الحلقة الرابعة عشر
" ايه اللي حصل يا يوسف ؟؟ "
ف نفس الوقت تخرج سيلا من الاوضة
سيلا " يوسف ؟؟؟؟ !!!!!!!!!!! "
تقولها سيلا والدموع ف عنيها
يوسف وسوزان يقوموا يوقفوا بسرعة
يوسف " سيلا هشرحلك .... "
سيلا ثابتة ف مكانها بتبص لسوزان وهيا بتعيط
" انتي كنتي عارفة يا ماما ؟؟ "
سوزان " يا حبيبتي اهدي بس وهنقولك علي كل حاجة "
سيلا " تقولي ايه ؟؟ .... انتوا خدعتوني .. كذبتوا عليا .... "
يوسف " سيلاااااااااااااااااااااااااااا ......... "
سوزان " سيلا ردي عليا.. سيلا "
يوسف " كلمي الدكتور بسرعة ... سيلا ردي عليا .. "
سيلا واقعة عالارض .. يوسف يشيلها ويحطها عالسرير
يوسف جمب سيلا عالسرير وسوزان واقفة والدكتور معاها
الدكتور " لازم ترتاح وتبعد عن اي حاجة تزعلها .. حالتها صعبة جداا .. "
سوزان " طيب هيا هتبقي كويسة يا دكتور .. ده جسمها كله بيترعش "
" هو في حاجة ضايقتها اووي تقريبا خلاها تتعب كدة ... انا حذرتك من ان الانهيار العصبي اللي كان عندها ممكن يتطور .. هيا دلوقتي لازم ترتاح "
" حاضر يا دكتور "
------------------------------
طارق يوصل عند سوزان
يوسف يحكيله اللي حصل
طارق " انتا اتجننت .. انا قلتلك يا يوسف قبل كدة .. سيلا بالذات مش هخلي اي حد يجي عليها .. ابعد عن سيلا يا يوسف لانها مش هتسامحك اصلاا "
يوسف " انتا بتقول ايه ؟؟؟ .. دي مراتي "
" بس هيا وقت ما انتا قربت منها ماكنتش تعرف انها مراتك .. وبالكلام اللي قالته مامتها يبقي هيا كانت ندمانة وكنت انتا اول واحد هتعرف اللي حصل لانها عمرها ما كانت هتقدر تخدعك ... بس للاسف طلعت انتا اللي بتخدعها ."
" انا مكنتش عايز اخدعها .. هيا اللي حطت الشروط دي عشان تعجزني .. كان نفسها ارفض عشان ماتتجوزش "
" لا يا يوسف .. سيلا عمرها ما كانت هتخون ثقتك ابداا .. انتا االي خنت الثقة دي "
" وانتا قصدك ايه بقي دلوقتي ؟؟ "
" ابعد عن سيلا يا يوسف "
--------------------------------
يقوم طارق ويدخل لسيلا اللي لسة نايمة عالسرير
يحط طارق ايده علي شعرها
طارق " سيلا ... انا عارف انك مش هتسمعيني .. بس والله انا ما كنت اعرف .. انا جمبك ومش هسيبك لوحدك ابداا ... سيلا .."
-----------------------------------
سيلا بعد ما تفوق .. تقوم بسرعة ...
