ولا فـى الاحـلام #10

الحلقة العاشرة

~~~~~~~~

احمد لم يكن يغادر ابداا فقد طلب من صديقه الدكتور بقسم الوارئ ان يكتب له اذن بالبقاء فى المستشفى

وفى ذلك اليوم .. كان موعد تغير ذلك المحلول الذى يغذى ذراعى ..
تخرج الممرضة من العناية المركزة ...
الممرضة : دكتور ...

احمد : فى ايه؟؟

الممرضة : المريضة بدأت تفوق 

احمد : بجد .......

وحركة امام الغرفة .. و بعدها بساعتين ..

فى غرفة عادية ...

بابا : حمدلله على سلامتك يا حبيبتى 

حنان : االله يسلمك يا بابا 

ماما : كدة تقلقينا عليكى 

حنان : انا كويسة الحمدلله ... احمد فين ؟؟

بابا : اهدى بس ......

حنان : احمد جراله حاجة ؟؟؟

عمى : لا الحمدلله كويس .. بس مش عارف راح فين .. كان موجود لما فوقتى .. وبعدها مش عارف 

حنان : مممممممم ..

ايمان : انا اول ما سمعت عن اللى حصل جيت على طول .. حمدلله على سلامتك 

حنان : الله يسلمك يا ايمان ... ايه اللى خلاكى تيجى وتسيبى شهر العسل 

ايمان : المهم نطمن عليكى .. محمد كان معايا بس راح يزور مامته النهارده.. وهيجى على هنا

حنان : لا .. روحى انتى وروحى لجوزك .. انا بقيت كويسة الحمدلله 

ايمان : لا ما هو محمد ف الطريق .. هيجى يطمن عليكى الاول بس 

ويأتى احمد .... ومعه باقمة من الورد 

عمى : اهو احمد جه اهو ...

والدته : كنت فين يا احمد ؟؟... حنان سألت عليك 

احمد : حمدلله على سلامتك ...

حنان : الله يسلمك .. كنت فين ؟؟.

احمد : مكنتش عايزك تشوفينى كدة .. كان شكلى وحش اووى .. وكنت بجيب الورد اللى حبيبتى بتحبه ...

حنان : ميرسي ... انتا كويس ؟

احمد : ااه الحمدلله ... المهم انتى 

حنان : ااه الحمدلله كويسة .. بس دراعك ماله ؟؟

احمد : كتفى بس فى جرج ..عشان كدة رافعين دراعى شوية 

حنان : الف سلامة عليك ...

احمد : طيب يا جماعة بما اننا كلنا هنا ... احنا هنعلن خطوبتنا ..

واخرج من جيبه علبه بها دبلتين الفضية والذهبية ...

حنان : ايه ده ؟؟

احمد : مش عايزة تلبسى الدبلة ؟؟

حنان : هنا  ؟؟؟

احمد : ااه هنا .. كلنا موجودين .. اهلك واهلى .. محتاجين لايه تانى ؟؟  

حنان : بس .......

احمد : بس ايه ؟... معندناش بنات تتكلم انا اخدت موافقة بابا وخلاص ...

حنان : ..........( مجرد ابتسامة واسعة و نظرة رقيقة حالمة )

ويأتى محمد زوج اختى ومعه شيكولاته الخطوبة ...

و يمسك احمد يدى .. ويضع بها الخاتم الذهبى .. ويطبع قبلة رقيقة على ذلك الاصبع ..

ويعطينى الدبلة لاضعها فى يده ... 

ونتمم الاحتفال بالتهانئ من العائلة ...... 

ويأتى الطبيب ليخبرهم ان موعد الزيارة انتهى .. ويجب ان يتركونى لارتاح .. 

ويصر احمد على البقاء معى قليلا ..

ويغادر الجميع ويبقي احمد ...

احمد : مبروك يا قلبى ...

حنان : الله يبارك فيك ....

احمد : قوليها ...

حنان : اقول ايه ؟؟

احمد : اللى كنتى هتقوليه ورجعتى ف كلامك ..

حنان : انا ما قلتش حاجة خالص ..

احمد : طيب مش عايزة تقولى حاجة ؟؟

حنان : لا .....

احمد : وحشتينى اوووى ... قلبى كان هيوقف لما عرفت انك ف العناية المركزة ...

