الحلقة الاخيرة
سيلا اول يوم ليها ف الشركة وطارق معاها
تدخل مكتب باباها ..
بعد شوية يجي يوسف
اول ما تشوفه تقوم توقف .
طارق " اقعدي يا سيلا هوا هيجي المكتب ... "
سيلا " صح عندك حق ... ايه اللي انا بعمله ده ؟؟ "
طارق " طالما بتحبيه كدة .. سامحيه .. "
سيلا " بس يا طارق .. انا اصلا مش علي بعضي .... هوا ماجاش ليه ؟؟ "
طارق " هوا مايعرفش انك ف الشركة اصلااا .. هتلاقيه مش فاضي وعنده شغل ... "
سيلا " طيب ..... "
طارق " بذمتك هتقابليه كدة ازاي .. انتي مش علي بعضك اصلاا .. اتوترتي لمجرد انك شفتيه ..هتعملي ايه لو سلم عليكي بقي ؟؟ "
سيلا " مش عارفة ... مش هقدر .. انا همشي .. مش هقدر اواجهه "
طارق " لا يا سيلا .. انتي جاية تشتغلي مش جاية تشوفيه ... "
سيلا " واحشني اووووووي "
طارق " لا حول ولا قوة الا بالله ...... انتي هتجننيني ليه ؟؟ ... "
سيلا " الله !!! .. هوا انا جايباك معايا ليه يعني ؟؟ "
طارق ".. طيب يا ستي ... بس هتسامحيه بردو ... عاجلا ام آجلا هتسامحيه ... "
سيلا " بس بقي يا طارق ... "
طارق " طيب ... "
--------------------------
سيلاا ف المكتب تفتح الدرج ..
تلاقي موبايل من غير شريحة ...
تقلب ف الموبايل اللي مافيهوش غير تسجيلات صوت
تشغل التسجيلات اللي موجودة ...
تسمع صوت يوسف ..
" الو .. ازيك يا سيلا عامل ايه ؟؟ ............ الحمدلله .. انا مش عايز اخالف التعليمات بس يكفي اني اسمع صوتك عشان اطمن عليكي .. عمي معاكي اهو "
طارق " ايه ده ؟؟ ... مش ده صوت يوسف ؟؟ "
سيلا " ااه .. صوت يوسف ... بابا الله يرحمه كان مسجله صوته عشان لما يكلمني وجاسر معايا ..."
طارق " ااه .. يعني المكالمة دي تمت اصلا ؟؟ .. "
سيلا " ااه .. .. وبعدها انا قلت لبابا مايخليهوش يكلمني تاني ... "
طارق " كانوا عاملين احتياطتهم .. "
سيلا " ااه ..."
طارق " تعالي ننزل نتغدا بقي .. انتي لازم تاكلي .. "
سيلا " طيب يالا .... "
----------------------
طارق وسيلا ف المطعم
طارق يشوف يوسف
يوسف يقرب و يسلم عليهم
يقعد جمب سيلا ...
سيلا ترتبك ...
سيلا " ..عامل ايه ؟؟؟ "
يوسف " الحمدلله ... وحشتيني اووي ... "
سيلا ترتبك اكتر ويبان اووي عليها ...
يوسف " بقولك وحشتيني .. "
طارق " طيب انا هقوم اعمل مكالمة تليفون وجاي حالا .. خدوا وقتكوا ... "
تبص سيلا لطارق كأنها بتترجاه انه مايقومش ويسيبها لوحدها ..
يوسف يلتفت لسيلا اللي التوتر باين عليها وبتحاول تبعد نظرها عنه ..
يوسف " سيلا ..."
سيلا "..........."
