الحلقة السادسة
سيلا تدخل الفيلا بتجري
تروح علي اوضتها بسرعة ودادة فاطمة وراها
فاطمة " مالك يا بنتي بتعيطي كدة ليه ؟؟
سيلا " تعبانة اووي يا داده .. تعبانة "
ترمي سيلا نفسها ف حضن فاطمة وتعيط
" يا بنتي اهدي وفهميني ايه اللي حصل ؟ "
سيلا تتكلم وهيا بتعيط
" زهقت يا داده زهقت من كل حاجة ف حياتي .. حاسة اني هتجنن قريب من كتر التفكير ف معاملة الناس "
" طيب اهدي يا حبيبتي .. مفيش حاجة تستاهل دموعك ابداا "
" هو انا وحشة اووي كد يا داده ؟ ؟ "
" وحشة ايه بس ... دا انتي زي القمر "
" مش قصدي الشكل يا داده .. انا قصدي طبعي وشخصيتي "
" لا بردو .. مين اللي قال كدة ؟؟ ... ده انتي متعلمة ومثقفة و عاقلة والف مين يتمناكي "
" ...................... "
" قومي اغسلي وشك وتعالي احكيلي كل حاجة "
-----------------------------------------
هشام ويوسف مع بعض
يوسف " طبعا .. اللي حضرتك بتقوله ده صعب جدااا .. بس مش عارف حضرتك هتتصرف ازاي "
هشام " ولا انا .. بس الاهم سيلا دلوقتي هيا اللي بفكر فيها "
" انا عارف ان الوقت مش مناسب خالص .. بس انا شفت سيلا واعجبت بيها .. وبطلب ايدها من حضرتك ؟؟؟؟ "
" ايه ؟؟ .. تطلب ايد بنتي انا ؟؟ "
" ااه طبعا .. انا يشرفني بجد اني اتجوز بنت حضرتك "
" بس انتا تعرف سيلا منين ؟؟ "
"ان شفتها يوم المطعم وشفتها ف الشركة بردو ... بس انا ما كلممتهاش يعني شفتها بس وسالت السيكيورتي قال انها بنت حضرتك "
" يعني انتا شفتها بس .... وعايز تتجوزها ؟؟ "
" ااه .. مش عارف ليه فيها حاجة شدتني جداا ليها .. زي ما يكون هيا دي اللي ربنا كتبهالي "
" والله انا مش عارف اقولك ايه ؟؟ ... انا يشرفني طبعا انك تبقي جوز بنتي .. بس ...."
" بس ايه حضرتك ؟؟ .. يعني لو في حد ف حياتها ممكن تصارحني "
" لا بالعكس مفيش حد ف حياتها خالص .. وانا معنديش اي مانع "
" طيب ايه المشكلة ؟؟ "
" المشكلة ف سيلا .. انا مش عارف هيا هتوافق ولا لا ... دي بنتي وانا عارف انها مش هتتجوز بالطريقة دي "
" طيب احنا ممكن ننتعرف علي بعض الاول واشوف رايها فيا ايه ؟؟ "
" هو الموضوع مش بالسهولة دي .. بس سيبني انا اتصرف .. انا هعرف اقنعها "
------------------------------------------------------------------
سيلا و فاطمة مع بعض ف الاوضة
سيلا " انا يا داده واجهته .. قلتله اني مش بحب الراجل اللي بيتهرب ومش بيواجهه مشاكله بنفسه "
فاطمة " بس انتي غلطانة يا بنتي .. بردو مهما كان مكنش المفروض تعملي كدة "
" هو انا عملت ايه يعني لكل ده ؟؟ .. . انا مش بستحمل اشوف واحد جبان قدامي وبعدين ده سابني ومشي اول ما شافني "
" بردو .. ازاي تمسكي ايده كدة وتشديه ... بصي يا حبيبتي الراجل الشرقي ما ينفعش التعامل معاه كدة ... انا عارفة ان ده بالنسبالك عادي .. بس ف مصر حاجة تانية "
" بس انا ما عملتش حاجة يا داده .. وبعدين طارق كان معايا "
" عارفة يا حبيبتي انك ما عملتيش حاجة غلط .. بس هتعمل ايه بقي .. خلاص الموضوع عدي .. نامي انتي دلوقتي .. لازم ترتاحي "
" هحاول ... شكرا يا داده "
