ولا فـى الاحـلام #20

الحلقة العشرين 

---------------

احمد : ااه .. احنا لازم نعترض على فكرة .. نقولهم ينقلونى الاوضة التانية .. 
حنان : ههههههه بطل جنان بقي ؟؟
احمد : قلتلك قبل كدة انك انتى اللى جننتينى ..
حنان : انا بحبك اووى ..
احمد : وانا كمان .. ايه رأيك .. انا عندى فكرة مجنونة كدة ..
حنان : فكرة ايه ؟؟
احمد : تعالى نتجوز بقي .. كفاية كدة شهرين خطوبة ..
حنان : مش بقولك وقعت على راسك وانتا صغير ..
احمد : انا بتكلم بجد ... تعالى نتجوز .. ايه رأيك .

حنان : والله العظيم مجنون ...

احمد : بردو ؟؟

حنان : ايوة .. مجنون ..

احمد : ااااه ....

حنان : مالك يا روحى ؟؟

احمد : ااااه .. معلش يا روحى اعدليلى المخدة ...

و ساعدته حتى يعتدل ف جلسته .. وكانت الحركة تؤثر عليه .. فظهر على وجهه اثار التعب والارهاق 

حنان : حبيبى انتا لازم تستريح شوية .. انتا تعبت اووى النهاردة 

احمد : لا عايز اقعد معاكى .. وحشتينى اووى 

حنان : وانتاا كمان وحشتنى جدااا 

احمد : طيب قولتى ايه بقي ؟؟

حنان : ف ايه ؟؟

احمد : تتجوزينى ؟؟

حنان : مممم ما احنا مخطوبين اهو ..

احمد : لا نكتب الكتاب ونعيش مع بعض .. ده صدى بالجواز 

حنان : هوا انتا ايه ؟؟.. غاوى مستشفيات ؟؟ 

احمد : ايوة ...

حنان : فكرتنى .. خد الدبلة بتاعتك يا استاذ .. لما كنت ف اوضة العمليات خلعوا الدبلة 

احمد : طيب تعالى لبسيهانى تانى .. ولا ايه رأيك المرة دى البسها ف الشمال؟

حنان : بس بقي ... انتا هتفضل مجنون كدة طول عمرك ؟؟

احمد : ايوة .. بحبك بقي .. 

حنان : بموت فيك بقي ..

احمد : طيب تعالى نتجوز ؟

حنان : لا .. مش دلوقتى ..

احمد : انتى امتحاناتك قربت .. ف اجازة نص السنة نكتب الكتاب .. و نجهز كل حاجة .. ونتجوز ف الصيف ؟؟

حنان : مممم انتا مستعجل كدة ليه ؟؟.. لسة .. احنا مش قلنا لما اخلص الدراسة ؟

احمد : لا .. مش عايز ابقي بعيد عنك .. عايز ابقي دايما شايفك معايا .. اقوم على صوتك وانتى بتصحينى .. وانام وانا شايفك قدامى .. عايز كل حاجة ف حياتى تبقي معاكى انتى .. 

حنان : ممممم .. طيب 

احمد : عايز اشوف كسوفك ده على طول لمااتكلم معاكى .. عايز اشوف العنين الجميلة دى وهيا بتضحكلى .. ومش عايز طيب دى .. عايزك تتكلمى معايا من غير كسوف منى 

حنان : طيب خلاص بقي .. احسن انتا كدة بتكسفنى اووى .. 

احمد : والله بحبك .. بحبك ف كل حالاتك .. عايزة اتجوزك يابت انتى 

حنان : وانا كمان عايزة اتجوزك .. وبحبك اووى .. ربنا يخليك ليا يا روحى

احمد : ويخليكى ليا يا عمرى ..انا هكلم عمى محمد ف الموضوع ده .. وعايزك بقي اليومين دول تركزى ف المذاكرة وتشدى حيلك عشان الامتحانات 

حنان : حاضر .. انتا بس قوم بالسلامة واحنا نعمل كل اللى انتا عايزه 

احمد : ان شاء الله .. عارفة لما دخلت وشوفت الحيوان ده بيحاول يضربك كنت هتجنن .. كان نفسى اقطعله ايده 

حنان : انا اللى كنت هتجنن لما ضربك بالمطواه .. مكنتش عارفة اعمل ايه ؟

احمد : الحمدلله انها جت سليمة

حنان : الحمدلله ... 

احمد : والحمدلله انك اخدتى اسماء عندك .. مكنتش عارف هتعمل ايه لوحدها 

حنان : ااه انتا ما تعرفش ايه اللى حصل اصلا ...

وبعد ان اخبرته بكل ما حدث .. 