يوسف " طيب هنفضل كدة كتير .. "
سيلا " عايز ايه ؟؟ ... "
يوسف " عايز اتكلم معاكي .. بس انتي مش بتردي عليا . .. "
سيلا " يوسف من فضلك .. بلاش تصعب الامر عليا .. "
يوسف " انا مش هقدر اعيش من غيرك .. بلاش تعاقبينا احنا الاتنين ... "
سيلا " مش هينفع يا يوسف .. خلاص الموضوع ده انتهي خلاص ..... "
يوسف " بس هوا ما انتهاش بالنسبالي ...انا بحبك .. "
سيلا " وانا مش هقدر .. "
يوسف " طيب ممكن افهم ليه ؟؟؟ ... احنا ممكن نبدأ حياتنا من البداية .. "
سيلا " عشان مش هقدر ابص ف وشك وانا حاسة اني خنتك .. "
يوسف " خيانة ايه بس ؟؟ ... سيلا انا اللي كنت معاكي ... "
سيلا " عارفة .. ياريته كان حد غيرك .... مش هقدر ابقي معاك وانتا عارف كويس انا كنت بتعامل مع جاسر ازاي ... "
يوسف " طيب ما انتي كنتي هتقوليلي .. صح ؟؟ "
سيلا " ااه كنت هقولك بس الوضع مختلف ... "
يوسف " مختلف ف ايه بس ؟؟ ... "
سيلا " مختلف وخلاص ... انا مش هقدر .... "
يوسف " اديني فرصة اخيرة ... "
سيلا " يوسف .. عشان خاطري .. ماتصعبش الامور عليا ... "
يوسف " انتي اللي بتصعبيها عليا ... "
سيلا " بعد اذنك .. يا ريت نبدأ ف اجراءات الطلاق ... "
يوسف " طيب ممكن نأجل الموضوع ده دلوقتي ؟؟ .. "
سيلا " مفيش داعي لتأجيله ... "
يوسف " طيب بعد ما المشروع يخلص .. نبقي نتطلق .. "
سيلا " مع انها مش هتفرق .. بس ماشي .. بعد المشروع ما يخلص .. همضي ورق الطلاق .. وهسافر .. "
يوسف " هتسافري !!!! ... فين ؟؟ "
سيلا " مش عارفة ... بس محتاجة ابعد شوية "
يوسف " ماشي يا سيلا ... ممكن نتعامل مع بعض عادي في الشركة ... الناس مايعرفوش اننا هنتطلق .. "
سيلا " ماشي .. مع اننا ملناش دعوة بالناس .. بس انا هتعامل معاك عادي .. "
يوسف " ماشي ... "
سيلا " انا لازم اقوم عشان الشغل ... مش عارفة طارق راح فين ؟؟ "
يوسف " انا مسافر الاسبوع الجاي عشان متابعة المشروع ف شرم الشيخ .. هتيجي معايا ؟؟ "
سيلا " هوا انا لازم اسافر ؟؟ .. "
يوسف " ااه .. هشام بيه الله يرحمه كان بيسافر معايا ... لازم تتابعي الشغل بنفسك هناك ... "
سيلا " ماشي .. هشوف ايه اللي هيحصل وهبقي اسافر ... "
يوسف " ماشي .. خلينا نسافر مع بعض .. "
سيلا " ربنا يسهل ... "
--------------------------
سيلا ف المكتب ..تليفونها يرن
سيلا " الو .. "
رانيا " الو سيلا .. عاملة ايه ؟؟ "
سيلا " الحمدلله .. ازيك يا رانيا ؟؟ ."
رانيا " الحمدلله ... البقاء لله .. انا لسة عارفة دلوقتي والله .. "
سيلا " ولا يهمك .. شكرا علي سؤالك .. "
رانيا " انتي هتبقي ف الفيلا بليل ؟؟ ... انا عايزة اجي اعزيكي بليل انا وحمزة ... "
سيلا " طبعا .. تتفضلي ف اي وقت .."
-----------------------
طارق وسيلا ف العربية
طارق " طيب ماقلتيش ليه من بدري ؟؟ "
سيلا " نسيت .. وبعدين هتفرق ف ايه يعني .. "
طارق " لا هتفرق يا سيلا ........ "
سيلا " عارفة انك لسة بتحبها .. بس هيا ما تعرفش انك هتبقي معايا اصلا ... "
طارق " يعني ايه ؟... انا مش عايز ابقي موجود ... "
سيلا " لا يا طارق .. عشان خاطري .. ده حمزه كمان هيبقي معاها .. عايزني اقابلهم لوحدي ؟؟... "
طارق " طيب ما نكلم يوسف يجي كمان .. ماتنسيش انه لسه جوزك .. "
سيلا " لا .. بلاش احسن ... انا مش ناقصة .... "
طارق " مش ناقصة ايه ؟؟... انتي ناسية الموقف البايخ اللي عملتيه مع حمزة قبل كدة ..بلاش تبقي لوحدك احسن يفتكر ان جوزك طفش .... "
سيلا " انتا هتتريق بقي ... وبعدين محدش ليه حاجة عندي .... "
---------------------
ف الفيلا سيلا وطارق ورانيا وحمزة
رانيا " ايه اخبارك دلوقتي يا سيلا ؟؟ ... "
سيلا " الحمدلله ... انتي عاملة ايه ؟؟ ... اتجوزتي ولا لسه ؟؟ "
تبص رانيا لطارق ...
