الحلقة الثانية عشر
~~~~~~~~~~
فريدة تحكى المكالمة اللي دارت بينها وبين احمد
احمد " الو .. ازيك يا فريدة "فريدة " الحمدلله .. انتا ايه اخبارك .."
احمد " تمام .. "
فريدة " خير .. فى حاجة جديدة ؟؟ "
احمد " ااه .. انا عارف انك هتزعلى منى جامد بعد الكلام اللي هقوله ده .. بس صدقينى انا ماكنتش اعرف حاجة ..."
فريدة "ليه بتقول كدة يا احمد؟؟.. فى ايه ؟؟"
احمد" انا ما جتش النهاردة معاهم عشان مش هقدر اواجهك .. عارف انى كدبت عليكى ف الاول ... بس انا قلت اتكلم قبل فوات الاوان .."فريدة " احمد .. من فضلك ادخل ف الموضوع علي طول .."
احمد " فريدة .. اوعوا تصدقوا ياسين ..ياسين كداب .. وناوى يخدع نغم ..هوا طلع واحد غدار اووي .."
فريدة "طييب ممكن بقي تحكيلى من الاول فى ايه ؟ "
احمد " ياسين جرح بنات كتير قبل كدة.. كان بيضحك علي البنات ويفهمهم انه بيحبهم .. وبعد ما البنت تتعلق بيه .. يبدأ يستغلها باسم الحب .. سمعت امبارح من واحد صاحبنا انه اتجوز عرفى قل كدة..وبعد ما اخد اللي هوا عايزه ضحك عالبنت وقطع الورق ... طبعا اهل البنت ماكنش ينفع يتكلموا لان ده بالنسبالهم عار ..وهوا ده اللي هوا بيستغلوا .. هوا ف الاخر بيقول انه كله بارادتها .."
فريدة "انتا ازاى تخبي عليا حاجة زى دى ؟؟.."
فريدة "انتا ازاى تخبي عليا حاجة زى دى ؟؟.."
احمد " صدقينى انا لما انتى كلمتينى انا سألت عن الموضوع كله ... طبعا ايهاب عمره ما كان هيقول حاجة ... انا سألت ناس تانية وعرفت كل حاجة .."
فريدة " انتا عاجبك المصيبة اللي انتا وقعتنا فيها دى ؟؟.. انا مش عرفة اقولك ايه بجد .. انا وثقت فيك واعتبرتك صديق ... انا قلت لنغم ف الاول علي ياسين عشان عارفة انه صاحبك .. شكرا اووى يا احمد .."
احمد " انا اسف يا فريدة...انا مستعد اساعدك انك تكشفيه وتنتقمى منه ... بس الاهم من كدة اننا عارفك وعارف قرايبك انهم استحالة يوافقوا علي حاجة زى دى ."
فريدة " ماشي يا احمد .. شكرا على موقفك ده معايا وانك اخيرا قررت تقول الحقيقة ...انا هعرف اتصرف لوحدى .. شكرا.."
*****************
خالد " هاه .. هنعمل ايه دلوقتى ؟؟.. "
اروى" لازم نقول لـ نغم طبعا ..."
فريدة " مش هينفع ... مش هتصدقنا ..."
اروى "طيب هتعملى ايه ؟؟.."
فريدة " انا هديله اللي هوا عايزه ...وف نفس الوقت هنتقم منه .."
خالد " ازاي يعنى ؟؟ "
فريدة "هوا مش عايز واحدة يستغلها .. ليه ما تكونش الواحدة دى مننا احنا ..يعنى بعيدا عن نغم .."
خالد " والله ؟!!! ... انتى بتهزرى يا فريدة ..صح ؟؟ "
فريدة " ليه اهزر ..انا فعلا هعمل كدة .."
خالد " لا طبعا .. ان مش هسمح ان اى واحدة فيكوا تعمل كدة ولا تقرب من الكلب ده حتى .."
فريدة"انتا عندك حل تانى ؟؟"
خالد " ااه .. قولوا لـ نغم عالحقيقة كلها ..ونقولها تبعد عنه .."
اروى " مش هتصدق .. هى عارفة اننا بنكره ياسين وهتفتكر اننا بنكدب عليها .."
خالد " يبقي هيا تستاهل اللى يحصلها بقي .."
اروى " لا طبعا ما ينفعش دى مهما كان اختنا .. هيا هبلة ااه وعبيطة وبتصدق اى حد .. بس بردو لازم نبقي جمبها... "
خالد " ماشي يا اروى ..بس انا مش هسيبك تروحى تتعاملى مع الحيوان ده ..."
