الحلقة ال19
وبعد صمت رهيب ف المكان
يرن التليفون
يرد احمد وهو بيحاول يتمالك اعصابه
احمد " الو .......... "
وليد " هاه .. قررتوا ؟؟ "
اميرة ترد بسرعة ...
" ااه .. بس احمد مش هيجي معايا ....
"
اندهاش من الكل للحظات ....
احمد " ايه اللي انتي بتقوليه ده .....
"
اميرة " هو ده الحل الوحيد .... وليد
انتا عايزني انا ... انا هجيلك لوحدي بس احمد لأ .. "
وليد " احنا ما اتفقناش علي كدة
...."
اميرة " انتا عايزه ف ايه ؟؟؟ ... انتا
عايزني انا وانا بقول هجيلك وهعملك اللي انتاا عايزه ........ "
يقفل احمد السماعة بسرعة
احمد " ايه اللي انتي بتعمليه ده ؟؟؟
"
اميرة " مش هسيبك تروح معايا .. وليد
ممكن يعملك حاجة "
مصطفي " اهدوا يا جماعة مش كدة ....
ماينفعش يا اميرة تروحي لوحدك... عالاقل واحمد معاكي هنبقي مطمنين شوية "
اميرة " بالعكس .. واحمد معايا انا هبقي
قلقانة اووي عليه ... وليد اتجنن وممكن يقتله "
احمد " وانتي مش هتروحي لوحدك يا اميرة
----------------------------
موبايل اميرة بيرن
ترد علي سارة اختها
اميرة " الو .. "
سارة " الو .. ازيك يا اميرة ؟؟ "
" الحمدلله ... "
" مالك يا اميرة .. في ايه .. صوتك ماله ؟؟ "
" شوية مشاكل يا سارة .. "
" مشاكل ايه ؟؟ ... "
" مش وقته يا سارة ....هبقي احكيلك بعدين .... "
" طيب يا اميرة .... "
" معلش يا سارة بس بجد تعبانة دلوقتي ومش هينفع اتكلم خالص
"
سمعت اميرة صوت التليفون بيرن
" سارة معلش انا لازم اقفل دلوقتي .. هبقي اكلمك بعدين .. سلام
"
------------------------------------
احمد يرد بسرعة
احمد " الو .. "
وليد " قبل ما تبدوا تتفقوا علي كلامكوا ف التليفون ... كلامي مش
هغيره ... انتا واميرة تكونوا عندي خلال ساعة ولوا ما وصلتوش انتوا الاتنين البنت
هتموت "
احمد " حاضر .. نتقابل فين ؟؟ "
وليد " هتلاقي عربية عندك كمان 10 دقايق .. تركب العربية من غير
كلام .. وهتيجي ..... "
احمد " وملك ؟؟؟ "
وليد " بعد ما توصل عندي والتاكد انك انتا واميرة معايا ومحدش
مراقبكوا .. البنت هتوصل ف نفس المكان اللي العربية هتيجي تاخدك منه "
احمد " ماشي ... "
وليد " ومها .. تتطلقي خلال يومين .... "
----------------------------------
نزل احمد واميرة قدام البيت
اميرة ماسكة جامد ف ايد احمد
توصل عربية سوداء ويركبوا فيها
تصل العربية لمكان مقطوع و ينزلوا منها
ياخدهم السواق العربية تانية .. ويكملوا الطريق
----------------------------------------
غادة وحسام قلقانين جداا ... مها ومصطفي بيفكروا ف كلام وليد بخصوص
طلاقهم
يرن التليفون
حسام " الو ... "
وليد " بنتك هتوصلك دلوقتي قدام باب العمارة .. ماتفكرش تبلغ ولا
تنطق بكلمة والا قول علي اخوك ( يا رحمن يا رحيم ) .."
يقفل وليد السكة بسرعة
يجري حسام وينزل بسرعة ..
تيجي عربية تقف قدامه وتديله البنت وتجري بسرعة
------------------------------
احمد واميرة يوصلوا عند وليد
وليد يتكلم حسام ف التليفون
وبعدين يكلم واحد يقوله يوصل البنت
----------------------------------
وليد بيقرب من اميرة
اميرة ماسكة ايد احمد بقوة
وليد " حبيبتي .. وحشتيني "
كان لسة هيقرب منها عشان يبوسها .. وقف احمد
قدامه
احمد " ابعد عنها ... واوعي تفتكر انك
ممكن تلمس شعرة منها "
وليد " يا سلام ... وانت ا بقي اللي
هتمنعني ..صح ؟؟ "
اميرة " وليد من فضلك سيبنا ف حالنا ..
