الــمــراهــقــات ( الحلقة السابعة )

الحلقة السابعة 

~~~~~~~

نادر يسافر ...
البنات بيتكلموا مع بعض ..
نغم تحكى الكلام اللي دار بينها وبين ياسين ...
فجأة توصل لـ فريدة رسالة ..
تفتح الرسالة .. مكتوب فيها ..
((( بحبك )))

فريدة : ايه ؟؟!! ... الحقونى يا بنات ...  "

اروى " فى ايه ؟؟ "

فريدة : نادر بعتلى رسالة !!!! "

مريم " يا سلام ؟؟.. وايه الغريبة ف كدة ؟؟ "

فريدة " بيقولى ... كاتب .. "

اروى " ايه ما تخلصى .. "

فريدة ف حالة صدمة واندهاش 

تاخد نغم التليفون وتشوف الرسالة 

نغم " يخربيتك .. ده كاتب بحبك !! "

اروى " ايه؟؟ !!! بجد ؟؟ "

مريم " يالهوى .. بقى نادر يطلع منه كل ده ؟؟ "

نغم " ايوة يا م الله يسهله ؟؟ .."

اروى " روحى كلميه طيب . يمكن بعتها غلط .. "

نغم " اخرسي بقي احنا ما صدقنا انه نطق .. "

اروى " طيب روحى كلميه يا فريدة بسرعة .. "

فريدة " ............ "

اروى " ابقي اتصدمى بعدين .. روحى كلميه ... "

فريدة تاخد التليفون وتتصل بـ نادر .. 

جرس ومش بيرد ...

يبعتلها رسالة ... 

  (( مش هينفع اكلمك دلوقتى عشان انا لسة عالطريق .. لما اوصل البيت هفتح نت ونتكلم ..))

                           ****************

تروح فريدة تقعد مع البنات .. 

اروى " قالك ايه ؟؟ .. "

فريدة " ولا حاجة " 

اروى " يعنى ايه ولا حاجة ؟؟ "

فريدة " يعنى بعتلى رسالة وقال انه لما يوصل هيبقى يفتح نت ونتكلم .. "

اروى " نت ؟؟.. وليه مش موبايل يعنى ؟ "

فريدة " مش عارفة .. لما يكلمنى هشوف هيقول ايه ؟؟ "

مريم " ايوة يا بت تبقى مرات اخويا بقي .. ونعمل عليكى شغل حموات .. "

فريدة " ههههههههههه من اولها كدة .. ده انا حتى لسه مش عارفة هيقول ايه ؟؟ "

نغم " هيقول كلام كويس .. وتتجوزوا وتعيشوا ف تبات ونبات .. "

فريدة " واله انتوا عالم رايقة .. "

اروى " يالا بقي روحى حضريلنا حاجة نشربها ... لازم تسمعى كلامنا من دلوقتى .. "

فريدة " والله ؟؟؟ ... لا ياختى خليهولكوا .. مش عايزاه .. هخدمكوا كمان ؟؟ "

مريم " طبعا تخدمينا ... "

فريدة " يالا ابت انتى وهيا من هنا .. "

نغم " هههههههه اوعى تتكلمى معاه كدة .. عايزين الرقة والحنية كلها ف التليفون ماشي ؟ "

فريدة " مش لما يتصل ف التليفون الاول ..

                       ****************

تليفون اروى يرن ..

ترد .. 

اروى " الو .. "

خالد " الو .. عاملة ايه ؟؟ "

اروى " الحمدلله .. انتا ايه اخبارك ؟؟ "

خالد " الحمدلله .. وحشتينى اووى "

اروى " انتا كمان وحشتنى جداا .. ايه هتنزل اسكندرية امتى ؟؟ "

خالد " مش عارف .. مشغول اليومين دول "

اروى " مشغول بايه ؟؟ "

خالد " الشغل بقي .. وانا بشتغل ف الاجازة بس لحد ما اخلص الجامعة .. "

اروى " طيب ما انتا مش بتكلمنى خالص ؟؟.."

خالد " معلش يا حبيبتى .. انا عارف انى مقصر معاكى الاسبوع ده .. بس انتى ف اسكندرية وانا ف القاهرة .. لما ترجعى القاهرة نبقي نتقابل ؟ "

اروى " بس انتا عارف ان الاجازة كلها ببقي ف اسكندرية .. "

خالد " معلش يا روحى .. هحاول كد لو فى يوم اجازة هنزل اسكندرية ونقضى اليوم مع بعض ."

