الحلقة الثانية :
اميرة طلعت من الاوضة وراحت سلمت عليهم وهي باصة ف الارض
محمد " تعالي يا اميرة اقعدي جنب خطيبك "
بصت اميرة لباباها باستغراب وهو بيقول خطيبك
قامت اميرة وقفت بسرعة من مكانها ....
عفاف " في ايه يا اميرة؟؟؟ :"
اميرة " مفيش حاجة بس انا ما وافقتش عالخطوبة "
محمود " ايه ؟؟؟....هو في ايه يا محمد انتا مش قلت انها موافقة "
محمد " ايوة يا محمود هي قالت موفقة ... ولا ايه يااميرة ؟؟؟؟ "
اميرة " ايوه يا بابا بس انا محتاجة اتكلم معاه الاول "
احمد " يا ريت ... بعد اذنك طبعا يا عمي !! "
محمد " طبعا يا بني .. ادخلوا اقعدوا ف البلكونة شوية "
---------------------------------
قام احمد وراح مع اميرة للبلكونة كان في كراسي شدت اميرة كرسي وقالتله اتفضل اقعد
احمد " حاضر ... انا مبسوط جداا يا اميرة انك طلبتي نتكلم مع بعض الاول "
اميرة " اه كان لازم نتكلم مع بعض واقولك شروطي عشان اقبل اني اتجوزك "
"شروط ؟؟؟؟؟؟؟؟!!!!!!!!!! ...........شروط ايه يا اميرة "
" اه شروط .. انا مش هقدر اخدعك او اكدب عليك "
" ليه ؟؟؟ "
" بص .. انا موافقة اتجوزك ااه .. بس حب وكلام رومانسي وكدة لا "
"يعني ..... ؟؟؟ "
" يعني انا مش هقدر احبك .. وماقدرش اوعدك باي حاجة "
" ااه يعني احنا هنتجوز عالورق بس ؟؟ "
" حاجة زي كدة .. هيبقي جوازنا عادي بس من غير حب "
" طيب يعني مش هتحاولي حتي تحبيني "
" لا انا اصلا مسحت كلمة حب من قاموس حياتي "
" ااه يعني انتي بتطلبي مني اننا نتجوز من غير اي رومانسيات ...جواز تقليدي جداا يعني "
" ااه .. ولو مش موافق علي كلامي .. ممكن ترفض بسهولة "
" طيب وان قلت انا موافق علي شروطك بس بشرط "
" ايه هو الشرط .؟؟ "
"انك تحاولي تحبيني ... قصدي يعني سيبي نفسك وقلبك و ان شاء الله تحبيني "
" انا اكيد هتعامل معاك عادي ... والله اعلم ... بس مش هقدر اوعدك بحاجة "
"خلاص مااشي ..... يبقي انا موافق اننا نتجوز بشروطك وشروطي "
"خلاص وانا اوعدك اني هتعامل معاك كويس وهصون اسمك طول ما انا عايشة "
" انا متاكد من كدة .. بس ممكن اعرف انتي ليه بتعملي كدة ؟؟؟ "
" انا وافقت عشان بابا ... هو استحملني كتير اووي .. ونفسي اسعده واخليه مبسوط بيا "
"اه طيب ممكن بقي نتكلم عننا احنا ؟؟ "
"طيب عايز تعرف ايه "
"طيب ممكن نتكلم مع بعض ف التليفون ونعرف كل حاجة عن بعض ؟؟ "
" تليفون !!!!!!!!!!! ........بس .."
