الحلقة الثانية عشر
" انا قابلت واحد اسمه جاسر وبنسافر مع بعض وكدة ... بس عايزاك تعرف اني مش هنسي انك جوزي وهحافظ علي العلاقة دي مهما كان .. ومش هخون ثقتك فيا "
"........... "
" يوسف انا عارفة ان كلامي يضايق .. بس صدقني مفيش اي حاجة حصلت ...انا بس حبيت اقولك عشان مش عايزة اخدعك .. انا وجاسر صحاب "
" يعني انتي بتقوليلي انك رفضتي اني اروح معاكي و ف نفس الوقت بتتفسحي مع واحد تاني ؟؟ "
" يوسف انا اسفة ..... لو مش عايزني اقابله تاني انا موافقة "
" .............."
" انا قابلت واحد اسمه جاسر وبنسافر مع بعض وكدة ... بس عايزاك تعرف اني مش هنسي انك جوزي وهحافظ علي العلاقة دي مهما كان .. ومش هخون ثقتك فيا "
"........... "
" يوسف انا عارفة ان كلامي يضايق .. بس صدقني مفيش اي حاجة حصلت ...انا بس حبيت اقولك عشان مش عايزة اخدعك .. انا وجاسر صحاب "
" يعني انتي بتقوليلي انك رفضتي اني اروح معاكي و ف نفس الوقت بتتفسحي مع واحد تاني ؟؟ "
" يوسف انا اسفة ..... لو مش عايزني اقابله تاني انا موافقة "
" .............."
" يوسف من فضلك ؟؟ "
" لا يا سيلا بعد اذنك .. انا هجيلك كمان اسبوع "
" بس ... "
" من غير بس ... عايزة تقابليه قابليه .. بس اسبوع والاجازة دي هتخلص "
" يوسف ...."
يقفل يوسف السماعة
--------------------------------
سيلا ف الاوضة .. تدخلها سوزان
سوزان " هاه كلمتيه ؟؟ "
" .......... "
" مالك يا سيلا ؟؟ "
" ماما انا مش هحرم نفسي من الحرية عشان حد "
" يعني ايه ؟؟ ."
" يعني انا مش هلغي الرحلة دي عشان خاطر حد "
" سيلا .. انتي شايفة نفسك بتتكلمي ازاي ؟؟ "
" ماما من فضلك .. انا بجد حاسة انه هيخنقني .. مش هسمع كلامه "
" وجاسر ؟؟ "
" مش عايزة اقابله "
" طيب هتعملي ايه دلوقتي ؟؟ "
" هسافر بكرة زي ما انا مخططة ل(فيجاس) .."
" ويوسف ؟؟ "
" مش عارفة "
------------------------------
سيلا تتصل بطارق
تقوله علي كل اللي حصل
سيلا " انا مش عارفة اعمل ايه دلوقتي ؟؟ "
طارق " سيلا انتي غلطانة جداا "
" لا مش غلطانة يا طارق "
" لا غلطانة يا سيلا .. انا اتكلمت مع يوسف .. يوسف انسان كويس جداا .. وبيحبك .. عشان خاطري ماتخسريهوش "
" وانا ذنبي ايه ؟ .. لسة ما بقتش ف بيته وبيتحكم كدة "
" سيلا .. انتي خايفة من انه يتحكم ف حريتك وف الاخر يتحول مصيرك زي سوزان وهشام وتتعاد القصة مرة تانية ...... بس مش واخدة بالك انك انتي اللي اتحولتي لنسخة طبق الاصل من سوزان ........ كنتي دايما بتقوليلي انك اوقات بتحسي انها غلطانة وان مش من حقها انها تطلب حرية كاملة لان الجواز تنازلات ونسيتي انك تتنازلي شوية .. بصي لنفسك يا سيلا .. انا مش عايز اشوف قصة سوزان تاني عشان عارف اد ايه خالي بيعاني من الموضوع ده "
" بس ........... "
" انتي لما قلتي لباباكي ان لو في واحد زييه هتتجوزيه . ماكنش قصدك انك تعملي هشام تاني بجرحك ليه ... ما تظلميش يوسف معاكي يا سيلا "
" ......... "
" سيلا انا مش بقول كدة عشان تعيطي .... انا بس مش عايزك تقاسي اكتر من كدة ف حياتك "
" طيب انتا شايف اني المفروض اعمل ايه دلوقتي ؟؟ "
" مش يوسف قالك انه هيجيلك كمان اسبوع ؟؟ "
" ااه "
" طيب لما يجيلك حاولي تصالحيه وقضي معاه الوقت اللي فاضل ف رحلتك "
" ايه ؟؟ ... انتا عايزني اقضي معاه ال3 اسابيع اللي فاضلين ؟؟ "
" ااه يا سيلا هوا ده الحل .. انتي يعني عايزة تقضيه مع جاسر ومش عايزة تقضيه مع يوسف ؟؟ "
" بس .. "
" من غير بس يا سو .. اسمعي الكلام اللي بقولهولك "
" طيب حاضر ... وجاسر ؟؟ "
" مش عايزك تقابليه تاني خالص "
" ولو كلمني ؟؟ "
" ما تروديش عليه .. ابعدي عنه خالص يا سو "
" حاضر يا طارق ..."
