الحلقة الرابعة
يخرج يوسف من المطعم
ف نفس اللحظة سيلا بتسلم علي صحابها
يشوفها ويوقف مكانه ................
بعد لحظات يفوق من سرحانه علي صوت التليفون
يوسف " الو ... مريم .. ايه اخبارك ؟؟ .. ااه ... طيب انا جاي حالا "
--------------------------------------------------------
سيلا تدخل المطعم لهشام
سيلا " سوري Dad .. بس انتا عارف بقي صحابي لما كلموني قولت اطلع شوية اشوفهم .. كانوا هنا برة "
هشام " طيب يا حبيبتي .. ولا يهمك .. كنت بس عايز اعرفك علي يوسف "
" يوسف مين ؟؟ "
" شريكي اللي قلتلك عليه "
" بابا انا مش عايزة اتعرف علي حد .. انا مش بحب جو البيزنس وكدة "
" براحتك .. يالا بينا نمشي عشان هسافر بكرة ... ولازم اروح الشركة الصبح "
---------------------------------
يوسف يوصل عند مريم ( اخته ) ..
مريم " حبيبي وحشتني اووي "
يوسف " وانتي كمان يا حبيبتي وحشتيني اووي .. امال فين مدحت ؟ "
" ف الشغل .. انا قلت اكلمك نقعد مع بعض شوية .... احضرلك العشا ؟؟ "
" لا .. انا اتعشيت بره ..."
" ربنا يرحمك بقي من اكل المطاعم ده ..... ربنا يرزقك ببنت الحلال "
" اااه .. المهم قوليلي .. ايه اخبار الحمل ؟؟ "
" الحمدلله ..المهم قولي ايه الجديد بقي ؟ "
" مفيش جديد .. زي ما انا "
" لا .. شكلك بيقول غير كدة .. احكي يالا "
" صدقيني مفيش جديد "
" بس شكلك بيقول انك بتحب ؟ ؟ "
" بحب ؟؟؟؟ ...لا هو مش حب يعني "
" امال ايه بقي .. احكي يالا "
" هيا بنت شفتها دلوقتي ... بس حسيت باحساس غريب اووي "
" الله الله .. شكلها ايه ؟ "
" جميلة ااووي ... تحسي انها شبه الملايكة .. حسيت فيها براءة الاطفال .. ضحكتها تجنن .. شعرها بني طويل .. وعيونها عسلية ... كل حاجة فيها جميلة "
" مممم .. واسمها ايه ؟؟ "
" ما اعرفش "
" طيب ساكنة فين ؟؟ "
" بردو ما اعرفش "
" امال تعرف ايه عنها .. وعرفتها ازاي ؟؟
" ما اعرفش غير اللي قلته ده .. شفتها 5 دقايق بس قدام المطعم اللي كنت فيه دلوقتي "
" ايه ؟؟؟!!!! ... طيب ما روحتش كلمتها ليه ؟؟ "
" مش عارف بقي .. انتي عارفة اني مش بتعامل اصلاا كدة "
" طيب وبعدين ؟؟ ... هتعمل ايه دلوقتي ؟؟ "
" ولا حاجة ... يمكن اسال عليها ف المطعم تاني .. بس مش عارف "
" ممممممم .. ربنا يجمعك بيها يا حبيبي .. يعني اول مرة تعجب بحد ما تبقاش عارف توصلها حتي "
" عادي بقي ... ما انا اتعودت عالوحدة بقي "
" ااه .. انا عارفة اني مقصرة معاك يا يوسف بس هعمل ايه بقي ؟ "
" عادي يا حبيبتي .. انتي بردو لازم تهتمي بجوزك وحياتك "
" ااه .. بس كان المفروض نكون مع بعض اكتر من كدة .. من بعد ما ماما وبابا توفوا كان لازم نبقي قريبين اكتر من بعض "
" الله يرحمهم .. فعلا انا بدأت احس بالوحدة من بعد موتهم "
" اااه .. معلش يا حبيبي .. ربنا يعوضك خير ف حياتك عن كل التعب اللي تعبته "
" يا رب "
---------------------------------------
سيلا وهشام ف العربية
هشام " انا هسافر بكرة يا حبيبتي .. تعالي معايا ؟؟ "
سيلا " لا يا بابا بلاش .... انتا هتبقي مشغول ف شغلك .. انا هروح اعمل ايه ؟؟"
" طيب تعالي ساعديني ف الشغل .. ده ف الاخر شغلك انتي "
" لا مش عايزة .. انا يمكن اسافر علي برلين "
" برلين ؟؟؟؟!!! .. ليه ؟؟ "
" يعني عايز اتفسح شوية "
" هوا يعني الفسح ماتنفعش غير ف المانيا "
" بابا ما انتا عارف ان صحابي هناك .. وبعدين انا هبقي قريبة من ماما وهخلص واطلع البندقية وكدة .. عايزة الف العالم كله .. حاسة بملل "
" ملل ؟؟!! انهي ملل اللي بتتكلمي عليه ؟؟ .. انتي كل يومين ف مكان .... يا حبيبتي انا عايزك تتحملي المسئولية معايا شوية "
" حاضر يا بابا .. دي اخر حاجة .. بعدها هشتغل معاك علي طول "
" ماشي يا حبيبتي .. والجواز ؟؟ "
" جواز ايه يا بابا ؟؟ "
" ايه . مش ناوية تتجوزي ؟؟ "
" لا ... مش وقته خالص يا بابا .."
