الحلقة الثالثة
~~~~~~
نادر ومحمود يصحوا ..مريم و نغم يحضرولهم الفطار ..
فريدة و اروي بيتفرجوا عالتليفزيون ...
اروي تقوم تتكلم ف التليفون ..
نادر يدخل يكلم فريدة ..
نادر " فريدة .. ممكن اتكلم معاكى شوية ؟؟ "
فريدة " ااه .. طبعا . .."
تقوم فريدة تدخل البلكونة مع نادر
****************************
نادر " ايه اخبارك ؟؟ "
فريدة " ..........."
نادر " في ايه ؟؟.... بتبصيلي كدة ليه ؟؟ "
فريدة " لا بس هو انتا جايبنى هنا عشان تقولى ايه اخبارك ؟؟ .... عالعموم تمام . . ماشى الحال "
نادر " طيب تمام ... فى جديد ف حياتك ؟؟ "
فريدة " من ناحية ايه يعنى عشان ابقى فاهمة ؟؟ "
نادر " قصدى يعنى فى حد ف حياتك ؟؟ "
فريدة " نادر ... فى حاجة ؟؟ ... انتا كويس ؟؟ "
نادر " فى ايه بس ؟؟ "
فريدة "مش عارفة ؟؟ ... انتا غريب اووى .. "
نادر " ليه بس ؟؟ ..انا بتكلم معاكى عادى "
فريدة " نادر لو عايز تقول حاجة قول علي طول .. "
نادر" مفيش حاجة .. انا بسال عليكى بس .. "
فريدة " طيب تمام ... وانتا عامل ايه ؟؟ "
نادر " تمام .. "
فريدة " فى جديد ف حياتك ؟؟ "
نادر " ااه الحمدلله ... هبقى ف تاني جامعة بقي .. "
فريدة " طيب مبروك .. عقبالى .. "
نادر " ااه .. صح انتى عايزة كلية ايه ؟؟ .."
فريدة " والله حسب النتيجة .. يعنى المجموع هوا اللي يحدد الكلية .. "
نادر " بس انتى اصلا عايزة تدخلى ايه ؟ ؟ "
فريدة " عايزة ادخل ألسن .. "
نادر " ااه .. دى عندنا ف القاهرة ... صح ؟؟ "
فريدة " ااه ... ف القاهرة والمنيا تقريبا .. "
نادر " طيب كويس .. هتبقي معانا يعنى .."
فريدة " ااه .. بس لو دخلت السن هبقي ف المدينة الجامعية .. "
نادر " لا طبعا .. ازاي وبيت خالك موجود .. "
فريدة " ما تسبقش الاحداث .. الله اعلم هدخل ايه ؟؟ ..."
نادر " طيب تمام .. لو احتاجتى اي حاجة قوليلي .. انا زى اخوكى بردو ... "
فريدة " ااه طبعا ... عن اذنك أروى بتنادى عليا .. "
**********************
فريدة تدخل المطبخ لـ أروى
اروى " مالك متعصبة ليه ؟؟ "
فريدة " استغفر الله العظيم .. مش عايزة اغلط ف حد "
اروى " مين اللي عصبك كدة ؟؟ .. اكيد اخويا .."
فريدة " حاجة استغفر الله العظيم يعنى .. هيشلنى بجد .. "
اروى " هههههههههههههه .. انا قلتلك من الاول .. انتى اللي مش بتسمعى الكلام .. "
فريدة " طب اعمل ايه انا .."
اروى " سيبك منه .. يعنى سيبتى أحمد عشان سي نادر .. والله عبيطة "
فريدة " بردو هتقوليلى احمد تانى .. طنشي بقي .. والله اخوكى ده هيعقدنى من الحب والجواز والرجالة كلهم ..وهيفقع مرارتى .. قال اخوكى قال .. "
اروى " تستاهلى .. انتى اللي عاملة كدة ف نفسك .. "
فريدة " ماشى يا ختى .. المهم كلمتى خالد ؟؟ "
اروى " ااه .. اتصل بيا وبيقولى عايز يشوفنى "
فريدة " يشوفك !!! .. بس انتى هتنزلى تقابليه ؟؟ "
اروى " مش عارفة !! .. اعمل ايه ؟ "
فريدة " لا يا اروى بلاش تقابليه مش ناقصين مشاكل "
اروي " مشاكل ايه بس ؟؟.. هوا احنا رايحين شقة مفروشة .. انا هشوفه ف مكان عام .. "
فريدة " مكان عام ؟؟ .. ونتفضح بقي .. افرضي ياختى حد شافك ؟؟ "
اروى " ما انتى هتبقي معايا .. "
فريدة " والله ؟؟ ... لا ياختى انا مليش دعوة بالحوارات دى .. انا اخاف .. "
اروى " تخافي من ايه يا هبلة انتى .. "
فريدة " والله انتى اول واحدة اصلا هتجري لما تشوفيه .. انتى نفسك مش هتقدرى توقفى معاه .."
