ولا فـى الاحـلام #2

الحلقة الثانية

~~~~~~~
وينتهى اليوم سعيدا ولكن متعبا .. واعود الى المنزل مع عائلتى
بابا : حنان ..
حنان : ايوة يا بابا .. فى حاجة ؟؟
بابا : عارفة الشاب اللى كان واقف معايا ؟؟؟
حنان : شاب ايه ؟؟ ... انهى واحد ده ؟
بابا : الطويل ده .. احمد
حنان : احمد مين ؟؟.. لا يا بابا مش واخدة بالى .. بس ماله ده ؟
بابا : يعنى كنت عايز اعرف رأيك فيه
حنان : وتعرف رأيي فيه ليه يا بابا ؟؟
بابا : لا مفيش .. عادى ..
حنان : هوا ايه اللى عادى ده ؟؟... بتسالنى ليه ؟
بابا : اصله كويس اووى ومحترم .. ونفسي ف يوم يكون نصيبك
حنان : هههههههههههه يا بابا انتا هتدلل عليا ولا ايه ؟؟ .. انا مش هتجوز بالطريقة دى
بابا : يعنى هوا انتى شايفانى بقولك اتجوزيه .. انا بس بعرف رايك فيه .. اصل باباه كان كلمنى قبل كدة وهوا كمان نفسه تكونوا لبعض
حنان : ايه يا بابا انتا عايز تخلص منى بسرعة ولا ايه ؟؟
بابا : لا مش حكاية اخلص منك .. بس انتى عارفة انك غالية اووى عندى غير اخواتك ونفسى اشوفك احسن واحدة دايما ف كل حاجة
حنان : ان شاء الله .. بس بردو مش هتجوز بالطريقو دى ..انا هروح انام بقى عشان نازلة بدرى بكرة
بابا : نازلة بكرة فين ؟.. مش بكرة اجازة ؟
حنان : ااه بس عايزة اشترى شوية كتب ونازلة النبى دانيال ..
بابا : وقت كتب ده ؟.. الامتحانات خلاص قربت..
حنان : لا والله دى كتب للكلية يا بابا ..
بابا : طيب .. هبقى اسيبلك الفلوس الصبح جمب السرير ..
حنان : تمام .. تصبح على خير

              ***********************

صباح الجمعة .. احب الايام الى قلبى .. لا اعلم لما ولكنى انتظر ذلك اليوم دائما واشعر بالراحة النفسية فيه .. اشعر بدفء العائلة فى ذلك اليوم .. التجمع بعد صلاه الجمعة مع الاهل .. ثم الانفراد بنفسى فى غرفتى . .. ابدأ فى الكتابة على الكمبيوتر .. ثم ابدأ فى المذاكرة قليلاا ثم اعود الى الكتابة مرة اخرى ..
وهكذا هى حياتى ..
وتستمر الحياة هكذا حتى اخر يوم ف الامتحانات ........
الانطلاق .......

وكعادتى انا واصدقائى مهما كانت درجة صعوبة الامتحان لا نحزن ابدااا ولا نتوتر .. فقط نجيب على ما نعرفه و نترك باقى الاسئلة .. وحين تكون الصدمة كبيرة جدااا نظرا لصعوبة الامتحان .. نبدأ فى النظر الى بعضنا البعض والابتسام وقد تصل احيانا الى الضحك الهستيرى .. والخروج من الامتحان فى ضحكة بشوشة

حنان : هههههههه انا طالعة بالمادة دى وش ... يالا اهو نشيل العين
غادة : نشيل العين عن ايه ؟؟.. احنا طالعين كدة بكل المواد .. ههههههه
اسلام : ليك والله حرام على ها الدكتور .. ولا شى نعرفه بالامتحان .. ولا شي بالمقرر ..
حنان : انهى مقرر هوا اصلا فى مقرر .. ده كدة ببركة دعا الوالدين
غادة : يالا الحمدلله .. المهم اننا فرى بقي ..
حنان : ايوة بقي ... ايوة كدة ..
اسلام : ليك ايه .. الليلة عرس كبير
غادة : قشطة .. يالا بقي نهيس برة شوية ..
حنان : يالا ..

وهكذا هو تعاملنا معا .. واخيرا انتهينا من الامتحانات و ان اراد الله لنا النجاح سنصبح فى ثالثة تربية ...
وتنتهى اختى من الامتحانات ايضا وهذه هى السنة الاخيرة لها .. و بعد انتظار النتيجة والنجاح الحمدلله ..
فرح اختى الذى لطالما انتظرناه ..
فى منزلنا بنات كتير .. اصدقائى واصدقاء اختى وبنات العائلة ..

حنان : ايوة بقي فرحك بكرة اخيرا وهنخلص منك .....
