الحلقة الرابعة
~~~~~~~
اروى وخالد بيتكلموا ..
مريم عايزة تمشى ومش عاجبها الوضع ...
تلتفت فريدة ف لحظة .. تشوف احمد ...
اروى وخالد بيتكلموا ..
مريم عايزة تمشى ومش عاجبها الوضع ...
تلتفت فريدة ف لحظة .. تشوف احمد ...
احمد " فريدة .. ازيك ؟؟ "
فريدة بتوتر " الحمدلله .. انتا عامل ايه ؟؟ "
احمد " الحمدلله ... كنت حاسس ان اليوم ده هيبقى حلو اوى .. كفاية انى اقابلك صدفة .. "
فريدة " ممممم .. انتا بتعمل ايه هنا ؟؟.. انتا مش كنت مسافر ؟ "
احمد " ااه جيت امبارح ...يومين اجازة بقي ... نازل اقابل ناس صحابى كدة .. المهم انتى عاملة ايه ؟؟ ... والله لو اعرف ان الواحد هيقابلك صدفة كان حضر كلام كتير .. لما ببص ف عينك بنسي كل الكلام .. "
فريدة " احم ...طيب .. مش عايزة اعطلك عشان ما تتاخرش علي صحابك ."
احمد " طيب مش هتعرفينى علي صحابك ؟؟.."
فريدة " اه معلش ..احمد .... مريم بنت خالى .. نغم بنت خالتى ... "
احمد "هاى .. تشرفنا .. بتدوري علي مين ؟؟ "
فريدة " كانت اروى بنت خالى معانا بس مش عارفة راحت فين ؟؟ "
احمد " ااه .. المهم عايزين نشوفك بقي .. "
فريدة " انا شاء الله .. "
احمد " ماتجيبى رقم تليفونك ؟؟ "
فريدة " ايه ؟؟ .. رقمى !! "
احمد " ااه .. فيها حاجة ولا ايه ؟؟؟ "
تمسك نغم بسرعة التليفون وتكتب رقم فريدة ...
فريدة تبص لـ نغم باستنكار ...
احمد " تمام .. رقمى اهو ظهر عندك .. عايزين نسمع صوتك بقي .. "
فريدة " ااه ... "
احمد " هستأذن انا .... سلام "
فريدة " سلام ... "
يسلم على فريدة ..
ف اللحظة دى تكون اروى جاية وتشوفهم ...
يمشي احمد والبنات بيبصوا عليه ..
نغم " يخربيتك ايه المز ده ؟؟؟ .."
مريم " ايوة يا ست فريدة .. كل ده ومخبية علينا ؟؟..."
فريدة " بس بقي انتى وهيا ... "
اروي " مين ده ؟؟ "
فريدة " احمد يا ختى .."
اروى " ده احمد ؟؟!!!!!!!!!!!!!!! "
فريدة " اااه .."
اروى " يخربيتك .. ترفضي ده .. حقيقى مش وش نعمة .."
نغم " قوليلها .. طيب لو مش عايزاه زوقيه علينا مش ترميه كدة ... "
مريم " ااه ياختي يا ما تحت الساهى دواهى ... بقى تعرفى المز ده ومش عاجبك ؟ "
فريد " وحيات ابوكوا مش ناقص وجع دماغ .. يالا خلينا نلحق معاد السينما .."
اروى " امشي امشي .. هتفقعى مرارتى .."
فريدة " امشي ياختى .."
**************
يدخلوا السينما تقابل احمد تانى ..
احمد " لا لا لا لا لا انتى ماشية ورايا صح ؟؟ "
فريدة " لا .. احنا حاجزين من بدري ..."
احمد " هههههههههه بهزر .. وشك جاب الوان ليه ؟؟ "
فريدة " لا .. بس .. "
اروى تضربها ف دراعها ..
اروى " هاي انا اروى .. انتا بقي مين ؟؟ "
احمد " انا احمد ...اسمك حلو اووي يا اروى .. "
اروى " ميرسي ... "
احمد " طيب تمام تعالوا بقي ندخل سينما سوا ... "
اروى " ماشي تمام .. يالا .. "
احمد " هاتوا التذاكر عشان نحجز مكان جمبكوا .. "
فريدة " لا مش هينفع .. "
احمد " ليه ؟؟ .."
فريدة " يعنى .. ماينفعش ندخل سينما سوا .. "
احمد " ليه ؟؟ ... طيب افرض احنا دخلنا صدف وطلعت اماكنا جمب بعض ؟؟ "
فريدة " .............اممممم ...."
احمد " ما تفكريش .. عموما يا ستى خلاص .. احنا هنحجز عادى بس لو طلع المكان جمبك مليش دعوة .. تبقي صدفة "
اروى " ايوة .. ورب صدفة خير من الف ميعاد . يالا يا ديدا بقي بلاش رخامة .."
فريدة " بس يا اروى ......"
نغم " يالا بقي.. من غير بس .. "
***************************
البنات ف السينما ...
4 كراسي ف الصف الاخير ...
احمد و اصحابه ( ايهاب و ياسين ) قاعدين ف الصف اللي قدامهم بس بعيد عنهم ....
ايهاب " ايه يا عم احمد .. مش مركز ف الفيلم ليه ؟؟ .."
ياسين " سيبه يا عم .. ده مركز مع البطلة اللي ف الفيلم اللي ورا ..."
احمد " ما تلم الدور انتا وهوا .."
ايهاب " طيب يا عم براحة علينا .. بس صراحة هيا جامدة اخر حاجة .. و معاها 3 بنات ايه ده ؟؟ .. حلوين اووى .."
