ولا فـى الاحـلام #27

الحلقة السابعة والعشرون

~~~~~~~~~~~~~~

و انشغلنا بعد ذلك بالدراسة ..
وذهب احمد ويوسف ومحمود ومدحت لاستقبال صديقهم مصطفى الذى قدم من الامارات لحضور حفل زفاف اصدقائه الثلاثة ..

و فى اخر يوم من امتحاناتى ....

جاء احمد لاصطحابى للذهاب لاختيار القاعة التى سيقام بها الفرح .. 

و ذهبنا لاختيار القاعة .. ثم ذهبنا لاختيار الورود .. وكان الفرح بعد شهر واحد من اليوم .. فكان يجب ان نقوم بترتيب كل شئ والبدأ فى فرش الشقة ...
و فى يوم الفرح ... كنا فى غاية السعادة .. خرجت من الكرافير وحولى اصدقائى ... 
احمد يقف بعيدا وانا اسير فى اتجاهه ... الجميع من حولى سعيد .. صوت الزغاريط فى كل مكان ...
وصلت الى احمد .. امسك بيدى وطبع قبلة على جبينى .. و ركبنا السيارة بعد زفة كبيرة ..
كانت القاعة اكثر من رائعة ..
لم الحظ احد ابدا .. فقد كنت فى عالم اخر .. لا ارى سوى احمد ... كانت الرقصة الاولى ممتعة جداا ..
بدأت الاغانى الرومانسية ...

استنيت سنين كتير ليوم اللقا
واتمنيت اعيش معاك وافرح بقا
انا حبيت هواك عشان اجمل هوا
حلوة فى عينى الدنيا طول محنا سوا
يوم ورا يوم بنام واقوم على شوقى ليك
دة انا حسيت بحياتى لما لقيت عينيك

بحلم بيك .. بحلم بيك .. بحلم بيك
انا بحلم بيك
بحلم بيك .. بحلم بيك .. بحلم بيك
انا بحلم بيك

احلى كلام غرام قوام قلته عليك
والاحلام حرام دة لو متكنش ليك
سبنى ادوب يا دوب هواك وقتو ابتدى
سبنى اتوه واضيع واموت فى الحب دة
يوم ورا يوم بنام واقوم على شوقى ليك
دة انا حسيت بحياتى لما لقيت عينيك

بحلم بيك .. بحلم بيك .. بحلم بيك
انا بحلم بيك
بحلم بيك .. بحلم بيك .. بحلم بيك
انا بحلم بيك

احمد : بحبك ...
حنان : وانا بموت فيك ... 
احمد : خلاص من النهاردة هبقى دايما معاكى .. مش هنام غير ف حضنك .. ومش هصحى غير على صوتك .. ومش هاكل غير من ايدك ..
حنان : طيب سيبتلى ايه اقوله ؟؟؟ 
احمد : ما تقوليش حاجة .. عنيكى بتقول كل حاجة .. حركة شفايفك اللى  مش عارفة تعبر عن احساسك واضحة اووى .. انا قريت كل كلمة عايزة تقوليها .. كل حاجة حاسسها .. حاسس بنبض ايدك وانا ماسكها .. حاسس بكل حاجة ... 
حنان : طيب بس بقي .. انا قلبى هيوقف .. 
احمد : بعد الشر عليكى يا قلبى .. 

وانتهت الرقصة ..  ورقصت انا والبنات .. ولكن عينى لم تفارق عينى احمد .. 
انتهى الفرح و لم اكن اتذكر سوى عيون حبيبى فقط ..
ثم كنا فى طريقنا الى المنزل ..
كان احمد هوا من يسوق السيارة وانا بجانبه ... كان احمد يسوق بسرعة جنونية .. 
وانقلبت السيارة .....


فى المستشفى ...
الممرضة تخرج من غرفة العناية المركزة .. و تجرى فى المستشفى ...
الممرضة : دكتور .. 
