الحلقة الخامسة
سيلا قدام الشركة متجهه ناحية العربية
يوسف بيركن عربيته .. ويلمح سيلا من بعيد
يوقف ف مكانه .. وبسرعة يقرر انه يروح يكلمها
يحاول يكلمها بس هيا تركب العربية وتمشي بسرعة من غير ماتشوفه حتي
يتجه يوسف للسيكيورتي علي باب الشركة
يوسف " هيا مين الانسة اللي ركبت العربية دلوقتي ؟؟ "
" دي سيلا هانم ... بنت هشام بيه "
ابتسامة رضا علي وجه يوسف .. يطلع بسرعة لهشام
-------------------------------------------
بعد ما سيلا مشيت
طارق " حبيبتي "
رانيا "................. "
" مالك ؟؟ "
" مفيش حاجة "
" ازاي يعني وانتي شكلك زعلانة كدة ... في ايه ؟؟ "
" اسال نفسك في ايه ؟؟ "
" بجد مش فاهم في ايه ؟؟ "
" ايه اللي انتي بتعمله ده ؟؟ ... انتا وسيلا في حاجة بينكوا ؟؟؟ ...... "
" ايه اللي انتي بتقوليه ده ؟؟؟!!! "
" امال تفسرلي اللي حصل ده بايه ؟؟ "
" عادي يعني .. انتي شفتينا بنحب ف بعض قدامك ...احنا كنا بنتكلم عادي "
" عادي ؟؟!!! ... ده بالنسبالك عادي ؟؟ "
" ااه عادي ... انا وسيلا علي طول بنتعامل كدة مع بعض "
" بس ده مش عادي بالنسبالي .. تحب اروح اكلم حمزة واهزر معاه كدة ؟؟ "
" انتي هتستهبلي ؟؟ "
" عن اذنك يا طارق .. انا لازم امشي "
" تمشي فين .. انا بتكلم معاكي "
" وانا معنديش كلام اقوله "
----------------------------------------
يوسف مع هشام ف المكتب
يوسف " هاه حضرتك جاهز ؟؟ "
هشام " ااه .. يالا بينا عشان مش عايزين نتاخر "
" طبعا اتفضل .. "
---------------------------
هشام ويوسف ف العربية
يوسف " بس حضرتك شكلك بتقلق اوي علي بنت حضرتك .. ,,,,, هيا اسمها ايه ؟؟ "
" سيلا ... اسمها سيلا "
" ااه سيلا .. اول مرة اسمع الاسم ده "
" ااه ما هو مش اسم مصري .. اسم تركي معناه ( الوطن ) ... والدتها هيا اللي اختارت الاسم .. كانت بتقول انها ( الوطن ) اللي بيجمعنا .. والمكان اللي سيلا فيه معانا يبقي هوا ده وطنا "
" بس اسم حلو اووي .... ربنا يخليها لحضرتك و تفرح بيها "
" يا رب .. بجد نفسي افرح بيها "
" هيا متجوزة ؟؟ "
" ههههههههههه لا مش متجوزة .. ولا مخطوبة "
" ليه ؟؟ .. يعني فيه سبب معين ؟؟ "
قالها يوسف و هو سعيد جداا لانه حس ان في امل انهم ممكن يجتمعوا مع بعض
هشام " لا من غير سبب .. هيا حاسة ان محدش هيستحملها لانها عفوية جداا "
" هههههههه .. حد يكره البنات العفويين .. بالعكس دي ميزة مش عيب "
" يا ريت كل الناس تفكر زيك ............. "
" لا اكيد كل الناس بتفكر زيي ... مش حضرتك بردو تفكيرك كدة ؟؟ "
" لا للاسف .. انا مش بفكر كدة .. وده اللي خلاني انفصل عن مامتها "
------------------------------------------
طارق " الو .. سيلا انتي فين ؟؟ "
سيلا " ف البيت في ايه ؟؟ "
" طيب انزلي حالا عايزك بسرعة ف الكافيه "
" في ايه طيب ؟؟ "
" لما تيجي هبقي اقولك "
