ولا فـى الاحـلام #21

الحلقة الحادية والعشرون 

~~~~~~~~~~~~~~
وكان احمد قد تحدث مع ابى حول كتب الكتاب .. ووافق ابى بان يكون كتب الكتاب فى اجازة نصف العام وان يكون الفرح ف اجازة الصيف .. بعد ان انتهى من سنتى الثالثة بالجامعة وسأكمل السنة الرابعة فى بيت الزوجية ..

و اخر يوم لى فى الامتحانات .. كنت مع صديقاتى ..
ولكن .. اتصل بى احمد واخبرنى انه حضر مفاجأة لى .. وانه سيأتى ليأخذنى من امام الكلية ..

وبعد ان اخبرت صديقاتى واقنعتهم بصعوبة انه يجب ان اذهب واننا سنعوض ذلك اليوم فى مرة اخرة ...

وجاء احمد .. وذهبت معه ... 

و اخذنى الى مجمع تجارى كبير .. ...

حنان : احنا بنعمل ايه هنا ؟؟ 

احمد : بنجيب فستان ...

حنان : و الله ؟؟... اها .. طيب وبعدين ؟؟

احمد : اصبرى على رزقك .. 

حنان : بجد في ايه ؟؟ .. 

احمد : هنجيب الفستان عشان كتب الكتاب ...

حنان : والله ؟...

احمد : ااه .. انا عجبنى الفستان بقي وهتلبسيه غصب عنك 

حنان : ههههههههه انتا مجنون ... احنا حتى لسة ما حددناش معاد كتب الكتاب 

احمد : مين اللى قال كدة ؟؟ 

حنان : يعنى ايه ؟؟

احمد : يعنى كتب الكتاب اول الاسبوع الجاى .. يوم السبت ان شاء الله 

حنان : ايه ؟؟... انتا بتتكلم جد ؟

احمد : ايوة .. وعمى محمد عارف كدة ..

حنان : بابا عارف ؟؟... وما قاليش حاجة خالص ..

احمد : لا ما هو لسة عارف من ساعة تقريبا 

حنان : والله انتا رخم اوى 

احمد : عارف ... هااه .. تشوفى الفستان اللى عاجبنى ؟؟

حنان : لا .. زوقك وحش انا عارفة 

احمد : طيب بردو هتلبسيه .. ثوانى .. غمضى عنيكى ...

حنان : ليه ؟؟.. هتخضنى بلون فسفورى ؟؟

احمد : ههههه ايوة ... غمضى عنيكى بقي ...

حنان : حاضر ..

واغمضت عيونى ومسك احمد يدى وكان يسير بجوارى حتى يدلنى على الطريق الى المحل .. 

و كنا فى الطابق الارضى ومحلات الفساتين حولنا فى كل مكان . اوقفى عند محل .. وعندما فتحت عيناى .. وجدت نفسي اما فستان ما لكنه قبيح جدااااا 

احمد : هااه ؟.. ايه رأيك ؟؟؟... يجنن مش كدة ؟؟

حنان : .... احم احم .. هوا من ناحية يجنن فهو يجنن اكيد .. واللون حلو جداا اخضر بيلمع .. ممملا زوقك جميل اووى يا روحى ... 

وكان يظهر ملامح الرفض على وجهى .. 

احمد : يعنى عجبك ؟؟ 

حنان : انتا شايف ايه ؟؟.

احمد : يبقي نشتريه يلا ..

حنان : لا .. اصلا انا جبت الفستان من زمان ... 

احمد : بجد ؟؟... 

حنان : ااه ... 

احمد : الفستان مش عجبك ؟؟ 

حنان : لالالالالا خالص .. ده وحش اوووووووووى يا احمد 

احمد : ههههههههههه ما انا عارف .. بس كنت عايز اشوف اخرك فين ؟؟

حنان : والله العظيم رخم اوووى 

احمد : طيب تعالى ..

و اخد احمد يدى و ذهبنا الى المحل الذى يليه .. 

احمد : اهو الفستان اللى عجبنى .. ايه رأيك ؟؟ 

ووجدت نفسى امام ذلك الفستان الرائع .. 

