الحلقة
التاسعة
احمد " لقينا ناس بتقول مطلوب القبض عليا .. انا كنت هنزل معاهم .. واميرة
فضلت تزعق وتقول لا .. اميرة اول ما طلبت منهم المحضر اللي علي اساسه بيقبضوا
علياا ...ومحستش بحاجة غير اني لقيتم نازلين فيا ضرب "
اميرة " طلعوا ناس وليد مأجرهم ..الله اعلم كانوا ناووين علي ايه ؟؟
"
حسام " يعني ايه هيا البلد
سايبة ....انتوا لازم تعملوا محضر !! "
احمد " ما احنا عملناا محضر بس مفيش اثبات ولا شهود "
محمود " كمل يا ابني ... عرفتوا ازاي ان وليد مامتش زي ما قالوا
"
اميرة " بعد ما بدأوا يضربوا ف احمد ..لقيت وليد جاي وراهم "
احمد " الكلب الواطي ..كان ناوي يخطف اميرة ... ..
----------------------------------
وليد " اميرة روحي هاتي هدومك وتعالي "
اميرة " ايه ..انتا اتجننت ..انتا اكيد مش طبيعي "
" مش طبيعي عشان بحبك ... اميرة انتي هتيجي معايا ..... بالذوق
بالعافية هتيجي معايا ... وانا قلتلك مش هتكوني لغيري "
" وليد بس كفاية بقي .. قولهم يبعدوا عنه "
شدت اميرة ايدها اللي كان وليد ماسكها جامد وجرت علي احمد والناس بتضرب فيه
وهو مرمي عالارض
اميرة " احمد ...احمد ...قوم يا احمد ..... احمد رد عليا "
---------------------------------
اميرة " احمد وقتها فقد الوعي ..انا مكنتش عارفة اعمل ايه .. لقيت
وليد بيهددني اني لو ما مش همشي معاه
هيقتل احمد "
احمد " انا ما اعرفش ايه اللي حصل بعد كدة.. كنت حاسس ان جسمي كله
مشلول بس حاسس بوجعه ... وكل اللي كنت بفكر فيه اميرة والحيوان ده بيحاول يشدها
معاه بالعافية "
اميرة قربت من احمد اللي عينه كان باين فيها الدموع
مسكت ايده كأنها بطمنه وتقوله بعنيها .( انا هنا ..مش هبعد عنك )
كملت اميرة " الحمدلله انه سمع صوت عالسلم ونزل لاني كنت بصوت
وسمعني دكتور مصطفي وهو اللي نقل احمد المستشفي
حسام " طيب وبعدين انتوا هتعملوا ايه دلوقتي ..ده بقي خطر عليكوا اكتر
من الاول "
احمد " الله اعلم ممكن يفكر ف ايه تاني "
محمود " خلاص انتوا ما تفضلوش لوحدكوا اليومين دول ... انتوا تيجيوا
تقعدوا عندنا "
احمد " يا بابا مفيش داعي ... احنا هقول البواب انه مايطلعش اي حد
"
محمد " ماهو ممكن يضرب البواب ويطلع ..لا انتوا الاحسن تمشوا من البيت
يومين ..... احنا بيتنا مفتوح ليكوا "
احمد " اميرة انتي ايه رايك ؟ "
اميرة " عادي براحتك ... شوف انتا اللي يريحك "
-------------------------------------
احمد واميرة ف بيت ف بيت احمد
تليفونه بيرن
احمد " الو ... الحمدلله ,,ازي حضرتك ... لا الحمدلله مفيش حاجة حصلت
... لا سيبنا البيت شوية .... تاعبين حضرتك معانا بجد ... خلاص ماشي مستني حضرتك "
-------------------------------------------
مصطفي ومها عند احمد اميرة بيطمنوا عليهم
احمد " تاعبين حضرتك جدا يا دكتور "
مصطفي " ايه دكتور دي ....انا اسمي مصطفي ولا انتا مش عايزنا نبقي
صحاب ؟ "
