الحلقة الثامنة عشر
يدخل يوسف لسيلا .. وهيا قاعدة عالارض
يروح يقعد جمبها ....
يوسف " سيلا انتي اقوي من كدة .. ده قضاء ربنا "
سيلا تنهار ف العياط ..
يوسف ياخدها ف حضنه ....
يدخل يوسف لسيلا .. وهيا قاعدة عالارض
يروح يقعد جمبها ....
يوسف " سيلا انتي اقوي من كدة .. ده قضاء ربنا "
سيلا تنهار ف العياط ..
يوسف ياخدها ف حضنه ....
سيلا بتعيط وهيا ساند علي كتف يوسف
سيلا " انا السبب ... انا السبب ..."
يوسف " انتي السبب ف ايه بس .. ده عمره يا حبيبتي ........"
سيلا " الدكتور قال انه مات بالجلطة بسبب الازمة القلبية ... انا السبب يا يوسف ... "
يوسف " خلاص يا حبيبتي .. ادعيله ... مفيش ف ايدك حاجة تعمليها .. "
سيلا " ربنا يرحمه "
يوسف " ممكن تبطلي عياط ... العياط مش هيرجع اللي راح ... "
سيلا " ده بابا يا يوسف ... بابا اللي بحبه اووي ... انا عارفة انه كان بعيد عني شوية بس بردو بابا "
يوسف " طيب يا حبيبتي .. عارف ومقدر ... انا بردو حسيت بده لما اهلي توفوا .. ادعيله بالرحمة .."
سيلا " الله يرحمه "
سيلا تقوم تعدل راسها
سيلا " هيا ماما فين ؟؟ "
يوسف " دخلت تريح شوية ...زعلانة جداا عليه "
طارق يدخل ومعاه صينية الاكل
طارق " يالا يا سيلا لازم تاكلي حاجة .... "
سيلا " مش عايزة آكل انا .... "
يوسف " يا حبيبتي لازم تاكلي .... "
سيلا " لا ... سيبوني لوحدي ... عايزة اقعد لوحدي ... "
طارق " ما ينفعش يا سيلا لازم تاكلي ... انتي كدة هتوقعي من طولك ... "
سيلا " مش عايزة آآكل .... "
يوسف " عشان الدوا اللي الدكتور كتبهولك .. كلي علي قد نفسك بس ... "
سيلا " يييييهه ... اطلعوا برة وسيبوني لوحدي ...... "
يوسف يكون لسة هيتكلم
طارق يشاوره عشان يسيبوها لوحدها
--------------------------------
يوسف وطارق واقفين برة الاوضة
طارق " سيبها لوحدها شوية .. هي هتبقي كويسة "
يوسف " مش قادر اشوفها ضعيفة كدة ... "
" هتعمل ايه يعني .؟؟ ... مفيش ف ايدنا اي حاجة نعملها "
" المشكلة انها حاسة انها السبب ... "
" ايه ؟؟ .. هيا عرفت انه مات بسبب الازمة ؟؟ "
" ااه .. بتقول ان الدكتور قال كدة .... "
" ده قضاء ربنا ... "
" قلتلها كدة ... بس هيا هتعاقب نفسها علي اللي حصل ... "
" طيب وبعدين ايه الحل دلوقتي ؟؟ ... "
" مش عارف ... "
" طيب سيبها لوحدها شوية ..."
" بس هيا لازم تاكل ... شكلها تعبان اووي "
" كانت متعلق اووي بخالي .. ربنا يصبرها "
--------------------
سيلا نايمة علي السرير ...بتعيط جامد
ماسكة صورتها هيا وباباها ف برلين
هشام " سيلا .... انتي فين ؟؟ "
سيلا " انا ف المكتب يا بابا ... "
هشام " تعالي بسرعة عايز اقولك حاجة ......... "
سيلا " خير يا بابا ؟؟ "
هشام " جهزي نفسك عشان مسافرين ؟؟ "
سيلا " مسافرين ؟؟ ...بجد ؟؟ ... فين ؟؟ "
هشام " هنطلع انا وانتي جولة سياحية طويلة ..وهنبدأها من برلين .. انا عارف ان ده اكتر مكان بتحبيه "
سيلا " بجد يا بابا؟؟ ... بحبك بحبك بحبك ... هطلع احضر الشنط بسرعة "
تعيط سيلا بعد ما تفتكر باباها
تبص للصورة ...
