الحلقة الثانية عشر
مها " مصطفي يعرفه بس عمره ما شافه "
مصطفي " بس هو كدة طالما حطكوا ف دماغه مش هيسيبكوا ف حالكوا "
اميرة " انا عايزة افهم انتوا تعرفوه منين ؟؟ "
احمد " ايوة وايه سبب خوفك كدة يا مها اول ما شفتي الصورة ؟؟ "
مها " هحكيلكوا كل حاجة .. انا كنت عايشة في الامارات انا و اهلي
...... اميرة اختي الصغيرة ... كانت كل حاجة ف حياتي ...كانت لسة بتدرس ف الجامعه
وطبعا نزلت تدرس ف مصر ...و هنا قابلت وليد ... اول مرة شفته ما ارتحتش للعلاقة
اللي بينهم .. كنت بحسه بيتعامل كأنه عارفها من زمان او بيتهياله انها واحدة تانية
... ودلوقتي انا فهمت انه كان بيعاملها علي انها انتي "
احمد " يعني هو كان عارف اميرة اختك وهو خاطب اميرة "
مصطفي " انتوا سايبين بعض من امتي ؟؟ "
اميرة " من 3 سنين تقريبا "
مصطفي " يبقي بعدها هو عرف اميرة ... الكلام ده كان من حوالي سنتين
"
مها " خلي اميرة تحبه وهي كانت لسة صغيرة .. بس انا بعدها اتجوزت
وانشغلت عنها شوية ... وجت الاجازة وسافرت انا الامارات بس هي ما سافرتش معايا ,..
واتفقت معايا انها هتحصلني ..... "
------------------------
مها كانت بتعيط جامد لما افتكرت اللي حصل
مصطفي قرب منها ومسك ايدها عشان يطمنها
---------------------------------
مها " اتصلت بيا اميرة وقالتلي انها مش هتعرف تسافر عشان هيا تعبانة
.. انا مارضتش اقول لماما وبابا عشان مايقلقوش عليها .. طلبت من مصطفي انه يقول
لاهلي انه عنده شغل ضروري ولازم ننزل مصر "
مصطفي " وفعلا نزلنا مصر ... ولما شفنا اميرة قالت انها حامل من وليد
.. ولما سالناها ازاي وامتي ... قالت انه استغلها اول ما احنا اتجوزنا "
مها " كانت بتحكيلي وهيا ندمانه اوي وخايفة وانا كان لازم افهم ده حصل
ازاي "
------------------------------
اميرة " انا اسفة يا مها .. والله اما اعرف ده حصل ازاي ..انا مش
عارفة ازاي خدعني كدة "
مها " طيب والحيوان ده فين دلوقني "
" مش عارفة .. مش عارفة "
" انتي هتعملي ايه ف المصيبة دي دلوقتي ؟؟.. ده ماما وبابا لو عرفوا
هيقتلوكي "
" مش عارفة يا مها .. انا خايفة اوي ..."
" هو قالك ايه ؟؟؟ "
" هددني وقالي اني ما افكرش حتي اني انزل الجنين ولما قلتله نتجوز ..
قالي لا "
" يعني ايه عايز ابنه ومش عايز يتجوزك .. ده اكيد مجنون "
" طيب واحنا هنعمل ايه دلوقتي ؟؟ "
" لازم ننزل الجنين .. لازم نتصرف بسرعة قبل ما يبقي خطر علي حياتك
"
مها انهارت اكتر ف االعياط بعد منا افتكرت الي حصل
--------------------------
احمد " اهدي يا مها .. اهدي "
اميرة " خدي اشربي العصير ده عشان تهدي شوية "
مها " انا خايف عليكي اوي يا اميرة .. ده مش بني ادم .. ده شيطان
..شيطان بيأذي كل اللي حواليه "
مصطفي " انتوا لازم تاخدوا بالكوا اوي .. وماتسيبش اميرة تنزل لوحدها
ابدا يا احمد "
احمد " طيب هو ليه ما رضاش يتجوزها طالما هو عايز الطفل "
مها " اناني اوي .. ما فكرش غير ف نفسه وبس .. قالها انه مش بيحبها ..
بس اللي ف بطنها ده ابنه ولو فكرت تنزله هيأذيها ..... "
مصطفي " وقتها عرفنا ان مها حامل .. و انا بعدها كان لازم اسافر ..
