ف اوضة اميرة (بنت ف ال28 من عمرها
) واللاب توب مفتوح وورق كتير ف كل حته
مامتها بتدخل عليها
" اميرة ... قومي كلمي باباكي عايزك
"
"حاضر يا ماما ثواني وجاية
"
خرجت الام (عفاف
) ووراها اميرة
الاب " تعالي يا اميرة يا بنتي عايزة
اتكلم معاكي ف موضوع مهم اوووي " "
اميرة " خير يا بابا ...قلقتني
" "
" خير يا بنتي .... دلوقتي انتي مش صغيرة
وانا عايز اطمن عليكي قبل ما اموت "
" بعد الشر عليك يا بابا ربنا يخليك لينا
"
"يا حبيبتي انتي واختك اللي ليا ف الدنيا ... واختك اهي كلها كام شهر وتتجوز ,,انا عايز اطمن
عليكي انتي "
" يا بابا انا مش عايزة اتجوز انا مش ممكن
انسي اللي وليد عمله فيااا ...ده خلاني اكره كل الرجالة اللي ف الدنيا "
" يا حبيبتي وهتفضلي كدة لحد امتي ,,الموضوع
دة عدي عليه اكتر من 3 سنين"
" يعني انا هنسي بالسهولة دي...دي جرحني وموت
كل حاجة جوايا "
"بس يا بنتي الحياه مش بتقف علي حد
"
" لا يا بابا انا ااه نسيت وليد بس مش ممكن
انسي جرحه ليا .....معقول بعد الحب ده كله يطلع بيخدعني ....يسبني كده عادي ....انا خلاص شيلت كلمة حب من حياتي
"
دخلت ساره من باب البيت
ساره "السلام عليكم "
" وعليكم السلام "
محمد " تعالي يا سارة يا بنتي عقلي
اختك "
سارة " ايه يا بابا انتا قلتلها علي
احمد "
اميرة " احمد مين ؟؟؟؟!!!!! ....انتي
كنتي تعرفي يا سارة وماقلتليش ؟؟؟؟؟؟؟؟ ""
" والله يا اميرة لسه عارفة امبارح ...وبابا
قالي انه هو اللي هيقولك .."
" ومين احمد دة ؟؟؟"
الام قعدت معاهم بعد ما خلصت اللي وراها
في المطبخ
الام " احمد بيحبك يا اميرة من زماان
وانتي لما اتخطبتي لوليد زعل اوووي ... وافقي يا اميرة دي مش اول مرة يكلم ابوكي ف
الموضوع دة "
اميرة " مش اول مرة !!! ... يعني انا
اخر من يعلم ؟؟"
الاب " يابنتي احمد ابن محمود صاحبي...
وابوة عشرة عمر .. هو كان اتكلم عليكي قبل كدة بس انتي وقتها اتخطبتي لوليد ... وبعد
ما سبتي وليد كلمني تاني ف الموضوع دة وانتي
قلتي مش عايزة تتخطبي ولا تتجوزي واناا قلت لما تنسي شوية" "
اميرة " بس انا لسه علي موقفي ..مش
عايزة اتجوز"
سارة " طيب اقعدي معاه حتي وشوفيه
واتكلمي معاه يمكن يعجبك يا اميرة "
الام " ااه يا بنتي عشان خاطرنا اقعدي
معاه ... الناس جايين بكرة يشوفوكي ..بلاش تحرجي ابوكي "
اميرة " بس يا ماما "
الاب " خلاص يا اميرة براحتك ...
اعملى اللي انتي عايزاه .. احرجينى قدام الناس ... هو انا عشان بحبك ومش بزعلك
تعملى فيا كدة "
ودمعت عين الاب
الاب " انا عايز افرح بيكي يا اميرة
..انا خلاص رجل جوة ورجل برة "
اميرة " ربنا يخليك لينا يا بابا
..حاضر يا بابا هقعد معااه وهتجوزه كمان المهم انتا تبقي مرتاح
"
الام " هو ده عين العقل ... وان شاء
الله هيعجبك ..احمد كويس اوووي ومثقف "
اميرة " ربنا يقدم اللي فيه الخير
..عن اذنكوا عندي شغل "
الاب " ربنا يوفقك يا بنتي "
_--------------------------------------------------------------------------------
ف بيت احمد قاعد احمد و محمود وسامية
احمد " انتا بتتكلم جد يا بابا يعني
بكرة هنروح نخطبها ؟؟؟ "
محمود " ااه انا النهارده اتكلمت مع
محمد ورايحين بكرة ان شاء الله "
سامية " ربنا يسعدك يا بني "
احمد " ربنا يخليكي يا حبيبتي ..انا
بجد مش مصدق نفسي " :)
الباب بيخبط
الام(سامية ) " دة اكيد حسام قوم افتح
لاخوك يا احمد "
احمد " حاضر يا ماما .... حسام عامل
ايه ؟؟؟ "
حسام " الحمدلله انتا عامل ايه يا
كبير "
"تمام ...امال فين ملك مجبتهاش معاك ليه "
" يا عم اقعدلنا علي جنب بقي ..انا يعني هعرف
اشيلها ولا امسكها لوحدي "
"ههههههههههه ... مش عارف تشيل بنتك
.."
