الحلقة الثامنة
يوسف مع مريم
مريم " ايه الهبل ده ؟؟ ... ازاي يعني يا يوسف "
" هو ده اللي قاله .. مش عارف بقي هعمل ايه ؟؟ "
" يا سلام ... اوعي تكون هتوافق يا يوسف ؟؟ "
" ااه هوافق .. بس انا عندي حل كويس "
" حل ايه ؟؟ .... "
" هطلب ااننا نكتب الكتاب قبل ما تسافر "
" يعني انتا موافق انها تسافر لوحدها بس تبقي علي ذمتك ؟؟ "
" هعمل ايه طيب ؟؟ "
" سافر معاها "
" اولا انا مش فاضي انتي عارفة المشروع الجديد ماينفعش اغيب يوم واحد ... وبعدين هيا اصلا قالت انها عايزة تسافر لوحدها.. هتجنن مش عارف اعمل ايه ؟؟ "
" معلش يا حبيبي .. ان شاء الله الامور تتعدل بينكوا .. ربنا يهديها "
" يا رب .. انا هكلم هشام بيه واقوله اني موافق انها تسافر بس لازم نكتب الكتاب الاول ... عايز اضمن انها ليا "
" ان شاء االله يا حبيبي تبقي نصيبك "
" طيب انا همشي عشان عندي شغل "
" لا مش هيحصل .. انتا هتفضل معانا النهاردة ... مدحت زمانه جاي ونتعشا سوا "
" مش هينفع يا حبيبتي معلش لازم اسافر الصبح بدري عشان الشغل "
" ربنا يقويك يا حبيبي "
-----------------------------
تاني يوم ف الشركة
يوسف " انا مش عايز حضرتك تتضايق من كلامي ... بس انا محتاج اضمن انها تبقي ليا "
هشام " بس يا بني يعني انتوا هتتجوزوا من غير ماتشوفوا بعض ؟ "
" لو عند حضرتك حل تاني وتقدر تقنعها اننا نتقابل ولو مرة واحدة يبقي احسن طبعا "
"مش هترضي .. دي بنتي وانا عارفها كويس جدا "
" بس هيا وافقت عالجواز .. يعني مش هتعترض علي الشرط ده "
" مش عارف .. انا هكلمها و أرد عليك "
" خلاص تمام .. هستني الرد من حضرتك .. انا لازم امشي دلوقتي واول ما ارجع من السفر نخلص اجراءات الجواز وتسافر هيا "
" ماشي يا بني .. ربنا معاك "
---------------------------
هشام وسيلا بيتكلموا
هشام " انا قلتلك شرطه .. وانتي حرة توافقي ولا لأ ؟؟ "
سيلا " انا موافقة يا بابا .. بس بردو شروطي زي ما هيا .. مش هشوفه وهسافر براحتي "
" ماشي يا بنتي هوا موافق علي كدة .. بس عايز يضمن حقه .."
" ماشي يا بابا خلاص نكتب الكتاب وبعدها هسافر علي طول "
" ربنا يسعدك يا حبيبتي "
----------------------------------
طارق وسيلا بيتكلموا
سيلا " الو طارق ."
"الو .. عاملة ايه يا سو ؟؟ "
" الحمدلله .... هتيجي النهاردة ؟؟ "
" اكيد .. بنت خالي هتتجوز .. لازم ابقي اول واحد معاها "
" اااه .. طيب انا عايزاك تبقي معايا .. انتا هتيجي وتفضل معايا ف الاوضة .."