فريدة " انا اللي هتعامل معاه .. انا هروح واكلمه ويعنى هعمل عليه شويتين كدة ...واهم حاجة لازم نغم تسمع الكلام اللي هيتقال بينا .."
خالد " لا يا فريدة ..كده انتى ممكن توقعى ف مشاكل اكتر ..."
فريدة " طيب عايزنى اعمل ايه ؟؟؟.."
خالد " زى ما قلتلك .. نكلم نغم .."
فريدة " مش هتصدق .."
خاالد " لا يبقي وقتها بقي نشوف حل تانى .."
****************
مريم بتتكلم مع ايهاب ..
تليفونها يرن ....
تشوف اسم عمر ..ترد بسرعة
مريم " الو ..."
عمر" الو...انى فين يا هانم ؟؟"
مريم " في ايه يا عمر ؟؟.."
عمر " ردى عليا انتى فين ؟؟"
مريم " انتا بتعلي صوتك عليا كدة ليه ؟؟...."
عمر " يعنى انتى مش عارفة ليه ؟؟..ان بحرق ف دمى هنا .. بتحايل على ده شوية وده شوية عشان جوازنا وسيادتك ولا انتى هنا ..."
مريم " انا قلتلك هكلم ماما يا عمر .. بلاش بقي الصوت العالى ده ..انتا بتزعقلى ليه اصلا ..."
عمر " بزعقلك ليه اصلا .. طيب غورى بقي .. انا غلطان اصلا انى كلمتك .."
***************
اروى وفريدة يكلموا نغم ..
بعد ما يحكوا كل اللي حصل ..
نغم " ياه للدرجادى يا بنات ؟؟... "
نغم " ياه للدرجادى يا بنات ؟؟... "
فريدة " هوا ايه ده اللي للدرجادى .."
نغم " مش قادرة اصدق انكوا ممكن تكدبوا عليا كدة .. حتى لو خايفين علي مشاعري .. ده ما يخليش اى حد فيكوا يكدب عليا كدة .."
اروى " نغم .. احنا عايزين مصلحتك .. ده واحد كل كلامه كدب ف كدب .."
نغم " بيتهيألى ان الست فريدة هيا اللي عرفتنى عليا .. ولات ايه ؟.."
فريدة " ااه .. وغلطانة يا ستى .. يبقى ليه نسيب نفسنا نغلط بزيادة "
نغم " مش عايزة اسمع كلام منكوا ..عن اذنكوا .."
***************
مريم بتحاول تتمالك اعصابها وتمنع دموعها ....
ايهاب بيحاول يفهم ايه اللي حصل ..
ايهاب بيحاول يفهم ايه اللي حصل ..
نغم واقفة لوحدها بتفكر ف كلام اروى وفريدة ..
اروى بتحكى لـ خالد رد فعل نغم ...
فريدة تحاول تتصل بـ احمد ...
يبعتلها رسالة و يقولها انه مشغول مع اصحابه ...
*****************
نغم مع ياسين ...
ياسين " مالك يا نغم ؟؟.."
نغم " حاسة انى عايزة ابعد ..."
ياسين " تبعدى فين ؟؟..."
نغم " عايزة ابقى انا وانتا بس ..تعالى نبعد يا ياسين .."
ياسين " بس كدة ؟.. ده انا اخطفك حالا عالحصان الابيض ...."
نغم " ههههههه ..طيب يالا بينا ..."
ياسين " طيب تعالى انا هوديكى مكان اول مرة تشوفيه ف حياتك .."
نغم " فين ده ؟؟.. "
ياسين " يعنى مش بعيد من هنا ... "
نغم " طيب هقول للبنات انى هروح معاك .."
ياسين " يووووووة يا نغم .. كل حاجة البنات ... البنات .. مش ولى امرك هما .. وبعدين انتى الكبيرة ..صح ؟؟.."
نغم " صح ..عندك حق .. يالا بينا .."
*****************
مريم بتعيط ومنهارة ..
تروح تدور علي نغم عشان تحكيلها اللي حصل ..
مريم " اروى .. هيا فين نغم ؟؟.."
اروى "مالك بتعيطى ليه ؟؟.."
مريم " مفيش حاجة .. نغم فين ؟؟"
اروى " مش عارفة .. يمكن مع فريدة .."
مريم " طيب .."
*****************
تتجه مريم لـ فريدة ..
فريدة ماسكة التليفون ومتعصة ..
مريم " فين نغم ؟..."
فريدة تلتفتن حواليها ..
تلاحظ اختفاء نغم و ياسين ..
تجري بسرعة اتجاه خالد واروى ...
نتقابل الحلقة الجاية
يا رب تعجبكوا ..
ليست هناك تعليقات:
إرسال تعليق