ولا فـى الاحـلام #12

الحلقة الثانية عشر 

~~~~~~~~~~

احمد : ههههههههههههه انتى خايفة من سواقتى ولا ايه ؟؟
حنان : حقى .. ولا ايه ؟؟
احمد : هههههههه طيب .. هسكت اهوو
حنان : ايوة كدة .. شاطر ..
احمد : شوفتى انا بسمع الكلام ازاى ؟؟
حنان : شطور
احمد : طيب مفيش مكافأة عشان بسمع الكلام
حنان : ركز ف الطريق وبص قدامك ... مش ناقصين
احمد : حاضر ..
وبعد دقائق .. كنت انا شاردة وانظر فى الجانب الاخر من الطريق ..
وفجأة .. صرخ احمد ..
احمد : ااااااااااااااااه ...........

وصرخت انا .. 

حنان : ااااااااااه 

احمد : ههههههههههههههههههه 

حنان : يا رخم .. 

و بدأت اضربه ..حتى جاءت يدى على مكان جرحه 

احمد : اااه .. 

حنان : تستاهل .. عشان تبقي توقف قلبى كدة تانى 

احمد : اتخضيتى ؟ 

حنان : ايوة .. 

احمد : طيب خلاص .. اسف .. بس انتى اللى كنتى بتتريقى على سواقتى .. قلت اخضك شوية 

حنان : قلبى كان هيوقف .. رخم اووووى انتا على فكرة 

احمد : سلامة قلبك يا روحى

حنان : اوعا تعمل كدة تانى ..

احمد : حااضر .. المهم انتى ما تتعصبيش كدة .. 

حنان : طيب ... كتفك وجعك ؟؟

احمد : ااه جدااا 

حنان : سورى .. ضربتك جامد ؟؟

احمد : جدااا .. 

حنان : خلاص .. اسفة .. لسة بيوجعك ؟؟ 

احمد : شوية ...

حنان : طيب معلش .. بس انتا بردو تستاهل 

احمد : بقي كدة ؟.. طيب 

و اصل الى المنزل .. 

احمد : يالا بقى انا همشى .. 

حنان : هتروح فين ؟؟.. مش هتطلع معايا ؟؟

احمد : لا لازم اروح العيادة .. بقالى كتير مش بروح الشغل خالص

حنان : طيب .. ابقي كلمنى لما تروح 

احمد : حاضر .. سلام .. 

حنان : سلام .. 

                   ********************

وفى المساء .. يأتى صديقااتى ..

غادة : حمدلله عالسلامة يا حون .. ما انتى زى القردة اهو .. لازم تخضينا عليكى يعنى ؟؟

حنان : يا بت انتى على كدة ؟؟ 

غادة : الله يا حون .. ما انا بقولك حمدلله عالسلامة اهو .. 

اسلام : اتركينا منها هلأ .. انتى كيفك ؟؟ 

حنان : الحمدلله .. كويسة 

غادة : اتركينا منها .. بقي كدة ؟؟ .. ايه التعامل ده ؟

حنان : معلش يا دودو بقي .. حقك علينا يا ستى 

غادة : خلاص بقي بعد ايه ؟؟

اسلام : عن جد يعنى انتى مو معقوله غادة .. نحنا جايين لنطمن عليها يعنى 

غادة : خلاص ماشى .. عاملة ايه يا حون ؟؟ 

حنان : الحمدلله يا قلب حون ..

غادة : وازاى المز ؟؟

حنان : المز ؟؟ .. ايه اللى خلاكى تجيبيها معاكى اصلا .. 

اسلام : ههههههههه .. ما كنت بعرف الطريق  لحالى 

غادة : هههههههههه .. خلاص حقك علينا .. بس بجد احمد عامل ايه ؟؟

حنان : الحمدلله ... تمام 

غادة : الحمدلله .. كنتى بتعملى نفسك بريئة ووقعتى الواد هاه ؟

اسلام : هنيالك يعنى .. كتير حباب .. و كتير شيك و دمه كتير خيف .. 

غادة : ااه ومز كمان ..

حنان : بت .. انا بدأت اقلق منك ..

غادة : ههههههه ما تخافيش مش بنعاكس والله .. عيب عليك يعنى احون .. ده انا اتمنالك السعادة  ... بس بهزر يعنى 

حنان : عارفة والله .. ربنا يرزقك انتى كمان باللى تتمنيه 

غادة : يا رب .. انا بس كنت عايزة اطمن عليكوا الاول .. عشان افوق لنفسى بقي 

اسلام : ايه .. فوقى لحالك .. وبدنا نسمع خبر حلو عن قريب .. 

غادة : ان شاء الله .. المهم يا حون انتى ايه النظام معاكى دلوقتى ؟

حنان : ازاى يعنى ؟؟

اسلام : ليك حنون .. نحنا جمعنالك المحاضرات الماضية وصورنالك ياها .. و عنا الاسبوع الجاى محاضرة كتير مهمة و هتكون ميدانية لسة ما بنعرف وين بس بدنا نسافر ..

حنان : ربنا يخليكوا ليا يا حبايبى . بس احنا هنسافر فين ؟؟ 

غادة : لسة مش عارفين .. بس غالبا هتكون مطروح .. عندنا محاضرة ميدانية ..

حنان : ممم .. دى هتكون امتى ؟؟ 

اسلام : يعنى يا الاتنين يا التلاته .. 

حنان : مممم تمام 

اسلام : ليك حنون بكرة اجازة .. بتدرسى هالمحاضرات .. و تنزلى عالكلية يوم السبت .. 

حنان : ان شاء الله ..

غادة : تمام يا حون .. 

حنان : حون دى اللى موديانى ف داهية .. حد قالك تقولى حون لاحمد ..اهو عمال يقولى حون 

غادة : هههههههههه هوا اللى مسك ف الكلمة انا مالى 

حنان : طيب يا بريئة انتى  ... 

غادة : ايوة بريئة .. المهم صحيح .. فى كتب كدة المفروةض نجيبها .. بس احنا اصلا مش لاقينها 

حنان : كتب ايه ؟؟

اسلام : المراجع تبع المواد .. مو موجودين بمكتبة الكلية .. ونحنا ما بنعرف وين بنجيبهم 

حنان : ممم طيب تمام انا هجيبهم ان شاء الله 

غادة : ايوة يا حون احنا عارفين انك انتى اللى بتعرفى تتصرفى ف الكتب دى 

حنان : تمام 

وفى اليوم التالى .. جاء احمد ليأخذنى الى محلات الكتب .. 

وكان اليوم الجمعة وكانت اجازته من المستشفى .. 

وذهبنا معا .. 

وبعد ان وصلنا .. كنا نسير ف الطريق ونبحث عن الكتب .. 

حتى وجدت فتاه فى مثل عمرى تقريبا .. 

اقتربت و التفت يدها حول عنق احمد .. واحتضنته ..

البنت : احمد .. وحشتنى .. بتعمل ايه هنا ؟؟ 

يتبع ..

يا رب تعجبكوا ..