حركة سريعة فى المستشفى ... والجميع يتوجه  نحو العناية المركزة .. 

قبل ساعة ....
غادة : الو .. اسلام عاملة ايه ؟؟
اسلام : الحمدلله .. انتى ايه اخبارك ؟؟
غادة : الحمدلله .. انتى جاهزة ؟؟ 
اسلام : ااه .. هسيب الاولاد عند اخت عادل وهنزل ..
غادة : تمام وانا كمان بنت خالتى هتعدى عليا تاخد الولاد معاها النادى...
اسلام : تفتكرى تكون اتحسنت ؟؟... يعنى تكون فاقت مثلا ..
غادة : يا ريت .. ربنا يقومها بالسلامة .. وحشتنى اووووى
وبدأت الدموع تمتزج مع الكلمات ..
اسلام : وانا كمان .. انا هنزل بقي .. ما تتاخريش .. 

تصل البنات الى المستشفى .. اهل حنان امام غرفة العناية المركزة ... 
شروق : ازيك يا غادة عاملة ايه ؟؟ 
غادة : الحمدلله .. انتوا عاملين ايه ؟؟ 
شروق : الحمدلله ... ازيك يا اسلام ؟؟ 
اسلام : الحمدلله .. انتى ايه اخبارك ؟؟ 
شروق : الحمدلله .. ايه اللى جابكوا .. انتوا عارفين ان مفيش جديد ... مالهاش لازمة خالص انكوا تيجوا 
غادة : انتى بتقولى ايه يا شروق ؟؟... انتى عارفة اننا بنستنى كل اسبوع عشان نيجى نشوفها .. احنا لو نطول كنا فضلنا هنا جمبها .. دى وحشتنا اووى 
شروق : ووحشتنى انا كمان .. انا باجى عشان خالتى وايمان .. بس انا مش عايزاهم ييجوا اصلا .. كل اسبوع بيتعبوا اوى يوم االزيارة .. خالتى بقالها 4 شهور تعبانة .. من ساعة الحادثة .. 
اسلام : ربنا يكون ف عونها .. هوا الدكتور ما قالش حاجة؟
شروق : لا بيقول كل حاجة زى ما هيا .. عادى لسة ف غيبوبة .. 
غادة : بس كدة كتير اووى 4 شهور ف غيبوبة .. ازاى محدش عارف يفوقها ؟؟ 

اسلام : خلاص يا غادة اهدى .. تعالى نشوفها .. ونسلم على طنط وايمان 
غادة : تعالى ... 

الممرضة .. من فضلكوا يا جماعة عن اذنكوا بعيد شوية عن العناية المركزة . 
غادة : هيا عاملة ايه ؟؟
المرضة : زى ما هيا.. عن اذنكوا انا هدخل اغير المحلول ..
وتدخل الممرضة لتغير المحلول .. 
وفجأة المؤشرات فى الجهاز تختلف ... وتسمع صوت مبحوح ( احمد ) .. و جسدى ينتفض .. و اتنفس بصعوبة .. 

الممرضة تخرج من غرفة العناية المركزة .. و تجرى فى المستشفى ...
الممرضة : دكتور .. 
حركة سريعة فى المستشفى ... والجميع يتوجه  نحو العناية المركزة .. 
ماما : فى ايه ؟؟.. بنتى حصلها حاجة ؟؟ 
غادة : حد يرد علينا ... 
وكان الجميع يركض من هنا الى هنا .. ويتسائلون عما حدث ولكن لا احد يجيب ...

وجاء الدكتور .. ودخل الى العناية المركزة .. 
و كلام كثير يدور بين الدكاترة والممرضين .. 
كنت شبه واعية ولكنى لم اكن اقوى على الحراك .. عيناى مغلقتين .. ارى ضوء ابيض ... 
وفجأة كل شئ يتحول الى سوااد .... 

يتبع ...
يا رب تعجبكوا ...