وهيا لوحدها ف الاوضة تغير هدومها بسرعة وتاخد شنطتها
تفتح باب الاوضة تلاقي طارق ف نفس الوقت كان داخلها
تشوفه ... تعيط اووي .. يطبطب عليها وهيا ساندة علي كتافه
سيلا " انا عايزة ارجع مصر يا طارق .. عايزة اشوف بابا دلوقتي "
طارق " حاضر يا حبيبتي .. حاضر .. بس اهدي .. الصبح ان شاء الله نسافر .. مفيش اي رحلة دلوقتي "
" لا يا طارق انا مش عايزة اقعد هنا ولا لحظة "
" حاضر يا سيلا .. حاضر .. بس اهدي انتي وبطلي عياط "
ترفع سيلا راسها تشوف يوسف قدامها
سيلا " انتا بتعمل ايه هنا ؟؟ "
يوسف " سيلا .. انا ......... "
" انتا ايه ؟؟ .... انتا كداب .. وخاين ... اطلع برة "
طارق " استني يا سيلا ... اهدي شوية "
سيلا " اهدي ايه يا طارق ..... انتا ما تعرفش ده عمل ايه ؟؟ "
طارق " طيب اهدي يا سيلا بس .. "
سيلا " انتا عارف يا طارق ؟؟ .... انتا كنت عارف من الاول ؟؟ "
طارق " لا .. والله ما كنت اعرف .. واول ما عرفت جيتلك علي طول "
سيلا تلتفت ليوسف
سيلا " طلقني.. "
يوسف " ايه ؟؟؟ "
سيلا " بقولك طلقني حالا .... "
سوزان " اهدي يا سيلا وافهمي اللي حصل الاول "
سيلا " مش عايزة افهم حاجة .... اخر حاجة كنت اتوقعها انك انتي اللي تخدعيني يا ماما ... "
سوزان " يا بنتي افهمي الاول اللي حصل وبعدها يبقي ليكي الحق انك تحكمي علينا "
سيلا " افهم ايه ؟؟ ... افهم انك كنتي بتقوليلي ابعد عن جاسر ومش عايزاني احبه وانتي عارف كويس انه هوا يوسف .... انك خلتيني اكلم يوسف واقوله اني خدعته معاه .... انك كل ده عارفة وساكته وسايباني ... شكرا اووي يا ماما .. بجد شكرا "
طارق " تعالي يا سيلا .. مش وقت الكلام ده دلوقتي "
-----------------------------------
سيلا تسافر الصبح هيا وطارق
علي نفس الرحلة سوزان ويوسف بس بعيد عن سيلا خالص
سيلا توصل الفيلا
تجري علي باباها
وتعيط ف حضنه
هشام " انا اسف يا بنتي .. اسف .. سامحيني يا سيلا "
" اسامحك علي ايه يا بابا ؟؟ "
" ايه ؟؟ ..."
يبص هشام لطارق اللي بيهز راسه عشان يقوله انها ما عرفتش انه هوا اللي خطط لكل ده
سيلا " بابا .. في ايه ؟؟؟ "
هشام " يوسف ملهوش ذنب ف اللي حصل يا سيلا .. انا اللي قلتله يعمل كدة "
سيلا " ايه ؟؟؟؟ ... انتا يا بابا ؟؟؟!!!!! ..... لا بجد تعبت .. طلعت مخدوعة فيكوا كلكوا ... وانتا يا طارق مخبي عليا ايه انتا كمان "
هشام " طارق الوحيد اللي اول ما عرف رفض انه حتي يقف معانا عشان يقنعك ... انا اسف يا بنتي .. بس والله كان غرضي كويس "
سيلا " بس بقي ... بس .. كفاية اووي لحد كدة ... انتا مش عايز تجوزني وتخلص مني .. ماشي.... انا همشي ومش هتشوفني تاني "
تاخد سيلا شنطها وتتجه لباب الفيلا
يوسف يوصل ف اللحظة دي هوا وسوزان
تبصلهم سيلا وتكمل طريقها
يوسف يشدها من ايدها
يوسف " رايحة فين ؟؟؟
سيلا " سيب ايدي ... ملكش دعوة بيا خالص .. مش عايز اشوف وشك تاني .. ويا ريت تطلقني من نفسك .. بدل ما نتطلق ف المحاكم "
سوزان " يا حبيبتي يوسف مالهوش ذنب ...."
سيلا " مش عايزة اسمع دفاعكوا عنه .. كأنه هوا اللي ابنكوا مش انا "
تمشي سيلا
هشام " روح معاها يا طارق .. ماتسيبهاش لوحدها "
طارق يمشي ورا سيلا
وياخدها معاه البيت
----------------------------------
سيلا عند طارق ف البيت ومعاها هدي ( عمتها )
طارق " خالي معذور يا سيلا .... "
سيلا " انتا كمان هتدافع عنه ؟؟ "
طارق " عشان عارف انه فعلا مظلوم .. انتي ما تعرفيش حاجة يا سيلا ......
-----------------------------
التليفون يرن .. ترد هدي
هدي " ايه ؟؟؟...... اخويااااا ........
نتقابل الحلقة الجاية
ليست هناك تعليقات:
إرسال تعليق