الحلقة الحادية عشر
سوزان تتصل بسيلا
سوزان " الو سيلا "
سيلا " الو مامي عاملة ايه ؟؟ "
" الحمدلله ... انتي عاملة ايه ؟؟ "
" الحمدلله .. انا هجيلك بكرة اوك "
" لاا يا حبيبتي انا مش ف ايطاليا "
" امال انتي فين ؟؟؟ "
سوزان تتصل بسيلا
سوزان " الو سيلا "
سيلا " الو مامي عاملة ايه ؟؟ "
" الحمدلله ... انتي عاملة ايه ؟؟ "
" الحمدلله .. انا هجيلك بكرة اوك "
" لاا يا حبيبتي انا مش ف ايطاليا "
" امال انتي فين ؟؟؟ "
" انا في مصر عند بابا "
" ايه ؟؟ .. بجد يا مامي ... هوا انتي سافرتي عادي ولا بابي تعبان ؟؟ "
" لا يا حبيبتي بابا الحمدلله كويس .. انا بس وحشتني مصر بقالي كتير ماسافرتش مصر قلت اعمل سياحة مع بابا زيك "
" بجد يا مامي ؟؟ .. انا مبسوطة اووي .. يا ريتني كنت معاكوا "
" خلاص تعالي ونقضي يومين سوا هنا "
" مش هينفع .. انا رايحة بكرة ( اغرا ) "
" ممم .. طيب يا حبيبتي .. Enjoy .. انا هقابلك كمان اسبوع ماشي "
" اوك MOM ...المهم استمتعي بوقتك ف مصر "
" اوك يا حبيبتي سلام "
-----------------------------
طارق يتصل بسيلا
طارق " سو .. حبيبتي "
" طارق عامل ايه ؟؟ "
" الحمدلله ... وحشتيني اووي "
" انتا اكتر والله "
" هااه مستمتعة بوقتك؟؟ "
" جداااااااا ...المهم انتا ايه اخبارك ..؟؟؟ .. هتتجوز امتي ؟؟ .... اوعي تتجوز من غيري ؟"
" وانا اقدر بردو .. لما ترجعي انتي بس نقعد مع بعض ونقول كل اللي احنا عايزينه ... المهم .. جوزك بيقول انه خلص الشقة كلها وجدد كل الالوان .. وانا هنزل اختار العفش .. عايزة حاجة معينة اجيبها ولا ايه ؟؟ "
" لا عادي انتا عارف ذوقي .. انا عارفة اني هتعبك معايا "
" ولا تعب ولا حاجة .. لو مش هتعب عشان اختي هتعب عشان مين ؟؟ "
" ربنا يخليك ليا يا حبيبي ."
" ويخليكي ليا .. بس مش اووي يعني عايزينك تروحي بيت جوزك ونخلص منك .. ههههههههههه "
" ماشي يا طارق مااشي "
" بهزر معاكي يا بت .. المهم انا هبقي ابعتلك صور الاوض اللي هختارها ماشي ولو عايزة تغيري اي حاجة قوليلي "
" ماشي .. خلاص بس بلاش الوان فاتحة "
" ازاي يعني ؟؟ "
" يعني خليها غوامق "
" حاضر يا عاشقة اللون الاسود "
" ههههههههههه .. ما انتا عارف اهو "
" طيب تحبي اخلي رشا تجيبلك الفرش وكدة ؟؟ "
" لا خليي داده فاطمة تختار الحالجات دي "
" طيب ماشي "
------------------------------
سيلا توصل اغرا بالهند .. وتتصور كتير عند تاج محل
كل يوم كانت بتقرب اكتر لجاسر وتحس انها بترتاح ف الكلام معاه
ترجع تفتكر انها متجوزة ومش هتقدر تخون ثقة باباها ولا يوسف
من ( اغرا) تنتقل علي (غوا ) .. وتقضي يومين وتسافر تاني علي ايطاليا عشان تشوف مامتها
-----------------------------
توصل عند مامتها وجاسر يقولها انه هيروح لاصحابه واهله ف اليومين اللي هتقضيهم ف ايطاليا مع والدتها لانه عايش ف ايطاليا اصلا ومش عايز يتفسح فيها .. واتفقوا انها تكلمه قبل ما تسافر من ايطاليا ويسافروا سوا
-----------------------------
سيلا قاعدة مع سوزان
سوزان " قوليلي بقي عملتي ايه ؟؟ "
" روحت اماكن كتير اووي يا ماما .. استمتعت جداا .. "
" شكلك كدة بيقول انك قابلتي حد ؟؟ "
" اه .. لا "
" اه ولا لأ ؟؟ "
" ااه .. بس احنا صحاب وبس.. يعني عادي "
".......... "
" Mom .. بليز بلاش النظرة دي .. مفيش حاجة بينا صدقيني "
" ........."
" MOM "
"..........."