رانيا " لسة ... كان في خطوبة بس ..... "
يقوم طارق بسرعة
طارق " طيب انا هقوم ..."
سيلا " رايح فين ؟؟؟ ...انتا هتمشي ؟؟ "
طارق " لا .. هروح فين يعني .. بس هعمل مكالمة تليفون ... "
رانيا " هوا طارق قاعد هنا معاكي ؟؟ "
سيلا " ااه .. من يوم ما مات بابا وهوا عايش معايا ... "
حمزة " لوحدكوا ؟؟ .."
سيلا " قصدك ايه ؟؟ ... "
حمزة ؟" يعني ... امال فين جوزك ؟؟ .. "
سيلا " ااه ... لا جوزي هيتأخر شوية عشان لسة ما خلصش شغل ... "
رانيا " هوا طارق راح فين ؟؟ .. "
سيلا " هتلاقيه ف اوضته .. "
رانيا " طيب ممكن ادخله ؟؟ "
سيلا " طبعا .. الاوضة اللي جمب المكتب هناك .. "
------------------
تقوم رانيا .. تخبط علي اوضة طارق
طارق " ادخلي يا سيلا ... "
رانيا " انا مش سيلا ... "
طارق " رانيا !!! .. اتفضلي .. "
رانيا " لو متضايق من وجودي ... انا ممكن امشي .. "
طارق " لا هتضايق ليه ؟؟ "
رانيا " لسة زعلان مني .؟؟ . "
طارق " ليه بتتكلمي ف الموضوع ده دلوقتي ؟؟ .. انتي مش اتخطبتي خلاص ؟؟."
رانيا " لا .. انتا ما سمعتش الكلام للاخر ... اانا كنت هتخطب بس ما قدرتش احب حد غيرك ... انا لسة بحبك انتا يا طارق .. "
طارق " بس انا مش هقدر ابعد عن سيلا عشان حد .. "
رانيا " حسيت باللي انتوا كنتوا فيه .. لان خطيبة حمزة بردو عملت نفس المشكلة بسببي لاننا قربنا من بعض عشان هوا كان واقف جمبي عشان يقنع اهلي اني مش عايزة العريس اللي كانوا عايزني اتجوزه .. انا اسفة يا طارق .. انا غلطانة .. "
طارق " ياااه .. دلوقتي بس عرفتي انك غلطانة ؟؟؟ .. "
رانيا " خلاص بقي يا طارق .. سامحني .. انا مش بطلب منك اكتر من انك تسامحني... ومش بقول كدة عشان ترجعلي ولا حاجة ... انا بس مش عايزاك تبقي زعلان مني ... "
طارق " لسة بتحبيني ؟؟ ... "
رانيا " ايوة .... ما حبتش ف حياتي غيرك .. "
طارق " طيب تتجوزيني ؟؟ "
رانيا تبتسم اووي وتهز راسها
طارق " طيب سيبيني افكر ...."
رانيا " يا رخم ... "
ياخدها طارق ف حضنه ..
