ولا فـى الاحـلام #8

الحلقة الثامنة 

~~~~~~~احمد : طيب انتى بتحبينى ؟؟
حنان : لا مش بحبك .. مرتاح كدة
احمد : بس انا شايف ف عنيكى غير كدة
حنان : دى مشكلتك مش مشكلتى
احمد : اصل انا بموت فيكى .. وعايز اتجوزك .. تعالى نتجوز حالا
حنان : مش بقولك مجنون ..
احمد :ااه مجنون عشان بحبك
وفجأة انحنى احمد امامى وهو يحمل علبة بها خاتم ....
احمد : تتجوزينى ؟؟

حنان : بس يا مجنون الناس بتتفرج علينا 

احمد : خليهم يتفرجوا . مش هسكت الا لما تردى عليا 

حنان : طيب ولوا قلت لأ ؟؟

احمد : مش هتقولى لأ .. عشان انا عارف انك بتحبينى ..

حنان : يا سلام ؟

احمد : لو ما وافقتيش هنتحر 

حنان : طيب ممكن تقوم بقي .. عشان خاطرى النا بتتفرج علينا

احمد : لما توافقى ...

حنان: طيب بس قوم بقي 

احمد : موافقة تتجوزينى ؟؟

حنان : ايوة .. قوم بقي 

احمد : ااه ايه ؟؟ 

حنان : موافقة اتجوزك .. قوم عشان خاطرى 

احمد : طيب قولى انك بتحبينى 

حنان : قوم بقى كدة كفاية ... والله همشى واسيبك 

احمد : قولى انك بتحبينى ..

 وتركته و ذهبت ..

ولم ابتعد خطوة حتى وجدته يمسك بيدى و يسحبنى تجاهه

احمد : ايه ده ؟؟.. انتى بتعيطى ؟؟

حنان : لأ .. 

احمد : طيب خلاص ما تزعليش .. مش هقدر اشوف دموعك دى 

ويضع يده على خدى حتى يمسح تلك الدموع ...

احمد : خلاص بقي .. مش عايز العيون الجميلة دى تعيط ابدا .. انا بقولك اهو 

حنان : ...مممممم ... طيب ...

احمد : بتحبينى ؟؟؟

حنان : ااه .. 

احمد : وهتتجوزينى ؟؟ 

حنان : ااه ...

احمد : بــــــــحــــــــــبـــــــــــك  

وسحب يدى و سار مسرعا للمكان الذى به والدانا ..

احمد : وافقت على الجواز ...

بابا (محمد) : الف مبروك 

عمى ( عادل ) : الف مبروك يا ولاد 

حنان : ايه ده ؟؟... انتوا كنتوا عارفين ؟؟

بابا : طبعا كنا عارفين ... بس انا كنت شاكك انك توافقى 

حنان : لا انا عايزة افهم كل حاجة 

احمد : انا هفهمك كل حاجة 

حنان : اها .. اتكلم بقي ... 

احمد : انا طلبتك من عمى محمد يوم الفرح .. بس هوا قال انك مش هتوافقى لانك قلتيله قبل كدة انك مش هتتجوزى بالطريقة دى .. وانتى عارفة ان بابا وعمى محمد نفسهم نتجوز من زمان .. هوا كان مصمم انك مش هتوافقى وانا كنت مصمم انى اخليكى تغيرى رأيك .. اتفقت معاهم انى اخليكى تقتنعى وتوافقى .. واخليكى تحبينى كمان .. و اخدت رقمك من عمى محمد وبدأت اكلمك .. وطبعا انتى ما اخدتيش بالك ان انا كنت عارف رقمك .. بس وهما عارفين ان انا كنت هعرض عليكى الجواز النهاردة وجبتهم معايا وكانوا مرتبين كل حاجة 

حنان : كدة يا بابا تضحك عليا كل ده ؟؟ ...

وتدمع عيناى مرة اخرى ...

بابا : عشان انا عارفك كويس وعارف عنادك ..ولو كنا قلنالك حاجة كنتى هترفضى زى ما رفضتى ف الاول 

و رميت نفسى فى احضان ابى ... ليطبطب علىّ

بابا : المهم انك وافقتى يا حبيبتى .. الف مبروك .. انا واثق ان احمد هيسعدك ..

عمى : الف مبروك يا بنى .. ربنا يسعدكوا 

احمد : الله يبارك فيك يا بابا .. 

بابا : خلاص بقي .. احنا نعمل الخطوبة الاسبوع الجاى ان شاء الله .. اول ما اختك ترجع من شهر العسل 

احمد : يا ريت يا عمى ... 

