الحلقة الثالث عشر
سيلا وجاسر مع بعض ..
الوقت اتاخر جدااا
سيلا قدام اوضتها
جاسر بيوصلها
يقرب منها ...
يحضنها ....
يدخل الاوضة ويقفل الباب
سيلا تفوق بعد ثواني من احساسها وتبعده عنها
سيلا " اطلع برة .... "
"سيلا ... بس ... "
" مش عايزة اسمع ولا كلمة منك ...اطلع برة "
تزوقه سيلا برة الاوضة وتجري علي السرير وتنهار ف العياط
يفضل يخبط عليها
" سيلا .. افتحي الباب من فضلك ...
عايز اتكلم معاكي .. انا اسف يا سيلا ...
تفتح سيلا الباب وهيا بتعيط
" انتا عايز مني ايه ؟؟؟؟ ...ابعد عني ... كنت عايزني اخون جوزي اللي وثق فيا ...."
" سيلا من فضلك اهدي انا مش عايز اشوف دموعك انا اسف ...."
" بس مش عايزة اسمع منك كلام تاني .. امشي من هنا بدل ما اطلبلك الامن دلوقتي ....."
" سيلا بس ......"
تقفل سيلا الباب تاني
------------------------------
طارق مع هشام
هشام " المشكلة ان في حاجة تانية "
" حاجة ايه ؟؟ "
" حاجة ممكن تخلي سيلا تكرهني طول عمرها "
" خالي انتا قلقتني اووي ... في ايه ؟؟ "
" يوسف .... "
" ماله ؟؟ "
" هو نفسه جاسر... "
" ايه ؟؟؟؟؟؟؟ "
" انا اللي قلتله يسافر معاها .. خايف تكرهني اووي بعد ما تعرف "
" ازاي يعني يا خالي .. ده كان معايا هنا واقف جمبي وهيا بتقولي انه كان معاها "
" لا يا بني .. اليوم اللي كان معاك هنا .. كان قايلها انه هيروح لاهله ف ايطاليا واول ما وصلت عند سوزان نزل مصر علي طول .. حتي مكالماتك معاه كان بيبقي من هناك وهوا معاها "
" انا مش مصدق اللي بسمعه بجد ... ازاي يا خالي .. ازاي وانتا عارف ان سيلا ممكن تكرهك طول عمرها لانك كذبت عليها "
" كنت عايزها تتجوز وعارف ان يوسف مش هيوافق علي شروطها .. كنت عايز اطمن عليها "
" بس ده مش مبرر خالص يا خالي ... انتا عارف لما سيلا تعرف هتعمل ايه ؟؟ "
" عارف ... "
" انتا كنت خايف عليها وعايزها تتجوز وهيا دلوقتي اول ما هتعرف هتطلب الطلاق من يوسف "
" ما هو ده اللي خلاني اقولك .. انا عايزك تشرحلها كل حاجة .. قولها ان ده من خوفي عليها .. "
" استحالة تسامحكوا يا خالي .. انا عارفها كويس "
" طارق مفيش غيرك ممكن يقنعها ان ده لمصلحتها .. "
" اسف يا خالي بس مش هقدر اقنعها بحاجة انا نفسي مش مقتنع بيها "
" يا بني انا خلاص انا ايامي معدودة ف الدنيا مش عايز اموت و هيا زعلانة مني "
" يا خالي انا .. انا هحاول بس هيا كدة هتعرف بكرة لانها المفروض تشوف يوسف بكرة ..صح ؟ "
" ااه هيا بكرة هتعرف ان يوسف هوا جاسر .. ربنا يستر من رد فعلها "
" انا عايز اسافر عشان اكون جمبها .. خايف رد فعلها يكون اقوي من ما نتصور "
" لا يا بني خليها تبقي لوحدها .. لازم يتصرفوا لوحدهم "
----------------------------------
سيلا منهارة ف العياط
تقوم تحضر شنطها
تسافر علي ايطاليا من غير ما تكلم جاسر
توصل عند سوزان واول ما توصل ترمي نفسها ف حضن سوزان وتعيط
سوزان " مالك يا حبيبتي ؟؟ "
" ........"
