ولا فـى الاحـلام #26

الحلقة السادسة والعشرون

--------------------------

وفى اليوم التالى .. كان يوم الاجازة ..
واتى احمد الىّ ..
و عندما سمعت جرس الباب يدق .. ركضت حتى افتح الباب ..
وجدت احمد و قد وقف متسمرا فى مكانه ....

واخذ ينظر الىّ فى دهشة غريبة .. 

وكنت انا اشعر بالاحراج الشديد .. فنظرت الى الارض .. 

احمد : حنان موجودة يا امورة ؟؟

حنان : نعم نعم .. قصدك ايه بقي ؟؟

احمد : ههههههههه طيب طيب خلاص .. بس ايه الجمال ده ؟

حنان : ميرسي .. اتفضل ادخل طيب ..

وبعد ان دخل احمد و جلس .. ظل ينظر الى 

حنان : هتفضل تبصلى كدة كتير؟؟..

احمد : شكلك حلو اووى كدة .. تجننى .. 

حنان : ميرسى ...

احمد : فستانك وانتى صغيرة ده ؟؟

وقد ضربته على كتفه ..

حنان : والله انتا رخم اووى 

احمد : طب خلاص خلاص .....

حنان : رخم .. ما تتكلمش معايا تانى 

احمد : طيب هتفضلى قالبة وشك كدة ؟؟

حنان : اااه .. 

احمد : طيب رايحة فين ؟؟

حنان : هقول لبابا انك هنا ..

احمد : طيب د

وبعد ان اخبرت ابى و امى وخرجوا قليلا لمقابلة احمد ..

وبعد السلام و السؤال عن الاحوال .. استأذن ابى ليتركنا معا قليلا ..

احمد : خلاص بقي هتفضلى زعلانة منى كدة ؟؟

حنان : ...........

احمد : طيب والله شكلك قمر بالفستان ده .. تجننى .. واول مرة اشوفك كدة .. كنت بغلس عليكى بس .. 

حنان : ايوة ما انا عارفة انك غلس جدا اصلا ..

احمد : طيب خلاص بقي .. هتفضلى زعلانة من حبيبك الغلس يعنى ؟

حنان : طيب خلاص ...

احمد : مش زعلانة .. خلاص .. هتكلم براحتى بقي 

حنان : ايه هتتريق تانى ؟

احمد : ايوة طبعا .. لازم اتريق .. شعرك يجنن .. شكله حلو وهوا نازل على كتفك كدة .. والفستان الابيض الجميل ده يجنن عليكى ... حلو اووى هوا والفيونكة الجميلة دى .. شكلك شبه الاطفال ...

حنان : مممم .. طيب 

احمد : طيب زعلانة ليه لوقتى ؟.. والله قمر .. وانا بجد اول ما شوفتك كدة مكنتش عارف اقولك ايه .. شوفت قمر قدامى ومكنتش مصدق ان القمر ده بتاعى انا لوحدى 

حنان : مممم طيب ما انتا بتعرف تتكلم حلو اهو .. ايه لازمة التريقة بقي .. 

احمد : الله .. بغلس على مراتى حبيبتى .. بلاش يعنى ؟؟ 

حنان : طيب ... ماشى ...

احمد : طيب بقولك ايه .. ما تيجى ننزل 
حنان : دلوقتى ؟
احمد : ايوة .. تعالى نتغدا برة .. 
حنان : ايه ده يا استاذ انتا مش عايز تدوق اكلى ولا ايه ؟؟ 
احمد : ايه ده ؟.. هوا انتى اللى عاملة الاكل بايدك ؟
حنان : ايوة طبعا 
احمد : طيب اذا  كان كدة ناكل هنا .. ما تقلقيش انا دكتور عشان حالات التسمم بس .. اااااه طيب خلاص خلاص . بهزر
وكنت بالطبع بدأت اضربه على كتفه ..
حنان : رخم .. والله رخم .. طيب ايه رأيك هتاكل غصب عنك .. وتتعود بقي عالتسمم اللى بعمله 
احمد : طيب حاضر .. هاكل كل اللى انتى عاملاه ..
حنان : طيب خليك هنا لحد ما احضر الاكل بقي .. ما تلعبش ف حاجة 
احمد : هههههههههههه على اساس انى عيل صغير يعنى .. 

وبعد ان حضرت الطعام ووضعته على الطاولة ..
احمد : تسلم ايدك .. يجنن يا روحى ..
حنان : مش لما تدوقه الاول ..
احمد : شكله حلو الله .. وبعدين كل اللى انتى تعمليه حلو كفاية انه من ايدك 
حنان : طيب .. كل بقي .. 
احمد : حاضر .. 