حنان : الله يا حبيبى .. يجنن .. تحفة اووى 

احمد : يعنى عجبك ؟؟

حنان : ااه جدااا ... 

احمد : طيب تعالى ... 

ودخلنا الى المحل .. و دخلت الى حجرة الملابس ..

احمد : مش هتخلينى اشوف الفستان طيب ؟؟ 

حنان : لا .. مش دلوقتى خالص 

احمد : ليه ؟؟ 

حنان : عشان تشوفنى بيه لاول مرة يوم كتب الكتاب ..

احمد : طيب اطلعى بس اشوفه مرة واحدة 

حنان : لا ... 

وخرجت من الغرفة واخبرت الانسة التى تعمل فى المحل ان الفسان مقاسى .. 

واشترينا الفستان وذهبنا الى محلات اخرى لشراء باقى كماليات الفستان .. وكنت اختار الاشياء على ذوق احمد ..

ثم ذهبنا لتناول الغداء سويا ..

حنان : حبيبى ... ميرسي اوووى بجد .. اينعم انا مستغربة انك نزلت معايا اشترى فستان .. بس بردو ميرسي

احمد : ومستغربة ليه ؟؟ 

حنان : عشان مفيش واحد بينزل مع خطيبته تعمل شوبينج .. وانتا اللى طلبت منى ده النهاردة 

احمد : هوا احنا مش ف فترة الخطوبة ؟؟ 

حنان : ااه ..

احمد : طيب وفترة الخطوبة دى مش اتعملت عشان نتعرف على بعض ؟؟

حنان : ااه ...

احمد : واكتر حاجة ممكن تخلى الشاب يعرف البنت هوا اسلوبها ف اختيار الهدوم .. 

حنان : والله ؟؟؟.. ازاى بقي ؟؟

احمد : يعنى مثلا .. دلوقتى .. انتى اللى بيعجبك بتاخديه ؟؟ مش لازم تلفى 100 محل عشان تجيبى الحاجة .. مش لازم تجيبى حاجة انتى مش هتستخدميها .. لما قلتلك على الاكسسوارات قولتى انك مش بتحبى تلبسيها .. و ما لفيناش كتير لانك عارفة كويس جداا انتى بتدورى على ايه ؟؟ ...

ودى حاجة كويسة جداا .. لانى بكدة عرفت انى اكيد هنزل معاكى تانى .. اختياراتك حلوة .. و بتختارى اللى يعجبنى وف نفس الوقت شيك ومحترم

حنان : كل ده عرفته وانا بجيب الفستان والجزمة و الطرحة ؟؟

احمد : واكتر من كدة كمان .. احنا بقالنا حوالى ساعة الا ربع بنجيب الحاجة .. لو واحدة تانية كانت فضلت تلات اربع ساعات عشان تجيب الفستان بس ..وخصوصا انه فستان لمناسبة مهمة جدا ..

حنان : هوا يعنى الفستان هيكون اهم من حبيبى .. مش مهم الفستان شكله ايه ؟؟.. المهم حبيبى انا يكون جمبى .. 

احمد : ما تقلقيش دى اهم حاجة .. لازم ابقي جمبك . 

حنان : طيب ممكن اطلب منك طلب بقي ؟؟

احمد : طبعا ...

حنان : ممكن زى ما انا كدة هلبس على ذوقك .. نروح انا وانتا نجيب لحبيبى طقم على ذوقى انا ؟؟ 

احمد : كنت هزعل جداا لو ما قولتيش كدة ...

حنان : ههههههه .. طيب ما قولتش ليه على طول ؟؟

احمد : كنت عايزك انتى اللى تطلبى ده ...

حنان : طيب يالا بينا بقي ..

احمد : يالا ........

وذهبنا لشراء بدلة مناسبة لاحمد ...

ثم قام احمد لايصالى الى منزلى .. 

واتفقنا سويا ان نذهب فى اليوم التالى لشراء الشبكة .. 

واخبرته انا ان نصطحب اسماء معنا حتى تختار ملابس مناسبة للفرح ..

وفى اليوم التالى ... 

يتبع ...

يا رب تعجبكوا