الحلقة الثانية
حمزة وطارق قاعدين مع بعض
حمزة " هيا ايه حكاية بنت خالك ( سيلا )
طارق " مالها يعني ؟؟ "
" شكلها مش مصرية .؟؟ "
" لا مصرية .. بسي عايشة طول عمرها برة .. مامتها ايطالية .. خالي طبعا مصري .... بس انتا بتسال ليه ؟؟ "
" لا اصل انا قابلتها ف النادي ... بس حسيت انها مش مصرية .. يعني كلامها وطريقتها واسلوبها "
" هيا سيلا كدة .. تحس انها اجنبية رغم انك هتلاقي فيها العرق المصري جامد ... بس عيشيتها كدة .. طول عمرها متحررة "
------------------------------
سيلا وسوزان بيتمشوا ف مول كبير
سيلا " هاه يا سو مفيش جديد ؟؟ "
سوزان " جديد ايه .؟؟ .. هو انا فاضية .. وبعدين ان كبرت عالكلام ده "
" كبرت ايه يا قمر .. دا انتي شكلك اصغر مني "
" يا بكاشة .. طيب انتي مفيش جديد ليه ؟؟ "
" يا سو يعني هوا كان في قديم .. يا مامي انتي عارفة اني مش بحب شغل الارتباط والكلام ده .."
" طيب يعني هتفضلي كدة كتير ... ما تخلي بابا يشوفلك عريس وتتجوزي "
" ههههههههههههههه اتجوز .. ليه يا مامي كدة .. انا عايزة اعيش بحرية .. مش واحد يخنقني بقي "
بصتلها سوزان وابتسمت
" اول مرة احس انك شبهي اووي كدة "
" انا بردو شبهه القمر الابيض ده ؟؟ "
" لا انا قصدي ف الطباع .. كبرتي يا سيلا وبتعرفي تاخدي قراراتك ف الدنيا "
" طبعا يا ماما .. ما انا بكبر بعيد عنك .. مش بتشوفي التغير اللي بيحصل فيا ( كميا و كيفيا ) "
حضنتها سوزان وطبطبت عليها
" يا حبيبتي غصب عني "
" انا مش زعلانة يا ماما .. لاني شبهك وفاهماكي كويس "
-----------------------------------
هشام " الو ..سيلا "
سيلا " الو .. ازيك يا بابا ؟؟ "
" الحمدلله .. انتي عاملة ايه ؟؟ "
" الحمدلله "
" ايه ناوية تفضلي عندك علي طول ولا ايه ؟؟ ... انتي مش قلتي يومين وترجعي "
" ايوة يا Dad بس ماما كانت وحشاني اوي وملحقتش اشبع منها "
" يا حبيبتي ماشي .. بس دراستك هنا .. ده اخر ترم .. خلصيه واعملي اللي انتي عايزاه "
" Ok, dad .. هنزل علي اول طيارة "
-----------------------------
سيلا توصل الفيلا .. تجري علي مكتب باباها
مفيش حد ف المكتب
تشوف داده فاطمة .. تسلم عليها
سيلا " داده هو بابا مش هنا ؟؟ "
فاطمة " لا يا حبيبتي .. كلموه ف الشركة وراحلهم علي طول "
" مم طيب ... انا هطلع اقعد ف الاوضة شوية "
" احضرلك العشا ؟ "
" لا يا داده هستني بابا "
" براحتك يا بنتي "
---------------------------------
سيلا نايمة ... تسمع باب الاوض بيتفتح
تقوم بسرعة .. تشوف باباها... يجي يقعد جمبها
سيلا " كدة بردو يا بابا اجي مش الاقيك ف البيت كدة ؟؟ "
" معلش يا حبيبتي .. انتي عارفة ان مشاكل الشغل مش بتخلص .. والمشروع الجديد ده واخد كل وقتي .. ومحدش بيساعدني خالص .."
" ربنا يقويك يا بابا ... اقوم احضرلك العشا "
" لا يا حبيبتي .. انا اكلت ف الشركة .. انتي اتعشيتي ؟؟ "
" صراحة ... ااه جوعت اوي واكلت .. :كنت ناوية استناك بس تعبت بقي "
" بالهنا والشفا يا حبيبتي ... يالا كملي نومك بقي "
" dad خليك معايا .. عايزاك تنام جمبي "
نام هشام جمب سيلا وخدها ف حضنه
---------------------
سيلا ف النادي ...