"اضحك اضحك ..انا قصدي مش هعرف اخد بالي
منها وبعدين هسوق العربية اززااااي ..وهي اصلا هتستعد عشان تروح معايا بكرة خطوبة عمها
"
"ايه ده انتا عرفت منين
"
"انتا اهبل ..انا اصلا صاحب الفكرة
"
"بجد,,,..بس ازااي انا عايز افهم
"
" انا لما لقيت بابا وعمو محمد بيتكلموا ف
الشغل ..قلتلوا عايزين نفرح باميرة بقي ..قالي يا ريت بس هي توافق ..قمت قايل ما نوفق
راسين ف الحلال ونخطبها ل احمد ...وبابا كمل الباقي بقي ..وعمل الاجراءات الازمة
"
"ههههههههههههه ...الاجراءات اللازمة هو احنا بنمضي ورقة شغل ..اجراءات لازمة ؟؟
"
"قصدي يعني الكلام المطلوب وكدة يعني
"
الاب " المهم اننا بكرة هنروحلهم علي
6 ان شاء الله ... ما تتاخرش بكره ف الشغل "
احمد " اتاخر .. وانا اقدر اتاخر
"
حسام " ههههههههههه ..يا حنين انتا
"
احمد " ربنا يخليكوا ليا يا رب
"
الام " ربنا يتمملك علي خير يابني
"
--------------------------------------------------------------------------------
ف شركة كبيرة للمقاولات احمد معاه ياسر
ياسر " احمد ..احمد .. مالك سرحان
في ايه ؟؟ "
احمد " مفيش بس فرحان شوية "
" يا رب دايما ..بس ايه السبب
"
"هروح اتقدم النهاردة للبنت اللي طول عمري
بحبها "
" الله يسهله يا عم .. بس انتا ما قلتليش
انك كنت مرتبط !!! "
" لا انا مكنتش مرتبط ..انا كنت بحبها من
زمان بس هي كانت رافضة الجواز "
" شكل الموضوع كبير اوووي طيب احكي ايه اللي
حصل ؟؟"
وحكي احمد لصاحبه ياسر الموضوع
------------------------------------------------------------------
ف بيت اميره الكل بيستعد عشان عائلة احمد
علي وصول
اميرة ف اوضتها ومامتها وسارة معاها
سارة " البسي الفستان ده يا اميرة
"
اميرة " فستان ايه بس ؟؟؟"
الام " يعني هتقابلي الناس كدة بالبنطلون
الجينز دة "
اميرة عادي يعني يا ماما "
"
محمد بينادي عليها وبتقوم عفاف (الام )
تطلعله
الام " اتصرفي مع اختك بقي يا سارة
"
سارة " حاضر يا ماما "
اميرة قعدت قدام اللاب توب
سارة " ايه يا اميرة مش هتجهزي ؟؟
"
اميرة " حاضر يا سارة هقوم البس اهو"
"خدي الفستان ده كدة وجربيه
"
"حاضر هعمل كل اللي انتوا عايزينه
"
" اميرة لو مش هتبقي مبسوطة خلاص
"
"لا يا سارة انا اللي يبسطني هو اني اشوفكوا
مبسوطين وراضيين عني "
" ربنا يسعدك يا اميرة يا اختي يا رب
"
" ويسعدك يا حبيبتي "
قامت اميرة لبست االفستان اللي سارة جابتهولها وكان شكلها يجنن ..كانت
اميرة وشبه الاميره فعلا
عفاف " بسم الله ماشاء الله ...قمر يا اميرة .. ربنا يحميكي
لشبابك يا بنتي "
سارة " ايه يا اميرة الحلاوة دي ..كنتي مخبية ده كله فين ؟؟؟
"
عفاف " بنتي طول عمرها زي القمر ...ربنا يسعدك يا بنتي "
اميرة " ويخليكي لينا يا ماما "
============
وصل احمد وعيلته باباه (محمود ) ومامته (سامية ) واخوه (حسام ) ومراته
(غاده ) وبنته (ملك)
اهل اميرة بيرحبوا بيهم جدااا .. والاتنين بيسلموا علي بعض بحميمية
اووي
قعدوا واتكلموا مع بعض شوية وبعدين نادوا علي اميرة
اميرة طلعت من الاوضة وراحت سلمت عليهم وهي باصة ف الارض
محمد " تعالي يا اميرة اقعدي جنب خطيبك "
بصت اميرة لباباها باستغراب وهو بيقول خطيبك
قامت اميرة وقفت بسرعة من مكانها ....
عفاف " في ايه يا اميرة؟؟؟ :"
اميرة " مفيش حاجة بس انا ما وافقتش عالخطوبة "
ليست هناك تعليقات:
إرسال تعليق