الحلقة التاسعة عشر
يوسف وطارق بعد العزاء
يوسف " فهمني بقي في ايه ؟؟ ... وليه مش عايزني اطلع لمراتي ؟؟ "
طارق " بلاش تخليها تشوفك دلوقتي "
يوسف " ليه ؟؟ .."
طارق " عشان مش عايزها تقولك اي حاجة دلوقتي وهيا متضايقة ... مش عايزها تاخد قرار ف وقت زعل .. "
يوسف " كلام ايه اللي بتتكلم عنه ؟؟ "
طارق " سيلا عايزة تتطلق منك .. "
يوسف " ايه ؟؟؟؟.... يعني ايه تتطلق ؟؟ "
يوسف وطارق بعد العزاء
يوسف " فهمني بقي في ايه ؟؟ ... وليه مش عايزني اطلع لمراتي ؟؟ "
طارق " بلاش تخليها تشوفك دلوقتي "
يوسف " ليه ؟؟ .."
طارق " عشان مش عايزها تقولك اي حاجة دلوقتي وهيا متضايقة ... مش عايزها تاخد قرار ف وقت زعل .. "
يوسف " كلام ايه اللي بتتكلم عنه ؟؟ "
طارق " سيلا عايزة تتطلق منك .. "
يوسف " ايه ؟؟؟؟.... يعني ايه تتطلق ؟؟ "
طارق " هيا قالت كدة .. صدقني انا مش عايزكوا تتطلقوا عشان كدة بقولك بلاش تكلمها ف وقت زعل "
يوسف " ليه ؟؟ .. خليني اعرف رأيها بصراحة .. مش بيقولوا الواحد ف وقت الزعل والعصبية بيتكلم بمنتهي الصدق ؟ "
طارق " لأ عشان كلامها هيكون من احساسها بالذنب ف موت باباها ... صدقني سيلا بتحبك "
يوسف " انا تعبت يا طارق ... مش عارف اعمل ايه عشان تسامحني ؟؟ ....انا بحبها جداا والله .. ومش هقدر ابعد عنها "
طارق " عارف يا يوسف وحاسس بيك ... انا بردو بحب رانيا جداا ولسة بحبها .. بس هيا كلمتني ف وقت غلط ... ماكانش ينفع اختارها واسيب سيلا ... بلاش تعمل زيي وتتكلم ف الوقت الغلط .. .. اوعي تكلمها عشان ما تندمش طول عمرك ... اصبر انتا وانا هقنعها "
يوسف " علي فكرة انا ما اتجوزتهاش طمع فيها ولا عشان كنت عارف بظروف باباها ... علي فكرة انا كتبت المشروع الجديد باسمها .. ونصيبها فيه 75 % دلوقتي .. بعد ما هيا بقت مكان باباها الله يرحمه "
طارق " صدقني هيا مش بتفكر ف كدة خالص ... انا عارف انك مش طمعان ولا حاجة .. بس سيلا اتعودت دايما ف حياتها انها تبقى لوحدها .. خالي دايما مسافر ومشغول اووي .. حتي مامتها لما قررت انها تنفصل عن باباها سيلا قالت ان الموضوع مش فارق معاها مع ان كان عمرها سة 8 سنين .... لانها دايما حاسة انها لوحدها "
يوسف " طيب انا ذنبي ايه ..؟؟؟ .. انا مش هسيبها لوحدها ابدا .."
طارق " المشكلة مش انك تسيبها لوحدها .. المشكلة انها اتعودت تبقي لوحدها .. يعني الانفصال مش هيفرق معاها "
يوسف "طارق من فضلك .. انا عارف انها بتسمع كلامك .. قولها اني بحبها .. واني مستعد اعمل اي حاجة عشانها .. بس ما تسيبنيش ارجوك "
طارق " ما تقلقش .. انا معاك ف الموضوع ده .. لاني عارف انها هتبقي سعيدة معاك ..وانك اكتر واحد هتخاف عليها وتصونها "
يوسف " طيب انا همشي دلوقتي واجيلها الصبح .. "
طارق " ليه ؟؟ ... خليك هنا ... بلاش نسيبها لوحدها النهاردة خصوصا ان سوزان عايزة تسافر "
يوسف " هتسافر دلوقتي ؟؟ ... وهتسيب سيلا ف الظروف دي ؟؟ "
طارق " عايزة تسافر بكرة ... قلتلك انها اتعودت عالفراق ...عشان كدة انا مش عايزك تسيبها انتا كمان حتي لو ثواني "
يوسف " طيب .. خلاص انا مش هسيبها .. "
--------------------------
سيلا نايمة عالسرير
دموع صامته ف عنيها ...
