الحلقة العاشرة
هشام مع سوزان
سوزان " ايه ؟؟؟؟؟ .. ايه اللي انتا بتقوله ده ؟؟ .. وماقلتليش ليه من زمان ؟؟ "
هشام " مقدرتش اقولك .. كان لازم سيلا تتجوز .. وانا مش مصدق انها وافقت "
" سوري كنت رخمة شوية .. انا سيلا .."
" هاي ... تشرفنا "
" انا مصرية .. عايشة ف مصر "
" ااه .. اهلا .. انتي هنا ف شغل ولا سياحة ؟؟ "
سوزان " ايه ؟؟؟؟؟ .. ايه اللي انتا بتقوله ده ؟؟ .. وماقلتليش ليه من زمان ؟؟ "
هشام " مقدرتش اقولك .. كان لازم سيلا تتجوز .. وانا مش مصدق انها وافقت "
" بس انتا عايز تتطمن علي سيلا .. ما فكرتش فيا انا ؟؟ "
" فكرت فيكي اكيد وده اللي خلاني اجيلك دلوقتي "
" بس اللي انتا بتقوله دلوقتي صعب اووي عليا .. ومتاكدة انه صعب علي سيلا "
" اوعي تقوليلها يا سوزان .. انا عارف انك زعلانة مني عشان ما قلتلكيش انها هتتجوز .. بس انا ماصدقت انها وافقت "
" انا كمان استغربت انها وافقت كدة علي واحد ما تعرفهوش ... انتا قلتلها ايه عشان توافق ؟ "
" انا ماقلتش حاجة .. بس واحد قالها كلمتين ضايقوها اوي وحست ان محدش هيستحملها ولما طلبت منها الجواز كان ف وقته "
" ان مش قادرة استوعب اللي انتا قلته ده ... انا هنزل معاك مصر "
" بجد يا سوزان ؟؟ .. طيب وشغلك ؟؟ "
" مش مهم شغلي دلوقتي "
" ياااااه جه القرار ده متاخر اوووي "
" عارفة .. انا اسفة يا حبيبي علي كل اللي حصل مني "
" وانا عمري ما زعلت منك ومقدر كل اللي حصل "
----------------------------------
سيلا و جاسر ف القطار
افتكرت سيلا كلام حمزة . بانها شخصية معقدة ومغرورة .. فكرت انها لازم تتعامل مع الناس احسن من كدة " سوري كنت رخمة شوية .. انا سيلا .."
" هاي ... تشرفنا "
" انا مصرية .. عايشة ف مصر "
" ااه .. اهلا .. انتي هنا ف شغل ولا سياحة ؟؟ "
" سياحة "
" اول مرة ليكي ف اوروبا ؟؟ "
" لا بالعكس انا عشت طول عمري ف اوروبا ف ايطاليا بالتحديد "
" ااه بجد ؟؟ .. علي كدة بتعرفي تتكلمي لغات كتير "
" ااه اكيد ... انتا بقي مسافر شغل ؟؟ "
" لا سياحة بردو .. بس انا اصلا عايش ف ايطاليا "
" ممممم ... مسافر برلين سياحة بس ... لوحدك ؟؟ .. غريبة ؟؟ "
" وايه الغريب ف كدة ؟؟ ..ما انتي مسافرة لوحدك ؟ "
" ااه بس انا وضعي مختلف واسبابي مقنعة .. انتا بقي .. اكيد في سبب يخليك تسافر برلين ف الوقت ده ؟؟ "
" ااه هوا في سبب "
" مممم ايه بقي ؟؟ "
" هههههههههههههه ... يااه من شوية ما كنتيش عايزة تردي عليا ؟؟ "
" لو مش عايز تقول براحتك "
" لالا مش قصدي .. بهزر .. بس فضولك عاجبني "
" طيب "
" انا يا ستي بحب اسافر لوحدي كتير .. علي طول بسافر كدة اي مكان انا عايزه "
" مممم .. كويس .. اول مرة اقابل حد كدة .. خصوصا شاب بيحب السفر "
" ليه يعني هو عشان شاب بلاش اسافر ؟؟ "
" لا بس البنات هما اللي معروفين بجنان السفر ده .. يعني علي ما اعتقد "
" لا ملهاش علاقة خالص .. عادي يعني ..المهم. انتي مرتبطة ؟؟ "
" متجوزة "
" متجوزة ؟؟!!!!!!!!!! .... بجد ؟؟؟؟؟؟ "
" ااه .. ايه الغريب ف كدة ؟؟ "
" لا بس يعني واحدة زي القمر زيك .. متجوزة .. وجوزها سايبها تسافر لوحدها ؟ "
" ااه عادي فيها ايه يعني ؟؟؟ "
" مفيهاش خاالص .. انا عن نفسي ما اقبلش ان خطيبتي تسافر لوحدها ابداا "
" انتا خاطب ؟؟ "
"ااه .. وهتجوز قريب كمان "
" ممم مبروك "
" الله يبارك فيكي .. هاه قوليلي بقي انتي وجوزك حبيبتوا بعض ازاي ؟ "