اروي " ليه يعنى ؟؟؟ "
فريدة " طيب لما نشوف ايه اللي هيحصل ياختي ؟؟ ."
اروي " طيب ياختى المهم انه لما يكلمنى هقوله اننا نتقابل بكرة .. فين بقي ؟؟ "
فريدة " هوا احنا بكرة المفروض ننزل فين ؟؟... "
اروي " وحيات امك ؟؟ ... انتوا هتودونا فين بكرة اخلصى ..
"
"
فريدة " خلاص تعالى ننزل محطة الرمل ممكن ندخل سينما ... "
اروى " طيب ماشى .. انا هقوله يقابلنا بكرة الساعة 5 ماشي ؟ "
فريدة " ماشي .. اما نشوف اخرتها ايه ؟؟ "
اروى " طيب .. هما البناات فين ؟؟ "
فريدة " مش عارفة .. بس هما كانوا هنا من شوية ... "
اروى " طيب تعالى نشوفهم فين احسن .. "
************************
توصل احلام و احمد و هناء ( والدتهم )
احلام تسلم علي جدها وتطلع للبنات
احلام " ازيك يا اختي انتى وهيا "
اروى " اهلا ياختى .. لسة فاكرة تيجى .. "
احلام " يا سلام !!.. هوا يعنى حد سأل عليا .. "
مريم " ازيك يا احلام ؟؟ .. عاملة ايه ؟؟ "
احلام " الحمدلله .. انتى عاملة ايه يا مريومى .. "
مريم " الحمدلله .. وحشتينى يا جزمة .. ماجيتيش ليه من بليل ؟؟ "
احلام " ليه مش كفاية عليكوا فريدة .. "
اروى " ااه .. كفاية علينا فريدة .. اطلعى انتى منها ؟؟.. "
احلام " ااه ماشي .. اصلا بابا جاي بليل وفريدة هتروح معانا "
فريدة " ابقي قابلينى يا حيلتها .. قال تمشي قال .. "
احلام " كفاية من امبارح للنهاردة اهو .. وبعدين انا هعمل كل حاجة ف البيت لوحدى ؟ "
مريم " لا بقي انتى بتهزرى .. خليكى انتى كمان قاعدة معانا .. "
احلام " ليه ؟؟ .. هوا انا باردة زيها .. "
فريدة " ما تلمى نفسك .. "
اروى " ااه باردة عشان عايزة تفقعد معانا .. دا انتى رخمة اووي .. والله لو مشيت النهاردة .. ما ادخلكوا بيت تانى واسكندرية دي مش هعتبها تاني .. انا بقولك اهو "
فريدة " اصيل يا ابو رحاب .. ههههههههههههه "
احلام " وانا مالي انا لما يجى بابا قوليله بقي .. "
مريم " خليكى واخرجى معانا بكرة ؟؟ ."
اروى بتكح عشان تسكت مريم ...
اروى " لا يا حبيبتي .. احلام مشغولة ومش هتحب خروجاتنا .. "
احلام " قولى بقي انك مش عايزانى اخرج معاكى .. عالعموم انا اصلا مش عايزة انزل معاكوا .. انا نازلة الكلية بكرة ان شاء الله "
اروى " شفتي .. انا عارف انك مشغولة .. "
******************
يمشوا اهل فريدة وفريدة تفضل ف بيت العائلة مع البنات ...
البنات ال4 قاعدين مع بعض ..
مريم تتكلم عن مشكلتها عشان عايزة البنات يساعدوها ..
******************
مريم " هاه بقى.. اعمل ايه ؟؟ "
نغم " يا حبيبتي انتى لسة صغيرة .. جواز ايه ده بس دلوقتى ؟؟ "
مريم " يا سلام ؟؟.. ملهاش علاقة علي فكرة ... "
فريدة " لا ليها .. انتى عندك 16 سنة .. تقدري تقوليلي هتتحملى مسئولي بيت ازاى ؟؟ "
مريم " ليه ما انا بعرف اعمل كل حاجة .."