" مش وقته ؟؟ ... ازاي يعني .. انا عايز افهم انهي وقته طيب ؟؟ ... انا عايز اطمن عليكي "
" هههههههه .. عايز تتاكد ان في مجنون ممكن يرضي يتجوزني "
" ااااه طبعا .. بنتي المجنونة لازم حد يقدرها ويعيشها ملكة "
" وانتا الملك اللي انا عايشة معاه . ولو في ملك زيك انا ممكن اوافق "
" يعني افهم من كلامك ان لو في حد زيي هتوافقي تتجوزيه ؟؟ "
" مممممممم .. لو زيك بالظبط .. مع اني اشك ان في حد زي بابايا حبيبي "
-----------------------------------
سيلا ف النادي ..يقابلها طارق ورانيا
طارق " ازيك يا سيلا "
سيلا " الحمدلله .. انتوا عاملين ايه ؟؟ "
طارق " الحمدلله ... هاه ايه اللي مصحيكي بدري كدة ؟؟ "
سيلا " يا سلام .؟؟؟ .. وانا من امتي بصحي متاخر بقي ؟؟ ... انتا اللي صاحي بدري .. مش عوايدك يعني ؟؟ """"
طارق " انا ؟؟ ... ماشي يا ستي هعديها .... المهم .. هتعملي ايه دلوقتي ؟؟؟ "
سيلا " همشي "
طارق " ليه ؟؟ ... انا زعلتك ف حاجة ؟؟ "
سيلا " اااه ... انتا رخم اصلا "
طارق " بقي كدة ... ماشي يا سو .. انا بقي اللي زعلان منك "
سيلا " لالالالالالا . اوعي تزعل .. انا مقدرش علي زعلك ابداا . حقك عليا ... هههههههههههههه ... ما تزعل ولا تتفلق .. بقولك ايه .. انا لازم امشي .. عايزة اسلم علي بابا قبل ما يسافر "
طارق " ايه ده خالي مسافر ؟؟ "
سيلا " لا !!!!!!!!! اتخضيت؟؟؟؟؟ اول مرة يسافر يعني ... يا شيخ اتلهي بقي وحل عني .. اوعي كدة من وشي .... عن اذنك يا رانيا .. معلش مش هقدر اقعد معاكي ... انا لازم امشي "
رانيا " ولا يهمك .. "
----------------------------------
بعد ما سيلا مشيت
طارق " حبيبتي "
رانيا "................. "
" مالك ؟؟ "
" مفيش حاجة "
" ازاي يعني وانتي شكلك زعلانة كدة ... في ايه ؟؟ "
" اسال نفسك في ايه ؟؟ "
" بجد مش فاهم في ايه ؟؟ "
" ايه اللي انتي بتعمله ده ؟؟ ... انتا وسيلا في حاجة بينكوا ؟؟؟ ...... "
-----------------------------------------
مشيت سيلا راحت الشركة
سلمت علي باباها ( هشام ) ونزلت
---------------------------------
هشام بيتكلم مع رؤوف
رؤوف " قلتلها ؟؟ "
هشام " لا .. مش هقدر اقولها حاجة زي دي "
" طيب هتعمل ايه ؟ .. هيا لازم تعرف "
" ااه ... هحاول اقولها لما ارجع من اسفر "
----------------------------------------------
سيلا قدام الشركة متجهه ناحية العربية
يوسف بيركن عربيته .. ويلمح سيلا من بعيد
يوقف ف مكانه .. وبسرعة يقرر انه يروح يكلمها
نتقابل الحلقة الجاية
حــنــــــــان مــحــــمــــــــد
ليست هناك تعليقات:
إرسال تعليق