اروى " طيب .. "

خالد " انتى عاملة ايه ف الاجازة .؟ ؟. "

اروى " عادى .. "

خالد " يعنى مش مبسوطة مع البنات ؟؟ "

اروى " لا مبسوطة بس كان نفسى اشوفك يعنى .. "

خالد " ان شاء الله يا حبيبتى .. المهم . انا هكلمك بليل بعد الساعة 2 .. هتكونى صاحي ولا ايه ؟؟ "

اروى " ولو نايمة اصحى عشان اكلمك "

خالد " هههههههههه  ... بس انا كدة هتعبك معايا بقي . "

اروى " تعبك راحة .. "

خالد " بنا يخليكى ليا .. انا لازم اقفل دلوقتى .. ماشي ؟؟ "

اروى " خلاص هستنى تليفونك بليل .. سلام "

خالد " سلام "

                       *****************

نادر يبعت رسالة لـ فريدة ..

 (( انا وصلت البيت .. افتحى النت .. ))

تفتح فريدة الكمبيوتر و تاخد سلك النت من اوضة محمود ..

Chat بين نادر وفريدة ..

نادر " ايه بقي يا ستى ؟ "

فريدة " ايه ؟؟.. انتا اللي المفروض تقول ايه ؟؟ "

نادر " طيب ما انا قلت .. انا عايز اعرف ردك بقي ؟؟ "

فريدة " قلت ايه ؟؟"

نادر " قلت انى بحبك .. "

فريدة " مممم .. "

نادر " وانتى ؟؟.. بتحبيبنى زى ما بحبك ؟؟ "

فريدة " انا معجبة بيك انا كمان .. "

نادر " لا انا بقول بحبك .. . مش معجب بيكى .. "

فريدة " هتفرق ؟ "

نادر " جداا .. انا بحبك وعايز ارتبط بيكى ؟؟... "

فريدة " ناددر انا مش بحب الارتباط وكدة .. "

نادر " ولا انا .. انتا هكلم عمى محمد واقوله انى عايز اتقدملك .. موافقة ؟؟ "

فريدة " ممم ... بالسرعة دى ؟؟ .. "

نادر " ااه .. وايه اللي يمنع يعنى ؟؟ "

فريدة " احنا لسة صغيرين .. انتا لسة داخل تانية جامعة وانا لسة هدخل اولى .. "

نادر " انا مش بقول نتجوز دلوقتى .. يعنى نتكلم بس عشان يبقوا عارفين .. وبعدين لما نخلص نتجوز علي طول ؟؟ "

فريدة " مش عارفة .. "

نادر " فريدة انتى عايزانى زى ما انا عايزك ؟؟ "

فريدة " ااه .. "

نادر " خلاص طيب سيبى الموضوع ده عليا بقي .. "

فريدة " طيب .. بس انتاا ليه ما قلتليش وانتا هنا ؟ "

نادر " عادى .. "

فريدة " متاكد ؟ ؟"

نادر " ااه .. عادى يعنى ؟.. "

فريدة " طيب .. احنا هنتكلم ف التليفون بعد كدة ولا ايه ؟ ؟"

نادر " لا خلينا نت احسن .. "

فريدة " بس انا مش هعرف افتح نت .. احنا اخدنا الوصلة بالعافية .. "

نادر " عادى " لما تفتحى ابقي رنى عليا ف اي وقت وانا هبقي افتح واكلمك "

فريدة " طيب "

نادر " مش عايزة تقولى حاجة ؟ "

فريدة " لا .. انتا عايز تقول حاجة ؟؟ "

نادر " لا .. "

               ******************

تخلص فريدة Chat مع نادر .. ..

اروى " هاه .. قالك ايه ؟؟ "

فريدة " بيقول انه هيكلم بابا عشان يرتبط بيا .. "

مريم  " يعنى هتتخطبوا ؟ ؟"

فريدة " لا هيبقى مجرد كلام بس لحد ما نخلص الدراسة "

نغم " وليه مش خطوبة ؟؟ "

فريدة " لسة بدري اوي .. "

نغم " ولا بدري ولا حاجة .. دول دبلتين و العائلة تتجمع وخلاص .. "

فريدة " لا الموضوع مش سهل يا نغم .. "

اروى " ايوة طبعا .. وبعدين ايه اللي دبلتين والهبل ده ... لازم تبقي ليلة كبيرة .. "
فريدة " لا هوا مش لازم تبقي ليلة كبيرة .. بس لسة اصلا هوا مش اتكلم مع  حد ف الموضوع ده .. لما نشوف . "
مريم " ااه ربنا يستر و يوافقوا .. "
نغم " وهيرفضوا ليه ؟؟.. هما يطولوا اصلا حد زى فريدة .."
مريم " مش اوى كدة يعنى ... "

تليفون نغم يرن ..... 
تشوف اسم ياسين ..
ترد ..
نغم " الو .. "
" الو .. ايوة يا نغم .. انا ايهاب ... "

نتقابل الحلقة الجاية 
يا رب تعجبكوا ..