الحلقة السابعة
~~~~~~~~
وفى الصباح الباكر .. يرن هاتفى احمد : صباح الخير
حنان : صباح النور
احمد : لسة نايمة .. ايه الكسل ده ؟
حنان : كسل ؟... حرام عليك مش لحقت انام
احمد : اصل انا حلمت بيكى .. و قلت لازم اول واحدة اكلمها وابدأ معاها يومى تبقي انتى
حنان : مممم طيب بدأت يومك .. سيبنى بقي اكمل نوم
احمد : الله.. بقولك عايز ابدأ يومى بيكى تقولى هكمل نوم
حنان : ممممم هيا شكلها ما فيهاش نوم النهاردة .. هيا الساعة كام
احمد : 6 ..
حنان :طيب ممكن اقولك على حاجة ؟؟
احمد : ياه ده انا مستنيكى تتكلمى من زمان
حنان : ممممممم انتا رخم اووووى على فكرة
احمد : رخم ؟!! ليه كدة ؟؟
حنان : حرام عليك انا ما كملتش اربع ساعات نوم حتى .. حد يصحى بدرى كدة ؟؟
احمد : هههههههههههههههه معلش يا ستى حقك عليا
حنان : اقفل و روح نام يا احمد
احمد : لا انا عندى شغل .. ولازم اخلص بدرى عشان عندى مشوار مهم اووى بليل
حنان : مشوار ايه ؟
احمد : انتى هتبدأ تغيرى عليا بقي ؟
حنان : انا اغير ليه ان شاء الله ؟؟...و بعدين هغير عليك ليه اصلا
احمد : بقى كدة ؟؟ .. ماشى يا نونا
حنان : روح بقى خلينى انام
احمد : طيب مش هشوفك النهاردة ؟؟
حنان : لا .. مش هتشوفنى .. انا هفضل نايمة طول االيوم بعد القلق ده
احمد : انا عملتلك قلق يعنى ؟؟
حنان : وازعاج كمان .. انتا مزعج كدة على طول ؟.. ولا دى حالة وهتروح لحالها ؟
احمد : لا مزعج على طول .. بس هتتعودى ما تخافيش
حنان : انتا على طول واثق من نفسك كدة ؟
احمد : اه يعنى ...
حنان : واو عالتواضع
احمد : ايو يا بنتى انتى فاكرة ايه ؟ ....
حنان : ممممم مهو واضح مش محتاجة كلام
احمد : بس عارفة وانا معاكى مش ببقى عارف انا ايه بالظبط .. ببقي متلغبط اووى .. مش عارف انا صح ولا غلط .. ببقي خايف اقول كلمة تضايقك .. مش بكون واثق ف اى حاجة خالص .. خايف تكونى مش شايفانى صح .. انتى ليه عملتى فيا كدة ؟؟
حنان : عملت فيك ايه ؟
احمد : خلتينى احبك اووووى .. وبجد بقيت بشوف الدنيا معاكى بشكل تانى
حنان : احمد انتا ليه بتكلمنى كدة ؟؟
احمد : كدة ازاى يعنى ؟؟
حنان: يعنى الكلام الحلو ده .. احنا لسة ما نعرفش بعض اصلا ..
احمد : بس انا اعرفك من زمان .. فاكر اول مرة شفتك .. كان من 3 سنين تقريبا .. كنا ف اول يوم اجازة ... كنت مع بابا مستنين عمى محمد ف العربية وبعدين طلعتى البلكونة وكنتى بتنادى على عمى محمد عشان كان ناسى الموبايل بتاعه .. ونزلتى عشان تديله التليفون .. كنتى امورة اووى .. كنتى لابسة تى شيرت مرسوم عليه كيتى .. كان لونه اسود ف موف .. كنتى رايحة تجرى عالبحر .. لسة فاكر اليوم ده وعمرى ما نسيته
حنان : يااه 3 سنين ؟؟... وكل ده .. انا يمكن اكون مش فاكرة اليوم ده خالص .. بس بكلامك ده حسيت انه كان يوم جميل اووى
احمد : انا ما كنتش بحب اروح مناسبات مع بابا .. بس من ساعة ما شوفتك وانا اى حاجة عند والدك لازم اكون موجود فيها .. لما شفتك يوم الفرح واستغربت شوية .. لانك اتغيرتى اووى يعنى الكلام ده كان من 3 سنين .. لقيت قدامى ملاك .. مكنتش متوقع انى اقابلك واسلم عليكى عشان كدة كنت مستغرب
حنان : بجد مش عارفة اقولك ايه ؟؟
وتدقق الساعة السابعة ..
حنان : ايه ده الساعة بقت 7 .. انتا مش قلت عندك شغل ؟؟
احمد : ااه .. الوقت بيجرى بسرعة اووى معاكى .. انا االمفروض اكون ف المستشفى دلوقتى
حنان : طيب يالا بقي قوم اجهز عشان شغلك
احمد : حاضر .. انتى كلامك اوامر
حنان (بابتسامة ) : ........
احمد : هكلمك تانى ؟؟
حنان : ان شاء الله
احمد : طيب .. يالا كملى نوم بقي .. معلش انى صحيتك بدرى .. بس كنت عايز اتكلم معاكى
حنان : ممم تمام ..
احمد : مع السلامة يا اجمل حاجة حصلتلى ف حياتى
حنان : مع السلامة .....
********************
وننهى المكالمة .. لاجد نفسى احضن الهاتف
قد سرقنى كلامه الى عالم الحلم
ايعقل ان يكون هناك رجل على وجه الارض بهذه الصفات ؟؟
فهو رجل بكل معنى الكلمة ..