سيلا " بابا ؟؟؟ ... هيا ماما فين ؟؟ "
هشام " ماما سافرت يا حبيبتي ...."
سيلا " سافرت لوحدها ليه ؟؟ ... انا كنت عايزة اروح معاها .."
هشام " عايزة تسيبي بابا لوحده ؟؟ "
سيلا " طيب ما تيجي معانا .. "
هشام " ما ينفعش يا حبيبتي ... ماما سافرت تعيش هناك ف ايطاليا ... "
سيلا " طيب ما احنا نروح نعيش معاها ... "
هشام " مش هينفع .. ماما خلاص مش مراتي ... "
سيلا " يعني ايه ؟؟ .. يعني مش هشوفها تاني ؟؟ "
هشام " مين قال كدة يا حبيبتي ؟؟. .. هيا بردو ماما صح ؟؟ ... وهيا هتبقي تيجي تشوفك وانتي كمان لو عايزة تسافري تشوفيها ماشي .. "
سيلا " بس انا مش هسيب بابا .. عشان بابا مش هيسافر لوحده ويسيبني .... عشان بابا قالي اني هيعيش ف المكان اللي سيلا تعيش فيه صح ؟؟ "
هشام " طبعا يا حبيبتي .... مش هسيبك ابدااا ... عشان هشام بيحب سيلا اووي ومش هيسيبها ابداااا وهيعيش معاها علي طول .."
تعيط سيلا بعد ما تفتكر فراق مامتها وباباها
سيلا " سيبتني ليه ؟؟ ... انتا قلتلي انك مش هتسيبني ابداا ... كدبت عليا ليه ؟؟ ... قلتلي انك هتسكن المكان اللي انا موجودة فيه ... ليه مشيت وسيبتني .. كنت خدتني معاك ... ليه يا بابا ؟؟؟ .... محتجالك اووي يا بابا ... عايزة انام ف حضنك ... وحشتني اووي يا بابا ... "
------------------------
فاطمة تدخل اوضة هشام عشان تشوف سيلا
فاطمة " انتي لسة ما نمتيش يا بنتي ؟؟ ... كفاية عياط يا سيلا قطعتي قلبي .. "
رمت سيلا نفسها ف حضن فاطمة وعيطت
سيلا " بابا مات يا داده ... مات وسابني لوحدي ؟؟ ... مش هشوفه تاني ؟؟ ..مات قبل ما اشوفه ؟؟ .. هوا اللي قالي اروح مع يوسف .. ماكانش عايزني اشوفه قبل ما يموت ؟؟ ... وانا سمعت كلامه ليه ؟؟ .. كنت عايزة ابقي جمبه ... يا ريتني كنت مت انا ... مش هقدر اعيش من غيره ... عايزة اروحله يا داده .. عايزة اشوف بابا ... "
فاطمة " يا بنتي استهدي بالله ... بعد الشر عليكي ... قومي يا سيلا ... قومي اغسلي وشك .... هوا عند اللي احسن مني ومنك ...ما يغلاش علي اللي خلقه .. "
سيلا " مش عايزة ابقي لوحدي .. هوا قالي مش هيسبني لوحدي .. عايزة اموت عشان اشوفه ... "
فاطمة بتعيط .. سيلا تسيها وتقوم ...
سيلا قدام الادوية اللي علي التسريحة
تحاول تاخد الادوية اللي موجودة .. فاطمة تمنعها وتنادي علي طارق
----------------------------
يجري طارق ويوسف وسوزان عليها
يوسف بيحاول يمسكها ..
سيلا متعصبة ومنهارة و بتحاول تبعدهم عنها
تقع سيلا ف حضن يوسف اللي كان بيحاول يمسكها
يوسف " سيلا .. سيلا .. "
طارق " انا هكلم الدكتور بسرعة ... "
يوسف يشيلها ويحطها علي السرير ...
سيلا نايمة وبتقول كلام مش مفهوم
الدكتور يوصل ويديها حقنة مهدئة ..
فاطمة وسوزان قاعدين جمبها
يوسف وطارق يطلعوا مع الدكتور ..