" اوكي اوكي ..اسمه جاسر ... مش عارفة بس حاسة اني معجبة بيه "
" سيلا .. انتي شايفة ان ده صح يعني ؟؟ "
" عارفة اني غلطانة واني متجوزة وماينفعش احب اي حد .. بس انا مش هسيب نفسي احبه .. ماتقلقيش عليا يا ماما .. انتي عارفة اني بقدر اتحكم ف مشاعري "
" انتي مصدقة اللي انتي بتقوليه ده ؟؟ "
" مش عارفة يا ماما كل حاجة فيا متلغبطة .. تعرفي ان مرة جاله تليفون من خطيبته .. وحسيت بغيرة فظيعة مش عارفة ليه ؟؟ .. انا هحاول ما اقابلهوش تاني "
" و ده حل يعني .. ممكن اطلب منك طلب ؟ "
" طبعا يا ماما "
" ممكن تقومي تكلمي يوسف وتقوليله علي كل اللي حصل "
" ماما .... انتي بتصعبي عليا الامر .."
" لا بالعكس انا عايزاكي تحلي كل حاجة ... كلميه وقربي منه عشان تفتكري انك متجوزة وماتخليش مشاعرك تخدعك ف اي حد "
" حاضر يا ماما بس مش دلوقتي ... بكرة اول ما هصحي هبقي اكلمه ماشي "
" ماشي يا حبيبتي "
-----------------------------
طارق ويوسف مع بعض ف الشقة
طارق " هاه انتا ايه رايك ف الشقة كدة ؟ "
" جميلة جداا بس يا رب تعجب سيلا "
" ماتقلقش انا اعرف سيلا كويس وهوا ده ذوقها .. وانا بعتلها الصور كلها وقالت انه عاجبها "
" طيب الحمدلله .. انا عارف ان بتعبك معايا .. بس مشغول جداا وكل يوم بسافر عشان الشغل "
" ولا يهمك انا بعمل كل ده عشان سيلا ... واوعي تقلق مني .. سيلا دي اختي ماشي "
" ايه اللي يخليك تقول كدة ؟؟ "
" يعني اصل الناس اوقات بتفتكر ان في حاجة بيني وبين سيلا "
" ناس مين بقي ... خطيبتك ؟؟ "
" ااه .. بس خلاص هيا مابقتش خطيبتي "
" ليه كدة ؟؟ "
" مش بحب حد يخيرني بين الناس .. وخصوصا الناس اللي بحبهم ... سيلا بالذات ما اقدرش ابعد عنها "
" هيا خطيبتك خيرتك بينها وبين سيلا "
" ااه "
" اانتا بتحبها اووي للدرجادي ؟ "
" ااه جداا ... سيلا عاشت حياتها محرومة من اهلها تقريبا .. يعني مامتها بعيد عنها .. وحتي خالي بيسافر علي طول ومشغول بالبيزنس .. انا وسيلا قربنا من بعض من واحنا صغيرين .. اوقات بحس انها مسئولة مني انا .. نفسي اطمن عليها واشوفها مبسوطة جداا ف حياتها ...بحاول ابقي جمبها ومش عايز اخيب ظنها بيا زي باباها ومامتها .... مش عايز اخسرها ابداا .. لاني ف يوم وعدتها اني هفضل جمبها حتي لو كل الدنيا ضدها "
" دي حاجة كويسة وتخليني اطمن جدااا طول ما انتا معاها وواقف جمبها .. يعني حلو انك تبقي انتا اخوها "
" ااه .. والاحلي انها اتجوزت واحد متفهم زيك "
" انا بس مش عايز ابقي زي استاذ هشام .. مش عايز احرمها من كل حاجة مرة واحدة .. يعني لو اتحكمت ف كل حريتها من دلوقتي هتسيبني زي ما مامتها وباها سابوا بعض .. عشان كدة هسيبها دلوقتي ...مش عايزك تزعل مني ف يوم يا طارق "
" ازعل منك ليه ؟؟ "
" يعني اي حاجة عملتها او ضايقت سيلا ف يوم .. سامحني مقدما "
" طيب يا سيدي بس انا مش هسمحلك انك تجرحها ولا تزعلها ف يوم ... وعايزك دايما تفتكر ان ليها اخ هياخدلها حقها من مين ما كان "
-----------------------------------
سيلا بتتصل بيوسف بعد ما اخدت الرقم من هشام
سيلا " الو ... "
" الو .. سيلا ؟؟ "
" ااه "
" بجد .. مش مصدق نفسي انك بتكلميني "
" ليه يعني عادي ... كنت عايزة اخد من وقتك 5 دقايق "
" طبعا وقتي كله ليكي .. انا مع طارق دلوقتي ف الشقة "
" ااه .. سلملي عليه ... المهم .. كان في حاجة كدة عايزة اقولك عليها "
" طبعا قولي "
" انا قابلت واحد اسمه جاسر وبنسافر مع بعض وكدة ... بس عايزاك تعرف اني مش هنسي انك جوزي وهحافظ علي العلاقة دي مهما كان .. ومش هخون ثقتك فيا "
"........... "
" يوسف انا عارفة ان كلامي يضايق .. بس صدقني مفيش اي حاجة حصلت ...انا بس حبيت اقولك عشان مش عايزة اخدعك .. انا وجاسر صحاب "
" يعني انتي بتقوليلي انك رفضتي اني اروح معاكي و ف نفس الوقت بتتفسحي مع واحد تاني ؟؟ "
" يوسف انا اسفة ..... لو مش عايزني اقابله تاني انا موافقة "
" ..............
نتقابل الحلقة الجاية
هستني ارائكوا
ليست هناك تعليقات:
إرسال تعليق