اروى " انتى فكرة الجواز ايه بالظبط ؟؟ .. وبعدين انتى لسة حتى ما جبتيش سن الجواز ؟؟... "
مريم " عادي يعنى .. هوا يعنى البنات ف الصعيد بيتجوزوا ازاي ؟؟ "
فريدة " اهو انتي قلتى .. ف الصعيد .. يعنى الحياه مختلفة خالص .. انتى مش هتستحمل تعيشي هناك وتسيبى اهلك وحياتك .. "
مريم " وهما يعنى اللي هناك مش بيحبونى .. اولا اهل عمر كويسين اووي وبيحبونى .. ولما ببقي معاهم بيعملوا كل اللي يرضينى "
فريدة " ااه ده عشان بتبقي اجازة ولسة انتى مش منهم .. انتى مش هتقدري تستحملى العيشة هناك ... "
مريم " لا هستحمل .. "
اروى " هوا عند وخلاص يعنى ؟؟ .. قلنا ما ينفعش .. وبعدين مين بقي اللي هيوافق بالجوازة دي ؟؟ "
مريم " وليه يرفضوا .. دي حياتى ومحدش ليه دعوة بيها .."
نغم " لا يا مريم .. مفيش حاجة اسمها حياتك وحرة فيها .. امك وابوكى مش هيوافقوا بكلام زى ده ... "
مريم " يا سلام ؟؟.. وهما من امتى بيوافقوا باى حاجة عايزاها ؟؟ "
فريدة " لا يا مريم انتى غلطانة .. اللي بتقوليه ده ما ينفعش .. "
مريم " انا حرة بقي .. وهوا من امتى كان حد بيهتم باللي عايزاه .. وبعدين انا اللي كنت عايزاكوا تساعدونى عشان اقول لبابا وماما .. "
اروى " سيبيها بقي يا فريدة .... انتى حرة يا مريم .. شوفي مين اللي هيوافق ؟ "
فريدة " براحتكوا .. كل واحد حر... صح؟؟.. "
**********************
مريم و نغم بيتكلموا لوحدهم ..
مريم بتعيط وهيا بتتكلم ..
مريم " طيب انا اعمل ايه يا نغم ؟؟ .. من امتى يعنى كان حد بيسالنى انا عايزة ايه ؟؟ "
نغم " وانتى شايفة ان الجواز دلوقتى حل ؟؟ "
مريم " ااه .. عمر بيحبنى .. وانا بحبه .. ايه اللي يمنع بقي .."
نغم " حاجات كتير يا مريم ... انتوا الاتنين لسة صغيرين .."
مريم " انتى كمان هتقولى صغيرين ... انا لو عايشة ف الصعيد دلوقتلى كان زمانى متجوزة ومخلفة كمان .. "
نغم " بس انتى مش عايشة ف الصعيد .. وحياتك تختلف تماما عنهم "
مريم " لا مش مختلفة .. وبعدين الشقة موجودة وكل حاجة تكمل بسرعة .. "
نغم " انتى فاكرة انك هتروحى الصعيد تتفسحى وتخرجى وتعملى اللي انتى عايزاه ؟؟..لا يا حبيبتى .. هناك هتصحى من النجمة تخدمى ف بيتك وبيت حماتك .. وغير بقي انك هتفضلي ف البيت ومش هتروحى اي حتة .. "
مريم " عادى .. يعنى هوا انا هنا بخرج كل يوم .. "
نغم " طيب يا حبيبتى .. اصبري شوية وشوفى ايه اللي هيتم .. "
مريم " ماشى بس انا بردو هتجوز .. حتى لو محدش موافق .. "
نغم " ربنا يهديكى .. ويريحلك بالك "
**************************
البنات الاربعة يخرجوا سوا ..
اروى تقابل خالد .. ...
خالد " ازيك يا اروى ؟؟.. "
اروى " الحمدلله .. انتا عامل ايه ؟؟ "
خالد " الحمدلله .. "
اروى " اعرفك .. فريدة بنت عمتى .. مريم اختى .. نغم بنت عمتى التانية .. "
خالد " ااه اهلا .. تشرفنا .. "
*********************
اروى وخالد بيتكلموا ..
مريم عايزة تمشى ومش عاجبها الوضع ...
تلتفت فريدة ف لحظة .. تشوف احمد ...
نتقابل الحلقة الجاية
يا رب تعجبكوا ..
ليست هناك تعليقات:
إرسال تعليق