وبعد ذلك تحدثنا انا واحمد كثيرا .. واخبرنى ان مدحت تحدث معه بعد صلاه الجمعة عن اسماء وانه يريد الارتباط بها .. و قد وافق احمد و قال انه سيخبر والده .. وانا اخبرته ان يوسف سيذهب فى اليوم التالى لوالدة غادة حتى يطلب يدها رسميا .. 
واخبرنى انه سيقدم على عمل جديد فى مستشفى خاصة وسيترك تلك المستشفى الحكومى التى يعمل بها 

وتمر الايام .. وتتم خطبة اسماء فى وجود اقرب افراد العائلة .. 
وكانت سعيدة جداا .. 
و اتفقت غادة مع يوسف على ان تكون الخطوبة بعد نتيجة الكلية .. 
وبدأت الدراسة مرة اخرى .. وكنا ننزل الكلية ولكن ليس بانتظام حيث كان الترم ما زال فى بدايته
وبعد اسبوع اتصلت بى غادة لتخبرنى ان ننزل الجامعة لنسأل عن النتيجة .. فقد كان الموعد المحدد لها قد اتى ... فأتفقت مع اسلام ان نتقابل عند مبنى الكلية ..
و تقابلنا .. 
غادة : وحشتونى اوووى يا دزم .. بقالنا 4 ايام مش شوفتكوا 
حنان : وانتى كمان وحشتينى انتى ولسانك الطويل ده ..
اسلام : يعنى فيكى تحكى من غير ما تغلطى ..شكلك راح تعذبى الشاب معك و راح تمشيه عالعجين ما يلغبطه
غادة : اانتوا كلكوا عليا ولا ايه .؟؟ 
حنان : لا يا ستى .. تعالى بقي نشوف النتيجة 
غادة : يالا .. 
و دخلنا الى مبنى الكلية لنجد ان النتيجة تم تعليقها بجوار المعمل .. 
فصعدنا الى الدور الاول و اطلعنا على الاوراق المعلقة .. 
غادة : نجحناااااااااا .. 
حنان : ايوووووة .. مبروووووووووك ... 
اسلام : ليك والله ما عم صدق حالى..  كيف هيك .. بس نحمد الله .. نجحنا يا بنات 
حنان : ايوووة بقي .. اخيرااااا 
غادة : انا عايزة افهم انا نجحت ازااااااى اصلا .. ده احنا هنسمع كلام من الدفعة ..
حنان : ههههههههه عندك حق هيقولوا اننا كنا بنذاكر من وراهم .. 
اسلام : ليش بقي ؟؟.. يعن هنا كمان نجحوا نحمد الله .. بس ايه نحنا كنا بنترعب كتير ونقول ما حلينا شى بس كنا عم نعمل يالى بيطلع بايدنا ونسيب الباقى على الله 
حنان : ايوة صح عندك حق .. انا هكلم احمد اقوله ..
اسلام : ايه وانا بحكى عادل ..
غادة : وانا يعنى اللى وقعت من قعر القفة .. انا هكلم يوسف 

حنان : حبيبى باركلى ..
احمد : النتيجة طلعت ..؟؟ 
حنان : ايوة الحمدلله .. جبت جيد جداا 
احمد :" الف الف مبرووك يا عمرى ايوة بقي عقبال التخرج ان شاء الله 
حنان : يا رب يا روحى .. 
احمد : طيب واسلام وغادة عملوا ايه ؟ 
حنان : جيد جداا بردو ..الحمدلله ..
احمد : هانت فاضل ترم واحد بقي ونخلص 
حنان : حبيبى فاضل سنة كاملة وترم 
احمد : عارف انا بتكلم على فرحنا .. نخلص الترم ده ونعمل احلى فرح
حنان : ان شاء الله يا قلبي 


غادة : يوسف .. انا نتيجتى طلعت 
يوسف : هااه عملتى ايه ؟؟ 
غادة : الحمدلله .. نجحت .. 
يوسف : الحمدلله .. نحدد بقي معاد الخطوبة
غادة : ان شاء الله .. 
يوسف : خلاص انا هكلم طنط بقي عشان نحدد معاد الخطوبة
غادة : تمام .. انا هقفل بقي عشان ماما بتتصل
يوسف : تمام 


غادة : الو .. ايوة يا ماما .. ااه نجحت الحمدلله وجبت جيد جداا .. والله العظيم مش مصدقانى خدى حنان اسأليها .. طيب يعنى هيا عشان صاحبتى هتكدب عليكى ليه ؟.. بصى عايزاكى تعمليلى خروف النهاردة .. نجحت بقي .. ماشى ... الله  يبارك فيكى 

اسلام : حبيبى .. انا نجحت .. ايه روحى .. جبت جيد جداا .. والبنات كمان .. ايه الله يبارك فيك حبيبى .. خلاص بخلص كل شى وبتصل فيك .. ايه حبيبى .. سلام 

ويوم خطوبة غادة .. كنا جميعا متجمعين عند غادة .. 
انا واحمد .. اسلام وعادل .. مدحت و اسماء ... 
حيث كانوا اصدقاء غادة واصدقاء يوسف .. 
وكان اليوم رائع .. 

و انشغلنا بعد ذلك بالدراسة .. 
وذهب احمد ويوسف ومحمود ومدحت لاستقبال صديقهم مصطفى الذى قدم من الامارات لحضور حفل زفاف اصدقائه الثلاثة ..

و فى اخر يوم من امتحاناتى ....

يتبع ..
يا رب تعجبكوا ...