الــضــحــايــا ( الارهابية )

الارهـــــابـــــيــة #1

ّّّّّّّّّ~~~~~~~~~~

امريكا .. الحلم الجميل الذى يسعى لاجله العرب .. لا بل العالم كله .. وكأن بؤرة العالم تحولت الى مسمى واحد هو .. امريكا ..

كنت انا واحدة من هؤلاء الذين يريدون بدأ حياتهم فى تلك الدولة الحالمة ..

كنت اعمل فى مجال التدريس .. انا وزوجى .. كنا متزوجين حديثا حين كنا نقدم اوراقنا دائما لمكتب الهجرة .. واخيرا تم قبول الطلب .. وحصلت انا وزوجى على تأشيرة للسفر الى الولايات المتحدة الامريكية ..
كنا مسلمين .. مبادئ الاسلام راسخة فى قلوبنا .. حجابى .. هو جزء من شخصيتى وحياتى ..

كنت منتقبة قبل ان اسافر الى امريكا ولكن حين ذكر فى شروط السفر ان يظهر وجهى .. دار الحوار بين وبين زوجى .. وسألنا شيوخا حول ذلك الموضوع ..

وجاء زوجى قائلا ..

محمد : الشيخ بيقول ان النقاب مش فريضة .. ومسموح للمرأة انها تظهر الوجه والكفين .. يعنى تقدرى تقلعى النقاب
سجدة : انتا موافق انى اقلع النقاب ؟؟
محمد : انتى عارفة انى عايزك تفضلى بالنقاب لانى بغير عليكى جداا ..انا مش عايز حد يبقي حقه انه يشوفك غيرى انا .. عايز انا بس اللى اتمتع بالجمال ده ..  بس انتى عارفة ان السفر ده حلمنا من زمان .. العيشة ف مصر صعبة اووى .. ومش عارفين نعمل اى حاجة عشان نأمن مستقبلنا ..
سجدة : خلاص يا حبيبى .. انا هقلع النقاب والحمدلله ان ربنا سمح لنا بكده ..
محمد : اكيد يا سجدة .. الاسلام دين يسر وليس عصر

وسافرنا الى امريكا .. الى ولاية نيفادا بالتحديد ..

كانت مدينة رائعة .. احببنا النظام والهدوء .. فكل شخص حر فى حياته .. ولا يتدخل احد فى شئون الاخرين .. ولكن الحرية كانت زائدة عن اللزوم .. فالفتيات والشباب يغادرون بيوت اهلهم عند بلوغ سن الثامنة عشر .. وايضا يسمح لهم بشرب الخمر .. وتم تحديد عمر معين لذلك .. كأنهم يقولون للمراهق .. يجب ان يكون سنك مناسب حتى تشرب الخمر لتكون مسئول عن قرار تدمير نفسك وعقلك وتتحمل كل الاثار الناتجة عن ذلك ..

الاسبوع الاول كان مجرد تجول ف المكان .. ومعرفة الاماكن الضرورية .. كالمحلات والسوبر ماركت والمستشفى القريب .. وايضا مكان المدرسة التى سنعمل بها انا وزوجى .. فقد كانت قريبة من المنزل ..

ان الحياة فى امريكا مختلفة تماما .. واهمها النظام ..

السكن غالى الثمن جداا ولكن الطعام رخيص جداا .. كنا لا نصرف كثيرا على الطعام وكنا لا نأخذ الا احتاجاتنا فقط .. فهناك يقدرون نقطة االمياه وقطعة الخبز ..

واليوم سأبدأ عملى ..
انا اعمل فى مدرسة لأدرس للمراهقين بين سن الرابعة عشر والسادسة عشر .. وكنت انا ادرس الرياضيات وزوجى يدرس علوم الفيزياء ..

كان التعليم هناك اختياريا وليس اجباريا .. كل طالب يحق له ان يختار المواد التى يريد دراستها .. فهو يحدد هدفه منذ الصغر .. وهناك يكون الاهتمام بالانشطة المدرسية .. خاصة الرياضية .. ولا اعنى بذلك فرقة المشجعات .. وهم فتيات من المدرسة يقومنّ بالرقص لتشجيع الفرقة الخاصة بالمدرسة فى الالعاب الرياضية الاخري كالسلة وكرة القدم الامريكية وغيرها ..

