الحلقة الاولي
سيلا نايمة عالسرير .. تسمع صوت عربية
تقوم تجري بسرعة ....
سيلا " بـــــابـــــــا .."
فاطمة " استني يا بنتي ... "
توصل سيلا لباب الفيلا وتجري بسرعة يكون
باباها مشي بالعربية
فاطمة " يا بنتي اهدي شوية .... باباكي
ما سافرش .. قال هيروح الشركة الاول وهيسافر بعد الغدا "
سيلا بتحاول تاخد نفسها المقطوع
" طيب .. ليه .. يا دادا .. ماقلتيش من
الاول .. سيبتني اجري .. كل ده ؟؟ "
" هو انتي صبرتي حتي ... ده انتي جريتي
زي القطر ..."
" ااه .. طيب الحمدلله انه مش مسافر ..
كنت عايزاه ضروري .."
" احضرلك الفطار يا بنتي ولا هتعملي
التمارين بتاعتك دي ؟؟ "
" لا القهوة طبعا علي ما اتمرن ..
"
" بردو مفيش فايدة كل يوم قهوة عالريق
كدة "
" ااه يا داده اتعودت بقي ... انا هطلع
اعمل التمارين واخد شاور علي ما تخلصي الفطار "
" طيب يا بنتي "
---------------------------------
سيلا بتفطر.. التليفون بيرن
تقوم تروح ناحية التليفون وف نفس الوقت
الدادة فاطمة متجه ناحيته "
سيلا " سيبيه يا داده انا هرد "
سيلا" الو ...."
طارق " الو .. ازيك يا سيلا ؟؟ "
" مين معايا ؟؟ "
" انا طارق .."
" ااه طارق ازيك يا طارق عامل ايه ؟؟
"
" الحمدلله .. انتي ايه اخبارك ؟؟
."
" تمام الحمدلله .. ايه مختفي فين محدش
بيشوفك "
" اهو مشاغل بقي .. هو خالي مش ف البيت
ولا ايه ؟؟ "
" لا راح الشركة .. في حاجة ولا ايه ؟؟
"
" لا .. بلاش اسال علي خالي ولا ايه؟؟ ..
"
" اممم .. في ايه بقي ؟؟ "
" دايما قرياني كدة .. طيب انا كنت
عايزه يجي معايا اخطب "
" تخطب .. من ورايا يا ندل .. مين هاه
.. حد اعرفه .. معاك ف الكلية "
"هههههههههه ... اهدي اهدي .. هقابلك
واحكيلك كل حاجة "
" طيب قشطة .. فين وامتي ؟؟ "
" بعد ساعة ف الكافيه "
" طيب ماشي .. هجهز واجي علي طول "
" طيب يالا سلام "
" سلام"
-----------------------------------
بعد ساعة ونص سيلا توصل الكافيه .. تلاقي
طارق مستنيها علي ترابيزة
طارق " علي طول مواعيدك بايظة كدة ؟؟!!
"
سيلا " الله .. ما انتا عارف بقي ..
لازم اتخانق عالطريق "
" هو انتي ما ينفعش تمشي من غير
ماتتعاركي .؟؟ "
" امال اسيب السواقين يكسرولي العربية
"
" لا ازااي .. انتي اللي تكسري العربيات
بتاعتهم "
" المهم سيبك انتا .. هاه تشرب ايه ؟؟ .."
" هو مين اللي المفروض يسال السؤال ده
؟؟ "
" يا سيدي خلص .. انا هعزمك .........
هاه تشرب ايه ؟؟ "
" اشرب نسكافيه "
تنادي سيلا عالوايتر اللي عارفها طبعا
" واحد نسكافيه واللاتيه بتاعي "
"هااه قول بقي .. هتخطب مين ؟؟ "
" واحدة زميلتي ف الكلية.. يعني بنحب بعض
وكدة "
" ممممم .. ايوة يا عم الله يسهله ...