وده اللي خلاني ما عرفتش احمي مها واميرة من شره . .. ما توقعتش انه ممكن يكون
مؤذي للدرجادي "
مها " بعد ما مصطفي سافر .. اميرة عملت العملية ونزلت الجنين ... و
بعدها وليد عرف انها نزلته .. اتهجم علينا ف البيت .. فضل يضرب فيها ..كان بيضرب
فيها وانا مش عارفه اعمل ايه ؟؟؟ "
انهارت مها ف العياط وكانت مش
قادرة تتكلم خالص
----------------------------------
مصطفي بعد ما حاول يهدي مها كمل اللي حصل
--------------------------
احمد واميرة قاعدين مع بعض لوحدهم
بعد ما مها ومصطفي مشيوا
احمد " طيب بتعيطي ليه يا اميرة دلوقتي؟؟ .. اهدي يا حبيبتي .. ماتخافيش "
اميرة " انتوا بتقولي ما اخافش !!!!!!! .... ازاي بعد اللي سمعته ده
وعايزني ما اخافش .. انا هموت من الرعب .... "
قرب منها احمد و حضنها وهو بيحاول يهديها
" خلاص بقي يا روحي .. انا ما اقدرش اشوف دموعك كدة "
" مش بايدي يا احمد ... مش بايدي .. صعبانة عليا مها اوي "
" عارف يا حبيبتي .. وانا كمان زعلان اوي عشانها .. بس العياط مش الحل
يا اميرة "
" عارفة يا احمد ..عارفة بس مش بايدي .. مش متخيلة ازاي كل حاجة تضيع
منها كدة "
" معلش يا حبيبتي .. ادعي ربنا يصبرها ... احنا اللي خلناها تفتكر كل
حاجة "
" ربنا يصبرها .. وينتقم من اللي كان السبب "
---------------------
حسام وغادة قاعدين مع اميرة واحمد
حسام " انا مش قادر اصدق .. معقول في
حد ممكن يأذي الناس بالشكل ده "
غادة " ومها الله يكون ف عونها .. ازاي مستحملة كل ده "
اميرة " ااه ربنا يصبرها ويعوضها عن كل اللي فات "
غادة " اصعب حاجة عالواحدة انها تخسر ابنها .. ودي يا عيني خسرت ابنها
وخسرت الامل ف انها تحمل تاني "
احمد " حتي مصطفي عينه دمعت لما افتكر اللي حصل .. وافتكر انه مش
هيبقي اب بسبب وليد "
حسام " حسبي الله ونعم الوكيل فيه .. الحمدلله انها جت سليمة معاكوا
"
احمد " الحمدلله .. بس الله اعلم ممكن يعمل ايه تاني "
غادة " بس هما ازاي ما قبضوش عليه بعد اللي عمله ده "
احمد " بيقولوا ان طلعت كل بياناته غلط .. ومحدش عرف يوصله خالص وقتها
.. ومحدش عرف يثبت انه هو اللي عمل كدة "
حسام " يعني ايه محدش عرف يثبت ده .. ده قتل اختها و بعدها ضرب مها
كمان لحد ما موت ابنها "
اميرة " معرفتش تثبت انه هو اللي قتل اختها .. وانه اللي قتل ابنها
"
حسام " انا هشوف جمال صاحبي وهخليه يجيبه من تحت الارض .. هو ظابط
وهيعرف ازاي يجيبه "
احمد " يا رب يلاقيه ونخلص بقي
من الموضوع ده "
حسام " ا ن شاء الله "
---------------------------------
اميرة نايمة عالسرير ودموعها نازلة علي المخدة بتفتكر كلام مها كلمة كلمة
--------------------------
مها " بعد ما مصطفي سافر .. اميرة عملت العملية ونزلت الجنين ... و
بعدها وليد عرف انها نزلته .. اتهجم علينا ف البيت .. فضل يضرب فيها ..كان بيضرب
فيها وانا مش عارفه اعمل ايه ؟؟؟ "
اميرة " و حصلها حاجة ؟؟ "
" ماتت قدام عيني وما عرفتش اعملها حاجة ........"
نتقابل الحلقة الجاية
مستنية ارائكوا وتوقعاتكوا
ليست هناك تعليقات:
إرسال تعليق