الحلقة العاشرة
اميرة " بتحبني اوي كدة يا احمد ؟؟؟؟!!!!!!! "
احمد " يااااه بحبك بس .. ده انا بموت فيكي .. وحياتي بجد من غيرك ولا
حاجة ... انتي كل حاجة ليا ف الدنيا يا اميرتي .. ونفسي بجد تحسي بمشاعري و
تبادليني نفس الاحساس "
" تعرف يا احمد لو كنا اتجوزنا عن حب وقصة طويلة وكدة .... كان زمان
الحب ده قل و مات نصه ... الاحلي بيبقي ف الحب الحلال .. المشاعر الجميلة اللي اول
مرة تحسها والاحلي انك بتحسها وانتا مش خايف وانتا بتشاركها مع نصك التاني ..
"
" الله الله علي الكلام ...ايه الرومانسية دي .. انا مقدرش علي كدة
"
" انا كنت بحب وليد بس .....
" وليه السيرة دي بس ؟؟ "
مسكت اميرة ايده كأنها بطمنه وتخليه يسمعها وهي بتكمل كلامها
" كنت بحب وليد جدا بس بالرغم من كدة ..محستش معاه ربع الاحساس الللي
بحسه معاك .. مش عارفة احساس غريب اوي .. اهم حاجة فيه الامان .. اني ابقي مش
خايفة منك .. بالعكس انا بطمن اكتر وانا معاك ... و .... "
" و ايه ؟ "
" و بحس براحة فظيعة وانا ف حضنك "
قرب احمد منها واخدها ف حضنه
------------------------------
تاني يوم مها جت عشان جلسة العلاج الطبيعي
وحسام جه عشان يطمن علي احمد وياخد منه اوراق
حسام بيكلمم احمد واميرة بترحب بمها
------------------------------
حسام " الاوراق كلها جاهزة..... خد الورق ده راجعه كله وشوف التصميمات
دي .. وانا هاخد الاوراق دي الشركة وهنبدأ الاجراءات "
احمد " انا زهقت من الشغل اللي ف البيت عايز انزل الشركة لو ساعتين ف
اليوم حتي "
اميرة " تنزل فين وانتا تعبان كدة .. ولا ايه يا مها ؟ "
مها " مش هينفع تنزل يا احمد .. ده احنا لسة هنبدأ العلاج الطبيعي ..
وكدة كل اللي هنعمل مش هيبقي بفايدة "
احمد " طيب طيب خلاص مش نازل هشتغل ف البيت وامري لله "
----------------------------
بعد يومين سارة بتصل باميرة
سارة " اميرة حبيبتي عاملة ايه ؟؟ .... الحمدلله .. عندي ليكي خبر
يجنن.. حددنا معاد الفرح ... ااه والله كمان شهر ان شاء الله... الله يبارك فيكي
يا ميرو .. ان شاء الله ... خلاص هستناكي .. سلمي علي احمد ... مع السلامة "
--------------------------------
اميرة و سارة بيتفرجوا علي الفساتين
سارة " ايه رايك يا اميرة ف ده .. شكله حلو اووي "
اميرة " لو عاجبك تعالي جربيه "
" قوليلي يا اميرة كان احساسك ايه يوم فرحك ؟ "
" احساسي يوم فرحي ....تصدقي ان الاحساس ده بيبقي حاجة مختلفة ... حلم
كل بنت انها تلبس الفستان الابيض ... وانك تحققي ده ف حد ذاته احساس حلو اوي ..