-----------------------------
الدكتور " حاولوا تنقلوها المستشفي .. هيا محتاجة رعاية اليومين دول ... اعصابها تعبانة جداا "
طارق " هوا لازم ننقلها المستشفي ؟؟ ... هيا مش بتحب المستشفيات .؟. وانا عارف انها مش هترضي "
يوسف " دي حاولت تنتحر يا طارق .. خلينا ننقلها المستشفي احسن .. ولا ايه يا دكتور ؟؟ "
الدكتور " هوا ممكن انها تفضل ف البيت بس محتاج عناية خاصة .. انا ممكن اخلي ممرضة تفضل معاها هنا لانه خطر انها تبقي لوحدها ف الوقت ده "
يوسف " مفيش داعي للمرضة ... كلنا هنا معاها .. "
الدكتور " خلاص ماشي .. انا هبقي اعدي عليها الصبح اطمن عليها "
طارق " يا ريت يا دكتور .. كدة هيبقي احسن .. وتبقي هنا تحت عنينا "
الدكتور " لازم تبعدوها عن اي حاجة تزعلها او تعصبها ..."
يوسف " حاضر يا دكتور ... "
---------------------------
ف اوضة هشام
فاطمة وسوزان جمب سيلا
سيلا نايمة و متوصل ف ايدها محاليل
يوسف وطارق يدخلوا الاوضة
يوسف " خلينا ننقلها اوضتها احسن .. "
طارق " ااه .. بلاش تبقي هنا عشان ما تتعبش اكتر .. "
يشيلها يوسف ويدخلها اوضتها
----------------------------
يوسف قاعد جمب سرير سيلا
سيلا نايمة ....
يروح يوسف يقعد جمبها
يقرب منها ويبوس راسها .. ويمسك ايدها
------------------
سيلا تفوق تشوف يوسف نايم جمبها ..
تحاول تقوم بس تحس انها تقيلة ومش قادرة تتحرك ..
تحاول تحرك ايدها ... يوسف يقوم
يبصلها وهيا بتحاول تقول حاجة ومش قادرة
يوسف " حمدلله علي سلامتك يا حبيبتي ؟؟ ... في حاجة ؟؟ "
سيلا " عايز اقوم ... مش قادرة ... "
يوسف يعدلها المخدة ويعدلها ..
سيلا " عايزة اشرب .... نادي طارق .. "
يقوم يوسف يجيب كوباية مياه و يحاول يشربها
تبعد عنه ...
سيلا " فين طارق ؟؟ .. "
يوسف " طيب اشربي الاول .. انتي مش قادرة تتكلمي ... "
تشرب سيلا وهيا بتحاول تبعد عن يوسف وماتلمسهوش
يوسف " انتي كويسة ؟؟ "
تحرك سيلا راسها عشان تقوله انها كويسة
سيلا " فين طارق ؟؟ .. "
يوسف " انتي عايزة طارق ليه بس دلوقتي ؟؟ ... ارتاحي انتي يا حبيبتي .. الصبح هوا هيجيلك ؟؟ "
سيلا " هوا راح فين ؟؟ .. مشي ؟؟ "
يوسف " لأ ... نايم .. سيبيه نايم دلوقتي .. تعب اووي النهاردة .. الصبح ان شاء الله هيجي يطمن عليكي ... "
سيلا " طيب سيبني لوحدي .... "
يوسف " مش هقدر يا سيلا .. مش هينفع اسيبك لوحدك وانتي تعبانة كدة ... "
سيلا " سيبني لوحدي ... مش عايزة اشوفك .. "
يوسف " طيب يا حبيبتي .. الصبح لما طارق يقوم .. هبقي اسيبك معاه .. مش هينفع اسيبك لوحدك .. ارتاحي انتي وما تقلقيش ... "
سيلا " مش عايزة اعيش معاك .. مش عايزة اشوفك تاني .. "
يوسف " طيب ممكن نتكلم ف الموضوع ده بعدين ؟؟..."
سيلا " مفيش كلام تاني ... انا خلاص قررت .. ومش هغير رأيي .. طلقني يا يوسف ... "
يوسف " حاضر .. لو ده هيريحك .. بس عشان خاطري ما تتعبيش نفسك انتي .. الدكتور قال لازم تستريحي .... "
تعيط سيلا وتحاول تعلي صوتها عشان يطلع برة
يقرب منها وياخدها ف حضنه وهيا بتعيط
يوسف والدموع ف عنيه " حاضر هعملك اللي انتي عايزاه .. بس اهدي .. مش عايز اشوفك ضعيفة ابداا .. انا عارف اني غلطان .. بس بلاش نصلح غلط بغلط تاني .. بلاش تاخدي قرار نندم عليه احنا الاتنين ... انا بحبك ومش هقدر ابعد عنك ... "
نتقابل الحلقة الجاية
واسفة جداااا علي التأخير
مستنية ارائكوا ..
ليست هناك تعليقات:
إرسال تعليق