الحلقة التاسعة
سيلا وسوزان مع بعض ف العربية
سوزان " شكلك متغير المرة دي .. ايه اللي حصل ؟؟ "
سيلا " لما نوصل البيت هحكيلك كل حاجة ..."
" طيب .. بابا عامل ايه ؟؟ "
" الحمدلله كويس .. بيسلم عليكي كتير .. وممكن يجيلك بكرة يشوفك .. عايز يقولك علي حاجة "
" بجد كويس ..حاجة ايه بقي ؟؟ "
" لما يوصل هيبقي يقولك "
"هتسافري معاه ؟؟ ... لا هسافر قبل ما يوصل .. انا هسافر بكرة الصبح "
" ايه ؟؟ انتي لحقتي ؟؟ "
" ااه معلش .. هسافر بكرة علي برلين .... "
" برلين ؟؟ ...ليه ؟؟ "
" انا عايزة الف العالم كله .. نفسي اعيش اخر ايام الحرية "
" اخر ايام الحرية ؟؟ ... بس هو يعني بابا عمره قالك لأ علي السفر ؟؟ "
" لا يا سو مش بابا اللي هيقولي بعد كدة "
" انتي غريبة كدة ليه النهاردة ؟؟؟ "
" هقولك يا سو علي كل حاجة "
" طيب قولي دلوقتي .. مش هستني لما نوصل "
" انا اتجوزت يا سو .."
" ايه ؟؟؟؟؟؟؟؟!!!!!!!!!!! "
فرملت العربية بسرعة
----------------------------------
يوسف وهشام بيتكلموا
هشام " خد بالك منها يا يوسف ... دي كل اللي ليا ف الدنيا "
يوسف " دي ف عنيا يا عمي .. ماتقلقش عليها طول ما هيا معايا "
" انا عارف انك هتاخد بالك منها ... بس بردو دي بنتي ومن حقي اخاف عليها "
" ماتقلقش يا عمي .. سيلا ف عنيا "
" ربنا يسعدكوا "
" بس انا كان عندي سؤال يعني "
" سؤال ايه ؟؟؟ "
" ليه حضرتك ووالدتها انفصلتوا عن بعض ؟؟ "
" يااااه دي قصة طويلة جداا .. تعالا ننزل المطعم ناكل ونتكلم براحتنا "
------------------------------
سوزران وسيلا ف العربية
سيلا " ماما براحة شوية "
سوزان " اتجوزتي ازاي يعني ؟؟ "
" ماما طيب ممكن نوصل البيت ونتكلم براحتنا "
" لأ .. دلوقتي احكيلي كل حاجة "
" يا ماما صدقيني ده بس كتب كتاب وبس لما ارجع مصر نبقي نعمل فرح واكيد انتي هتحضري .. انا جيت اقولك بنفسي ..ماكنتش عايزة اقولك ف التليفون "
" بجد ؟؟ ... ده ردك يعني وتبريرك للي حصل "
" ماما انا اسفة بجد .. مش عايزاكي تزعلي مني "
" طيب ماشي يا سيلا ... "
مشيت سوزان بالعربية ووصلت البيت
اول ما وصلت دخلت اوضتها وقفلت الباب من غير ما تكلم سيلا
------------------------------------
طارق ورانيا مع بعض
طارق " الحمدلله .. اتطمن انها وصلت "
رانيا " يا سلام ؟ .. يهمك اووي انها توصل بالسلامة "
" في ايه يا رانيا ؟؟ ... انتي بتتكلمي كدة ليه ؟؟ "
" طارق انتا خطبتني ليه ؟؟ "
" يعني ايه ليه ؟؟ "
" يعني طالما انتا تحبها خطبتني انا ليه ؟؟ "
" هتجنني ولا ايه ؟؟ .. سيلا بالنسبالي اختي وبس "
" ااه باين اووي .. حتي كنت قاعد معاها ف اوضتها وسايبني انا تحت مع مامتك .. يوم كتب كتابها.. دي حتي ما رضتش تشوف جوزها "
" رانيا بقولك ايه انا مش ناقص كلام العيال ده .. خليكي اعقل من كدة "
" اعقل من كدة؟؟!! .. انا ابقي مجنونة لو ما اتكلمتش علي اللي بيحصل "
" وهوا ايه اللي حصل لكل ده ؟؟ .. ما هي اتجوزت عايزة ايه منها تاني ؟؟ "
" عايزاك ما تتكلمش معاها "
" والله ؟؟ .. ازاي يعني ؟؟ "
" قلتهالك قبل كدة .. يا انا يا هيا ؟ "
" ماشي يا رانيا .. وانا مش هقدر اخسر سيلا ابدا "
" يعني ايه ؟؟ "
" يعني بختارها هيا يا رانيا ... لو مش قادر احافظ علي علاقتي باختي يبقي عمري ما هحافظ علي علاقتي بحد "
سابها طارق ومشي
---------------------------------
يوسف و هشام مع بعض ف المطعم
هشام " انا وسوزان اتجوزنا عن حب .. هيا كانت عايشة ف ايطالية .. اتقابلنا وحبينا بعض واتجوزنا .. "
يوسف " يعني جوازكوا كان عن حب .. طيب ليه انفصلتوا ؟؟"
" هيا جت ف الاول مصر قعدت شوية وبعدين سافرت انا وهيا لفينا العالم كله ... سيلا اتولدت ف تركيا .. بس بعدها هيا ما قدرتش تستحمل العيشة ف مصر .. "
" بس هيا عارفة من الاول ان حضرتك مصري ... يعني مش شايف مبرر انكوا تنفصلوا عن بعض "