" من غير بس... انتي خلاص هتبقي خطبتي وكلها كام اسبوع وتبقي مراتي "
------------------------------------------------------------
خلصت المقابلة علي تحديد معاد للخطوبة وبعدها ب شهرين الفرح
-----------------------------------
احمد ف الشغل قبل الخطوبة بيومين ... مسك التليفون وبيتصل باميرة "
"الو .. اميرة ...عاملة ايه ؟؟ ...اه تمام الحمدلله .. امتي .. انا لسة ف الشغل هخلص كمان ساعة كدة وهنزل .... طيب ما تتاخروش بقي ... طيب سلام "
-----------------------------------
بعد ساعة نزل احمد من الشغل وكانوا رايحين يجيبوا الشبكة .. وصلوا عند الجواهرجي وطلب من اميرة انها تختار اللي هي عايزاه
احمد " هاه يا اميرة في حاجة عجبتك "
اميرة " اختار انتا عادي "
" لاطبعا ازااي دي شبكتك انتي وهديتك لازم انتي اللي تختاريها "
" مش هتفرق يعني يا احمد مين اللي اختار المهم انها هتتجاب وخلاص "
سامية " ازاي يعني يا بنتي ..انتي اللي هتلبسيها ولازم انتي اللي تختاريها .. وماتخافيش اختاري اللي انتي عايزاه واحمد هيجبهولك ان شاء الله "
" يا طنط والله مش هتفرق انا اصلا مش بحب الدهب ومش بحب البسه "
عفاف " ازاي يعني يا بنتي ..دي فرحة البنت ف شبكتها "
"يا ماما خلاص بقي اللي هيختاره احمد انا موافقة بيه "
مسكها احمد من ايدها وشدها وطلعوا بره المحل
"في ايه انتا ازااي تمسك ايدي كدة اصلا "
" انتي اللي في ايه ؟؟ ...مش لازم كل شوية تحسسيني انك بتكرهيني "
" انا مش بكرهك .."
" بس مش بتحبيني "
" احمد ده كان الاتفاق من الاول وانتا الي وافقت .......... وبعدين فيها ايه يعني .. ايه اللي حصل لكل ده ؟؟ "
" عارفة لو انتي بتحبيني كنت قلت عايزاني اجيب الشبكة علي ذوقي ... بس انتي بتقولي كدة عشان مش فارقة معاكي "
" ايه يعني اخترت الشبكة ولا لأ ..هتفرق ف ايه يعني ؟؟ !! "
" ماااشي يا اميرة .. مش هتفرق ف حاجة ,,, خليهم هما يجيبوا الشبكة ويلا بينا "
" يالا بينا فين ؟؟ "
" عايز اتكلم معاكي ... ايه ولا بلاش دي كمان !! "
" بس انا .... "
وقبل ما تكمل كلامها دخل احمد المحل وقال لمامته ومامت اميرة يختاروا هما الشبكة وانه هياخد اميرة ويمشي
كان ماسك ايد اميرة وهي مش عارفة تعمل ايه ... كانت بتحاول تشيل ايدها من ايده بس هو كان ماسكها جامد .. كانه بيطلع عصبيته بانه يضغط علي ايدها "
---------------------------------
سامية وعفاف بيبصوا لبعض ومستغربين اللي حصل
وقفوا كدة 5 دقايق وقاطعهم الجواهرجي لما عرض عليهم مجموعة تانية من الخواتم
عفاف " معلش يا سامية .. حقك عليا انا "
سامية " وايه اللي يزعلني ف كدة .. هما احرار مع بعض "
" خلاص احنا نختار لهم اي حاجة شيك ونجبها وهما اكيد مش هيعترضوا "
"خلاص عين العقل اختاري الي انتي عايزاه احمد عمره ما هيبخل عليها "
" لا احنا مش عايزين حاجة غالية اووي انا بنتي اصلا مش بتحب الدهب ...هو خاتم واسورة وخلاص "
" خلاص اللي تشوفيه ...بس انا هجبلها هديه مني انا ملهاش دعوة بشبكتها خاالص "
وفضلوا سامية وعفاف يختاروا حاجة شيك وقيمة جدا لاميرة "
--------------------------------
احمد اخد اميرة وركبوا العربية وفاضل سايق من غير ما ينطق بكلمة
اميرة " ممكن اعرف بقي عايز ايه ؟؟ "
احمد " يعني ايه عايز ايه .. ليه اسلوبك دة معايا ؟؟ !! "
اميرة حست باحراج لان فعلا كان اسلوبها بايخ وبدات تتكلم والدموع ف عنيها لان اول مرة حد يزعقلها كدة
"اصل ...... انتا ......اللي حصل ... "
" مكنش قصدي ازعق فيكي كدة ...بس اللي انتي عملتيه مش شوية برضو "
" بس انا ما عملتش حاجة غلط "
"لا غلطي يا اميرة ..انك تحرجينا كلناا قدام الجواهرجي .. وبعدين دلوقتي تعلي صوتك وتقوليلي عايز ايه ؟ ! "
" بس انتا اللي من الاول لو كنت جبت اي حاجة ماكانش حصل كل دة "
" ليه يا اميرة مش قادرة تحسي بيا ؟؟ "
" احمد من فضلك ... يا ريت بلاش تتكلم ف الموضوع ده تاني ... محدش ضربك علي ايدك عشان تتجوزني ."
