الحلقة العاشرة
~~~~~~~~
توصل البنات ومعاهم خالد لـ ميامى ..يشوفوا ياسين ..
نغم تروح تسلم عليه ..
فريدة تتضايق وتبعد عنهم ..
خالد يستغرب .. ويلاحظ تغير فريدة ..
يتجه لفريدة و يسالها ..
خالد " فريدة انتى اتضايقتى ليه ؟؟.. ومين ده ؟؟ "
فريدة " مفيش حاجة .. عادى .. "
خالد " ازاى وانتى وشك قلب 180 درجة لما شفتيه ؟؟ .. "
تتجه اروى ناحية خالد وفريدة ..
مريم واقفة مع نغم وياسين ..
اروى " فى ايه ؟؟.. "
خالد " هيا له فريدة اتضايقت لما شافت الواد ده ؟؟.. "
فريدة " مفيش حاجة صدقنى .... "
خالد " كدة مفيش حاجة ؟... شكلك متضايقة اووى منه .."
اروى " صحيح يا فريدة .. انتى لسة متضايقة من الموضوع ده ؟؟.. "
فريدة " طيب اعملها ايه يعنى ؟؟.. انا حذرتها كتير بس هيا مش بتسمع الكلام .. "
خالد " لا انا لازم افهم الحوار ده ... احكى من الاول كدة .. "
*****************
مريم ونغم وياسين واقفين مع بعض ..
ياسين " ليه حاسس انى ممكن اسببلك مشاكل ؟؟.. "
نغم " لا .. ليه بتقول كدة .؟؟؟.. "
ياسين " يعنى اول ما انا وصلت فريدة واروى يعنى .. سابونا ومشوا ليه ؟؟ "
نغم " لا ولا مشاكل ولا حاجة .. بس هما يعنى عشان خالد معاهم وكدة .. "
ياسين " ممممم ومين خالد ده ؟؟.. "
نغم " ده صاحب اروى ... "
ياسين " صاحبها .. ولا حبيبها ؟؟.. "
نغم " يعنى .. من دا على ده ... "
ياسين .. طيب .. المهم انتى عاملة ايه ؟؟ "
نغم " الحمدلله .. وانتا ايه اخبارك .؟.. "
ياسين " تمام .. هوا انا ممكن اطلب منك طلب ؟ "
نغم " ااه طبعا .. اتفضل.."
ياسين " يعنى كان فى رحلة وكدة .. وعايز نطلعها سوا ... "
نغم " رحلة ايه ؟؟.. "
ياسين " يعنى رحلة يوم كدة سفارى .. "
نغم " سفارى ؟؟ .. مممم "
ياسين " لو مش عايزة تروحى معايا بلاش .. براحتك ...انا .. بس .. "
نغم " طيب انا هشوف واقولك .. بس مش عارفة بقي هيوافقوا ولا لا ؟؟ "
ياسين " طيب ممكن تقوليلهم انها رحلة تبع الكلية يعنى ... هما اكيد مش هيعترضوا .. ولا ايه ؟؟.. "
نغم " هحاول .. "
******************
خالد " يعنى هوا بيقول انه مريض يعنى ؟؟.. "
اروى " ايهاب صاحبه قال كدة .. وبعدها هوا اتصل وقال انه مش عايز يظلمها وانه تعبان وهيموت .. "
فريدة " وهيا زى الهبلة صدقته .. "
خالد " انتى قلقانة من حاجة معينه يا فريدة ؟؟... "
فريدة " من حاجات ... الله اعلم ده بيقول الحقيقة ولا بيكدب عليها عشان يستغلها .. احنا ما نعرفش عنه اى حاجة... ده شافها مرة واحدة بس .. ماعرفش اسمها حتى .. وراح قالها انه معجب بيها وانه تعبان عشان بيحبها ..."
خالد " هوا ممكن يعنى الواحد يحب واحد من اول ما يشوفها ... بس حكاية المرض دى صعبه اووى .. يعنى هوا لو فعلا بيحبها زى ما بيقول ماكنش كلمها اصلا .. يعنى هوا اكيد عارف انه هيموت وكدة ... بس انه يخلى صاحبه يكلمها ويقولها تفضل جمبه .. وبعدين هوا يكلمها ويقولها تبعد عنه .. دى مش منطقية ابداا .. "
اروى " بس يعنى ايه اللي هيخليه يكدب عليها ؟؟ "
فريدة " الله اعلم .. احنا ما نعرفش عنه اي حاجة ..."