كانت البنات يمشيين فى حرية غريبة .. الملابس القصيرة والشعر المطلق على الاكتاف .. والاكتاف التى تظهر من الملابس الضيقة .. كان ذلك الواقع غريب .. بالرغم من تلك المغريات الكثيرة الا انه لم يعترض احد طريقهم ولا يعتدى شاب على فتاه حتى وان كانت عارية تماما .. فهم يحترموا حرية الاخرين وايضا حقهم فى التمتع بالامان فى الشوارع ...

جلست فى يوم اتحدث مع زوجى حول الحياة المختلفة

سجدة : البنات اللى ف المدرسة دول لو عندنا ف مصر كان زمانا سمعنا كل يوم عن 100 حالة اغتصاب ..
محمد : ااه .. انتى بتقولى فيها .. الشباب دى بالرغم من الحرية المطلقة اللى هما فيها الا انهم متربين صح .. ومش قصدى تربية صح على قيم واخلاق زي المصريين .. بس قصدى انهم اتعلموا ازاى يعيشوا ف حرية من غير ما يسرقوا حرية بعضهم .. مش زى عندنا ف مصر ..
سجدة : عندك حق والله يا محمد .. انتا فاكر الاستاذة ليليان اللى كانت عندنا جديدة ف المدرسة .. الطلبة كانوا على طول بيضايقوها لانها كانت بتلبس جيبة قصيرة شوية .. ومع ان الدين بيدينا حقنا ف الحرية وغض البصر ف نفس الوقت .. الا ان الشباب عندنا مش متربيين على مبادئ الاسلام صح .. كلهم دلوقتى تعليم نت وتليفزيون
محمد : بس بردو يا سجدة .. الاساس ف البيت .. الام .. الام هي اللى بتربى وتعلم .. وهيا اللى مسئولة عن الجيل اللى بتربيه .. بس للاسف بقي .. بيعلموا الطفل وهوا صغير قلة الادب على اساس انه صغير مش فاهم لما حد يقوله اشتم عمه ويبقوا هما مبسوطين بيه .. مش عارفين ان شخصيته بتتكون ف السن الصغير ده ..
سجدة : ايوة .. المفروض الناس عندنا يفهموا انهم لازم يربوا اطفالهم على تعاليم الاسلام .. وحتى اخوانا المسيحيين اللى عايشين ف مصر لازم يربوا اطفالهم على المبادئ اللى اتربينا عليها .. واللى طول عمرنا عارفينها سواء مسلم او مسيحى ..
محمد : بس ده صعب يتحقق .. اذا كان الاساس اللى موجود دلوقتى ف الشباب .. اساس ضعيف يبقي اكيد اللى بعده هيكون اضعف .. ولازم نبدأ نبنى من جديد بس استنى بقي لحد ما ينهار اللى موجود دلوقتى عشان تبدأى من جديد ..
سجدة : ااه .. يالا .. ربنا يهدى ويصلح حال الشباب كلهم ..
محمد : يا رب ..

لم نفكر من قبل حول تربية الشباب والحرية ..
فهنا فى امريكا كل شخص له حريته ولكن هناك حدود .. فأنا لم اواجه مشكلة بسبب حجابى ابداا .. لم اشعر انى غريبة عن المكان .. بالرغم من الطفل الصغير ابن ( جويل ) جارتى سألنى يوما ما .. لماذا ارتدى قماشا على راسى .. وحين شرحت له انى ارتدى الحجاب سألنى لماذا لا ترتدى والدته الحجاب كما ارتديه انا .. لم تتضايق والدته ولكنها ضحكت قليلا من اسألة ابنها الصغير ..

ان حدث ذلك فى مصر مع جارتنا المسيحية كنا سنتوقع انها  ستقول اننا نحرض ابنها ضدها واننا نعلم الاطفال اشياء غريبة .. ولكنى اعتقد انها كانت ستضحك هى الاخرى .. فنحن فى مصر اعتدنا ان نكون اخوة فى كل شئ .. لا فرق بين المسلم و المسيحى .. كلنا مصرى .. 

فقد اعتدنا ان نتبادل كل شئ .. حتى الثقافة .. فلكم دينكم ولىّ دين