احمد : يعنى لما كلمتينى كانت اسماء مش عندك اصلا ؟؟

حنان : لا .. كدبت عليك انا اسفة .. بس والله ما كنتش عايزة اتعبك وانا عارفة ان العصبية وحشة عشانك 

احمد : يا ربى .. ماشى يا حنان ... شكرا جدا

حنان : ايه ده ؟.. انتا هتزعل منى ولا ايه ؟؟ 

احمد : انتى شايفة ايه ؟ 

حنان : سورى بقي .. والله انا عملت كل ده عشان ما تتعبش اكتر 

احمد : بردو يا حنان .. 

حنان : طيب اسفة بقي .. هتفضل زعلان كدة ؟ 

احمد : ايوة ..

وقربت من احمد .. وجلست بجانبه .. 

حنان : احمد .. حبيبى ... حد يقدر يزعل من اللى بيحبه ؟؟ .. انا ما اقدرش على زعلك .. اسفة بقي .. ما يبقاش قلبك قاسى كدة 

احمد : خلاص يا حنان ..

حنان : طيب اضحك عشان اتأكد انك مش زعلان 

احمد : ............

حنان : يبقي لسة زعلان ... طيب اعمل ايه عشان تسامحنى ؟؟

احمد : ولا حاجة .. قلتلك خلاص 

حنان : حبيبى .. طيب .. ماشى انا زعلانة بقي ..

وخد بقي الدبلة بتاعتك اهى .. انا ماشي 

ووضعت دبلته الفضية التى كانت فى يدى ..

احمد : بترمى الدبلة كدة ؟؟

حنان : دبلتك البسها بنفسك ... 

احمد : بقي كدة ؟؟.. طيب .. 

و اتعدل احمد ليأخذ الدبلة من الترابيزة التى بجانبه بعد ان وضعت الدبلة عليها ..

احمد : ااااه .. 

و التفت سريعا حين سمعت توجعات احمد .. 

وكان يضع يده على جمبه المصاب ...

و ركضت نحوه .. ووضعت يدى على يده

حنان : حبيبى مالك؟... سلامتك يا روحى 

احمد : اااه .. مش قادر ..

حنان : طيب انادى الدكتور ؟؟

احمد : لا .. خليكى جمبى ... 

حنان : انا اسفة ...( وبدأت ابكى )

احمد : طيب بتعيطى ليه دلوقتى ؟؟ .. خلاص انا كويس ..

حنان : لسة بيوجعك ؟؟ 

احمد : لا خلاص بقيت كويس ... لما بتحرك بس بيوجعنى جداا .. بحس انه بيشد عليا .. بس ده عادى .. ما تقلقيش .. ممكن بقي تبطلى عياط

حنان : طيب يعنى انتا كويس ؟؟... احسن يكون الجرح فيه حاجة .. انادى الدكتور ؟؟

احمد : وانا مش عاجبك ولا ايه ؟؟... ما انا دكتور اهو ..

حنان : مش قصدى يا روحى .. بس انتا شكلك موجوع اووى 

احمد : ما تقلقيش .. هوا بس عشان الخياطة والجرح لسة مفتوح هيوجعنى لما اتحرك .. بس مفيش خطر ولا حاجة .. خلاص بقي 

و رفع يده ليمسح دموعى .. 

احمد : خلاص بقي ؟... ينفع الجميل يبقي زعلان منى كدة ؟

حنان : طيب انتا زعلان منى ؟؟

احمد : لا .. انا ما اقدرش ازعل منك .. انا بس اتضايقت شوية ..

حنان : طيب .. خلاص بقي .. بلاش نتضايق من بعض تانى خالص .. انا بحبك اووى وما اقدرش ازعلك ..

احمد : طيب يبقي بلاش تزعلينى وتعالى نتجوز بسرعة 

حنان : ان شاء الله .. 

احمد : يعنى موافقة ؟

حنان : ممممم ماشى ...

احمد : بحبك اووووى 

حنان : ههههههههه وانتاا مش قادر تتكلم كدة ؟؟ 

احمد : ااه هنعمل ايه بقي ؟؟ .. معلش هتتجوزى واحد تعبان جدا

حنان : :) :) .. بحبك 

احمد : وانا بموت فيكى 

وبعد يومين خرج احمد من المستشفى .. ولكنه ظل ملازما السرير .. كنت دائما اذهب لزيارته والتحدث مع اسماء .

علمنا ان ادم تم القبض عليه و سيحاكم على فعلته ..

فرحت اسماء كثيرا لذلك .. كانت تتصل بخالها دائما .. فلا ذنب له فيما حدث .. بل كانت تحب خالها جدا ودائما تواسيه فبالرغم من كل شئ هو اب ..

وكان احمد قد تحدث مع ابى حول كتب الكتاب .. ووافق ابى بان يكون كتب الكتاب فى اجازة نصف العام وان يكون الفرح ف اجازة الصيف .. بعد ان انتهى من سنتى الثالثة بالجامعة وسأكمل السنة الرابعة فى بيت الزوجية ..

و اخر يوم لى فى الامتحانات .. كنت مع صديقاتى .. 

ولكن ..........

يتبع ...

يا رب تعجبكوا