ولا فـى الاحـلام #15

الحلقة الخامسة عشر 

ّّّّّّّّّّّّ~~~~~~~~~~~~
وبعد يومين لم يتغير بهم شئ ..
اتصل بى احمد وكان قد حدد موعد مع اخته لنقابلها ..
وذهبت فى اليوم التالى بعد الجامعة لمقابلتها والتحدث معها ..
واصطحبنى احمد اليها ..
وعندما وصلنا بدأنا التعارف كالمعتاد ..

اسماء : انا اسفة جداا مكنتش اعرف والله انك خطيبته ..

حنان : ولا يهمك يا حبيبتى ... وانا كمان غلطانة ومكنتش اعرف انك اخته 

اسماء : معلش ... غير مسموحلى بالظهور .. لو ظهرت هعمل مشاكل 

احمد : ليه بتقولى كدة يا سمسمة ؟؟ ... انتى اختى بردو مهما كان وانا عمرى ما قصرت معاكى ف حاجة 

اسماء : عارفة والله يا حبيبى .. مش قصدى عليك والله ..

حنان : قصدك عمى عادل ؟؟

اسماء : ممممم و طنط هدى كمان .. والله انا ما زعلانة من حد فيهم خالص .. بالعكس انا بحبهم جدا .. 

حنان : وهما بيحبوكى اكيد ..

اسماء : ههههههه طنط هدى لو تطول تقتلنى كانت عملت كدة من زمان .. بس عارفة ان بابا بيحبنى .. دايما بيسال عليا .. هوا مفيش ف ايده حاجة يعملها .. 

احمد : معلش يا سمسمة .. بكرة تتعدل .. بكرة تتجوزى وهتنسى كل ده ومش هتفكرى غير ف جوزك وبس .. وهتعيشى حياتك  بطريقة تانية ..

اسماء : اتجوز ؟؟ ... ههههههههه .. انتا طيب اووى يا احمد 

حنان : ليه بتقولى كدة ؟؟ .. ان شاء الله ربنا يرزقك بابن الحلال اللى يسعدك .. 

اسماء : ان شاء الله ..

ولاحظت حزن كبير فى عينها .... 

حنان : حبيبى .. انتا مش كان عندك مشوار قلت لازم تروحه ؟؟

احمد : انا قلت كدة .. 

و ضغطت برجلى على قدمه ..

احمد : اه .. طيب انا هستأذن شوية ... نص ساعة وهاجى .. عن اذنكوا ..

اسماء : ما تخليك معانا يا احمد ...

احمد : هروح مشوار بسرعة واجى .. حنان معاكى اهى .. 

اسماء : ماشي ..

و بعد ان ذهب احمد ...

حنان : بقينا لوحدينا اهو .. ممكن تعتبرينى اختك وتقوليلى كل حاجة 

اسماء : اكيد .. انا كان نفسى يكون ليا اخت من زمان ..

حنان : خلاص يبقي احنا من النهاردة اخوات .. ممكن تحكيلى بقي على كل اللى مضايقك ؟؟

اسماء : مفيش حاجة مضيقانى ..

حنان : احنا مش اتفقنا نبقي اخوات .. انا عالرفة ان فى حاجة مضيقاكى .. ايه هيا بقي ؟؟

اسماء : ............

حنان : طيب هوا الموضوع ليه علاقة بجوازك صح ؟؟... لما احمد قال بكرة تتجوزى حسيت ان الامل عندك معدوم خالص ... ممكن افهم ليه  ؟؟

اسماء : تفتكرى حد هيتجوز واحدة مالهاش اهل ؟؟

حنان : مين اللى قال ان مالكيش اهل ؟؟ 

اسماء : بالعقل كدة .. الناس مش هتفهم العلاقة اللى بينا .. انا بالنسبالهم واحدة مالهاش اهل .. او عالاقل انا واحدة ابوها ما قدرش يستحملها ورماها عند خالها .. صح ولا لأ ؟

حنان : مالكيش دعوة بالناس .. كل شئ قسمة ونصيب .. 

اسماء : لا ده كلام بنقنع بيه نفسنا .. احنا مش عايشين لوحدنا ف الدنيا .. كلام الناس اكيدج بيأثر على قراراتنا ..

