الحلقة الثالثة
طارق وسيلا ف الكافيه
طارق وسيلا ف الكافيه
سيلا " طارق من فضلك .. انا مقتنعة باللي بقوله "
طارق " طيب علي فكرة حمزة معجب بيكي .. وعايز يتجوزك ... وهوا قالي كدة بعد ما انتي سافرتي علي طول "
" ايه ؟؟؟ ........ ازاي تحصل حاجة زي دي وماتقوليش ؟؟؟ "
" كنتي هتعملي ايه يعني ؟؟ ... كنتي هتعامليه كويس ؟ "
" يمكن ... ويمكن كنت هزأته اكتر ... دي اكتر حاجة تبينلي انه جبان .. ليه مجاش كلمني بنفسه .. لازم يعني يقول لوسيط بينا ... بجد النوعية دي بتعصبني "
" انتي ليه بتتكلمي كدة ... انا بقول بيحبك وماشفكيش غير مرتين تقريبا .. عايزاه يروح لحد عندك ويقولك بحبك .. انتي شوفتي عملتي فيه ايه عشان قالك غيبتي علينا ... امال بقي لو قالك وحشتيني هتعملي فيه ايه ؟؟ "
" ما اعرفش بقي .. انا مش بحب كدة يا طارق .. مش عايزة ارتباط خاالص "
" طيب ممكن افهم ايه السبب ؟؟ "
----------------------------------
هشام ف الشركة .. يوصل الممول الجديد وشريكه ف الشغل
هشام " اهلا ... ازيك ؟ "
يوسف " الحمدلله .. ازاي حضرتك "
" الحمدلله .. هاه ايه الاخبار الجديدة ؟؟ "
" كل حاجة تمام زي ما اتفقنا .. والمشروع هيبدأ بعد اسبوعين ... لازم نسافر ونتابع الشغل من هناك "
" بس سفر دلوقتي هيبقي صعب "
" طيب مفيش اي مشكلة .. انا ممكن اسافر الاول هخلص كل الشغل هناك و بعدين حضرتك ممكن تسافر "
" طيب كويس جداا .. كدة مناسب ليا .. معلش بقي بس بنتي عندها امتحانات ومش هينفع اسيبها لوحدها .. وكمان الشغل هنا محتاج حد يشرف عليه اليومين دول "
" ولا يهمك ... انا لازم استأذن .. عن اذن حضرتك "
" تمام .. نتقابل بعدين ...ممكن تتعشي معانا بكرة ؟؟ "
" مش عارف مواعيدي بس هحاول واكلم حضرتك "
" طيب تمام "
-------------------------------------
سيلا وطارق ف الكافيه
طارق " طيب ممكن افهم ايه السبب ؟؟ "
سيلا " انتا عارف .. انا مش عايزة ارتبط بواحد وبعدين نسيب بعض .. مش عايزة اتعلق بحد ف حياتي .. انا عارفة اني مش البنت المثالية .. وعارفة اني مجنونة ومحدش هيستحملني "
" اولا انتي مش مجنونة .. يمكن شغوفة بكل حاجة بتعمليها .. بس ده مش جنان .. وبعدين مفيش حاجة اسمها البنت المثالية .. البنت بتبقي مثالية لما تحب وتتحب ووقتها حبيبها بيشوفها مثالية .. لانهم بيبقوا شايفين بعض بطريقة تانية "
" طارق من فضلك ماتصدعنيش بالكلام ده "
" كل ده عشان باباكي ومامتك ما قدروش يكملوا مع بعض "
" طارق من فضلك .. انا تعبت ولازم امشي "
-------------------------------------
سيلا و هشام ف مطعم بيتعشوا
سيلا " حلو اووي المطعم ده يا بابا "
هشام " ااه حلو والديكور حلو .. ايه رأيك نعمل زيه ف الفندق الجديد ؟ "
" مممممم .. مطعم زي ده ف الفندق .!!!! ... مش عارفة هيا فكرة حلوة بس انتا ممكن تعمل احسن منها "
" احسن منها !! .. زي ايه ؟ "
" مش عارفة دلوقتي .. بس صدقني هفكر فيها "
" خلاص انا هسيب الموضوع ده عليكي "
" وشريكك الجديد مش هيعترض ؟؟ "
" لا ما تخافيش .. انا واثق انه مش هيعترض انا ليا 51% يعني حق الادارة "
" حلو اووي .. انا مش ناقصة واحد عجوز كل همه الفلوس يقولي اعمل ايه وما اعملش ايه ف شغلك .. صح ؟ ... مش انا بنتك ومن حقي اقول رايي ف شغلك "
" لا .. انتي اصلا صاحبة الشغل ... انا بعمل كدة عشان مين ؟؟ .. انا مليش غيرك .... وبعدين هوا مش راجل عجوز اووي كدة ."
