الــضــحــايــا ( حاجز الحب 2 )

حــاجــز الــحــب 2

--------------------

ولكن كل شئ تحول الى نقيضه بعد الزفاف ....
ففى اول يوم لهما كزوجين .. وبعد ان قفل عليهم باب واحد .. وظللهم سقف واحد .. تحول كل شئ الى عذااب .....

فبعد ان انفردا للمرة الاولى منذ ان تقابلا ....

بعدت هاله عنه تماما ... حاول ان يفهم ما بها .. ولكنها ظلت تبتعد عنه ولم تجعله يقترب منها او حتى ينام فى نفس الغرفة ...

وفى الصباح .... اتوا الاهل كما هوا متعارف فى عاداتنا وتقاليدنا ..

وانفردت والدتها وعمها الذى لا يتركهم ابدا فى الغرفة ...

ولكن طبعا عندما اكتشفت والدتها وعمها ما حدث .. كان عمها يضربها وتعالت اصواتها بالاهات ...

ودخل اسلام الى الغرفة وبدأ يحجز ما بينهم ..

اسلام : عمى من فضلك .. دى مراتى ...

العم : يعنى كويس اللى هيا بتعمله ده ؟؟

هالة : وانا عملت ايه ؟؟... انتا مالكش حكم عليا خلاص ..

و هجم عمها عليها ليضربها ..

اسلام : عمى .. دى مراتى ... وانا مش هقبل ان اى حد يهينها او يضربها .. احنا هنحل مشاكلنا بنفسنا .. 

العم : دى بنت قليلة الادب ولازم تتربى ..

اسلام : يعنى ايه يا عمى .. خلاص هالة بقت مراتى ..

العم : خلاص انتا حر ... بس احنا لازم نتاكد من شرفها .. احنا هنيجى بكرة ... 

اسلام : لا يا عمى من فضلك .. احنا هنسافر اسكندرية نقضى شهر العسل هناك ... لما نرجع ان شاء الله يبقي يحلها حلال .. 

الام : خلاص يا بنى ربنا يسعدكوا ...

وبعد ان غادر الاهل ... 

جلس احمد على اقرب كرسى ومسك براسه وهو لا يفهم اى شئ ..

لما تزوجتنى ؟؟؟ ... ولماذا يريد عمها ان يتأكد انها ما زالت عذراء .. ولماذا ضربها هكذا ... ايعقل ان تكون مجيرة على الزواج منى ؟؟.. هل هى معيوبة ؟؟... ام انها كانت تحب شخص اخر .. لا عجب انهم لم يتركونا لوحدنا .. كانوا يخشون ان تتحدث عن شئ ..

لا .. يجب ان اعلم كل شئ .. 

وقام احمد مسرعا الى غرفة النوم ..

ليجدها تتألم من اثر ضرب عمها لها .. 

ووقف متسمرا .. لم يتحرك ... وقد تحول غضبه الى نظرة حزن وقلق ...

اسلام : انتى كويسة ؟؟...

هالة : .... ااه ......

اسلام : ورينى كدة ...

واقترب منها ومسك ذراعها ليرى ما به من علامات ... 

ولكن فجأة و قفت هالة وابتعدت عنه ...

هالة : ابعد عنى .. اوعا تفتكر ان الكلمتين اللى انتا قولتهم ولا انك دافعت عنى ده ممكن يخلينى احبك او انى اسلملك نفسى .. انا بكرهك وعمرى ما هحبك ابدا .. انتا واحد انانى اتجوزتنى غصب عنى ... بكرهك وبكرهكوا كلكوا .. مش عايزة حد يتدخل ف حياتى .. ابعدوا عنى بقي ....

اسلام : بس يا هالة .. ايه كل ده ؟؟...  انا بطمن عليكى .. وبعدين طالما بتكرهينى اوى كدة اتجوزتينى ليه ؟؟...

هالة : كنت مجبورة .. انما انتا مين اللى جبرك على انك تتجوزنى ؟؟.. عاملتك وحش وبردو معندكش كرامة .. ايه ؟؟... مبسوط وانتا شايفنى بتعذب ؟؟

اسلام : ايه كل اللى انتى بتقوليه ده ؟... انا اللى من حقى اسألك انتى ليه اتجوزتينى وليه ما رفضتيش ؟؟... 

هالة : عشان عمى .. مكنش بيسيبنا لوحدنا خالص عشان عارف انى هقولك انى مش عايزة اتجوزك وانى مجبورة عليك ..

اسلام : طيب انتى رفضانى ليه .؟؟

هالة : مش عايزة اتجوز اصلا .. انا حرة ..

اسلام : لا انتى مش حرة يا هالة .. انتى خلاص بقيتى مراتى .. دى حاجة مش هتقدرى تغيريها ...

هالة : لا اقدر ...

اسلام : ازاى بقي ؟؟

هالة : نتطلق ...

اسلام : والله ؟؟؟... نتطلق .. سهلة اصلها ؟؟

هالة : انا مش بقول دلوقتى ...

اسلام : لا فهمينى بقي ...

هالة : نستنى شوية .. انا هكمل دراستى .. وممكن تعتبر اننا مش متجوزين .. عيش حياتك براحتك ..

اسلام : يعنى قصدك اننا نعيش مع بعض اخوات ؟؟

هالة : بالظبط كدة .. هنعيش مع بعض فترة لحد ما الدنيا تهدى شوية .. وبعدها اوعدك انك مش هتشوفنى تانى ...

اسلام : واذا رفضت ده ؟؟

هالة : انتا حر ... تقبله ترفضه مش هتطول شعرة منى ...

اسلام : انا جوزك ...

هالة : ااه الكلام ده عالورق بس ... 

اسلام : ماشي يا هالة انتى حرة ....

و ذهب اسلام بعد ان (رزع الباب ) وراءه ...

هالة جلست تبكى فى غرفة النوم .. 

ظلت العلاقة بينهم لمدة ثلاثة ايام هكذا .. هالة فى غرفة النوم لاتخرج من الغرفة ... لا تريد ان تتناول الطعام .. و اسلام ينام فى الغرفة الاخرى ..  

اسلام : هالة .. تعالى اتغدى ؟؟ 

هالة : مش عايزة اكل .. ابعد عنى ...

اسلام : انتى بقالك 3 ايام ما اكلتيش .. هتموتى ...

هالة : مالكش دعوة ...

اسلام : انتى حرة ...

وفى اليوم التالى .. كان نفس الحوار ولكن هذه المرة  هالة لا تجيبه ...

اسلام : هالة ...

هالة : ............

اسلام : هالة افتحى الباب ..... هالة ردى عليا .... انا هدخل ؟؟

ويدخل اسلام ليجد هالة ملقاه على الارض وفاقدة الوعى ....

يــتـــبــع .....

مستنية  ارائكوا ....