خالد " طيب سيبيلى انا الموضوع ده .. انا هعرفلك عنه كل حاجة "
فريدة " ربنا يخليك يا خالد ... بس اهم حاجة تعرف الواد ده ارتبط قبل كدة ولا لا .. ومين اللي ارتبط بيهم .. يعنى اكيد هتلاقى صفخته عالفيس بوك .."
خالد " ااه . بس الفيس بوك مش حقيقة دايما .. انا اعرف واحد صاحبى باباه ظابط .. انا هخليه يسال عليه بس اهم حاجة اسمه بالكامل .. "
اروى " طيب دى هنجيبها ازاى .. احنا كل اللي نعرفهان اسممه ياسين وبس .. "
فريدة " احمد.... "
خالد " ايه ؟؟... "
اروى " صح .. احنا ازاى ما فكرناش ف احمد من الاول ؟.. "
خالد " مين احمد ده ؟؟ "
اروى " احمد ده صاحبه اللي اصلا عرفناه عن طريقه .. "
خالد " طيب كويس انكوا تعرفوا حد .."
فريدة " ااه .. احمد ده هيقولنا كل حاجة عنه اصلا.. "
اروى " ايوة .. كلميه طيب دلوقتى واساليه ... "
فريدة " دلوقتى ؟؟... "
خالد " ااه .. يالا خلينا نعرف دلوقتى .. "
تمسك فريدة التليفون وتتصل بـ احمد ..
فريدة " مقفول .. "
خالد " خلاص .. خليكى وراه لحد ما يفتح التليفون وبلغينى علي طول باى حاجة وانا هتصرف .. "
اروى " انتا شغلت نفسك كدة ليه يا خالد ؟؟.. "
خالد " عشان انا كمان ما ارتاحتش ابداا لما شفته .. انا ولد زيه وحسيت انه مخبى حاجة .. "
اروى " ربنا يستر .. "
****************
البنات مع بعض ..
نغم " بس .. قالى ان الرحلة دى يوم واحد .. "
فريدة " ااه .. وبعدين ؟؟؟؟؟... "
نغم " مش عارفة .. "
اروى " اوعى تطلعيها طبعا .. "
مريم " ليه يعنى ؟؟.. عادى لما تطلعها .."
فريدة " لا طبعا مش عادى .. مش عادى انها تقابله اصلا .. "
مريم " يا سلام ؟؟.. طيب ما اروى اهى بتقابل خالد .. حدى بيقولها حاجة ؟؟ "
اروى " نعم نعم ؟؟؟!!!! .... "
فريدة " لا .. اروى مش بتقابل خالد لوحدها ابدا .. وبعدين خالد عارفينه كلنا وبنى ادم كويس محترم .. "
نغم " يعنى هوا ياسين اللي مش محترم ؟؟.. "
فريدة تقوم تمشي وتسيبهم ...
فريدة " انتى حرة بقي .. اعملى اللي انتى عايزاه .."
تروح اروى وراها ..
*************
اروى " ليه اتعصبتى عليها كدة ؟؟.. "
فريدة " انتى مش سامعة كلامها يعنى ؟؟؟.. "
اروى " معلش .. بس بردو براحة .. .. خدى كلمى احمد تانى ..."
تاخد فريدة التليفون وتتصل بـ احمد ..
فريدة " الو ... "
احمد " الو .. ازيك يا فريدة ..؟؟.. "
******************
نغم متعصبة ومريم بتحاول تهديها ..
مريم " خلاص بقي يا نغم .. سيبك منهم .. "
نغم " انا مش عارفة مالها مش طايقاه كدة ليه ؟؟.. حتى هوا اتضايق النهاردة من تصرفاتهم .. "
مريم " معلش هدى نفسك .. سيبك منهم .. انتى حرة ف تصرفاتك .. اعملى اللي انتى عايزاه زى ما هما بيعملوا اللي عايزينه .. "
نغم " طيب .. "
يرن تليفون مريم ..
مريم " الو .. "
عمر " الو .."
مريم " مالك يا عمر ..؟؟... صوتك متغير كدة ليه ؟؟.. "
عمر " مشكلة يا مريم.. مشكلة كبيرة ... "
نتقابل الحلقة الجاية ..
يا رب تعجبكوا ..
ليست هناك تعليقات:
إرسال تعليق