طارق " بحبك يا عبيطة ... "
رانيا " وانا كمان بحبك اوووي ... "
طارق " بصي .. انا مش هينفع اعمل فرح دلوقتي خالص ..انتي عارف خالي لسة متوفي ... بس انا عايز نتجوز بسرعة .. مش عايزك تضيعي من ايدي مرة تانية .. "
رانيا " انا مش عايزة فرح اصلا... انتا فرحتي يا حبيبي ... كفاية اني ابقي معاك ... "
طارق " ايه التغيير ده ؟؟... "
رانيا " عشان حسيت بجد اد ايه بحبك لما بعدت عني .. "
رانيا " عشان حسيت بجد اد ايه بحبك لما بعدت عني .. "
---------------------
حمزة وسيلا قاعدين مع بعض
حمزة " مبسوطة مع جوزك ؟؟ ... "
سيلا "افندم ؟؟؟ "
حمزة " يعني .. مجرد سؤال ؟؟ "
سيلا " ااه جدااا ... "
حمزة " وهوا فين ؟؟.. سايبك لوحدك ليه ؟؟ .. "
سيلا " دي حاجة ترجعلنا .. صح ولا ايه ؟؟؟ "
حمزة " انا اسف عالموقف اللي حصل بينا قبل كدة "
سيلا " الموضوع ده عدي خلاص .. وانا نسيته من زمان "
-----------------------------------
يوصل يوسف ..سيلا قاعدة مع حمزة
يوسف " السلام عليكم .. "
حمزة " وعليكم السلام . "
سيلا تبتسم وتقوم تسلم علي يوسف وتحضنه ..
يوسف مستغرب ..
سيلا " احب اعرفك بيوسف جوزي .. حمزة ابن خالة رانيا .. "
حمزة " ااه .. اهلا ... "
يوسف " اهلا .. هوا طارق فين ؟؟ ... "
ف اللحظة دي يطلع طارق ورانيا وماسكين ف ايد بعض
طارق يشوف سيلا قاعدة جمب يوسف وقريبين اووي من بعض
سيلا عينها تيجي علي ايد طارق ورانيا
سيلا " طارق ..!!! ... ايه ؟؟ "
طارق " انا ورانيا هنتجوز .. "
سيلا " بجد ؟؟؟؟ .... مبروك ...."
يوسف " الف مبروك يا طارق ... خلاص اتجوزوا بسرعة وتعالوا معانا شرم قضوا شهر العسل .. "
سيلا " ااه هتبقي فكرة حلوة اووي ... بس .......... "
طارق " احنا هنتجوز كدة من غير فرح ... مش هنسي ان خالي لسة متوفي ... "
سيلا " مش قصدي والله ... بس عشان كلام الناس ... "
رانيا " مش مهم الفرح ... انا كفاية عليا ابقي مع طارق .. "
------------------------------
حمزة ورانيا يمشوا
طارق يروح يوصل رانيا
سيلا تقوم بسرعة من جمب يوسف
يوسف يمسك ايدها بسرعة ويشدها
يوسف " بتجري ليه ؟؟؟ ..."
سيلا " انا هدخل انام ... "
يوسف " ايه اللي حصل ؟؟ ... ما انتي كنتي كويسة معايا دلوقتي ... "
سيلا " كنت .. وخلاص ... عن اذنك .. "
يوسف " انا مش فاهم حاجة ؟؟ ... ايه اللي حصل ؟؟ "
سيلا " مفيش حاجة ... زي ما انتا قولت ... الناس مايعرفوش اننا هنتطلق ... كان لازم نتعامل قدامهم عادي ... المفروض اننا لسة عرسان جداد ... "
يوسف " يعني ده كان تمثيل قدامهم ؟؟ .. "
سيلا "ااه ... عن اذنك ..."
يوسف يتعصب ويسيبها ويمشي ..
يقابل طارق ..
طارق "رايح فين ؟؟ .. "
سيلا " همشي .. ما انا دوري خلص ... "
طارق " ايه ؟؟.. استني بس .. يوسف ... "
يمشي يوسف بسرعة ويركب العربية ...
----------------------
طارق وسيلا ف الفيلا ..
سيلا " مشي ؟؟ .. "
طارق "ااه ... هوا ايه اللي حصل ؟؟ "
سيلا " مفيش حاجة .. عادي ... انا هروح انام لازم نقوم بدري عشان الشغل .. "
طارق " طيب .. تصبحي علي خير .. "
------------------------------------
سيلاا ف اوضتها
كل شوي تشغل التسجيل اللي بصوت يوسف
تفضل تفتكر ايامها معاه وهما ف برلين وموسكو..
تبتسم وتقوم توصل الكامير باللاب توب وتتفرج علي صورهم ف تاج محل
---------------------------
طارق يكتب كتابه علي رانيا
سيلا ويوسف التعامل بينهم جاف جداا ..
