الحلقة الحادي عشر
وف اللحظة دي جه احمد معاه صورة
وليد
واول ما شافتها مها قامت وقفت بسرعة
مها " وليد ؟؟؟ ... انتوا تعرفوا وليد ؟؟؟ "
اميرة " انتي تعرفيه يا مها ؟؟ "
مها " ااه ... انتوا تعرفوه منين ؟؟ "
احمد " كان خطيب اميرة من زمان "
مها " الحمدلله انك خلصتي منه
"
اميرة " في ايه يا مها مالك ... وتعرفي وليد منين ؟؟؟ "
احمد " اهدي يا اميرة شوية ... قومي هاتي مياه لمها "
قامت اميرة تجيب مياه لمها اللي التوتر والقلق كان باين عليها جدا
اميرة " اتفضلي يا مها "
شربت مها وايدها بتترعش
مها " انا لازم امشي عندي شغل واتاخرت اوي "
اميرة " هتمشي كدة ازاي بس اصبري شوية واحمد هيوصلك "
مها " لا مفيش داعي ..انا كويسة .. واحمد ماينفعش ينزل عشان لسة مخلص
جلسة العلاج "
احمد " طيب انا هكلم مصطفي... مش هينفع تروحي بالحالة دي "
مها " لا لا انا كويسة الحمدلله "
احمد " مش هسيبك تمشي كدة .. انا هتصل بمصطفي "
----------------------
وصل مصطفي واخد مها
مصطفي " معلش يا احمد هبقي اكلمك بعدين ان شاء الله "
احمد " هيا كويسة ؟؟ ...انا مش عارف ايه اللي حصل والله ماعملنالها
حاجة "
مصطفي " انا واثق من كدة ... بس انا نفسي ما اعرفش ايه اللي خلاها
تتوتر كدة ... بس اكيد في حاج ضايقتها .. معلش انا لازم امشي دلوقتي ... هتصل بيك
ان شاء الله "
" ابقي طمنا علي مها "
" ان شاء الله "
-------------------------
بليل احمد وحسام وغادة واميرة بيتكلموا مع بعض
اميرة "مش عارفة ايه اللي حصل عشان ده كله ؟ "
احمد " هو اكيد في حاجة .. ايه اللي يخليها تتوتر كدة اول ما تشوف
صورة وليد ؟ !!! "
حسام " فعلا حاجة تحير اوي "
غاد " طيب مصطفي ما اتكلمش معاكوا ف حاجة ؟ "
احمد " هو قال هيبقي يكلمني بعدين .. انا اتصلت اطمنت انها كويس وخلاص
"
اميرة " لما احمد كلمه وسأله ايه اللي حصلها مصطفي قاله انه مايعرفش و
انها نايمة من ساعة ما مشيت من هنا "
حسام " احنا لازم نعرف ايه اللي حصل وهيا تعرفه منين ؟ "
احمد " ان شاء الله انا هكلم مصطفي تاني واطلب اقابله .. ولازم نفهم
بالظبط ايه اللي حصل "
-------------------
مصطفي قاعد علي طرف السرير
مها نايمة و الخوف باين عليها جدا وهيا نايمة
فجأة فتحت عينها شافت مصطفي وانهارت ف العياط
مصطفي " مالك .؟؟ ... اهدي يا روحي ... انا معاكي "
مها بتعيط وبتتكلم بالعافية
مها " انا خايفة اوي يا مصطفي .............خايفة ........ ضمني جامد
... ماتبعدش عني "
" طيب اهدي يا روحي ..انا معاكي اهو
"
---------------------------------------
حسام " بس مش غريبة اللي حصل ده ؟ "
غادة " لا فعلا حاجة غريبة اوي "
" تفتكري ممكن يكون ايه علاقتها بوليد "
" مش عارفة بس من اللي سمعته منهم انها اكيد ماكنتش علاقة كويسة خالص
"
" ااااه اما نشوف ايه اللي هيحصل بكرة ان شاء الله "
" اه ربنا يستر "
-------------------------------------
احمد " الو .. مصطفي .عامل ايه ؟؟ .. انا الحمدلله ... مها عاملة ايه
دلوقتي ... طيب الحمدلله ... انا كنت عايز اتكلم معاك بخصوص وليد .... اه معلش
الموضوع مهم جداا ومحتاج اعرف سبب خوفها كدة من وليد ... خلاص ماشي ..هستناكوا بكرة
ان ساء الله "
----------------------------------------
اميرة واحمد نايمين
اميرة كل شوي تقوم تبص علي احمد وهو نايم
حطت ايدها علي راسه
صحي وبصلها
احمد " مالك يا روحي .. ايه اللي صحاكي دلوقتي ؟
امير " خايفة اوي يا احمد "
" خايفة ؟!! ..... من ايه يا حبيبتي؟؟ "
" مش عارفة بس حاسة اني خايفة اوي "
" متخافيش طول ما احنا مع بعض .. انا مش هخلي اي حد يأذيكي "
" تفتكر مها كان قصدها ايه لما قالت الحمدلله اني خلصت منه ؟؟ "
" مش عارف .. احنا لازم نعرف علاقتها بيه ايه ؟ "
" ااه ان شاء الله بكرة ... حاسة اني خايف ومش هطمن الا لما اعرف ايه
اللي حصل "
" تعالي يا حبيبتي نامي ف حضني "
خدها احمد ف حضنه وناموا "
--------------------------------
تاني يوم وصل مصطفي ومها وقعدوا مع اميرة واحمد لوحدهم
مصطفي " انا اسف جدا علي اللي حصل "
احمد " احنا اللي المفروض نتاسف ..بجد تاعبينك معانا علي طول كدة .بس كان لازم نعرف الحكاية ايه عشان
الموضوع ده يهمنا جدا "
مها " انتوا مش علاقتكوا بوليد خلصت ... ولا ايه ؟"
اميرة " للاسف ..هي المفروض خلصت من زمان بس هو مش عايز يسبنا ف حالنا
"
مصطفي " هو وليد اللي عمل فيك كل ده يا احمد ؟؟ "
احمد " ااه هو ...هو اللي اذاني كدة وهو بردو اللي كان مع اميرة اول
يوم شفتنا ... فاكر ؟ "
مصطفي " ايوة ايوة افتكرت ..
هو ده بقي وليد !! "
اميرة " انا مش فاهمة حاجة !!! طيب انتوا ازاي تعرفوه وانتا معرفتوش
يا مصطفي لما كان معانا ف الشقة ؟؟ "
مها " مصطفي يعرفه بس عمره ما شافه "
مصطفي " بس هو كدة طالما حطكوا ف دماغه مش هيسيبكوا ف حالكوا "
اميرة " انا عايزة افهم انتوا تعرفوه منين ؟؟ "
احمد " ايوة وايه سبب خوفك كدة يا مها اول ما شفتي الصورة ؟؟ "
مها " هحكيلكوا كل حاجة .........."
ونتقابل الحلقة الجاية
مستنية رايكوا وتوقعاتكوا
ليست هناك تعليقات:
إرسال تعليق