يشوفها حمزة ... يروح ناحيتها
حمزة " ايه الغيبة الطويلة دي ...كدة بردو تروحي وتقولي عدولي "
سيلا " افندم ؟؟؟!!!!!!!!... انتي بتكلمني كدة ليه ؟؟ "
" انا كنت بتكلم عادي .. علي سبيل الهزار و النسب اللي بينا مش اكتر .. بس لو يضايقك خلاص "
" هو ايه كل حاجة خلاص خلاص .. زي ما بكلمك ترد عليا .. مش اول ما تحس انك مش عارف ترد تتاسف وتجري .. انا مش بحب اللي بيهرب ....ومن الاخر كدة .. انتا ملكش حق تتكلم معايا كدة .. لا احنا صحاب ولا احنا قرايب ماشي "
حس حمزة بالاحراج جدا من كلامها ده .. اعتذر لها واستأذن ومشي
سيلا " بردو بتهرب ... براحتك "
---------------------------------
سيلا بعد ما حمزة مشي ....
" اوف .. ايه البني ادم ده .. هو انا ناقصاه عالصبح .. عكرلي مزاجي "
مسكت التليفون .. اتصلت بطارق
" الو .. طارق "
" الو يا سيلا عاملة ايه ؟؟ "
" زفت وهباب علي دماغك "
" في ايه بس "
" تعالي شوف الزفت اللي انتا تعرفه ده "
" زفت مين اللي انا اعرفه ؟؟ "
" سي حمزة قريب خطيبتك "
" انتي فين دلوقتي ؟؟ "
" انا ف النادي .. انتا فين؟؟ "
" طيب خليكي عندك وانا هجيلك "
" لا نتقابل ف الكافيه ..."
" طيب ماشي .. انا هجيلك حالا"
---------------------------------
هشام ف الشركة ... سرحان
يدخل عليه رؤوف صاحبه ومدير الحسابات ف الشركة
رؤوف " مالك يا هشام .. سرحان كدة ليه ؟؟ "
هشام " مفيش .."
" مفيش ازاي .. ده انتا شكلك شايل هموم الدنيا كلها علي دماغك "
" قلقان علي سيلا .. عايز اطمن عليها "
" مالها كفا الله الشر ؟؟ "
" مالهاش .. بس عايز اطمن عليها واشوفها ف بيت جوزها "
" ان شاء الله ربنا يرزقها بابن الحلال "
" يا رب "
---------------------------------
طارق وسيلا ف الكافيتريا
سيلا " ده اهبل بجد ... انتا بتضحك علي ايه دلوقتي "
طارق " هو اللي اهبل بردو ؟؟ "
" امال انا ؟؟؟؟ "
" لا ستي انا ما قلتش كدة ... بس صراحة انتي غسلتيه خاالص "
" ولو كان طول معايا شوية كنت نشرته كمان .. قال يقولي غيبتي علينا .. بلا قرف "
" خليكي انتي بالطريقة دي هتعنسي وهتقدي مع ابوكي طول عمرك "
" هوا يعني انا مش هتجوز غير بالطريقة دي .. انا اصلا مش عايزة اتجوز .. بلا هم ... هناخد ايه يعني من الجواز... "
" هتاخدي حاجات كتير يا سيلا.. يعني انتي عاجبك حال باباكي وهوا لوحده .. عايزة تعيشي طول عمرك وحيدة زييه ... وبعدين هتلاقي حد يقف جمبك يساعدك دايما ويقويكي ف حياتك .. حد تشكيلة ويشكيلك "
" يا سلام .. هو ده الجواز ... مش عايز اتجوز بردو "
" دي سنة الحياة يا سيلا "
" وانا مرتاحة كدة .. هو يعني كل البنات بتتجوز اليومين دول "
" براحتك . انا بتعب من الكلام معاكي بجد "
" طارق من فضلك .. انا مقتنعة باللي بقوله "
" طيب علي فكرة حمزة معجب بيكي .. وعايز يتجوزك ... وهوا قالي كدة بعد ما انتي سافرتي علي طول "
" ايه ؟؟؟ ........ ازاي تحصل حاجة زي دي وماتقوليش ؟؟؟ "
" كنتي هتعملي ايه يعني ؟؟ ... كنتي هتعامليه كويس ؟ "
" يمكن .. ... "
ليست هناك تعليقات:
إرسال تعليق