الحلقة العشرين
يوسف وسيلا ف الاوضة
سيلا " مش عايزة اعيش معاك .. مش عايزة اشوفك تاني .. "
يوسف " طيب ممكن نتكلم ف الموضوع ده بعدين ؟؟..."
سيلا " مفيش كلام تاني ... انا خلاص قررت .. ومش هغير رأيي .. طلقني يا يوسف ... "
يوسف " حاضر .. لو ده هيريحك .. بس عشان خاطري ما تتعبيش نفسك انتي .. الدكتور قال لازم تستريحي .... "
تعيط سيلا وتحاول تعلي صوتها عشان يطلع برة
يقرب منها وياخدها ف حضنه وهيا بتعيط
يوسف والدموع ف عنيه " حاضر هعملك اللي انتي عايزاه .. بس اهدي .. مش عايز اشوفك ضعيفة ابداا .. انا عارف اني غلطان .. بس بلاش نصلح غلط بغلط تاني .. بلاش تاخدي قرار نندم عليه احنا الاتنين ... انا بحبك ومش هقدر ابعد عنك .... "
"
سيلا " مش عايزة اعيش معاك .... "
يوسف " عشان خاطري .. انا وانتي محتاجين لبعض ... بلاش تعاقبيني كدة ... "
سيلا " مش هقدر اعيش معاك .... مش هقدر كل يوم اشوف موت بابا قدامي ... احساسي بالذنب اكبر من اي حاجة تانية ... "
يوسف " بلاش يا سيلا ... عشان خاطري .. واحنا سوا هنقدر نعدي الازمة دي .. بلاش نبعد عشان التعب هيبقي اكبر واحنا بعيد عن بعض .... "
سيلا " انتا بتتطلب مني اني انسي بابا بالسهول دي ؟؟؟ ..."
يوسف " ما تنسيش يا حبيبتي .. بس ما تسيبنيش ... "
سيلا " مش هقدر ...مش هقدر اشوف بابا ف عنيك ... "
يوسف " وانا مش هقدر ابعد عنك .... "
سيلا " اسفة يا يوسف ... بس ... ط....... "
يوسف " لا يا سيلا .. لا اوعي تكمليها ... عشان خاطري ..اديني فرصة اخيرة ... بلاش تحكمي عليا من اول موقف ... "
سيلا تحاول تبعد عنه ..
يوسف يقربها منه اكتر ...
سيلا تحضنه جامد ....
ترفع راسها وتبص ف عنيه اللي كلها دموع ..
سيلا " طلقني يا يوسف .... "
----------------------------
طارق يقوم الصبح ... يطلع لسيلا
يخبط عالباب ....
سيلا تقوم تفتح ..
طارق " صباح الخير... "
تسند علي كتافه وتعيط جامد ....
طارق " في ايه ؟؟ ... ايه االلي حصل ؟؟ ... انتي كويسة ؟؟ ... "
سيلا " لا .. مش كويسة ... تعبانة اووووي ... تعبانة .... "
طارق " طيب تعالي اقعدي واهدي ... "
يمسك ايدها ويقعدها عالسرير ...
طارق " ايه اللي حصل ؟؟ ... احكيلي ؟؟ .."
سيلا بتتكلم وهيا بتعيط
سيلا " ما تسيبنيش يا طارق ... "
طارق " طيب افهم ايه اللي حصل ؟؟ ... وفين يوسف ؟؟ ... "
سيلا " مشي ...."
طارق " راح فين ؟؟ .. وامتي ؟؟ .. ايه اللي حصل يا سيلا ؟؟ "
سيلا " اتطلقنا .... "
طارق " ايه ؟؟؟ ... ازاي يعني ؟؟؟ ... "
سيلا " طلبت منه الطلاق ..... "
طارق " ليه يا سيلا ؟؟ ... ليه كدة ؟؟؟ "
سيلا " مش هقدر يا طارق ... مش هقدر ... كل ما ابص ف عينه اشوف بابا ... "
طارق " وانتي يعني كدة هترتاحي ؟؟ ... يوسف بيحبك اووي .. ليه عملتي كدة ؟؟ ... "
سيلا " عشان بحبه ... بحبه اوووي .. بس .. بس .... مش هقدر .. "
طارق " مش هتقدري .. بس مش هتقدري تعيشي من غيره ... ليه اتسرعتي ؟؟... "
سيلا " مش عايزة احس بالذنب اكتر من كدة ... مش عايزة احس انه غلطان ... انا مش هقدر اسامحه .... "
طارق " بس اللي بيحب بيسامح ..... "
سيلا " مش هقدر اسامح نفسي .... مش هقدر اواجهه ولا اقرب منه ... حزني وذنبي اكبر بكتير من حبي ليه ... "
طارق " ليه يا سيلا ؟؟... ليه تبعدي عن اللي بتحبيه ؟؟؟ .. "
سيلا " عشان مش هقدر اسعده ... مش هقدر ... سيبته عشان بحبه .. بحبه اوووي .... "
طارق " غلطانة يا سيلا .. غلطانة اووي .. "
سيلا " خلاص يا طارق عشان خاطري ... خلاص انا مش مستحملة ...."