" العفو يا حبيبتي .. انتي زي بنتي ... يالا نامي ..... تصبحي علي خير "
" وانتي من اهله "
-------------------------------------------
طارق بيكلم رانيا ف التليفون
طارق " يا رانيا خلاص بقي ... عشان خاطري ما تزعليش "
رانيا " لا يا طارق لما ده بيحصل قبل ما نتجوز .. بعد الجواز هيحصل ايه ؟؟ "
" طيب انتي عايزاني اعمل ايه دلوقتي ياحبيبتي ؟؟ "
" عايزاك تقطع علاقتك بسيلا "
" ايه ؟؟؟؟؟؟؟؟!!!!!!!!! "
" قصدي يعني تقلل تعاملاتك معاها وبلاش الهزار والكلام اللي بينكوا ده "
" ايه اللي انتي بتقوليه ده ... انا وسيلا اخوات "
" ده اخر كلام عندي .. يا انا يا هياا ؟ "
-----------------------------------------
سيلا نايمة عالسرير بتفكر ف اللي حصل
سيلا " انتا ايه .. لازم تهرب كدة كل ما تشوفني ؟ "
حمزة " ايه ؟ ... ايه اللي انتي بتعمليه ده ؟ "
" مش عشان انا قلت اني مش عايزة اتكلم معاك... معناه انك ما تسلمش حتي .. وانا كنت افضل ان لو في حاجة تيجي تكلمني فيها بنفسك .. مش تروح تقولها لحد تاني يوصلي الكلام "
" انتي بجد مش طبيعية .. ايه الغرور ده ... تعرفي انا كنت معجب بيكي ...بس ندمان اني حتي فكرت فيكي .. انتي شايفة ان مفيش غيرك ف الدنيا ولا ايه ؟ "
" تصدق انك جبان بجد .. كل اللي انتا بتقوله ده وانتا ماقلتش حاجة اصلا ,.. بجد بكره امثالك "
" ان اسف بجد اني كلمت واحدة زيك .. انتي واحدة عديمة الاحساس ومش مستغرب انتي ليه ما اتجوزتيش لحد دلوقتي او ارتبطي .بأي حد . لان مفيش حد هيستحمل يعيش مع واحدة زييك "
تعيط سيلا بعد ما افتكرت كلام حمزة اللي جرحها فعلا
----------------------------------------------------
بعد يومين يرجع هشام من السفر
سيلا تترمي ف حضنه اول ما تشوفه
هشام " مالك يا حبيبتي ؟؟ .. فيكي ايه ؟؟ "
سيلا " وحشتني اووي يا بابا .. حسيت انك غبت سنتين .. محتجالك اووي يا بابا "
" طيب اهدي يا حبيبتي .. تعالي اقعدي "
تقعد سيلا وهشام وتحكيله كل اللي حصل معاها ف اليومين اللي فاتوا
هشام " بتصعبي عليا اللي عايز اقوله "
سيلا " عايز تقول ايه يا بابا ."
" انا كنت هطلب منك حاجة بس بعد اللي انتي قلتيه ده مش عارف اقولك ايه صراحة "
" بابا انتا تطلب مني اللي انتا عايزه وانا اكيد هعمل كل اللي انتا عايزه "
" مش عارف يا بنتي ... يعني هتوافقي علي اللي هقوله "
" ااه يا بابا .. انا ف اليومين دول كنت محتجالك اووي .. حسيت ان كلام حمزة صح ... انتا بجد استحملت كتير اووي وانتا الوحيد اللي بتستحمل التعامل معايا .. اللي انتا عايزة هعملهولك يا بابا ... مش عايزني اسافر( حاضر) .. هنزل اشتغل معاك ( حاضر) كل حاجة "
" طيب ولو قلتلك عايزك تتجوزي "
" ايه ؟؟!!! .. اتجوز ؟؟؟ .. بابا انتا عارف اني مش عايزة اتجوز "
" انتي قلتي هتعملي اللي انا هطلبه منك .. صح ؟؟ "
" يعني ايه ؟؟ "
" يعني دي ا كتر حاجة هتخليني مبسوط ... والعريس موجود .. هو كلمني ف الموضوع ده .. وانا موافق يعني شايف انه اكتر واحد مناسب "
" وده مين بقي ؟؟ "
" يوسف ........"
مستنية ارائكوا
نتقابل الحلقة الجاية
ليست هناك تعليقات:
إرسال تعليق