ولا فـى الاحـلام #13

الحلقة الثالثة عشر

~~~~~~~~~~
وفى اليوم التالى .. جاء احمد ليأخذنى الى محلات الكتب ..
وكان اليوم الجمعة وكانت اجازته من المستشفى ..
وذهبنا معا ..
وبعد ان وصلنا .. كنا نسير ف الطريق ونبحث عن الكتب ..
حتى وجدت فتاه فى مثل عمرى تقريبا ..
اقتربت و التفت يدها حول عنق احمد .. واحتضنته ..
البنت : احمد .. وحشتنى .. بتعمل ايه هنا ؟؟

احمد : انتى اكتر .. عاملة ايه ؟؟ 

البنت : الحمدلله  .. بس زعلانة منك اوووى .. ينفع كدة من بعد ما عزلنا من جمبكوا ما تسألش عليا .. 

احمد : معلش بقي .. انتى عارفة على طول مشغول .. 

البنت : ودة سبب ؟؟.. عالاقل اسأل بالتليفون 

احمد : معلش المرة الجاية ... المهم انتى عاملة ايه ؟... و  ايه احوالك دلوقتى ؟

البنت : اهو عايشة .. انتا عارف بقي ان الكلية بدأت .. ومشغولة جداا ..

احمد : مااشي .. ربنا معاكى 

وكنت انا اراقب تلك المقابلة الحارة .. 

ودمعت عيناى ..

البنت : ايه ده يا احمد مش تعرفنا ؟؟...

حنان : ايوة يا احمد .. مش تعرفنا ؟؟؟ ... ( وسالت دموعى على خدى )

احمد : حنان .......... 

كنت قد نطقت تلك الكلمات وانسحبت من ذلك المكان 

و كنت اقف فى الطريق لاوقف تاكسى ..

وجاء احمد وامسك بذراعى ..

احمد : حنان استنى .. 

حنان : ابعد عنى .. 

احمد : طيب استنى افهمى الموضوع بس .. 

حنان : سيب ايدى ..

احمد : طيب ممكن توقفى تسمعينى ؟؟

حنان : قلتلك ابعد عنى .. والله لو ما سيبتنى لاصوت والم عليك الناس .. 

احمد : طيب ممكن تهدى شوية .. 

و توقف تاكسى .. وذهبت انا وتركت احمد ..

ورن هاتفى اكثر من مرة حتى اغلقت الهاتف ..

و ذهبت الى المنزل .. دخلت الى غرفتى وانهرت فى البكاء .. 

احكمت اغلاق الباب حتى لا يرانى احد وانا ابكى هكذا .. 

من هذه الفتاه التى تعلقت برقبتك .. ومن هى لتحدثها بهذه الطريقة ؟؟ 

قد تكون حبيبتك السابقة ؟؟.. فمن المؤكد كانت لك صديقة او اكثر .. فأنت شاب ناجح .. وسيم وجذاب .. كانت حولك مئات الفتيات فى الجامعة .. فمن المؤكد انك كنت فى يوم مع واحدة منهن .. 

ولكن ان كان ذلك صحيحا فلما لم تخبرنى بذلك ؟؟ 

اتفقنا ان نقول كل شئ لبعضنا البعض .. لما لم تذكر شئ كهذا .. 

حتى وان لم تذكر .. من المفترض ان تكون هذه العلاقات انتهت بمجرد دخولى حياتك .. من هى لتعانقك ؟؟ .. هى ليست من اقرباءك .. وانا اعلم ان لا اخوات لك .. من كلامها علمت انها كات جارتك ولكنها نقلت مسكنها من فترة .. 

لما كل هذا التوتر ... 

نظرت الى تلك الدبلة بيدى .. و خلعتها عن اصبعى .. 

وضعتها بجانب السرير وانا فى شدة غضبى .. 

احتضنت المخدة  وحاولت ان انام ... 

استيقظت فى الصباح لاذهب الى الجامعة .. 

