الحلقة الخامسة عشر
سيلا عند طارق ف البيت ومعاها هدي ( عمتها )
طارق " خالي معذور يا سيلا .... "
سيلا " انتا كمان هتدافع عنه ؟؟ "
طارق " عشان عارف انه فعلا مظلوم .. انتي ما تعرفيش حاجة يا سيلا ......خالي تعبان جداا
-----------------------------
التليفون يرن .. ترد هدي
هدي " ايه ؟؟؟...... اخويااااا ........طيب احنا جايين حالا "
تجري سيلا اول ما تسمع سيرة باباها
سيلا " بابا ماله يا عمتي ؟؟ "
هدي " تعب ونقلوه المستشفي "
سيلا تجري بسرعة عشان تروحله ... طارق يجري وراها
هدي تلبس وتاخد رشا وتروح وراهم
---------------------------------
قدام العناية المركزة ..
سيلا واقفة جمب طارق
يوسف وسوزان بعيد شوية عنهم
هدي قاعدة وجمبها رشا
الدكتور يقف يتكلم مع سيلا وطارق وكلهم يروحوا ناحيتهم
الدكتور " ازمة قلبية ... لازم يستريح .. احنا هنخليه شوي ف العناية المركزة .. هوا بيتعالج فين ؟؟؟ "
سيلا " بيتعالج فين ازاي يعني ؟ ...هوا اول مرة يشتكي من القلب "
الدكتور " انا قصدي من السرطان ... هو بيتعالج فين ؟؟ "
سيلا " السرطان ؟؟؟ .. بابا عنده السرطان ؟؟ "
طارق " اهدي يا سيلا ... "
الدكتور " انتوا ما تعرفوش ان عنده سرطان الدم ؟؟ "
سوزان " هوا مش بيتعالج ... الدكتور قاله انه حالة ميؤس منها "
سيلا " ماما انتي كنتي تعرفي ؟؟ "
يشدها طارق ويحاول يبعدها
---------------------------------------
سيلا منهارة ف العياط
طارق قاعد جمبها
يوسف يروح يقف قدامها
يوسف " احنا عملنا كدة و كدبنا عليكي عشان باباكي كان عايز يطمن عليكي .... هوا كان عارف بمرضه ... كان نفسه يفرح بيكي "
سيلا " ........ "
طارق " يوسف عنده حق .. عالاقل اسعديه ف الايام اللي فاضلاله ف الدنيا يا سيلا "
سيلا بتعيط وتنهار ف العياط
سيلا " بابا هيعيش .. انا هاخده ونسافر امريكا .. .. اكيد في علاج لحالته "
طارق " حالته صعبة اووي يا سيلا ... ادعيله ... "
سيلا " ليه ما قلتليش يا طارق ؟؟ "
طارق " صدقيني لس عارف من يومين وكنت هقولك والله "
تلتفت سيل ليوسف
" و انتا طبعا عارف من قبل ما نتجوز ... عارف وسبتني اسافر واسيب بابا ف الظروف دي .... ليه مصر تخليني اكرهك اكتر واكتر "
يوسف " انا اسف يا سيلا ... بجد اسف .. هوا خلاني اوعده اني ما قولكيش اي حاجة .... كان عايز يشوفك مبسوطة "
سيلا " مش مبرر يا جاسر ........ اه قصدي يوسف "
طارق " عشان خاطري يا سيلا . حاولي تسعديه الايام اللي فاضلاله ... سامحيه وسامحي يوسف .. "
سيلا " عايزني اسامحهم بعد اللي عملوه ؟؟؟ .. ماشي ا طارق .. انا هسامح بابا .. لانه بابا .. لكن يوسف .. عمري ما هسامحه ابداااا "
---------------------------
بعد يومين هشام يتنقل لاوضة عادية
سيلا قاعدة جمبه
سوزان و هدي و يوسف وطارق واقفين حواليه
سيلا " حمدلله علي سلامتك يا باب "
هشام " الله يسلمك يا حبيبتي .. لسة زعلانة مني ؟؟ "
سيلا " مهما عملت يا باب مش هقدر افضل زعلانة منك .. انتي مهما كان بابايا اللي بحبه اوي .. ربنا يخليك ليا "
تدمع عيون هشام وسيلا
هشام " خلاص يا سيلا مفيش ف العمر بقية ... ربنا يخليلك جوزك يا حبيبتي "
سيلا " ما تقولش كدة يا بابا .. انتا هتتعالج وهتبقي كويس . "
هشام " انا مش مهم دلوقتي يا سيلا .. المهم انتي يا حبيبتي "
سيلا " ازاي يا بابا .. انتا اهم حاج ف حياتي "
هشام " انا خمش هرتاح الا لما اطمن عليكي ف بيت جوزك "
سيلا " حاضر يا بابا ... انا هروح مع يوسف .. هوا مهما كان جوزي ... طالما ده هيخليك مبسوط "
هشام " ربنا يكملك بعقلك يا حبيبتي "
---------------------------
هشام يخرج من المستشفي
سيلا قاعدة مع طارق .. بتجهز حاجاتها عشان تروح مع يوسف
طارق " لو احتاجتي اي حاجة كلميني علي طول "
سيلا " حاضر يا طارق ... ربنا يخليك ليا ومايحرمنيش منك ابدااا "
تدخل داده فاطمة
فاطمة " هاه يا بنتي في حاجة تانية لسة ما خلصتش ؟ "
سيلا " لا يا داده كدة كفاية اووي ... "
" طيب يا بنتي "
----------------------
يدخل يوسف الاوضة .. يشيل شنط سيلا
يوسف " يالا يا سيلا ؟؟ "
سيلا " اسبقني انتا .. انا عايزة اكلم طارق شوية "
يوسف " طيب ماشي .. هستناكي ف العربية .. ما تتاخريش "
------------------------
طارق " خير يا سو ؟؟ "
سيلا " مش عارفة .. خايفة اوي يا طارق "
" خاييفة من ايه بس ؟؟؟ "
" خايفة اسيب بابا دلوقتي "
" ما تقلقيش .. مامتك معاه .. وماما وانا كمان مش هسيبه "
" مش عارفة .. قلقانة اوي .... انتا عامل ايه مع خطيبتك ؟؟ "
" ......... خطيبتي .... "
" في ايه ؟؟؟ "
" احنا سيبنا بعض "
" ايه ؟؟؟ ... ليه كدة ؟؟ .. "
" عادي يعني يا سيلا .. محصلش نصيب .. "
" من امتي الكلام ده ؟؟ "
" بعد ما سافرتي علي طول "
" وما قلتليش ليه من ساعتها ؟؟ "
" عادي يا سيلا .. ان مش متضايق .. اهم حاجة اتبسطي مع يوسف . وخدي بالك من نفسك "
" يوسف ده ليه معاملة تانية خالص "
" قصدك ايه ؟ ؟ "
" هتعرف قصدي ايه بعدين "
" لا يا سيلا .... هتعملي ايه ؟؟؟ ... "
نتقابل الحلقة الجاية
حنان محمد
ليست هناك تعليقات:
إرسال تعليق