ايمان : يا سلام .. عايزة تخلصى منى بسرعة كدة
حنان : بسرعة ؟؟.... حرام عليكى بقالك 21 سنة طابقة على نفسى .. ارحمينى بقي كدة كفاية اوووى
ايمان : بكرة نشوف هوحشك ولا لأ ؟؟
حنان : يا شيخة بقي خلاص تعبنا منك جداا
ايمان : ماشي ماشى .. عالعموم انا هنزل انا وشروق نروح الكوافير عشان يخلصلى كل حاجة قبل بكرة ..
حنان : طيب .... هاتيلى معاكى مسكرة
ايمان : طيب


حنان : دودو .....
غادة : ايوة ..
حنان : هتيجى بكرة الساعة كام ؟؟
غادة : يعنى هجيلك بدرى .. على 2 كدة كويس
حنان : بدرى ؟؟؟؟...2 بدرى ؟؟... لا بلاش تيجى على نفسك وتصحى بدرى .. تعالى على 7 كدة تكونى اخدتى كفايتك ف النوم
غادة : الله يا حون .. اعمل ايه يعنى ؟؟..
حنان : ولا حاجة .. ما تعمليش حاجة خالص .
غادة " طيب خلاص .. قوليلى انتى عايزانى اجى امتى ؟
حنان : يعنى تعالى بدرى عشان لسة هخلص حاجات هنا الاول وبعدها هروح عالكوافير
غادة : طيب واسلام ؟؟.. مين هيجيبها ؟؟.. انتى عارفة ان بيتها بعيد اووى
حنان : لا اسلام هتيجى مع عادل .. انتى عارفة بقي هيبقي صعب تيجى بدرى
غادة : خلاص هجيلك على 9 الصبح .. بس تحضريلى الفطار بقي
حنان : طيب

                  *********************

يوم الفرح .. كان يوما متعبا جدا .. الاستيقاظ فى السابعة صباحا .. الانتهاء من منزلنا والذهاب الى شقة اختى لاضافة اللمسات الاخيرة .. ثم الذهاب الى الكوافير ... والاستوديو ...

حين وصلنا الى القاعة .. جلست فى اقرب كرسى .. كنت قد استنفذت كل طاقتى ...
بدأت الاغاانى و دعوة العروسين للرقصة الاولى ..

وقفت انا و وبجانبى البنات حول العروسين .. كنت اتمايل و اغنى بصوت غير مسموع ومندمجة جداا مع الاغنية .. تمنيت ان احظى برقصتى الاولى ...
وبعد نهاية الاغنية .. توجهت الى ابى ..
وفى هذه اللحظة .. وصل ذلك الشاب الطويل مع والده .. وجاء ليسلم على والدى ...

بابا : اهلا ازيك يا احمد عامل ايه ؟؟
احمد : الحمدلله .. الف مبروك يا عمى عقبال ما تشوف احفادك ان شاء الله
بابا : ان شاء الله .. عقبال ما نفرح بيك انتا كدة
احمد : ان شاء الله ..
لم اكن اراقب ذلك .. كنت فى اصب كل تركيزى على مكان الرقص حيث كانت البنات ترقص ..
وفجأة سمعت ابى يذكر اسمى..
بابا : بنتى حنان ..
احمد : بنت حضرتك ؟؟؟
بابا : ااه بنتى الصغيرة .. حنان
احمد : هاى ... تشرفت بمعرفتك
انا : هاى ...
بابا : الدكتور احمد .. ابن الاستاذ عادل صاحبى
انا : ااه .. تشرفت بمعرفتك ..
احمد : الشرف ليا ..

وتاتى صديقاتى ..
غادة : حنان تعالى يالا عايزينك
حنان : طيب عن اذنكوا ..
واستأذن واغادر مع صديقاتى ..

غادة : ايوة يا عم .. هااه ايه النظام بقي ؟؟
حنان : نظام ايه ؟.. انتى هبلة يا بت ؟؟
غادة : بقالك ساعة واقفة هناك .. مين ده بقي ؟
حنان : قصدك الدكتور احمد ؟؟
اسلام : دكتور ... حلو كتير
حنان : والله صحابى هبل اووى .. انتوا شوفتوه جاى يتقدم ... روحوا بقي يالا من هنا ... صدعتونى
غادة : بقى كدة ؟؟.. احنا غلطانيين خليكى كدة معنسة
اسلام : انا كتير بحبها لهاه الاغنية .. راح ارقص مع عادل
غادة : طيب واحنا
اسلام : ارقصوا سوا .. انا برقص مع حبيبى
غادة : الله يسهله يا عم .. واحنا بقي يا حون هنفضللوحدنا كدة ؟
وفجأة يأتى احمد ..

احمد : تسمحيلى بالرقصة دى ؟؟

يتبع..

يا رب تعجبكوااا