لما تحسي خلاص انك مش صغيرة وهتتحملي مسئولية بيت وعيلة .. ولازم تصوني البيت ده
.. وتحافظي علي اسم عيلتين ...الاحساس ده هو اللي خلاني مبسوطة جداا يوم فرحي يمكن
انا ماكنتش بحب احمد ... بس ده مايمنعش اني بحترمه جدااا وبثق فيه .... واثقة انه
هيحافظ عليا ويصوني ...كل ده كان شاغل تفكيري يوم الفرح واحساسي ده هو اللي خلاني
مش حاسة باللي حواليا "
" ايووة يا اميرة ... عم احمد تاثيره باين علي كلامك ولا ايه ؟؟
"
"ههههههههههههه .. انتي ايه لازم تعلقي علي كل حاجة كدة ؟ "
" طيب يا ستي خلاص هسكت خالص ..... طيب قوليلي احمد كان احساسه ايه ؟
"
" مش عارفة ؟!!! .... تصدقي ما سالتش احمد خالص عن احساسه "
" طيب وليه تضيعي الفرصة .. انا فكرتك اهو ابقي اساليه ؟ "
" ان شاء الله "
----------------------
احمد واميرة قاعدين بيتكلموا ... اميرة بتفكر ف كلام سارة
((" طيب وليه تضيعي الفرصة .. انا فكرتك اهو ابقي اساليه ؟ "))
اميرة متردده تساله و هو لاحظ
ارتباكها
احمد " اميرة .. مالك ؟؟ "
اميرة " مفيش حاجة "
" لا في حاجة باين عليكي ... هاه في ايه بقي "
" طيب هو كان في سؤال كدة صغير "
" طيب أسالي ؟؟ "
" كنت بتكلم انا وسارة النهاردة عن احساس الفرح وكدة و سالتني علي
احساسي وانا كنت عايزة اسالك عن احساسك
انتا ... احساسك كان ايه يوم فرحنا ؟ "
" احساسي !! ... كان احساس حلو اكيد ... حسيت اني اخيرا حققت اللي ف
نفسي كله .. اني هعمل اي حاجة تخليكي مبسوطة .. وهبدأ بداية جديدة ف حياتي ..
بداية نبنيها انا وانتي وبس .....و .. "
" ايه ؟؟ ...كمل "
" تعرفي اني كنت فاكر اننا هنبقي بعاد عن بعض "
" بعاد عن بعض ؟؟ ازاي ؟؟ "
" كنت فاكر انك هتبعدي اوي وجوازنا هيبقي عالورق بس .. بس بعد كدة لما
لقيتك بتتعاملي زي اي اتنين متجوزين احترمت اووي اللي بينا .. "
" تفتكر اني كان ممكن احرمك من حقوقك ..... انا وافقت اتجوزك مش
اعذبك "
" بحبك اوي يا اميرة "
" وانا شكلي كدة هحبك "
------------------------------------------
كانت مها مع احمد ف جلسة العلاج ومعاهم اميرة
حسام اتصل باحمد واميرة ردت
اميرة " الو .. الحمدلله يا حسام .. انتا عامل ايه ؟ ... لا احمد عنده
جلسة علاج طبيعي النهاردة .. ايه ؟ ... ليه ؟؟ ..... بس انا مش معايا صور ... طيب
هشوف وهكلمك ان شاء الله "
-----------------------
احمد خلص الجلسة وبيسال اميرة عن
مكالمة حسام
اميرة " كان بيقولي انه واحد صاحبه ظابط شرطة وانه قاله علي حكاية
وليد واللي عمله وانه عايز صورة لوليد وانا مش معايا صور ليه "
احمد " تقريبا انا كان معايا صورة ... اللي كانت مع صورتك وانا قصيتها
"
" انتا لسة شايلها لحد دلوقتي "
" تقريبا .. انا هروح ادور عليها "
---------------------------------
دخل احمد الاوضة واميرة قاعدة مع مها
اميرة " بنتعبك معانا اوي يا مها "
مها " ولا يهمك يا اميرة ... المهم احمد يبقي كويس .. ايه مفيش بيبي ف
السكة ولا ايه ؟ "
" بيبي !!!! لسة بدري اوي احنا ماكملناش شهر "
" ولو يا ستي عادي ..... ربنا يرزقك ان شاء الله "
" انتي ومصطفي متجوزين من زمان ؟ "
" لا مش اوي يعني حوالي سنة ونص كدة "
" انتي ما عندكيش اطفال صح ؟ "
" لا ربنا مش كاتبلنا اطفال "
" ان شاء الله ربنا يرزقك قريب "
" ما اظنش .. انا عندي مشاكل ف الرحم ومش بخلف "
" ايه ؟؟!!! ... انا اسفة ... "
" مفيش داعي للاسف .. انا اتعودت عالوضع ده "
" طيب مفيش علاج اوعملية وكدة "
" لا انا كنت حامل ف اول جوازنا وبعدها حصلتلي حادث و من وقتها وانا
الخلف عندي بقت صعبة جداا "
" حادثة ايه ؟؟؟ ...... "
----------------------
وف اللحظة دي جه احمد معاه صورة
وليد
واول ما شافتها مها قامت وقفت بسرعة
مها " وليد ؟؟؟ ... انتوا تعرفوا وليد ؟؟؟ "
ونتقابل الحلقة الجاية ان شاء الله
رأيك يهمني
ليست هناك تعليقات:
إرسال تعليق