الحلقة السابعة
سيلا وهشام بيتكلموا
هشام " طيب ولو قلتلك عايزك تتجوزي "
سيلا " ايه ؟؟!!! .. اتجوز ؟؟؟ .. بابا انتا عارف اني مش عايزة اتجوز "
" انتي قلتي هتعملي اللي انا هطلبه منك .. صح ؟؟ "
" يعني ايه ؟؟ "
" يعني دي ا كتر حاجة هتخليني مبسوط ... والعريس موجود .. هو كلمني ف الموضوع ده .. وانا موافق يعني شايف انه اكتر واحد مناسب "
" وده مين بقي ؟؟ "
" يوسف ؟؟ ..."
" يوسف مين ؟؟ "
" شريكي ف الشغل اللي حكيتلك عنه قبل كدة ؟؟
" ااه .. هو انتا يعني يا بابا عايز تخلص مني بالسرعة دي ؟؟ "
" يا حبيبتي انا نفسي افرح بيكي ... وافقي عشان خاطري .. لو بتحبي بابا بجد ومش عايزة تزعليه وافقي عليه "
" بابا سيبني يومين افكر .... معلش بس الموضوع صعب شوية "
" براحتك يا حبيبتي .. فكري علي مهلك وانا هستني قرارك "
----------------------------------------
طارق يكلم سيلا
طارق " الو .. سيلا "
" الو .. ازيك يا طارق؟؟ "
" الحمدلله ... انتي ايه اخبارك ؟ "
" تمام ... ايه فينك .. ما قلتليش عاملت ايه مع رانيا ؟؟ "
" عايز اشوفك ... انتي فاضية دلوقتي ؟ "
" ااه فاضية .. تعالي عندنا البيت واتغدا معايا ... يالا هستناك "
" طيب ماشي انا جاي "
-----------------------------------------
يوسف يوصل عند مريم اخته
مريم " اهلا .. ازيك يا يوسف ؟؟ "
يوسف " الحمدلله يا حبيبتي .. انتي عاملة ايه ؟ "
" الحمدلله ... ايه شكلك بيقول في حاجة جديدة ؟؟"
" ااه .. في حاجات جديدة "
" ايه ؟؟ .. احكي يالا من البداية "
" حاااااضر ... اسمعي يا ستي .. شفت سيلا تاني .... "
" سيلا مين ؟؟؟ "
" البنت اللي كنت كلمتك عنها بتاعت المطعم "
" ااه .. اسمها سيلا ؟؟ "
" ااه ... المهم انها طلعت بنت صاحب الشغل الجديد ( هشام ) ...شفتها وكلمته وطلبت ايدها منه "
" ايه ؟؟!! ... بالسرعة دي ؟؟ "
" بصراحة خفت تضيع مني تاني "
" طيب ايه ؟؟ .. هيا قالت ايه ؟؟
" لسة مش عارف .. انا مستني الرد "
" يا رب توافق .. ربنا يسعدك يا حبيبي "
-----------------------------------
طارق مع سيلا
سيلا " يعني ايه ؟؟ .. . هيا عايزة تخيرك بيني وبيها .. انا حاجة وهيا حاجة تانية "
" ما انا عارف .. اعمل ايه بقي ؟ "
" مش عارفة والله "
" يعني ايه ؟؟ .. انا مش هقدر اخسرك يا سيلا ... بس ف نفس الوقت انا بحبها ومش عايز اسيبها "
" ااه .. طيب انتا شوف بقي هتتصرف ازاي "
" هوا ايه اللي شوف .. انتي كويسة يا سيلا ؟؟ ... شكلك فيه حاجة ؟؟ "
" ااه .. دماغي هتنفجر من التفكير "
" ف ايه ؟؟ .. ايه اللي حصل ؟؟ "
" بابا جايبلي عريس .. وشكلي كدة هوافق "
" ايه بجد ؟؟ ... هتوافقي ؟؟ "
" ااه شكلي كدة ؟؟ "
" لحظة ... احكي من الاول خاالص "
" ده شريك بابا ف الشغل الجديد ... انا مش عارفاه ولا شفته .. بس عارفة بابا كويس جداا وعارفة انه اكيد مش هيرميني لاي حد "
" يعني ف الاخر هتوافقي علي واحد ما تعرفيهوش "
" هعمل ايه يعني .. انا قلت لبابا اني هوافق علي اللي هيقوله .. وبعدين انتا نسيت كلام حمزة "
" ماله كلام حمزة .. وانتي مالك بيه "
