واحدة ف ايد جوزها "
" ربنا يخليكي لينا يا ماما .. ومايحرمناش منك ابدا
"
" ويخليكي ليا يا حبيبتي .. عقبال ما اشوف عيالك يا
اميرة "
ابتسمت اميرة وهزت راسها
اميرة " يالا بقي تعالي نتصور مع سارة "
---------------------------------------
اغاني هادية و كل اتنين بيرقصوا مع بعض
--------------------------------
مصطفي " فاكرة يوم
فرحنا يا مها ..؟ "
مها " طبعا يا روحي
.. كان اجمل يوم ف حياتي "
" فاكرة شهر العسل
؟؟ "
" لأ "
" لا !!! "
" عشان شهر العسل
ده مجرد شهر ... وانا حياتي معاك كلها شهور عسل "
" ربنا يخليكي ليا
يا روحي "
------------------------
احمد " احنا هنوصل
سارة بعد الفرح صح ؟ "
اميرة " ااه
هنوصلهم المطار .. معلش بقي احنا تاعبينك معانا "
" ايه اللي انتي
بتقوليه ده ؟؟ ... وانا بتعب عشان مين ؟.. انا بعمل كل ده عشانك انتي "
" ربنا يخليك ليا
..... "
" كملي ... يا ؟؟؟؟
"
" ربنا يخليك ليا
يا احمد "
" بردو مكسوفة ؟؟
... طيب هتفضلي مكسوفة مني كتير كدة .. عايزك تتعاملي معايا عادي .. اعتبريني زي
جوزك يعني "
" هههههههه .. حاضر
.. بس اخاف جوزي يزعل ؟؟ "
" لالالا مش هيزعل
ما تخافيش .. هو قالي انه هيزعل لو ما عملتيش كدة "
" هههههههههههه طيب
حاضر .. انا مش اقدرش ازعله "
" ايوة بقي ...
ايوة كدة .. يا سلام عليكي وانتي رومانسية كدة "
-----------------------------
مازن " بحبك اوي يا
روحي .. مبسوط اوي اننا بقينا لبعض اخيرا "
سارة " وانا كمان
بحبك اووي .."
" نفسي اخدك دلوقتي
ونطير "
" ما تستعجلش هنطير
بعد الفرح ان شاء الله "
" ااه يا ستي ..
انا مش عارف صممتي ليه عالسفر بس .. ما احنا كان ممكن نقضي شهر العسل هنا "
" تاني يا مازن ..
انتا يعني غاوي تعكنن عليا كدة "
" خلاص خلاص .. بدل ما تقلب بخناق "
----------------------------------
غادة " فاكر يا
حبيبي اول رقصة لينا مع بعض "
حسام " مش فاكر
"
" يا بااااااااااااااي
عالرخامة ."
" رخامة .. طيب يا
ستي الله يسامحك .. وبعدين عايزاني افتكر ايه .. انا كل اللي فاكره االكعب اللي
كسرلي رجلي "
" يا سلام ما انتا
اللي مش عارف ترقص .. وبعدين حد قالك ترقص معايا "
" لالالالا هما بس
كل اللي كانوا موجودين ف الفرح وال(dj) “
" هههههههه ماكنتش
عايز ترقص معايا slow يوم فرحنا "
" اه من ناحية رقصت
.. فانا رقصت اووي .. كنت برقص علي رملة سخنة تقريبا...من كتر ما رجلي وجعتني "
-----------------------------------------
بعد الفرح وصلوا سارة
ومازن المطار
احمد " انا عاملك
مفاجأة حلوة اوي يا اميرة "
اميرة " مفاجأة ايه
؟؟ "
" يالا بينا بس
وانتي تعرفي "
------------------------------
مشيوا بالعربية ووراهم
مصطفي و مها
--------------------
اميرة " ايه ده يا
احمد ؟؟ .........."
مستنية ارائكوا
نتقابل الحلقة الجاية
ليست هناك تعليقات:
إرسال تعليق