يسافروا شرم الشيخ كلهم ..
سيلا تبقي مشغولة جداا وتتجنب يوسف تماما ..
رانيا وطارق بيقضوا شهر العسل .. .
الاسبوع يخلص ويرجعوا مصر
يوسف وسيلا مش بيتكلموا مع بعض خالص
-----------------------
افتتاح المشروع .. طارق وسيلا ورانيا مع بعض ..
يوسف بيستقبل الناس .. سيلا تبقي واقفة معاه
يوسف " مبرووك .. افتتاح المشروع .. "
سيلا " الله يبارك فيك ... انا نقلت نصيبك ف المشروع باسمك ... المحامي هيبقي يبعتلك الورق عشان تمضيه ... يعني ده حقك ... "
يوسف " وانا مش عايزه .. ده كان مهرك .. "
سيلا " بس خلاص .. ده كان مهر مراتك .. واحنا خلاص كلها كام ساعة ونتطلق .. "
يوسف " ااه ... امضي ورق الطلاق وان هبقي امضيه .. "
سيلا " طيب .. انا همضيه قبل ما اسافر الصبح ...والمحامي هيبعتهولك بعدها "
يوسف " هتسافري فين ؟؟.. "
سيلا " هروح لماما وبعدها مش عارفة ... بس عايزة ابعد شوية ... "
يوسف " طيب .. خدي بالك من نفسك .. "
سيلا " وانتا كمان ... ربنا يرزقك باللي تقدر تسعدك ... مع السلامة يا يوسف .. "
يوسف " مع السلامة يا سيلا ... "
------------------------
سيلا و طارق و رانيا يسافروا علي ايطاليا ...
سيلا تروح تسلم علي مامتها ...
رانيا وطارق ينزلوا ف فندق ..
طارق يتصل بسيلا
طارق " سيلا .. احنا هنروح بكرة برلين .. تعالي معانا ؟؟.. "
سيلا " لا .. بلاش .. خليكوا لوحدكوا ... مش عايزة اضايقكوا .. "
طارق " تضايقينا ايه بس ؟؟ ... رانيا هيا اللي قالت انك تيجي معانا .. وبعدين انا عارف ان ده اكتر مكان بتحبيه ... تعالي واحضري معانا مهرجان الحب .. "
سيلا " لا .. معلش .. خليكوا لوحدكوا احسن .. مش عايزة ابقي عزول .. "
طارق " سيلا .. هعدي عليكي الصبح تكوني جاهزة ... "
سيلا " .. بس .. "
طارق " مفيش بس .. هعدي عليكي 9 الصبح .. مع السلامة .. "
-----------------------
سيلا وطارق ورانيا يركبوا القطار لبرلين
يقعد جمبها واحد .. سيلا تفضل مركزة ف الكتاب اللي بتقراه
" انتي عربية ؟؟؟ "
ترفع سيلا راسها وتبصله ...
سيلا "....... "
" ممكن نتعرف ؟؟... انا يوسف ... مصري .. عايش ف مصر ... "
سيلا مش عارفة تتكلم ...
يوسف " المرة دي مش هسيبك ابداا ... "
سيلا " .. انتا .... انا ...... "
يوسف " بحبك .. ومش هطلقك ابداااا .. "
سيلا " بس ... بس ... "
يوسف يقرب منها ويحضنها ...
يوسف " بحبك ... ومش هسيبك ابداا .......... "
سيلا " بس انا مضيت ورق الطلاق ..... "
يطلع يوسف ورقة من جيبه ..
يوسف " وانا كمان ... مضيته .. بس نسيت وكتبت جاسر .. تعالي نصلح الغلطة دي .. "
يوسف يمسك الورق ويقطعه ..
يوسف " انتي كدة مراتي ... صح ؟؟ "
سيلا تبتسم ..
ترمي نفسها ف حضن يوسف ...
تحضنه جامد اووي ...
سيلا " بحبك ............ "
يا رب تكون عجبتكوا ..
الي اللقاء مع قصة جديدة ان شاء الله ...
حــــنــــــــان مـحـــمــد
ليست هناك تعليقات:
إرسال تعليق