" اااه عندك حق محدش ضربني علي ايدي .. بس كنت فاكر اني اقدر اخليكي تحبيني "
" وانا قلتلك الكلمة دي ف حد ذاتها مش موجودة ف حياتي "
" وانا ايه ذنبي انك تاخديني بذنب واحد تاني ؟؟ !! "
" ايه ..................... نزلني من فضلك يا احمد "
" تنزلي فين يا اميرة .انا لسة ماخلصتش كلامي "
" احمد من فضلك نزلني "
قالتها اميرة وهي بتزعق ... وبعدها انهارت ف العياط
---------------------------------------------
ف بيت امبرة سامية وعفاف قاعدين بيفرجوا غادة وسارة علي الشبكة
سارة " هي اميرة فين ؟؟ "
عفاف " مش عارفة خدها احمد وقالوا هيتمشوا بالعربية شوية "
سارة " ربنا يسعدهم يا رب "
سامية " نقوم احنا بقي نمشي ... يا دوب نلحق عشان غادة كمان تلحق تروح بيتها "
عفاف " لا والله ما يحصل .. خليكوا معانا .. ولما يجي احمد واميرة نتعشي سوااا "
سامية " ربنا يخليكي يا رب بس معلش خليها مرة تانية. "
غادة " معلش يا طنط مش هينفع انا سايبة ملك مع حسام وزمانه محتاس بيها "
سارة " لا خليكوا قاعدين ونكلم حسام يجيب ملك ويجي "
سامية " مش هينفع .. خلاص الشبكة بعد بكرة وهنفوق بعدها ونعمل اللي احنا عايزينه "
عفاف " ان شاء الله .. ربنا يتمملهم علي خير "
-------------------------------------
ف نفس اللحظة دخلت اميرة وهي بتعيط وكان احمد معاها ..جرت علي اوضتها ووراها غادة وسارة
عفاف " في ايه !!!!!!!!!!!!!!!!! "
احمد " مفيش حاجة يا طنط "
سامية " امال اميرة بتعيط كدة ليه ؟؟ "
" مفيش حاجة يا ماما .. كانت متضايقة بس شوية "
سامية " وايه بس اللي ضايقها ...زعلتها ليه يا احمد "
عفاف " هو ايه اللي حصل بالظبط يا احمد احكيلناا "
" مفيش حاجة يا جماعة .. شوية مشاكل وانا افضل نحلها انا وهي بس ..لو هي عايزة تحكيلك يا طنط دي حاجة ترجعلها هي .......عن اذنكوا "
ونادوا علي غادة ومشوا كلهم
---------------------------
ف اوضة اميرة سارة ومامتها بيحاولوا يفهموا ايه اللي حصل
اميرة بتعيط ومش بتتكلم
مسحت دموعها
اميرة " بعد اذنكوا انا تعبانة وعايزة انام "
عفاف " طيب مش هتشوفي شبكتك يا حبيبتي ؟؟ "
اميرة " بعدين يا ماما مش وقته "
" طيب يا حبيبتي براحتك ...ربنا يهديكوا "
قامت الام وسارة... واميرة فضلت نايمة عالسرير بس مش عارفة تنام من كتر التفكير "
---------------------------
اميرة بتعيط ومنهارة من العياط
احمد " انا اسف يا اميرة ما كنش قصدي اضايقك "
اميرة " من فضلك عايزة اروح "
" بجد ماكنش قصدي يا اميرة "
" انتا تعرف ايه عني او عن حياتي عشان تتهمني كدة "
" انتي ا اميرة اللي مش عايزة تصارحيني باي حاجة ولا تتكلمي معايا ؟؟"
" احمد من فضلك عايزة اروح ... مش عايزة اتكلم ف اي حاجة "
-----------------------------
انهارت اميرة اكتر ف العياط بعد ما افتكرت كل اللي حصل
قعدت تفكر كتير
معقول انا وحشة اوي كدة ؟ معقول هو للدرجادي حاسس اني ظلماه ؟ بس انا ماظلمتش حد !! هو اللي وافق علي كدة من الاول ! طيب بس برضو ماكنش المفروض اتعامل كدة انا برضو اللي وافقت اتجوزه .... انا اللي قلتله هنتعامل عادي وهنبقي زي اي اتنين مخطوبين ...بس ازااي ؟؟؟ !!
وافتكرت اميرة شبكتها هي ووليد !!!!
رائكوااا بقي وتوقعاتكوا :) :)
ليست هناك تعليقات:
إرسال تعليق