" ليه .. انتي هتفضلي ف الاوضة ؟؟ "
" اه .. انا اتفقت معاهم اني مش هشوفه .. هيبعتولي الدفتر امضي ف الاوضة .. وبابا هيبقي وكيلي "
" سيلا .. لا بقي بجد كدة كتير "
" طارق ده كان اتفاقي من الاول .. بس عايزاك جمبي النهاردة "
" حاضر يا حبيبتي ... انا ساعة كدة وهجيلك نقعد مع بعض "
" طيب ماشي هستناك "
--------------------------
كتب الكتاب .. الكل موجود ف الفيلا
هشام و يوسف ومريم ومدحت (جوزها) .. هدي ( اخت هشام ) .. وبنتها ( رشا )
ورانيا (خطيبة طارق ) ... روؤف ( صاحب هشام ).. المأذون
طارق وسيلا وداده فاطمة مع بعض ف الاوضة
طارق " يا سو انزلي بس اقعدي مع الناس اللي تحت "
سيلا " طارق !!!! .. مش هنتكلم ف الموضوع ده تاني "
فاطمة " طيب يا بنتي دلوقتي اكيد اخته هتطلع تشوفك "
سيلا " ماشي يا داده عادي .. انا قلت مش هشوفه هوا مش اخته "
طارق " تصدقي انتوا لايقين لبعض اووي .. انتي مجنونة وحطيتي شروط للجواز وهوا رد عليكي بشروط "
سيلا " عادي يعني .. "
" ههههههههههههه لا مش عادي .. انتي تعرفي انه اكيد قال كدة عشان خايف تروحي تحبي واحد وانتي مسافرة "
" ههههههههههههه تصدق صح .. عندك حق .. بس هوا ما يعرفنيش خالص ... انا مش سهلة اووي للدرجادي "
" اااه .. بس هتوحشيني الشهرين دول "
" انتا اكتر .. هروح لماما الاول وهقولها علي موضوع الجواز ده "
" انتي لسة ماقلتيش لمامتك ؟؟ "
" لا .. عارفة انها هتعترض وتفتكر ان بابا هوا اللي غصب عليا.. بس وا هيروح ويشرحلها كل حاجة "
" بس هتزعل منك اووي "
" عارفة .. بس انا هعرف اصالحها "
---------------------------
بعد كتب الكتاب
طلع هشام لسيلا وخلاها تمضي علي عقد الجواز
مريم طلعت لها
مريم " ممكن ادخل ؟؟ "
سيلا بتبص لفاطمة لانها مش عارفة مين اللي واقفة علي بابا الاوضة
فاطمة " اتفضلي يا بنتي ... دي مريم اخت الاستاذ يوسف "
سيلا " ااه .. اتفضلي طبعا "
" ايه ده يوسف ما قاليش انه هيتجوز القمر ده ... الف مبروك يا مرات اخويا "
" الله يبارك فيكي .. انتي متجوزة صح ؟؟ "
" اه متجوزة .. انا عارفة ان شكلي صغير .. بس انا اتجوزت وانا لسة ف الجامعة "
" ااه .. انتي الصغيرة صح ؟؟ "
" ااه .. يوسف اكبر مني ب4 سنين .. يعني هوا عنده 25 سنة "
" مممم .. انا اكبر منك علي كدة ؟ "
" ااه ..مبسوطة اووي انك بقيتي مرات اخويا .. يوسف ده كل اللي ليا ف الدنيا .. من بعد ما اهلي توفوا وهوا بقي كل اللي ليا "
" الله يرحمهم .. ويخليهولك"
---------------------------------
سيلا ف المطار
هشام بيتصل بيها
هشام " الو .. ايه يا حبيبتي وصلتي ؟؟ "
" ااه يا بابا لسة واصلة حالا .. وماما كلمتني وهتوصل دلوقتي "
" طيب ..كان في حد عايز يكلمك "
" حد مين ؟؟ "
يوسف " الو .. "
" الو .. مين ؟؟؟ "
" انا يوسف .. عاملة ايه ؟؟"
" الحمدلله .. انتا ايه اخبارك ؟؟ "
" الحمدلله ... متضايقة اني بكلمك دلوقتي ؟؟ "
" لأ .. لاني عارفة انها مرة ومش هتكرر الا لما ارجع مصر "
" مممم ..ياه عالاحراج "
" ولا احراج ولا حاجة .. دي شروط وانتا وافققت عليها "
" انا بس كنت عايز اطمن عليكي انك وصلتي بالسلامة .. انتي مهما كان مراتي "
" ااه "
" انا هحاول اخلص كل الشغل الشهرين دول .. واول ما ترجعي مصر نسافر ونقضي شهر العسل ... بس المرة دي سوا "
" ان شاء الله .. عن اذنك لازم اقفل "
" طيب ماشي ... لا اله الا الله "
" محمد رسول الله ... مع السلامة "
----------------------------------------
سيلا وسوزان مع بعض ف العربية
سوزان " شكلك متغير المرة دي .. ايه اللي حصل ؟؟ "
سيلا " لما نوصل البيت هحكيلك كل حاجة ..."
" طيب .. بابا عامل ايه ؟؟ "
" الحمدلله كويس .. بيسلم عليكي كتير .. وممكن يجيلك بكرة يشوفك .. عايز يقولك علي حاجة "
" بجد كويس ..حاجة ايه بقي ؟؟ "
" لما يوصل هيبقي يقولك "
"هتسافري معاه ؟؟ ... لا هسافر قبل ما يوصل .. انا هسافر بكرة الصبح "
" ايه ؟؟ انتي لحقتي ؟؟ "
" ااه معلش .. هسافر بكرة علي برلين .... "
نتقابل الحلقة الجاية
ماتنسوش ارائكوا تهمني
ليست هناك تعليقات:
إرسال تعليق