طارق " طيب حاضر هسكت .. اهدي بس ...كفاية عياط ... "
--------------------
سيلا نايمة ..
تدخلها سوزان ...
سوزان " سيلا ..."
سيلا " تعالي يا ماما ... "
سوزان " عاملة ايه دلوقتي يا حبيبتي ؟؟ "
سيلا " كويسة الحمدلله ...."
سوزان " الحمدلله ...حبيبتي انتي عارفة اني مش هقدر اغيب عن الشغل اكتر من كدة .. مش عايزة اسيبك بس انتي عارفة الشغل .... "
سيلا " عادي يعني ... انا اصلا اتعودت علي كدة ..."
سوزان " يا حبيبتي انا ..... "
سيلا " عايزة تسافري سافري يا ماما ... انتي اصلا مش جاية تسأليني انتي جاية تبلغيني انك مسافرة ... "
سوزان " يا حبيبتي انا عايزاكي تيجي معايا ... "
سيلا " وانتي عارفة كويس اني مش هسافر ... انا هفضل هنا ف بيت بابا ..."
سوزان " بابا الله يرحمه يا حبيبتي .. ومش هتفضلي عايشة لوحدك علي طول ... انا عرفت انك طلبتي الطلاق من يوسف ... ايه اللي يخليكي تفضلي هنا ... "
سيلا " ماما عايزة تسافري سافري ... انا مش محتاجة حد جمبي ... انا اصلا متعودة ابقي لوحدي .... حتي بابا اللي كنت عارفه انه عمره ما بيسبني .. اهو سابني وراح .. مش عايزة اي حد معايا ... "
سوزان " طيب عالاقل تعالي اقعدي معايا الفترة دي لحد ما تبقي كويسة ... "
سيلا " انا كويسة ... ماتخافيش مش هموت وانا لوحدي ... "
سوزان " طيب انا هبقي اخد اجازة واجيلك تاني .... "
سيلا " مفيش داعي .. انا هبقي كويسة لوحدي ... "
سوزان " ليه عايزة تعاقبيني يا سيلا .. ... "
سيلا " انا مش بعاقبك ... انا بعاملك زي ما اتعودت منك ... "
سوزان " يا سيلا انتي عارفة انا بحبك اد ايه ؟؟ .... "
سيلا " وانا مش عايزة حد يحبني ويشفق عليا .... "
سوزان " انتي بنتي ... واوعي تنسي ده ... مهما عملت انا هفضل امك ......"
سيلا " مش انا اللي نسيت... انتي اللي نسيتي ده من زمان .. "
سوزان " انتي ازاي بتكلميني كدة ؟؟... ليه محسساني اني انا السبب ؟؟؟ ... "
سيلا " لا انتي مش السبب ف موت بابا ... بس انتي اللي عودتيني اني ما اتعلقش بحد اووي لانه ف الاخر كله هيسبني ... يبقي ليه عايزاني دلوقتي ازعل انك هتمشي ؟؟... انا مش قلقانة اني هبقي لوحدي ....انا اتعودت علي كدة.. تقدري تسافري وانتي مرتاحة .."
سوزان " انا قلقانة عليكي .. مش من حقي اقلق عليكي ؟؟ "
سيلا " لا مش من حقك ؟؟... فقدتي الحق ده من زمان اووي .. من ساعة ما قررتي تسيبيني انا وبابا ..."
سوزان " يا سيلا بس .... "
سيلا " ماما من فضلك .... تقدري تمشي .. انا مش محتاجة اي حد معايا ..."
تقوم سيلا وتفتح الباب
تطلع من اوضتها وتروح اوضة هشام
------------------------
سوزان واقفة بتعيط
طارق يروح يكلمها ..
طارق " معلش .. انا عارف ان كلامها ده بسبب حزنها علي باباها ..."
سوزان " طيب وانا مش امها يعني ؟؟... هيا ليه محسساني اني ماليش لازمة ف حياتها ؟؟ "
طارق " ما تقلقيش عليها ... انا هفضل معاها ومش هسيبها ..... هخليها تكلمك لما تهدا ... "
سوزان " طيب .. انا لازم امشي عشان معاد الطيارة ... "
طارق " ماشي .. .. خلي السواق يوصلك .. "
سوزان " خد بالك منها يا طارق .."
طارق " ماتقلقيش .. سيلا ف عنيا .. "
----------------------------
سوزان تمشي وطارق يدخل لسيلا ..