" طيب مااشي "
------------------------------
طارق وسيلا ف الكافيه
سيلا " يعني ايه ؟؟ ... هيا هبلة ولا ايه ؟؟ ... هيا ازاي تفكر كدة اصلا ؟؟ "
" لاعادي يا سيلا ... هيا بنت ومن حقها تغير .. بس مش منك انتي ... انتي اختي "
" وتغيير ليه اصلاااا ... ايه التفاهة دي ؟ "
" مش تفاهه يا سيلا .. لما تحبي هتحسي بالاحساس ده "
" لا مش هحس بكدة .. لاني اصلا مش عايزة احب "
" سيلا ما تعانديش .. انتي اكتر واحدة محتاجة الحب ف حياتك "
" طارق من فضلك احنا هنا نتكلم عنك مش عني ........ المهم انتا هتعمل ايه دلوقتي ؟ "
" مش عارف بقي .. هو انا يعني كلمتك ليه ؟؟ "
" طيب ماشي .. انا ممكن اكلمها ؟ "
" لا اوعي .. كدة هتعاند اكتر انا مش ناقص "
" طيب عايزني اعمل ايه ؟ "
" طيب قوليلي كدة ايه اللي يسعد البنات وانا هصالحها "
" اللي يسعد البنات .. ومفيش غيري تساله السؤال ده ؟ ......... طيب ما علينا .. انا عن نفسي اللي يسعدني اني اسافر واشوف صحابي والناس اللي بحبهم "
" والله ؟؟ .. ودي اعملها ازاي بقي ؟؟ "
" طيب ما تاخدها وتسافروا... يعني يومين كدة ف اي حته "
" والله .. سيلا من فضلك .. مش كل الناس زيك .. يسافروا وقت ما يحبوا ويروحوا هنا وهنا ... شوفيلي حل معقول "
"طيب استعجل الجواز وخدها وسافر برلين .. انا معايا تذاكر و ممكن تاخدها عادي ... رحلة سياحية لمدة 3 اسابيع .. وهدية مني كمان "
" ممممم .. ممكن بس مفيش اي حاجة جاهزة ولا الشقة ولا اي حاجة "
" طيب حاول بقي انتا استعجل كل حاجة .. بس السفر كمان اسبوع يعني تحاول تنجز"
" اسبوع ؟؟ ... واخلص ازاي انا ف اسبوع "
" دي مشكلتك مش مشكلتي "
" طيب هحاول "
" طيب استني هنا هعمل مكالمة واجيلك "
------------------------------------
سيلا تمشي بعيد عن طارق
تكلم باباها وتتطمن عليه وترجع تاني
تلاقي حمزة واقف مع طارق
حمزة يشوفها يسلم علي طارق ويستأذن
سيلا تمسك ايده بسرعة وتشده
------------------------------------
سيلا تدخل الفيلا بتجري
تروح علي اوضتها بسرعة ودادة فاطمة وراها
فاطمة " مالك يا بنتي بتعيطي كدة ليه ؟؟
سيلا " تعبانة اووي يا داده .. تعبانة "
ترمي سيلا نفسها ف حضن فاطمة وتعيط
----------------------------------------
يوسف وهشام بيتعشوا مع بعض
يوسف " انا بعد الكلام اللي سمعته من حضرتك ده ... مش عارف اقول ايه بجد ؟؟ "
هشام " هتعملايه يعني يا بني .. انا حكيتلك كل حاجة .. كان لازم اقول الكلام ده لحد .. حاسس انه حمل تقيل عليا اووي "
" طبعا .. اللي حضرتك بتقوله ده صعب جدااا .. بس مش عارف حضرتك هتتصرف ازاي "
" ولا انا .. بس الاهم سيلا دلوقتي هيا اللي بفكر فيها "
" انا عارف ان الوقت مش مناسب خالص .. بس انا شفت سيلا واعجبت بيها .. وبطلب ايدها من حضرتك ؟؟؟؟ "
يا رب تعجبكوا
مستنية ارائكوا
ليست هناك تعليقات:
إرسال تعليق