لم اكن اشعر انى اريد فعل شئ .. 

ارتديت الجينز الازرق كالمعتاد فى ايام الجامعة .. 

اخذت حقيبتى وغادرت .. 

وفى الجامعة .. لاحظت صديقاتى انى لست على ما يرام .. 

غادة : حون .. مالك ؟؟ 

حنان : مفيش حاجة .. 

اسلام : كيف ما فى شى .. انتى عيونك منتفخين والموع كتير واضحة .. 

حنان : لا مفيش حاجة انا كويسة .. انا هطلع المكتبة .. حد هيجى معايا ؟

غادة : لا اصبرى .. فى ايه ؟؟ .. 

حنان : مفيش حاجة يا غادة .. 

اسلام : احمد زعلك شي ؟؟ 

و دمعت عيناى اكثر .. ووجدت نفسى ابكى .. 

غادة : ايه ده انتى بتعيطى ؟؟.. ايه اللى حصل ؟؟ 

حنان : مفيش حاجة .. 

وبدأت امسح دموعى .. 

حنان : يالا بينا نعمل اى حاجة .. مش عايزة افكر ف اى حاجة 

غادة : طيب ماشى .. تعالى نتمشى شوية .. 

حنان : طيب يالا .. 

وذهبنا لنتمشى فى الجامعة .. 

وبعد دقائق .. عندنا الى مبنى الكلية .. حيث كان موعد المحاضرة الثانية .. 

ووجدت احمد امامى .. 

احمد : حنان ...

حنان : عن اذنك ... 

احمد : ممكن تسمعينى ؟

حنان : لا مش عايزة اسمعك ... عن اذنك عندى محاضرة 

احمد : طيب عالاقل افتحى تليفونك .. انا كنت هموت من القلق عليكى .. 

حنان : من فضلك يا احمد ابعد عنى ... 

وذهبت وتركته .. 

كانت صديقاتى يلاحظن ذلك ولم يتحدثا .. 

دخلنا الى المحاضرة .. 

ولا اعلم عما كانت تلك المحاضرة .. 

كنت شاردة الزهن طوال المحاضرة 

كانت غادة واسلام ينظران الى بعضهما ويشيران بنظرهما الىّ وانا شاردة ثم يهزون اكتافهم اعرابا عن جهلهم بما حدث ..

وبعد المحاضرة ..

غادة : حنان .. يالا .. 

حنان : ايه ؟؟.. المحاضرة خلصت ؟

غادة : ااه ... انتى كنتى سرحانة طول المحاضرة .. يالا 

حنان : طيب .. يالا بينا .. 

وبعد ان خرجنا .. 

اسلام : فينا نقعد شوى ف الكافيتريا ؟؟ 

غادة : ااه يا ريت .. تعالوا نشرب حاجة .. 

حنان : ماشى .. 

وفى الكافيتريا .. 

غادة : ايه يا حنان .. مش هتقولى ايه اللي حصل ؟؟ 

اسلام : انتى مو كنتى معنا بالمحاضرة تماما .. خبرينا بلكى بنقدر نساعدك .. يعنى بدل ما انتى عم تفكرى لحالك 

غادة : احمد عملك ايه ؟

حنان : شفت واحدة وانا معاه جت وحضنته وهوا ما عملش حاجة خالص ..

غادة : ايه ؟؟ .. ودى مين ان شاء الله ؟ 

حنان : مش عارفة .. 

اسلام : بلكى انتى ظالمتيه للشاب .. يمكن تكون اخته .. 

حنان : معندوش اخوات اصلا .. وبعدين اخته هتقوله وحشتنى وترمى نفسها ف حضنه وتتدلع عليه ؟ 

غادة : طيب اهدى بس .. هوا قالك ايه ؟؟

حنان : ما قالش .. انا سيبته وماشيت لما شوفت كدة 

اسلام : كنتى سألتيه .. يعنى ممكن يكون مظلوب وما بيعرفها للبنت 

حنان : لا عارفها يا اسلام .. ووقف اتكلم معاها بتقوله وحشتنى بيقولها انتى اكتر .. عايزانى افضل واقفة .. كان ناقص اجيبلهم اتنين ليمون 

غادة : طيب اهدى انتى .. لازم تتكلمى معاه الاول .. اعرفى مظلوم ولا لا .. 