احمد " لا طبعا ازاي .. بجد انا مش عارف ارد جمايلك دي ازاي ؟ "
مها " والله احنا مبسوطين جدا ان احنا جيران ...احنا مالناش حد هنا
خالص .. واميرة هتبقي صاحبتي ... كفاية ان اسمها علي اسم اختي ...صح يا اميرة ؟
"
اميرة " طبعا .. ومش صحاب اخوات كمان "
اميرة " طبعا .. ومش صحاب اخوات كمان "
مصطفي " اميرة بتاخدي العلاج اللي اديتهولك ؟؟ "
احمد " علاج ايه ؟؟!!! "
مصطفي " ماتقلقش دول شوية فيتامينات و علاج عشان يظبط الضغط بس مش
اكتر "
احمد " اه ... طيب انتي بتاخدي العلاج ده يا اميرة ؟ "
اميرة " ........ صراحة .......لأ "
احمد " ليه يا اميرة كدة ... مش خايفة علي صحتك ؟ "
اميرة " طيب حاضر هبقي اخده "
مصطفي " نستاذن احنا بقي .. ومها ان شاء الله هتعدي عليك بكرة عشان
العلاج الطبيعي "
احمد " انا ممكن انزل المستشفي ... مش عايز اتعبكوا معايا "
مها " خلاص بقي احنا بقينا
اصحاب .... مفيش بينا الكلام ده "
اميرة " شكراا جداا يا مها "
------------------------------
اميرة واحمد قاعدين ف اوضة احمد واميرة بتتفرج علي كل ركن ف الاوضة
احمد " مش حلوة انا عارف "
اميرة " لا هي حلوة .. بس ايه الصور الكتير دي ؟ "
" ايام شباب بقي ..هبقي اشيلهم "
-----------------
لفت نظر اميرة صورة علي المكتب ف برواز صغير
كانت صورة اميرة يوم خطوبتها بس الصورة مقصوصة
اميرة " ايه ده يا احمد ؟؟؟ "
" دي صورتك ... عندي من زمان اوي ... كنت بفضل اتفرج عالصورة دي
السنين الي فاتت كانت بتصبرني مش عارف ازاي "
" للدرجادي ؟!! "
" تعرفي اني كنت بفضل اتخيل ان الصورة دي ليا انا وانتي ..كنت بقول
لنفسي ... ان شاء الله هيجي يوم وهتبقي ليا انا ...انا بس "
" بس انتا جبت الصورة دي منين ؟ "
" سرقتها ..... "
" سرقتها ازاااي يعني "
" كان عمي محمد بيفرجنا عالصور وانا اخدت الصورة دي "
" للدرجادي يا احمد كنت بتتعلق باي امل بيا "
" طبعا يا اميرة انا من اول ماعرت عمي محمد وشفت صورتك معاه وانتي
سيطرتي علي عقلي وتفكيري "
" انتا بتشتغل مع بابا من زمان ؟ "
" اااه جداا .. بابا وعمي محمد شركاء من زمان اووي .. وهما اللي بنوا
الشركة دي سوا ... وانا بالرغم من ان كنت عايز ادرس الحقوق بس دخلت الهندسة عشان
اشتغل ف الشركة مع بابا "
" انتا مهندس ؟؟؟؟؟؟؟!!!!!!! "
" ااااااااااه مهندس .. في ايه ؟؟؟!!!!! "
" اول مرة اعرف انك مهندس .... انا اللي اعرفه انك محاسب "
" ههههههههههههه هو انا عشان ماسك حسابات الشركة ابقي محاسب يعني ....
انا بس بشتغل ف الحسابات عشان محدش هيخاف علي شغلنا زيي .. وبعدين انا بشرف عالمهندسين اللي ف
الشركة "
" اه ... كويس .. وحلو انك تشتغل عشان تسعد باباك "
" ااه وصراحة نفسي تشتغلي معانا .. مش عايزك تبعدي عني ابدا "
" بتحبني اوي كدة يا احمد ؟؟؟؟!!!!!!! "
" يااااه بحبك بس .....................
ونتقابل الحلقة الجاية ان شاء
االله
مستنية رأيك ف الحلقة
ليست هناك تعليقات:
إرسال تعليق