سيلا " هتوحشني اوووي يا بابا .. مش قادرة اتخيل حياتي من غيرك .. كنت انتا اول واحد بجري ف حضنة لما بتضايق ... مش هقدر اسامح نفسي لاني عارفة اني السبب .. ومش هقدر اسامح يوسف لانه كان السبب بردو "
--------------------------
طارق يدخل لسيلا
سيلا كانت نايمة بتعيط
قامت سيلا اتعدلت ومسحت دموعها
طارق " سيلا عشان خاطري قومي كل اي حاجة .. "
سيلا " مش قادر يا طارق .. مش قادرة .. "
طارق " وهوا اللي انتي بتعمليه ده حل ؟؟ ... "
سيلا " عايزني اعمل ايه يعني ؟؟ "
طارق " لازم تبقي اقوي من كدة ... "
سيلا " اقوي من كدة ؟؟ .. بابا دايما كان معودني ابقي قوي .. كان دايما يقولي اني قوية .. كان بيقولي انه واثق فيا واني لازم ابقي قوية عشانه عشان احنا مالناش غير بعض .. واهو راح .. هبقي قوية لمين ؟؟ "
طارق " تبقي قوي لنفسك ولمامتك وليوسف وليا .. انتي لسة عايشة ف الدنيا يا سيلا .... لازم تبقي قوية عشان خالي يرتاح ف تربته ... "
سيلا وهيا بتعيط " مش قادرة يا طارق .. مش قادرة .. اوعدني انك ماتسيبنيش .. انا ماليش غيرك دلوقتي "
طارق " مش هسيبك ابدا يا حبيبتي .. احنا مالناش غير بعض .. وبعدين انتي عندك سوزان ويوسف بيحبوكي اووي وبيخافوا عليكي "
سيلا " ماتجيبليش سيرته يا طارق .. لما افتكر انه كان سبب ف اللي حصل بكرهه اكتر .... "
طارق " سبب ايه يا سيلا بس .. هوا مالوش ذنب حرام بلاش تظلميه "
سيلا " اظلمه ؟؟ .. انتا هتقف معاه يا طارق بعد اللي عمله ؟؟؟ .."
طارق " هقف معاه لاني عارف هوا بيحبك اد ايه وهيخاف عليكي زيي واكتر .. وانا هبقي مطمن عليكي طول ما انتي معاه "
سيلا " وانا عايزة اطلق منه ... "
طارق " ايه ؟؟ ... ليه يا سيلا ؟؟ "
سيلا " انا كنت ساكته عشان بابا .. وبابا راح خلاص ... "
طارق " طيب ممكن تهدي وبلاش كلام فالموضوع ده اليومين دول عالاقل ... عشان خاطري "
سيلا " ماشي .. بس قراري مش هرجع فيه "
طارق " ماشي يا حبيبتي بس نصبر شوية "
------------------------
بليل ناس كتير جت عشان يعزوا
سيلا قاعدة ف اوضة هشام
فاطمة " قومي يا بنتي انزلي للناس اللي جايين يعزوكي "
سيلا " لا مش هقدر يا داده .. كلهم جايين عشان يفكروني ان بابا مات "
فاطمة " يا بنتي الناس جاية عشانك "
سيلا " طارق وعمتي يبقوا ياخدوا العزا مكاني "
-----------------------------
طارق يطلع لسيلا
فاطمة تقوله انها مش هتزل
يدخلها الاوضة
طارق " سيلا .. مش هتنزلي للناس ليه ؟؟ "
سيلا " مش قادرة يا طارق .. انتا مكاني .. وعمتي تحت صح ؟؟ "
طارق " طيب يا حبيبتي .. انا هقول انك تعبانة ونايمة "
----------------------------
يطلع طارق من الاوضة
يشوف يوسف قدامه وكان داخل لسيلا
طارق " بلاش يا يوسف .. سيبها دلوقتي ... "
يوسف " ليه ؟؟ .. هيا كويسة ؟؟ "
طارق " الحمدلله .. هيا كويسة .. بس بلاش تدخلها دلوقتي .. انا ما صدقت انها هديت شوية .. "
يوسف " وهوا انا يعني هتعبها ولا هعصبها .. انا هدخل اطمن عليها بس .. "
طارق " معلش سيبها تنام دلوقتي وشوية وادخلها ... "
يوسف " انا مش فاهم انتا ليه مش عايزني ادخلها ؟؟ ... ماتنساش انها مراتي !! ."
طارق " ايوة بس انتا ماتعرفش حاجة ... بلاش تدخلها .."
يوسف " في ايه ؟؟؟ "
طارق " هبقي اقولك بعدين .. تعالا بس ننزل للناس اللي تحت ... "
----------------------------
يوسف وطارق بعد العزاء
يوسف " فهمني بقي في ايه ؟؟ ... وليه مش عايزني اطلع لمراتي ؟؟ "
طارق " بلاش تخليها تشوفك دلوقتي "
يوسف " ليه ؟؟ .."
طارق " عشان مش عايزها تقولك اي حاجة دلوقتي وهيا متضايقة ... مش عايزها تاخد قرار ف وقت زعل .. "
يوسف " كلام ايه اللي بتتكلم عنه ؟؟ "
طارق " سيلا عايزة تتطلق منك .. "
يوسف " ايه ؟؟؟؟........."
نتقابل الحلقة الجاية
هستني ارائكوا
يا احلي فانز ف الدنيا
ليست هناك تعليقات:
إرسال تعليق