حنان : انا مش فاكرة حاجة خالص .. كل اللى فكراه ان اننا كنا ف العربية وفجأة لقيت العربية خرجت عن الطرق وبعدها كله اسود

احمد : كنت سرحان ف عنيكى ومخدتش بالى من الطريق خالص .. وفجأة فقدت السيطرة عالعربية .. والعربية اتقلبت .. انا كنت لسة فايق .. لقيتك انتى مش بتردى عليا خالص .. حاولت اخرجك من العربية ... اتصلت بـ بابا .. مكنتش عارف اخرجك من العربيه عشان كتفى ... وبعدها لقيت نفسى ف المستشفى 

حنان : مممم المهم اننا الحمدلله كويسين .. وقدر الله  وما شاء فعل .. 

احمد : ااه .. الحمدلله .. انتى لو كان جرالك حاجة بعد الشر كنت هموت فيها 

حنان : بعد الشر عليك ... بس انتا السبب 

احمد : انا ؟؟؟

حنان :ااه انتا اللى صممت انك توصلنى ...

احمد : وليه ما تقوليش انك انتى السبب ؟

حنان : انا ؟.. ليه بقي ولا انا اللى كنت سايقة يعنى ؟؟

احمد : لا انتى اللى سحرتينى بعنيكى و خلتينى مش شايف حاجة غيرك 

حنان : احم ... 

احمد : يالهوى عالبطة لما تتكسف 

حنان : بطة تانى ؟؟

احمد : خلاص يا حون بقي ...

حنان : حون ؟؟؟... انتا عرفت الاسم ده منين ؟؟

احمد : غادة صاحبتك ..

حنان : انتا شفتها ؟

احمد : اه .. جتلك هيا واسلام .. كانوا بيجوا دايما بس انا طلبت منهم انهم يبدأوا ينزلوا الكلية لانالدراسة بدأت و هما لازم عالاقل يجمعولك المحاضرات .. ولا ايه ؟؟

حنان : الدراسة بدأت ؟؟ .. بس الدراسة كمان اسبوع لسه ؟

واقترب احمد و وضع يدى بين يديه ونظر الىّ

احمد : حبيبتى انتى بقالك اسبوعين ف غيبوبة ...

حنان : اسبوعين ؟؟ 

احمد : ااه ... الخبطة كانت جامدة جداا .. بس الحمدلله انك معايا دلوقتى ..

حنان : يااه اسبوعين .. انا مكنتش حاسة بأى حاجة خالص 

احمد : ممممممم .. انا كنت دايما هنا معاكى .. ولما سمعت انك فوقتى .......

حنان : قمت سبتنى ومشيت ...

احمد : الله ؟... روحت اظبط نفسى .. كان شكلى وحش اووى صراحة ... كان لازم احلق و اظبط كدة عشان حبيبتى ولا ايه ؟؟

حنان : طيب ...

احمد : صحابك بيحبوكى اووى .. كانوا قلقانين جداا عليكى .. اسلام طيبة اووى وهادية .. وغادة كمان 

حنان : غادة مين

احمد : غادة صاحبتك ...

حنان : غادة هاية ؟؟؟

احمد : ههههههههههه .. لا لا لا انا كان قصدى انها كمان طيبة .. بس مش هادية خالص .. 

حنان : ااه بحسب 

احمد : عرفت عنك حاجات كتير منهم ..

حنان : زى ايه بقي ؟

احمد : اولا غادة بتقولك حون .. واسلام بتقول حنون .. وانك بتبقي مجنونة جدااا وانتوا مع بعض ... وانكوا ف نفس الكلية و طول اليوم مع بعض ... انتى مهتمة بالدراسة وبتدى كل حاجة وقتها .. وعرفت عنهم كمان .. ان اسلام مكتوب كتابها لابن عمها .. عادل .. وان غادة لسة مش مرتبطة  ... وعلى فكرة اسلام عزمتنى على فرحها ف شهر 2 ...وبس .. ده اللى فاكره 

حنان : مممممم ..طيب

احمد : طيب .. يالا بقي انتى لازم تنامى ...

حنان : انا زهقت من النوم مش كفاية الاسبوعين اللى بتقول عليهم 

احمد : بس بردو .. لازم تستريحى ....

حنان : طيب وانتا كمان .. روح استريح ...

احمد : حاضر .. بس نامى الاول ..

حنان : طيب ...

احمد : يالا انا هسيبك دلوقتى .. عايزة اى حاجة اجيبهالك معايا الصبح ؟؟

حنان : ربنا يخليك يا حبيبى ........

احمد : قولتى ايه ؟؟؟؟؟؟ .........

يتبع .....

يا رب تعجبكوا ..