" وانا هبقي اكلمك تاني اعرف ايه الاخبار "
" طيب ماشي .. سلام "
-----------------------------------
سيلا قررت تعمل اللي قالها طارق عليه
وف يوم وهيا لسة ف ( فيجاس ) .. قابلت جاسر
جاسر " سيلا ؟؟!!! "
سيلا " ازيك يا جاسر ؟؟ "
" الحمدلله .. كدة بردو ما تقوليش انك مسافرة ؟؟ "
" معلش سافرت فجأة وما كنتش مرتبة لحاجة "
" وما كلمتنيش ليه ؟؟ "
" عادي يعني .. "
" ازاي يعني عادي ؟ .. في حاجة ولا ايه؟؟ "
" لا .. حاجة ايه ؟؟ "
" امال مالك شكلك مش علي بعضك ليه ؟؟"
" مفيش حاجة .. عن اذنك انا هطلع الاوضة عشان عايزة انام"
" تنامي دلوقتي ؟؟ .. الساعة لسة 9 "
" معلش "
" لا انتي لازم تسهري معايا النهاردة "
" مش هينفع .. اصل ..... "
" مش هقبل اي اعذار .. يالا "
--------------------------------
هشام بيتصل بطارق
هشام " الو طارق "
" الو خالي ..عامل ا يه ؟؟"
" الحمدلله .. تعالا دلوقتي عايزك "
" خير يا خالي في ايه ؟؟ "
" لما تيجي هبقي اقولك .. انا ف الشركة مستنيك "
" طيب يا خالي جايلك حالا "
" وما تقولش لحد انك جاي عندي "
" طيب "
---------------------------------
هدي ( والدة طارق ) .. تشوف طارق نازل
هدي " رايح فين عالصبح كدة ؟؟ "
" عندي مشوار كدة وهاجي بسرعة "
" مشوار ايه ده اللي الساعة 9 الصبح؟؟ "
" لما اجي هبقي اقولك .. سلام "
------------------------------
طارق مع هشام ف الشركة
طارق " يعني ايه يا خالي ؟؟ "
" يعني انا عايزك تاخد بالك من سيلا .. انا عارف انك اكتر واحد هيا بتسمع كلامه "
" بس يا خالي .......... "
" بس ايه يا طارق ؟؟ "
" انتا اللي انتا بتقوله ده صعب جدااا "
" عارف يا طارق .. بس هعمل ايه .. دي حكمة ربنا .. "
" طيب مفيش علاج يعني ؟؟ "
" جربت يا بني ومانفعش "
" والسرطان هيجيلك من ايه بس ؟؟ "
" الله اعلم . المهم انا عايزك تاخد بالك من سيلا... انا ايامي بقت معدودة ف الدنيا .. وده اللي خلاني من ساعة ما عرفت وانا قلقان عليها جداا ..و عشان كدة طلبت منها انها توافق علي يوسف "
" هوا في حد يعرف الموضوع ده ؟؟ "
" ااه .. سوزان ويوسف يعرفوا "
" طيب يا خالي سيلا من حقها تعرف "
" لا يا طارق اوعي تقولها .. المشكلة ان في حاجة تانية "
" حاجة ايه ؟؟ ...."
----------------------------
سيلا وجاسر مع بعض ..
الوقت اتاخر جدااا
سيلا قدام اوضتها
جاسر بيوصلها
يقرب منها ...
يحضنها ....
نتقابل الحلقة الجاية
ليست هناك تعليقات:
إرسال تعليق