حنان : مش عايزة اتكلم معاه  ..

غادة : ايه ده .. فين الدبلة ؟ 

حنان : سيبتها ف البيت .. 

غادة : لا يا حنان .. مش للدرجادى .. مهما كان ماتقلعيش دبلتك ابدا .. وافتحى تليفونك ده .. وشوفى هوا هيقولك ايه ؟؟... وبعدها احكمى عليه ..

حنان : ان شاء الله .. 

اسلام : بتفتحى التليفون هلأ ...

حنان : لا .. لما اروح بقي .. 

اسلام : عا راحتك .. بس حاكيه اليوم ..

حنان : حاضر ...

وبعد ان وصلت الى المنزل و انفردت بنفسى فى الغرفة .. 

مسكت هاتفى وكنت مترددة فى ان افتح التليفون .. وبعد تردد كبير فتحت التليفون .. و وجدت رسائل كثيرة تفيد بانه اتصل بيى اكثر من مرة ..

ورسالة اخرى محتواها ..(( حنان والله الموضوع مش زى ما انتى فاهمة .. انا هفهمك كل حاجة بس اسمعينى .. لما تفتحى التليفون كلمينى ))

وضعت الهاتف و ذهبت الى النوم .. 

واسيقظت على صوت الهاتف .. 

وكان اسم احمد امامى  ولكنى كنت مترددة فى ان ارد .. 

حنان : الو .. 

احمد : الو .. اخيرا رديتى .. 

حنان : ايوة .. 

احمد : عاملة ايه ؟؟

حنان : كويسة .. فى ايه ؟

احمد : ممكن بقي اقابلك بكرة الصبح وافهمك كل حاجة

حنان : هتقول ايه ؟؟

احمد : والله هفهمك كل حاجة .. بس مش هينفع الكلام خالص ف التليفون ..انا هجيلك الصبح واوصلك للكلية ...

حنان : ماشى .. 

احمد : بس والله مش اللى ف دماغك خالص .. انا عمرى ما هخونك يا حنان ..

حنان : ماشي .. لما نتقابل .. فى حاجة تانية ؟؟ 

احمد : وحشتينى ..

حنان : احمد بعد اذنك انا مش فاضية .. 

احمد : زعلانة منى اوووى كدة 

حنان : ............

احمد : طيب يا حنان .. انا هسيبك دلوقتى و هعدى عليكى الساعة 7 الصبح تمام 

حنان : تمام .. مع السلامة 

احمد : مع السلامة .. 

وبعد ان بكيت قليلا .. ذهبت الى النوم مرة اخرى .. 

وفى الصباح .. قابلت احمد ..

احمد : صباح الخير ..

( ومد يده الىّ بباقة من الورد ) 

حنان : صباح النور .. 

و نحن فى الطريق ..

احمد : انا عارف انك مش بتفطرى قبل ما تنزلى .. تعالى نفطر سوا ..

حنان : لا انا عندى محاضرات ..

احمد : معلش .. ساعة بس .. 

حنان : طيب ممكن تقولى بقي الموضوع اللى عايزنى عشانه ؟؟ 

احمد : حاضر ..

و ذهبنا الى كافيه صغير لتناول الافطار ..

حنان : هاه .. ايه الموضوع ..

احمد : حاضر .. اولا انا بس عايزك تفهمى انى مش بخونك .. ودى مش حبيبتى والله .. وانى مش بحب غيرك ..

حنان : امال مين دى ؟

احمد : البنت دى تبقي .......

يتبع ...

يا رب تعجبكوا ..