من كلماته الرومانسية الى تفكيره العاقل ..
فهو يعرف اهلى حق المعرفة .. كما ان ابى معجب به ودائما يفتخر بصفاته ويضرب به المثل
أ سـ أقع بحبه ؟؟... لا اعلم ..
ولكنى ساترك كل شئ يسير كما قدّر .. وسارى الى اين سنصل بهذه الكلمات ...
**********************
بابا : حنان ....
حنان : ايوة يا بابا .. فى حاجة ؟
بابا : اجهزى عشان تنزلى معايا
حنان : ليه ؟.. هنروح فين ؟؟
بابا : يعنى هنقابل ناس صحابى بعدها هنروح نجيب شوية حاجات للبيت .. امك بتقول عايزة خزين للبيت .. وانتى عارفة انا هاخدك انتى عشان نخلص بسرعة امك يومها بسنة
حنان : حاضر يا بابا ..
واذهب الى غرفتى لاجهز ..
ثم يرن هاتفى ...
احمد : الو ...
حنان : الو ..
احمد : عاملة ايه ؟؟
حنان : الحمدلله ..انتا عامل ايه ؟؟
احمد : تعبان اوووى .. الشغل كان كتير اووووى النهاردة
حنان : مممم .. ربنا يقويك .. طيب نام شوية
احمد : لا مش هينفع خالص... لو نمت مش هعرف انام بليل .. وبعدين نازل بقي عندى معاد
حنان : ممممم .. طيب
احمد : مش هشوفك بقي ؟؟
حنان : لا .. انا اصلا نازلة مع بابا
احمد : ممممم رايحين نجيب حاجات للبيت وهنقابل ناس صحابه كدة .. مش عارفة .. انا اصلا مش بحب اللقاءات دى وكل واحد يقول كلمة من هنا وكلمة من هنا .. بزهق اووى بس هعمل ايه عشان بابا
احمد : مممم .. هيا اللقاءات دى بتبقي مملة ااه .. طيب ما تخلعى منهم واجى اقابلك ؟
حنان :لا ... وبعدين انتا مش عندك معاد ؟؟
احمد : ااه .. بس ممكن الغى اى حاجة عشانك
حنان : لا .. شكرا .. ويالا بقي اقفل عشان بابا مستنينى
احمد : طيب تمام .. هكلمك بليل لما تخلصى ..
حنان : ان شاء الله .. سلام
احمد : سلام
********************
واذهب مع ابى ..
لاجد نفسى ف النادى لمقابلة اصدقاءه ..
ولكن تفاجأت حين علمت ان اصدقاءه كانت تعنى عادل صديقه وابنه احمد ...
وبعد السلام المعروف و السؤال عن الصحة والاحوال ...
احمد : مممممم طيب نسيبكوا احنا تتكلموا ف شغلكوا وهنروح نتمشى شوية ؟
بابا : ماشي .. روحى معاه يا حنان بدل ما تزهقى من كلام الشغل
حنان : ماشى يا بابا .. عن اذنكوا ..
وامشى مع احمد ... وبعد ان نبتعد قليلا
احمد : وحشتينى ...
حنان : ............
احمد : طيب ليه الزعل ده بس ؟؟... زعلانة منى ؟؟
حنان : ااه عشان انتا رخم جداا
احمد : ليه كدة ؟
حنان : كان ممكن تقولى اننا هنتقابل ... انتا اكيد كنت عارف ..
احمد : اااه كنت عارف .. بس كنت عايز اعملهالك مفاجأة ...
حنان : بردو كنت قلتلى ..
احمد : ليه ؟؟.. كنتى هتتوترى وتفضلى واقفة قدام المراية بالساعات .. وانا عايزك كدة .. على طبيعتك
حنان : يا سلام ؟؟.. ايه الغرور ده ؟؟.. هقف قدام المراية ساعات عشان اقابلك ؟؟
احمد : ااه .. ده اكيد طبعا
حنان : لا طبعا
احمد : طيب كنتى عايزة تعرفى ليه ؟.
حنان : لو كنت اعرف انى هقابلك ما كنتش جيت
احمد : بقي كدة ؟؟
حنان : ااه .. مش بقولك رخم
احمد : ااه عارف انى رخم ... تاكلى ايس كريم ؟
حنان : لا ...
احمد : ليه ؟؟
حنان : كدة ..
احمد : طيب غزل البنات ؟؟
حنان : لا ..
احمد : بردو ؟؟.. طيب ارضيكى بايه ؟؟
حنان : ولا حاجة ...
احمد : طيب اصرخ باعلى صوت ليا واقول انى بحبك
حنان : ههههههههههههه .. انتا مجنون بجد
احمد : مجنون بيكى
حنان : انتا على طول حالتك صعبة كدة ؟؟..
احمد : لا مش على طول .. لما بشوفك بس
حنان : طيب يالا بينا نرجع بقي عشان بابا ما يقلقش
احمد : طيب انتى بتحبينى ؟؟
حنان : لا مش بحبك .. مرتاح كدة
احمد : بس انا شايف ف عنيكى غير كدة
حنان : دى مشكلتك مش مشكلتى
احمد : اصل انا بموت فيكى .. وعايز اتجوزك .. تعالى نتجوز حالا
حنان : مش بقولك مجنون ..
احمد :ااه مجنون عشان بحبك
وفجأة انحنى احمد امامى وهو يحمل علبة بها خاتم ....
احمد : تتجوزينى ؟؟
يتبع ...
يا رب تعجبكوا
ليست هناك تعليقات:
إرسال تعليق