" بس بردو .. انا هعمل كدة عشان بابا "
" سيلا انتي سافرتي ولفيتي العالم كله .. ف الاخر هتتجوزي واحد ما تعرفيش عنه اي حاجة .. ما تعرفيش اذا كان متحضر ولا لا .. تفتكري ممكن تاخدي واحد عقلية سي السيد ؟؟ "
" مش هيبقي كدة .. انا قلت لبابا انه لو واحد زيه انا هوافق ... ما تقلقش انتا عارف انه لو مش هيعجبني انا اطفش بلد "
" ههههههههههه ف دي عندك حق .. ماشي يا سو ربنا يسعدك "
" وانتا بقي حاول تصالح رانيا وقولها اني هتجوز يمكن تبطل تفكير ان في حاجة بينا "
" ان شاء الله .. يا رب تصالحني بقي "
-----------------------------------------
سيلا وهشام قاعدين مع بعض
هشام " بجد !!! ... يعني موافقة يا حبيبتي عن اقتناع "
"ااه يا بابا موافقة "
" طيب انا هكلمه اقوله يتعشي معانا بكرة واتعرفوا علي بعض "
" لا ... انا وافقت ااه بس عندي شرط "
" شرط ايه ؟؟ "
" انا عايزة اودع الحرية اللي انا عايشاها "
" ازاي يعني ؟؟؟ "
" بابا انتا عارف كويس ان حياتي مختلفة جداا .. عايزة اسافر شهرين "
" شهرين ؟؟!!!! "
" ااه يا بابا .. بعد اذنك انا مش هتجوز قبل ما اسافر .. انا مش عايزة اتجوز واندم اني ما عملتش كل اللي انا عايزاه "
" طيب يا حبيبتي ما تتجوزي وتسافري انتي هوا المكان اللي انتي عايزاه "
" لا يا بابا .. انا عايزة اودع الحرية والعذوبية .. مش عايزة حد معايا خاالص .. انا هشافر لوحدي "
" بس يا حبيبتي . .. "
" من غير بس يا بابا .. من فضلك قوله علي القرار ده ... انا مستعدة اني اتجوزه بس هسافر لوحدي الاول "
" مش عارف يا بنتي .. هقوله واشوف "
" وفي حاجة كمان "
" ايه ؟؟!!!! "
" انا مش عايزة اقابله ولا اقعد معاه "
" ايه ؟؟ .. ازاي بقي ؟؟ "
" بابا من فضلك .. انا موافقة بعد ما ارجع من السفر نتجوز علي طول بش مش عايز اقابله قبل ما اسافر "
" وده ينفع يعني ؟؟ "
" مش عارفة بقي ..."
" طلباتك غريبة جداا يا بنتي "
" معلش يا بابا استحملني بس الفترة دي "
" امري لله .. هكلمه واشوف "
-----------------------------------------------
سيلا بتكلم طارق ف التليفون
طارق " هههههههههههههه .. يا بنت الايه .. وانا اقول هتوافق بالسهولة دي ليه ... وانتي طلعتي حاطة خطة تطفشيه قبل ما تشوفيه "
سيلا " لا علي فكرة مش بطفشه .. بس خايفة يا طارق "
" خايفة من ايه بس .. انتي وافقتي تتجوزي "
" خايفة اكرر مشكلة سوزان وهشام .... خايفة اني اتحبس ف البيت .. انا نفسي اسافر واشوف العالم كله "
" طيب يا حبيبتي معلش .. خلاص بقي ماتزعليش ؟.. انا مش بحبك زعلانة "
" ربنا يخليك ليا يا طارق .. انتا عارف انك انتا اخويا الوحيد "
" انتي اختي يا بت .. يعني اخاف عليكي وابقي عايز مصلحتك دايما "
----------------------------------------
يوسف مع مريم
مريم " ايه الهبل ده ؟؟ ... ازاي يعني يا يوسف "
" هو ده اللي قاله .. مش عارف بقي هعمل ايه ؟؟ "
" يا سلام ... اوعي تكون هتوافق يا يوسف ؟؟ "
" ااه هوافق .. بس انا عندي حل كويس "
" حل ايه ؟؟ .... "
نتقابل الحلقة الجاية
مستنية ارائكوا
ليست هناك تعليقات:
إرسال تعليق