" بلاش نتكلم ف الموضوع ده احسن "
" طيب براحتك... تعرفي اني مسافر المرة دي وانا زعلان جداا اني سايب خطيبتي .. بتوحشني اووي "
" ربنا يخليكوا لبعض "
--------------------------------
توصل سيلا علي الفندق ويكون معاها جاسر
اتفقوا انهم يتفسحوا سوا لان هدفهم واحد
ف يوم وهيا مع جاسر ف مطعم يتصل بيها هشام
ترد سيلا اول ما تشوف الاسم
سيلا " Dad ,missed you "
" وانتي كمان يا حبيبتي .. هاه عاملة ايه ؟؟ "
" الحمدلله كويسة .. انتا عامل ايه ؟؟ "
" الحمدلله . مستمتعة بالاجازة ولا لأ ؟؟ "
" اه مستمتعة جدااا ... انتا رجعت مصر ولا لسة ف ايطاليا ؟؟ "
" لا رجعت مصر .. انا ف الشركة .. خدي يوسف عايز يسلم عليكي "
يوسف " الو .. ازيك يا سيلا عامل ايه ؟؟ "
" الحمدلله .. انتا عامل ايه ؟؟ "
يوسف " الحمدلله .. انا مش عايز اخالف التعليمات بس يكفي اني اسمع صوتك عشان اطمن عليكي .. عمي معاكي اهو "
هشام " الو .. "
" الو .. بابا من فضلك ماتخليهوش يكلمني تاني .. او كلمني وانتا ف البيت او بعيد عنه ... بلاش تخليني ألبخ معاه ف الكلام "
" يا حبيبتي ده جوزك وعايز يطمن عليكي "
" بردو يا بابا معلش "
" طيب يا حبيبتي .. براحتك ... ابقي طمنيني عليكي Enjoy "
---------------------------------------
سيلا وجاسر بيتفسحوا ف برلين
تتصل سيلا بحد من صحابها وتتكلم بالالمانية
سيلا " الو .. جاسمين .. انتي فين "
جاسمين " انا عند ( بوابة براندنبورغ ) .. "
" طيب انا جاية حالا "
------------------------------
تلف سيلا برلين كلها من ( ساحة جندارمنماركت ) ل ( جادة اونتر دين لندن ) ل ( فريدريش شتراسة ) لكل ركن ف برلين ومعاها جاسر وجاسمين
جاسمين " هتيجي تاني يا سو ؟ "
سيلا " مش عارفة يمكن اجي تاني ويمكن لا "
جاسمين " هتوحشيني جدااا .. بس احلي حاجة انك هتحضري معايا المهرجان السنة دي "
جاسر " انتي عايشة هنا طول عمرك يا جاسمين ؟؟ "
جاسمين " ااه .. من اول ما اتولدت "
سيلا " انا عشت هنا سنة كاملة .. كنت مع بابا وماما "
جاسر " سنة واحدة بس ؟؟ .. بس الالماني بتاعك حلو اووي "
--------------------------------
سيلا وجاسر ف محطة القطارات
جاسر يستأذن عشان يتكلم ف التليفون
يبعد خطوتين عن سيلا
جاسر " الو .. عاملة ايه يا حبيبتي .. ااه تمام .. لا انا طالع علي موسكو دلوقتي .. ااه ماتقلقيش عليا .. طيب خدي بالك من نفسك .. هبقي اكلمك بعدين .. مع السلامة يا روحي "
---------------------------
سوزان و هشام بيتعشوا ف مطعم
هشام " تصدقي سيلا وحشتني اووي "
سوزان " ووحشتني انا كمان ."
" مش قادر اصدق انها خلاص هتبعد عني ؟ "
" ما انتا هتبعد عنها "
" ااه .. بس بتوحشني اووي "
" خلاص بقي بنتك كبرت واتجوزت سيبها تعيش حياتها بنفسها "
" ااه .. هحاول "
" انا نسيت خالص اكلمها واقولها اني ف مصر .. هيا قالت انها هتبقي تيجيلي تاني "
" خلاص ابقي كلميها بكرة وقوليلها "
" لا انا هتصل بيها دلوقتي . واسمع صوتها بالمرة "
" طيب براحتك "
-----------------------
سوزان تتصل بسيلا
سوزان " الو سيلا "
سيلا " الو مامي عاملة ايه ؟؟ "
" الحمدلله ... انتي عاملة ايه ؟؟ "
" الحمدلله .. انا هجيلك بكرة اوك "
" لاا يا حبيبتي انا مش ف ايطاليا "
" امال انتي فين ؟؟؟ "
نتقابل الحلقة الجاية
رأيك اكيد يهمني
الصامتين .. شاركونا مرة واحدة عالاقل
ليست هناك تعليقات:
إرسال تعليق