طارق " سيلا انتي كويسة ؟؟ "
سيلا " ااه .. كويسة .. "
طارق " ليه بتعامليها كدة ؟؟ "
سيلا " خلاص يا طارق من فضلك مش عايزة اتكلم ف الموضوع ده .."
طارق " طيب يا حبيبتي براحتك ...بس ما تنسيش انها والدتك .. ماتخسريش الكل مرة واحدة .. "
سيلا " ما انا خسرت خلاص .."
طارق " بس مامتك ذنبها ايه ؟؟ "
سيلا " لا .. ماما خسرتها من زمان .. من يوم ماسابتنا انا وبابا ... "
طارق " لا يا سيلا هيا مهما كان والدتك .. وبتحبك .. "
سيلا " وانا كمان بحبها ... بس غصب عني .. مش قادرة اشوف اي حاجة قدامي غير موت بابا .."
طارق " ربنا يصبرك يا حبيبتي "
--------------------------
بعد اسبوع من موت هشام
طارق وسيلا ف الفيلا
يجي رؤوف ( مدير الحسابات بالشركة وصاحب هشام )
رؤوف " البقاء لله يا بنتي ...انا جيت يوم العزاء بس ماعرفتش اشوفك "
سيلا " شكرا علي زيارتك .. انا عارفة انك كنت صاحب بابا اووي .. وهوا قالي انه كان بيثق فيك جداا "
رؤوف " هوا كان في زي هشام .. الله يرحمه "
سيلا "الله يرحمه ... وايه اخبار الشغل ؟؟ "
رؤوف " هوا ده اللي كنت جاي عشانه .... يا بنتي انتي دلوقتي مكانه .. وده شغلك انتي يعني لازم تتابعيه بنفسك .. "
سيلا " ان شاء الله .. ان هنزل بعد يومين الشركة .. بس لازم اخلص الاجراءات الاول عشان ابقي مكان بابا .. صح ؟؟ "
رؤوف " لا .. مفيش داعي لاي اجراءات .. الله يرحمه قبل ما يموت نقل كل الاملاك باسمك .. وفي اسهم بأسم والدتك ومدام هدي اخته .. والاستاذ طارق كمان ليه نصيب ف المصنع .. والفيلا اتسجلت باسمك .. "
طارق " الله يرحمه .. عمره ما نسي حد ف حياته .. حتي بعد ما مات .. "
سيلا " والمشروع الجديد ؟؟ .. انا عارفة انه اهم مشروع في الشركة دلوقتي ؟؟ .. "
رؤوف " ده بالذات لازم انتي اللي تشرفي عليه ... وفي حاجات كتير واقفة علي موافقتك ... "
سيلا " ليه ؟.. هوا مش يوسف .. الاستاذ يوسف .. شريك فيه .؟؟ "
رؤوف " ايوة بس نسبة حضرتك 75% .. "
سيلا " بس اللي انا اعرفه ان النسبة كانت 51 % بس .. "
طارق " يوسف سجل نص نسبته باسمك انتي .. "
سيلا " ايه ؟؟ .. ليه ؟؟؟ "
سيلا " عشان ماكنش عايز تفتكري انه طمعان فيكي ... "
رؤوف " يا بنتي انا قلتلك علي كل حاجة ...استأذن انا .."
سيلا " مستعجل ليه يا عمي ؟؟ ..خليك اتعشا معانا "
رؤوف " معلش يا بنتي وقت تاني .. هنستناكي ان شاء الله ف الشركة .. حاولي تيجي من بكرة عشان الشغل مايتعطلش اكتر من كدة "
سيلا " ان شاء الله يا عمي "
------------------------
طارق " هتعملي ايه يا سيلا ؟؟ "
سيلا " ف ايه ؟؟ "
طارق " انتي هتشوفي يوسف بكرة ان شاء الله ... هتتصرفي معاه ازاي ؟؟ "
سيلا " مش عارفة يا طارق .. خايف اووي من المقابلة دي .... مش عايزة اضعف "
طارق " سامحيه يا سيلا .. سامحيه وارجعيله .. "
سيلا " لا يا طارق .. مش هقدر .. "
طارق " ده بيحبك جداا .. كتب نص نصيبه ف المشروع باسمك .. ده مشروع مهم اووي وبالملايين .. وانتي عارفة اهمية المشروع ده بالذات "
سيلا " عارفة يا طارق .. "
طارق " هتعملى ايه ؟؟ "
سيلا " انا هتصرف بكرة ان شاء الله .. بس لازم تيجي معايا .. ماتسيبنيش لوحدي .. "
طارق " حاضر .. مش هسيبك لوحدك "
----------------------------
سيلا اول يوم ليها ف الشركة وطارق معاها
تدخل مكتب باباها ..
بعد شوية يجي يوسف
اول ما تشوفه تقوم توقف ....
نتقابل الحلقة الجاية
مستنية ارائكوا ..
ليست هناك تعليقات:
إرسال تعليق