" ااه طيب مش عجوز .. ف الخامسينات مثلا ؟؟ "
" هههههههههه .. لا شاب.. وصغير كمان .. يعني لسة ف بداية حياته "
" وااااااااو .. لسة ف بداية حياته وبيعمل شغل بالملايين .. لا بجد كويس "
" اااه كويس .. طيب ما انتي قريب ان شاء الله هتمسكي انتي الشغل اللي بالملايين ده "
" يمكن ... "
-----------------------------------
يشوف هشام واحد قاعد علي تربيزة بعيدة
هشام " ااهو ... ابن حلال اللي كنا بنتكلم عنه ..."
سيلا " مين ... شريكك ده ؟؟ .. "
سيلا " مين ... شريكك ده ؟؟ .. "
" ااه .. قاعد هناك اهو .. بصي وراكي هتلاقيه "
" لا مش ببص ورايا ابداا يا بابا "
" طيب انا هقوم اسلم عليه واجيلك .. "
" طيب ماشي "
-----------------------------
يقوم هشام ويروح للترابيزة اللي قاعد عليها يوسف
يوسف يشوف هشام يقوم بسرعة يسلم عليه
سيلا يجيلها تليفون تقوم ترد بسرعة
------------------------------
يوسف " اهلا .. ايه المفاجأة الحلوة دي ؟ "
هشام " اهو ربنا كتب لنا نتقابل عالعشا بالرغم من المواعيد "
" ااه ... كويس جدا اني قابلتك . كنت ناوي اكلم حضرتك النهاردة "
" خير في حاجة ؟؟ "
" لا ابداا .. انا بس ناوي اسافر بكرة .. فا كنت هسأل حضرتك لو تحب تسافر معايا... انا بيتهيألي يعني ان الشغل استقر هنا شوية .. وبنت حضرتك اكيد خلصت امتحانات "
" ااه فعلا الشغل استقر .. خلاص ممكن نسافر بكرة سوا ... تعالي اعرفك علي بنتي "
يروحوا ناحية الترابيزة .. بس سيلا مش موجودة
هشام " كانت هنا .. راحت فين بس ؟؟ "
يوسف " يمكن راحت ال fun city تلعب ولا حاجة ؟ "
" ههههههههههههههههههههههههههههه "
" حضرتك بتتضحك ؟؟ .... في حاجة ... انا قلت حاجة غلط ؟؟ "
" ههههههههههه .. بنتي عندها 22 سنة ... يعني بطلت الالعاب من زمان "
" ااااااااه اسف جدااااا .. مكنتش اعرف ... متاسف جداا "
" في ايه لكل ده .. حصل خير ... ما تتاسفش ... بس مش عارف المجنونة دي راحت فين ؟؟ ... ثواني هتصل بيها "
------------------------------------
هشام " الو .. سيلا .. انتي فين ؟؟ "
سيلا " سوري يا بابا .. انا لقيتك مشغول وجالي تليفون وطلعت قابلت صحابي برة "
" طيب خلصتي يعني ؟؟ "
" تقريبا .. انا جاية دلوقتي "
" طيب يالا تعالي .. مستنيكي "
يلتفت هشام ليوسف
" معلش بنتي مجنونة شوية .. صحابها كلموها .....وطلعوا واقفوا برة شوية "
" عادي .. ولا يهمك .. انا لازم استأذن "
" طيب خليك شوية .. اعرفك عليها ؟؟ "
" معلش وقت تاني "
---------------------------------
يخرج يوسف من المطعم
ف نفس اللحظة سيلا بتسلم علي صحابها
يشوفها ويوقف مكانه ................
مستنية ارائكوا ...
حــنــان مــحــمــد
ليست هناك تعليقات:
إرسال تعليق