احمد " لم نفسك بقي ..."
ياسين " ما تروح تكلمها .. قاعد هنا ليه ؟؟ "
احمد " لا ماينفعش ..للاسف .."
ايهاب " ليه ان شاء الله ... هوا يعنى ينفع تفضل تبص عليها كدة طول الفيلم .. "
احمد " هعمل ايه طيب .. "
ياسين " قوم واستأذن البنت اللي جمبها انك تقعد مكانها .. وكلمها وقول كل اللي ف نفسك ..."
احمد " الموضوع سهل بالنسبالكوا .. دي غير البنات اللي انتوا تعرفوهم .."
ياسين " يا عم كلهم بيبقوا كدة ف الاول وبعدين تبقي سهلة معاك .. بس هيا لازم تعمل الشويتين بتوعها دول .. "
احمد " لا يا راجل .. لا انتا اللي ماتعرفش غير بنات شمال .. فريدة حاجة تانية ..."
ايهاب " طيب قوم جرب يا عم احمد مش هتخسر حاجة .."
احمد " لا بلاش .. ما انا اخدت رقمها .."
********************
اروي " شايفة بيبص عليكى ازاى ؟؟ "
فريدة " بس بقي يا اروى .. ما تبصيش هناك بدل ما ياخد باله ..."
نغم " حرام عليكى يا فريدة الواد رقبته اتلوحت .. "
فريدة " هتسكتى انتى وهيا ولا لأ ؟؟ "
مريم " ما تريحيه طيب باى كلمة .. بلاش تقطعى معاه يعنى .."
فريدة " اقطع معاه ايه بس ... هوا الموضوع لعبة ؟؟ ... بس بقي خلينى اتفرج عالفيلم .."
مريم " خايبة .. بتفكرى ف الفيلم وسايبة توم كروز قدامك اصلا .. "
فريدة " الجمال مش كل حاجة يا مريم ... وشكل الولد مش مقياس لرجولته ابداا "
نغم " يا سلام يا عاقلة .. طيب اللي بيبقي مقياس ياختى ؟؟ "
فريدة " مواقفه يا نغم .. الراجل مواقف .. "
اروى " طيب ياختى اعرفيه الاول وشوفى مواقفه .. عشان تعرفى اذا كان كويس وولا لأ ؟؟ "
فريدة " بس بقي صدعتونى .. مابتزهقوش ؟؟ "
****************** البنات يخرجوا من السينما ...
يمشوا علي طول عشان فريدة تتجنب احمد ...
يوصلوا البيت ويقعدوا مع بعض ...
********************
فريدة " هوا خالد قالك ايه ؟؟ "
اروى " بيقولى انه بعد ما يخلص الجامعة ان شاء الله يجى يتقدملى .."
نغم " هوا فاضله اد ايه ؟؟ "
اروى " سنتين .. "
فريدة " حلو .. تكونى انتى خلصتى اولى جامعة حتى .."
اروى " ااه .. بس لسة بقي بدري .. لما اخلص من الثانوية العامة وقرفها الاول وبعدين ابقي اشوف بقي .. "
فريدة " يعنى ايه ؟؟..... انتى هتسيبى الموضوع معلق كدة لحد سيادتك ما تقرري اللي هيحصل ؟؟ "
اروى " اعمل ايه يعنى ؟؟؟... تحبي ابعد عنه خالص ومانتكلمش لحد ما نخلص ؟؟ "
نغم " لا طبعا .. ده الواد يزهق .. ويدور علي غيرك ف ساعتها .. "
اروى " طبعا .. وبعدين يعنى احنا نعرف بعض دلوقتى عشان نبقي عارفين كل حاجة عن بعضنا .. "
فريدة " براحتكوا بقي.. بس انا شايفة ان الموضوع غلط .. معلش يا اروى .."
اروى " ما تخافيش .. ما احنا مش هنعمل حاجة غلط .. ده مجرد كلام ف التليفون .. ومش هشوفه تانى ابداا وانا لوحدى . "
فريدة " خلاص .. براحتك .. طالما انتى مبسوطة كدة "
اروى " ااه مبسوطة جداا .. بحبه اووى "
فريدة " ربنا يسعدك يا حبيبتي .. "
مريم " المهم .. سيبكوا منها بقي .. هوا انتوايعنى من حقكوا تحبوا وانا لا ؟؟ .."
نغم " ليه ياختى هوا انا بتكلم 24 ساعة ف التليفون .. ما اانا سينجل اهو .. "
فريدة " ههههههههههه .. ااه ومالك بتقوليها وانتى زعلانة كدة ليه ؟؟ "
مريم " ما علينا .. المهم هتساعدونى ف موضوعى انا وعمر ؟؟ "
نغم " يا مريم ما انا قلتلك .. اصبري شوية .. "
مريم " لا مش عايزة اصبر انا .. مش احسن ما نكلم بعض يعنى واحنا كدة ..."
فريدة " بلاش عشان ما تندميش بعد كدة يا مريم ... عيشي سنك الاول .. "
مريم " ايوة بس انا عايزة اتجوز .. وطالما هوا جاهز خلاص ايه اللي يمنع ؟؟!!........ "
يقطع كلام مريم صوت تليفون فريدة...
ترد ...
احمد " الو ... "
فريدة " الو .. مين معايا ؟؟ "
احمد " انتى ما سجلتيش الرقم ولا ايه ؟؟ "
فريدة " احمد ..؟؟؟!!!! "
نتقابل الحلقة الجاية ..
يا رب تعجبكوا .. :) :) :)
ليست هناك تعليقات:
إرسال تعليق