والله ما هنبلغ عنك بس ابعد عننا "
وليد " لا يا اميرة ... انا مش هسيبك
....... انا حبيتك من كل قلبي .... ومن هنا ورايح هتبقي معايا "
وليد طلع مسدس من جيبه
وجهه ناحية احمد
اميرة اترعبت و مسكت ف ايد احمد بسرعة
احمد خايف علي اميرة وبيوقف قدامها
وليد " تعالي هنا يا اميرة "
احمد " لا ابعد عنها يا وليد "
اميرة " وليد بطل الجنان ده وسيب المسدس
اللي ف ايدك "
وليد " بقولك تعالي ف حضني دلوقتي والا
هقتله قدام عينك "
اميرة بتتحرك ناحية وليد
احمد ماسك ايدها جامد
بصتله وضغطت علي ايده كأنها بتطمنه
وليد " ايوة كدة جدعة "
اول ما وصلت اميرة لوليد شدها وحضنها
اميرة بتبعد عنه .. واحمد انفعل وكان هيضربه
وليد ضغط الزناد وضرب احمد ف رجله
احمد يوقع عالارض واميرة تصوت
-----------------------------------------
قدام العمارة
حسام ومصطفي واقفين
عربية تسيبلهم البنت وتجري
مصطفي يجري يركب عربيته ويطلع ورا العربية
-----------------------------------
احمد واقع عالارض
اميرة " احمدددد ..."
تشد ايدها وتسيب وليد بسرعة وتجري علي احمد
اميرة " احمد ... احمد انتا كويس "
احمد " انا كويس .. ماتقلقيش .. اهربي
يا اميرة .. اجري من هنا "
يشدها وليد من ايدها ويوجهه المسدس ناحية
احمد
وليد " انتيعايزة منه ايه ... انا عارف
ان حبيبتي ماسلمتلوش نفسها "
اميرة " وليد من فضلك سيبه هو وانا هفضل
معاك وهعملك اللي انتا عايزه "
وليد " اعمل اللي انا عايزه دلوقتي
........."
يقرب وليد من اميرة ويحاول يبوسها
احمد يحاول يقوم ويبعدها عنه
وليد ماسك ايد اميرة يشدها بسرعة
وليد " بتبعدي عني عشانه ... طيب انا
هخلصك منه
ويوجهه وليد المسدس ويضرب احمد تاني
------------------------------------
مصطفي ف العربية بيلحق العربية السوداء اللي
اخدت احمد واميرة واللي وصلت ملك
التليفون يرن ... يشوف رقم حسام
" الو .. حسام انا بحاول الحق العربية
.. كلم البوليس بسرعه وبلغ عن اللي حصل ... ااه مش هعرف اشرح حاجة دلوقتي انا ف
الطريق .. ااه .. طيب بسرعة "
---------------------------------------------------
احمد واقع عالارض مش بيتحرك
اميرة منهارة ف العياط
وليد ماسك ايدها ومش عايز يسيبها
---------------------------------------
يوصل مصطفي المكان ورا العربية
سمع صوت اميرة بتعيط وتصوت
--------------------------------
احمد ف اوضة العمليات .. اميرة واقفة قدام
الباب
مصطفي ف اوضة تانية نايم علي السرير بعد ما
خرجوا الرصاصة من كتفه ... مها قاعدة جمبه
حسام قاعد قدام اوضة العمليات مستني احمد
يخرج
توصل غادة
ومعاها ملك ووراها الاسرتين ( محمود ومحمد وعفاف وساميه وسارة )
---------------------------------------
محمد " ايه اللي حصل ؟؟؟ ... احمد
واميرة فين ؟؟؟ "
حسام " احمد لسة ماخرجش من اوضة
العمليات ... واميرة واقفة عند الاوضة "
محمود " ايه اللي حصل ؟؟؟ "
حسام
" هبقي احكيلك يا بابا بس مش وقته دلوقتي المهم نتطمن علي احمد "
-------------------------------------
حسام يحضن ملك وغادة قاعدة جمبه
مها رايحه ناحيتهم
مها " ايه الاخبار .. لسة مخرجش ؟؟ "
حسام " لسة .. بقالهم كتير اووي جوه ..
"
مها " واميرة فين ؟؟ "
غادة " واقفة عند اوضة العمليات
....مصطفي عامل ايه ؟؟؟ "
مها " الحمدلله .. نايم وانا قلت اجي اطمن
علي احمد "
حسام " الحمد لله ربنا سترها .. لو
ماكنش مصطفي وصل وقتها كان زمان احمد مات "
مها " بعد الشر عليه .. ان شاء الله
هيقوم بالسلامة "
غادة " يا رب ... "
مها " انا هقوم اشوف اميرة ......
"
غادة
" استني انا جاية معاكي ... "
-------------------------------------------
مستنية ارائكوا
يا رب تعجبكوا
نتقابل مع الحلقة الاخيرة
ليست هناك تعليقات:
إرسال تعليق