اسمها ايه بقي ؟؟ "
" رانيا .. وكنت عايز خالي يجي معايا
عشان نخطبها .. انتي عارفة ان مش هينفع اروح انا وماما بس "
" طبعا طبعا .. انا هقوله النهاردة ..
والله و هتخطب يا طارق "
" ااه ياختي عقبالك بقي "
" بعد الشر عليا "
" ليه كدة .. تلاقيكي هتموتي وتتجوزي
"
" يا بني انا مليش ف الجواز والحوارات
دي "
" حوارات ؟؟!!!!! .. امال ايه اللي مش
حوارات .. الارتباط ؟؟ "
" هو حد قال اني مرتبطة لاسمح الله ؟؟ "
" لا ... انا مش عارف بس انتي غريبة كد
ليه ؟؟ "
" مش غريبة ولا حاجة .. بس انا مش شايفة
نفسي ف علاقة مع شاب دلوقتي خاااالص "
" سيلا .. انتي شاذة ؟؟!!!!!!!! ..
هههههههههههههههه "
" هاهاها دمك خفيف اووي .. خليك ف حالك
لو سمحت "
" ههههههههههههههه .. طيب طيب "
----------------------------------------
سيلا ف الفيلا .. باباها يوصل تجري عليه ..
تحضنه وتبوسه
سيلا " كل ده تاخير يا بابا ؟؟ ."
هشام ".معلش بقي الشركة
ومشاكلها هعمل ايه ؟؟ "
" انتا مش كنت مسافر النهاردة ؟؟ "
" ااه شكلي كد هسافر الصبح "
" طيب انا كنت عايزة اتكلم معاك شوية
"
" طيب يا حبيبتي .. هغير هدومي وقولي
لفاطمة تحضرلي الاكل ونبقي نتكلم مع بعض براحتنا "
" حاضر يا بابا "
---------------------------------
عالعشا .. سيلا بتاكل هيا وباباها
سيلا " هاه يا بابا قلت ايه ؟؟ "
هشام " مش عارف يا بنتي ؟؟ .... طيب
نشوف موضوع ابن خالتك الاول وبعدين نشوف موضوع السفر ده "
" يا بابا ماشي .. ان شاء الله بعد
خطوبة طارق .. بس انا ماما وحشتني وعايزة اشوفها "
" ما انتي بتسافريلها ف الاجازة ..
ودلوقتي انتي كلها يومين والدراسة تبتدي .. استني لاجازة الصيف وبعدين سافري ماشي
"
" لا يا بابا عشان خاطري .. هسافر يومين
بس وهرجع علي طول "
" طيب يا بنتي .. انتي حرة "
" ربنا يخليك ليا يا حبيبي "
------------------------------------
خطوبة طارق .. طارق ومامته ( هدي) وخاله (
هشام ) واخته ( رشا )
وبنت خاله ( سيلا ) ...
طارق قاعد جمب رانيا ( خطيبته ) ..الكل مبسوط
.. وبيباركوا لطارق
بعد الخطوبة ياخدها ويخرجوا
---------------------------------
في كافيه .. رانيا وطارق .. وسيلا و رشا .. ومعاهم
شباب تانين من عائلة رانيا ..ابن اخوها ( ايمن ) .. ابن خالتها (حمزة ) و اخته ( مروة
)
--------------------------------
حمزة بيكلم سيلا
حمزة " هاي .. "
سيلا " هاي .. "
" ايه ده .. انتي مش مصرية ؟؟ "
" لا مصرية "
" اصل في طريقة غريبة ف كلامك .. "
" ااه اصل انا كنت عايشة برة مصر "
" ااه .. عشان كدة .. كنتي عايشة فين
بقي ؟؟ "
" افندم ؟؟ .. هيا دي حاجة تخصك ؟؟
"
اتحرج حمزة
حمزة " لا انا بس بسال عادي .. اسف لو
ضايقتك "
" لا عادي .. اسفة اني اتكلمت كدة ...
بس مش بحب اتكلم عن حياتي "
" طيب براحتك .. .. انتي اسمك ايه بقي
؟؟ ""
" سيلا .. "
" مم .. اسمك حلو .. وغريب اول مرة اسمعه ..