" لا في مبررات كتير .. هيا بتحب شغلها جدااا .. بس طبيعة الشغل انها كل يوم ف مكان .... كانت عفوية جداا مع الكل .. واي مكان تروحه يبقي ليها اصحاب كتير بالرغم من انها بتصد اي حد عايز يتعرف عليها .. كان في تناقضات ف حياتها ... وطبعا بعد ما سيلا اتولدت انا اصريت انها تسيب الشغل عشان تعرف تاخد بالها من سيلا .. بس طبعا هيا رفضت .. سافرت علي ايطاليا واخدت سيلا معاها .. والدتها كانت عايشة معاها ف ايطالية .. كانت بتراعي سيلا اوقات كتير .. ولما كانت بتنزل مصر كانت فاطمة هيا اللي بتاخد بالها منها "
" يعني كانت سيلا هيا السبب انكوا تنفصلوا ؟ "
" هيا ااه كانت السبب اننا انفصلنا بس ف نفس الوقت هيا اللي بتجمعنا سوا "
" وسيلا كانت بتحب مصر اكتر ولا ايطاليا "
" سيلا عاشت عمرها كله بتلف العالم .. يوم هنا ويوم هنا .. حتي الدراسة كانت كل سنة ف بلد مختلف بجنسية مختلفة ولغة مختلفة ... بس هيا اتاقلمت علي كدة .. بس لما انا طلبت منها تعيش معايا وافقت علي طول "
" و والدتها وافقت علي كدة ؟؟ "
" ااه ما كنتش تقدر تعترض .. سيلا بتروح لها ف اي وقت وهيا كمان بتيجي تزورها ف مصر اوقات كتير .. بالرغم من اننا انفصلنا بس لسة في بينا علاقة كويسة ... سيلا اهم عنصر ف العلاقة دي "
" شكل والدتها كويسة جداا وجميلة زيها "
" جدااا .. سوزان جميلة جداا .. اجمل انسانة قابلتها ف حياتي .. تعالا معايا بكرة وشوفها "
" لا مش هينفع خالص ... حضرتك عارف "
" ااه صح افتكرت "
-------------------------------------------
سيلا بتخبط علي مامتها
سيلا " Mum , please ... طيب افتحي نتكلم مع بعض وانا هفهمك "
سوزان تفتح الباب
سوزان " عايزة تفهميني ايه ؟؟ . . تتجوزي من غير ما تقوليلي!!! "
" مش انتي كنتي بتقوليلي عايزاني اتجوز ؟؟ "
" بس مش من غير ما اكون جمبك يا سيلا .. انا امك مهما كان .. انا عارفة اني مقصرة ف حقك بس بردو ماتتجوزيش من غيري "
" ماما انا اسفة جداا بجد .. بابا لما يوصل بكرة هيبقي يشرحلك كل حاجة ..انا هسافر الصبح برلين .. وهلف العالم كله الشهرين اللي جايين .. هجيلك تاني قبل ما اسيب اوروبا .. مش عايزاكي تكوني زعلانة مني .. تصبحي علي خير "
-----------------------------------------
سيلا تقوم الصبح بدري ... تجهز حاجاتها عشان تسافر
سوزان تدخلها الاوضة
سوزان " يعني عايزة تسافري من غير ماتسلمني عليا كمان ؟ "
" انا افتكرت انك مش هتكلميني تاني ؟؟ "
" يا حبيبتي انا من حقي ازعل ... بس بالرغم من زعلي ده ما اقدرش افضل زعلانة من حبيبتي "
" وانا كمان مش بحب تزعلي مني .. انا هجيلك تاني .. ماشي ؟ "
" ماشي يا حبيبتي .. Enjoy "
" اكيد "
تبوسها سيلا وتمشي
--------------------------
سيلا ف القطار
قاعد جمبها واحد بيبص عليها كل شوية
الغريب " Hi "
سيلا " Hi "
قالتها سيلا ورجعت ركزت ف الكتاب اللي معاها
الغريب " انتي عربية ؟؟ "
سيلا " ااه .. عرفت منين ؟؟ "
" الكتاب اللي بتقريه "
"اها "
" انا جاسر .. ممكن تقوليلي J او جو براحتك .. وانتي ؟؟ "
" انا صدعت من كلامك .. ممكن تسكت مش عارفة اركز ف اللي بقراه "
" اووه .. سوري .. "
"........... "
" انتي منين ؟؟ "
" ........... "
" انا مصري عايش ف ايطالية "
" .............. "
" انتي عايشة ف ايطالية ولا المانيا ؟؟ "
" مش ملاحظ انك رغاي اووي .. انا معنديش اي رغبة اني اكلمك .. ممكن تسكت ؟ ؟ "
" انا بس بقول ان الطريق طويل ونتعرف علي بعض شوية "
افتكرت سيلا كلام حمزة . بانها شخصية معقدة ومغرورة .. فكرت انها لازم تتعامل مع الناس احسن من كدة
" سوري كنت رخمة شوية .. انا سيلا .."
" هاي ... تشرفنا "
" انا مصرية .. عايشة ف مصر "
" ااه .. اهلا .. انتي هنا ف شغل ولا سياحة ؟؟ ....
--------------------------------
هشام مع سوزان
سوزان " ايه ؟؟؟؟؟ .. ايه اللي انتا بتقوله ده ؟؟ .. وماقلتليش ليه من زمان ؟؟ "
هشام " مقدرتش اقولك .. كان لازم سيلا تتجوز .. وانا مش مصدق انها وافقت "
نتقابل الحلقة الجاية
ليست هناك تعليقات:
إرسال تعليق