" اهدي طيب .. تعالي ادخلي ... "
" محتاجالك اووي يا ماما "
" في ايه يا حبيبتي ... احكيلي .. "
" انا عايزة اكلم يوسف دلوقتي .. "
" ليه في ايه بس .. "
" فين التليفون ؟؟ ... "
" اهدي بس مالك بتتصرفي كدة ليه ؟؟؟ "
" لازم اكلمه يا ماما .. كنت هخونه ... لازم اقوله مش عايزة اظلمه ..فين التليفون يا ماما "
تقع سيلا علي الارض
تكلم سوزان الدكتور بسرعة
---------------------------
سيلا نايمة بعد ما الدكتور اداها مهدئ
سوزان تتصل بهشام
سوزان " هشام .. الحقني "
" في ايه يا سوزان ؟؟ "
" سيلا عندي .. منهارة جداا والدكتور قال ان عندها انهيار عصبي "
" ايه ؟؟ .. جت امتي ؟؟ "
" من شوية بس .. عماله تقول لازم اكلم يوسف و بتعيط وبتقول انها كانت هتخونه .. هو ايه اللي حصل ؟؟"
" مش عارف انا هكلم يوسف دلوقتي واعرف ايه اللي حصل .. شكلها عرفت ان يوسف هوا جاسر "
" ربنا يستر عليها "
------------------------------
هشام يكلم يوسف .. التليفون مقفول
يحاول يتصل بيه اكتر من مرة بس التليفون مقفول
يكلم طارق ويقوله اللي حصل
طارق " انا قلتلك يا خالي .. انا قلت ان ده كله هيحصل "
" مش وقت الكلام ده يا بني .. المهم سيلا دلوقتي "
" ويوسف فين ؟؟ "
" مش عارف تليفونه مقفول ..
" طيب انتا حاول تكلمه تاني وانا هسافر لها دلوقتي "
" لا يا طارق اصبر يا بني يمكن هيا لسة ما عرفتش ان جاسر هوا يوسف "
" ويمكن عرفت يا خالي .. انا هشوف في اي رحلة دلوقتي لايطاليا وهروحلها "
" طيب يا بني .. هبقي ابلغك بالتفاصيل "
------------------------------
يحاول هشام يتصل بيوسف تاني
يوسف يرد
هشام " الو .. انتا فين يا يوسف من الصبح "
" انا لسة واصل ايطاليا حالا "
" سيلا عند سوزان ومنهارة .. "
" عرفت انها سافرت علي ايطاليا الصبح .. واول ما عرفت اخدت اول رحلة ولسة واصل اهو .. هيا قالت اي حاجة ؟ "
" لا ... سوزان بتقول انها منهارة ف العياط والدكتور قال انه انهيار عصبي "
" طيب انا هروحلها دلوقتي "
" هوا كل ده عشان عرفت انك جاسر "
" لا يا عمي هيا لسة ما عرفتش "
" امال ايه اللي يخليها تعمل كل ده بس ؟؟ "
" هبقي اقولك بعدين يا عمي .. انا هقفل دلوقتي .. ولو في جديد هكلم حضرتك "
" طيب يا بني "
--------------------------
يوسف يوصل عند سوزان
يوسف هيا عاملة ايه دلوقتي ؟ "
سوزان " نايمة .. الدكتور اداها حقنة مهدئة ... انا عايزة اعرف ايه اللي حصل ؟؟ "
" انا الغلطان ... "
" ايه اللي حصل يا يوسف ؟؟ "
ف نفس الوقت تخرج سيلا من الاوضة
سيلا " يوسف ؟؟؟؟ !!!!!!!!!!! "
تقولها سيلا والدموع ف عنيها
يوسف وسوزان يقوموا يوقفوا بسرعة
يوسف " سيلا هشرحلك .... "
سيلا ثابتة ف مكانها بتبص لسوزان وهيا بتعيط
" انتي كنتي عارفة يا ماما ؟؟ "
سوزان " يا حبيبتي اهدي بس وهنقولك علي كل حاجة "
سيلا " تقولي ايه ؟؟ .... انتوا خدعتوني .. كذبتوا عليا .... "
يوسف " سيلاااااااااااااااااااااااااااا ......... "
نتقابل الحلقة الجاية
مستنية ارائكوا يا احلي فانز
ليست هناك تعليقات:
إرسال تعليق