حنان : انتى بتحبى يا اسماء ؟؟

اسماء : وهتفرق ف ايه يعنى ؟؟... 

حنان : طيب احكيلى كل اللى حصل .. يمكن اقدر اساعدك

اسماء : كان موضوع وعدى .. مالهوش لازمة الكلام فيه ..

حنان : اهو احنا بنتكلم .......

اسماء : طيب .. كان فى واحد عايز يتقدملى .. وكلم والدته وكدة .. بس طبعا لما قالها على ظروفى وانى عايشة مع خالى .. رفضت الموضوع تماما وقالتهل ان كان اهلها مش قادرين يتحملوها فهما مش ملجئ عشان يتحملونى 

حنان : يااه لسة في ناس بتفكر كدة ؟؟ .. طيب هوا عمل ايه ؟؟

اسماء : هيعمل ايه ؟؟ .. اهله مش موافقين .. خلاص الموضوع خلص .. وهيحصل زيه بالظبط .. يبقي ليه ادى لنفسى امل انى ممكن اتجوز ف يوم من الايام ..

حنان : ليه التشاؤم ده .. يا بنتى ربنا يكتبلك الخير .. ادعى انتى بس ربنا .. 

اسماء : يا رب ... والله انا نفسى اتجوز و اخلص .. واترحم بقي من العذاب اللى انا فيه .. اى جوازة مش هتفرق الحب ولا اى حاجة ..

حنان : ليه كدة ؟؟ 

اسماء : عايزة ارتاح يا حنان .. تعبت اووى من المرمطة اللى انا فيها ..

حنان : هوا خالك بيضايقك ؟

اسماء : خالى مفيش زييه .. بالعكس بيعاملنى كويس جداا .. بس .. 

حنان : بس ايه ؟؟

اسماء : مرات خالى .. وابنه كمان .. مش سايبنى ف حالى 

حنان : يعنى ايه مش سايبك ف حالك ؟؟... بيعمل ايه يعنى ؟؟

اسماء : بيغلس عليا ف الرايحة والجاية .. و بيحاول يلمسنى بأى طريقة .. حتى لو كنت بعيدة عنه ..  يسيب الشقة كلها ويجى يعدى من جمبى انا .. 

حنان : ازاى يعنى ؟؟.. وانتى ساكتاله ؟؟.. وما قلتيش لحد ليه ؟؟ 

اسماء : هقول لمين يعنى ؟؟.. خالى كتر خيره انه مقعدنى عنده .. وبابا مش ناقص .. انا عارفة انه مش هيقدر يعمل حاجة .. حتى لو اتخانق مع خالى انا هروح فين ؟؟ 

حنان : لا يا اسماء .. ما ينفعش كدة .. ممكن تسيبيلى انا الموضوع ده .. انا هتصرف 

اسماء : لا .. ابوس ايدك يا حنان ما قوليش لحد .. انا مش عايزة اتقل على اي حد ..

حنان : ما تقلقيش .. محدش هيعرف .. 

وجاء احمد ... 

احمد : ايه يا بنات . بتعملوا ايه ؟؟ 

حنان : مفيش .. كنا بنتكلم شوية ..

احمد : مممم .. ما صدقتوا تكرشونى يعنى ؟؟

حنان : هههههههه ايوة الله .. كلام بنات انتا مالك ؟؟

احمد : بقي كدة ؟.. ماشي .. مالك يا سمسمة مش معانا ليه ؟؟

اسماء : لا ولا حاجة .. ربنا يخليكوا لبعض ويسعدكوا يا رب ..

احمد : يا رب يا سمسم .. وعقبالك ان شاء الله ..

اسماء : ان شاء الله .. 

حنان : مش يالا بينا بقي .. انا اتاخرت ..

احمد : ممم خلاص يالا بينا .. عشاان نوصل اسماء الاول كمان 

اسماء : لا مفيش داعى انا هروح لوحدى ..

احمد : لا ما ينفعش ..هنوصلك الاول وبعدين هبقي اوصل حنان 

اسماء : اللى تشوفه ..

وبعد ان اوصلنا اسماء الى منزل خالها ..

كنا فى الطريق .. 

نظر احمد الىّ وامسك بيدى ..

احمد : مالك يا روحى .. سرحانة ف ايه ؟؟