ولا فـى الاحـلام #16

الحلقة السادسة عشر 

~~~~~~~~~~~

وبعد ان اوصلنا اسماء الى منزل خالها ..
كنا فى الطريق ..
نظر احمد الىّ وامسك بيدى ..
احمد : مالك يا روحى .. سرحانة ف ايه ؟؟

حنان : مفيش حاجة يا روحى ...

احمد : شكرا جدا يا نونتى ..

حنان : على ايه ؟؟ 

احمد : كفاية انك تقابلى اسماء وتتكلمى معاها .. انا عارف انها مالهاش اصحاب ولا حد خالص .. 

حنان : مممم للاسف .. 

وبعد صمت دام لحظاات ..

حنان : حبيبى ...

احمد : ايه يا روح قلبى .. 

حنان : هوا انا ممكن اقولك على حاجة بس ما تتعصبش ؟؟ 

احمد : حاجة ايه دى اللى هتعصبنى ؟؟ 

حنان : اسماء ...... 

احمد :مالها ..؟؟ .. فى حاجة ولا ايه ؟؟

حنان : تعمل ايه لو عرفت ان فى واحد مضايقها وبيعاكسها وبيـــ

احمد : بيعمل ايه ؟؟ 

حنان : بيحسس على جسمها ......

و ف لحظة اوقف احمد السيارة فى عصبية شديدة ......

حتى ارتطم رأسى بالزجاج ....

حنان : ااااااااه ... مش تحاسب يا احمد ..

احمد : ايه اللى انتى بتقوليه ده ؟؟... ومين اللى بيعاكسها كدة ...

وكنت انا امسك رأسى من الوجع .. 

حنان : .........

احمد : خلاص انا اسف .. انتى كويسة ؟؟

حنان : دماغى بتوجعنى اووى ... 

احمد : اسف .. مكنش قصدى ...

حنان : خلاص .. ولا يهمك .. 

احمد : لسة بتوجعك ؟؟

حنان : ااه ... 

واقترب احمد منى .. وامسك برأسى ليرى ان كانت هناك اثار لتلك الصدمة .. 

ونظر الى عينى .. ثم اقترب الى رأسى وطبع قبلة رقيقة على جبهتى ..

احمد : اسف ...

حنان : احم ... خلاص مفيش حاجة ...

وابتعدت ان واعتدلت ف جلوسى ... وبدأ احمد يتكلم فى هدوء 

احمد : ممكن افهم بقي ايه اللى انتى بتقوليه ده ؟؟

حنان : اسماء حاكتلى ان ابن خالها بيعاكسها ف الرايحة والجاية .. وانها زهقت من كدة وف نفس الوقت مش هتقدر تتكلم عشان المشاكل اللى ممكن تحصل .. عشان كدة عايزة تتجوز اى جواز والسلام .. نفسها تخلص من اللى هيا فيه .. وعارفة انها مش هتتجوز لان مفيش حد هيتجوز واحدة مالهاش اهل ...

احمد : مالهاش اهل ازاى .؟؟.. امال احنا نبقي ايه ؟؟

حنان : انتوا ايه ؟؟.. انتوا سايبينها عند خالها ودى معناها ان اهلها ما قدروش يستحملوها ..

احمد : لا طبعا هيا ازاى فاهمة كدة ؟؟

حنان : مش هيا اللى فاهمة كدة .. الناس كلها شايفة كدة ... وحتى الشخص اللى هيا حبته اهله رفضوا الموضوع بسبب كدة ..

احمد : ايه الللى انتى بتقوليه ده ؟.. كل ده يحصل وهيا مش بتقولنا حاجة خالص ..

حنان : هتقول ايه ؟.. اكيد عمرها ما هتقول حاجة .. 

احمد : طيب وبعدين .. هنعمل ايه ف الموضوع ده ؟؟

حنان :ولا حاجة ؟.. مفيش ف ايدك حاجة تعملها

احمد : ازاى بقي .. ده انا هموت الزفت الحيوان اللى بيعاكسها ده ..

حنان : وبعدين ؟؟...

احمد : يعنى ايه وبعدين ؟ 

حنان : هتعمل ايه بعد كدة ؟؟ هتلاقى مكان اسماء تقعد فيه ؟؟ 

احمد : .........

حنان : فكر بالعقل يا احمد .. احنا لازم نصبر شوية .. 

احمد : اصبر ايه ؟؟؟.. عايزانى اعرف ان واحد بيعاكس اختى وبيحسس على جسمها واسكت ؟؟.. 

حنان : لا ما تسكتش .. بس عالاقل اصبر لحد ما نعرف هنتصرف ازاى ؟.. ممكن ؟؟

احمد : طيب .. اما نشوف اخرتها ايه ؟؟

حنان : ما تقلقش يا حبيبى .. سيبلى انا الموضوع ده ...

احمد : هتعملى ايه يعنى ؟؟ 

حنان : ما تقلقش.. هشوف كدة الدنيا فيها ايه وهتصرف 

احمد : ماشى .. ربنا يخليكى ليا يا حبيبتى .. 

حنان : ويخليك ليا يا عمرى .. يالا بقي .. انا اتاخرت اووى .. 

احمد :حاضر .. 

وبعد فترة .. كنت نجحت فى التقرب لاسماء اكثر .. واصبحنا صديقات ..

كنت مشغولة جداا فى المذاكرة والكلية .. كانت مكالماتى مع احمد قليلة .. بسبب الدراسة والشغل ...

و فى يوم كنت عند احمد ف المنزل لتناول الغداء .. 

وحاولت الانفراد بوالدته ...

حنان : عامله ايه يا ماما ؟؟؟

هدى (والدة احمد ) : الحمدلله يا بنتى .. وحشتينا والله يا حنان .. 

حنان : معلش بقي يا ماما انتى عارفة الكلية وكدة ..

هدى : ربنا يقويكى يا بنتى ...

حنان : يا رب يا ماما ...

هدى : بس انتى  عارفة بردو .. ابقي اسألى علينا ولا ايه ؟؟.. ده انتى خلاص بقيتى واحدة مننا خلاص .. وقريب هتبقي مرات ابنى ..  

حنان : ربنا يخليكى يا ماما ... يا رب اكون عند حسن ظنك دايما 

هدى : انا عارفة ان احمد بيحبك جداا .. وانتى كمان بتحبيه .. اوعدينى تخليه دايما مبسوط ... ده ابنى الوحيد 

حنان : اكيد يا ماما .. ربنا يقدرنى واسعده .. وبعدين هوا يعنى انا مش اعتبر زى بنتك .. 

هدى : طبعا يا بنتى ... 

حنان : طيب ماما .. انا كنت عايزة اتكلم معاكى ف موضوع كدة ..

هدى : موضوع ايه يا بنتى ؟؟. 

حنان : ................

يتبع ...

يا رب تعجبكوا ..