ويأخذنى احمد الى الترابيزة المجاورة 

حنان : مممممم مستعجل انتا .. طيب انا مش موافقة 

احمد : والله ؟؟... طيب عادى جدااا ... احنا معندناش بنات بيقولوا رايهم .. احنا خلاص قررنا ومش مستنيين رأيك 

حنان : يا سلام ؟؟... ايوة اظهر بقي على حقيتك يا سى السيد 

احمد : ايوة انا سى السيد .. عاجبك ؟

حنان : لا مش عاجبنى بقي ...

فى جانب اخر

عمى : ههههههه شوف الولاد ما صدقوا .. ايه خلاص هتتعاركوا زى الاطفال 

بابا : سيبهم بقي .. المهم انهم موافقين وخلاص 

ونعود الينا ...

احمد : مش مهم بقي .. بس بردو بحبك .. وهتجوزك .. ومش هتتجوزى غيرى ابدااااااااااا 

وابتسامة تحبط من كلماتى وكأن الكلمات جفت فى حلقى 

احمد : ايوة كدة .. خلينا نشوف الضحكة الحلوة دى 

حنان : ........ (ما زالت الابتسامة على وجهى .. )

احمد : طيب خلاص انا هسكت اهو .. بس شكلك حلو اوووى وانتى مكسوفة وخدك احمر كدة 

حنان : طيب 

احمد : يالهوى .. بحب بطة ..

حنان : بطة ؟؟!!

احمد : احلى بطة  الدنيا ..

حنان : مممم شكلك هتبدأ تلبخ بالكلام بقى 

احمد : خلاص خلاص اسف 

حنان : ايوة كدة ..

احمد : بلطجية كمان ...

حنان : ههههههههههههه .. طيب

احمد : احلى ضحكة ف الدنيا ...

ويأتى ابى فى اتجاهنا ... 

بابا : ايه ..,؟.. مش يالا بينا بقي ؟؟ 

حنان : ايوة .. يالا ...

احمد : بسرعة كدة ؟؟

بابا : ما تستعجلش يا احمد .. بكرة تزهقوا من بعض ...

احمد : لا مش كدة يا عمى .. بس يعنى ..

بابا : يا سيدى خلاص انا بهزر معاك .. 

احمد : طيب عمى .. ممكن طلب بسيط ..

بابا : اتفضل يا بنى ..

احمد : يعنى هوصلكوا لحد البيت 

بابا : ما احنا معانا العربية .. وانتا باباك معاك بلاش تتعبه 

احمد : لا ما ممكن حضرتك تاخد بابا معاك ف العربية عادى .. وانا هتنازل واخد حنان معايا 

بابا : هههههههههههه قول كدة بقي .. انتا مش هتوصلنا انتا هتوصل حنان 

احمد : والله اللى تشوفه يا عمى 

بابا : شوف يا عادل الاولاد بيعملوا ايه من اولها .. ابنك ده شكله مش سهل 

عمى : هههههههههه ايوة يا محمد ما صدقوا بقي ..

بابا : طيب امرى لله تعالى معايا انتا يا عادل ف العربية ..

عمى : طيب .. يالا ..

انا واحمد فى اتجاهنا الى العربية ...

حنان : ايه اللى انتا عملته ده ؟؟ 

احمد : عملت ايه ؟؟ 

حنان : احرجتنى جداا قدام بابا وعمى 

احمد : كل ده عشان عايز اوصلك .. 

حنان : ايوة ... 

احمد : طيب حقك عليا يا ستى ... افرديها بقي ..

حنان : طيب اتفضل يالا اما نشوف اخرك معايا ايه ؟؟

ويقف احمد امامى ليفتح بابا السيارة .. وهو ينحنى قليلا 

احمد : تفضلى ايتها الاميرة ...

حنان : ههههههههههه .. انتا وقعت على راسك وانتا صغير ؟؟

احمد : بقي كدة ؟؟

حنان : خلاص خلاص .. ما تزعليش يا كميلة 

احمد : كميلة ؟؟!! ... لا الوش الخشب حلو 

حنان : طيب براحتك 

ونحن فى السيارة ... وضع احمد يده على يدى ..

وامسك بيدى وتشابكت اصابعنا .. واخد يدى الى قلبه ليحتضنها وهو ممسكا بها ... 

ثم ..............

يتبع ...

يا رب تعجبكوا ...