انتي اخت طارق صح ؟ "
" لا بنت خاله "
"ااه .. اتشرفت بمعرفتك "
-----------------------------
سيلا علي سريرها الصبح ...
تدخلها داده فاطمة
فاطمة " ايه يا بنتي الساعة 12 ... هتقومي امتي ؟؟ "
فاطمة " ايه يا بنتي الساعة 12 ... هتقومي امتي ؟؟ "
سيلا " سيبيني شوية يا داده .. تعبانة
من السهر امبارح "
" قومي كفياية .. تليفونك بيرن من الصبح
؟؟ "
" مين اللي بيتصل بيا ؟؟ "
" مش عارفة يا بنتي ... التليفون اهو ..
انا هروح احضرلك الفطار والقهوة بتاعتك "
اخدت سيلا التليفون .. بصت فيه ... شافت رقم
مامتها وارقام تانية كتير
اتصلت بمامتها
سيلا " الو ... ماما "
سوزان " الو حبيبتي .. عامل ايه ؟؟
"
ا" الحمدلله كويسة ...How are you ?? "
" Fine … بابا عامل ايه ؟ "
" الحمدلله .. "
" هتيجي امتي ؟؟ "
" يومين كدة .. انا حجزت يوم السبت "
" طيب يا حبيبتي .. I'm waiting "
---------------------------
سيلا ف النادي .. تشوف واحد جاي يسلم عليها
حمزة " ازيك يا سيلا "
سيلا " الحمدلله .. انتا عامل ايه ؟؟
"
" الحمدلله ... ايه الصدفة الجميل دي
؟؟؟ "
" مم .. انتا بتيجي هنا علي طول ؟؟
"
" ااه .. بس اول مرة اشوفك هنا .. يمكن
عشان ما كنتش اعرفك لسة "
" ااه ممكن .. او يمكن عشان عرفتني ..
شفتني هنا ؟؟ "
" ايه .. مش فاهم قصدك ؟؟ "
" ما علينا مش مشكلة ... انتا بتعمل ايه
هنا ؟؟"
" انا ماسك ادارة الجيم "
" ااه .. طيب كويس "
" تحبي تتغدي معايا ؟؟ "
" لا اسفة .. لازم امشي دلوقتي ..
طيارتي كمان 3 ساعات "
" انتي مسافرة ؟؟ "
" ااه .. ايطاليا "
-----------------------------------
سيلا ف المطار ..
تشوف مامتها من بعيد .. تجري عليها
سيلا " مامي .. وحشتيني اووي "
سوزان " بيبي ..Missed you more , honey "
سيلا " , missed you more "
سوزان " يالا نروح البيت ونبقي نتكلم براحتنا "
سيلا " يالا "
--------------------------
سيلا ف عربية مامتها .. تتصل بباها
سيلا " الو ..بابا "
هشام " الو يا حبيبتي ... ايه وصلتي ؟ ؟"
" ااه لسة واصلة حالا .. انا مع مامي ف العربية "
" طيب يا حبيبتي حمدلله علي سلامتك .. ابقي سلميلي عليها "
" مامي .. Dad بيسلم عليكي "
سوزان " سلميلي عليه "
هشام " الله يسلمها "
-----------------------
توصل البيت هيا ومامتها
سوزان " bene arrivato "
سيلا " grazie .. انا هدخل اغير هدومي .. واجي اقعد معاكي "
" طيب يا بيبي ... هحضرلك الاكل بسرعة "
-------------------------
حمزة وطارق قاعدين مع بعض
حمزة " هيا ايه حكاية بنت خالك ( سيلا )
طارق " مالها يعني ؟؟ "
" شكلها مش مصرية .؟؟ ..... "
مستنية رأيكوا ف اول حلقة
يا رب تعجبكوا
مستنية رأيكوا ف اول حلقة
يا رب تعجبكوا
ليست هناك تعليقات:
إرسال تعليق